ചൈനയിൽ നിന്നുള്ള വ്യത്യസ്‍തങ്ങളായ ഇലക്ട്രിക് വണ്ടികളുടെ വിശേഷങ്ങൾ

Total
0
Shares

ചൈനയിലെ കാന്റൺ ഫെയറിലെ കാഴ്ചകൾ കണ്ടുകൊണ്ടു നടക്കുകയായിരുന്നു ഞങ്ങൾ. ഞങ്ങളെന്നു പറഞ്ഞാൽ ഞാനും മാനുക്കയും. ബാക്കി ആളുകളൊക്കെ കാന്റൺ ഫെയറിനുള്ളിൽ തന്നെയുള്ള മറ്റേതൊക്കെയോ സ്റ്റാളുകളിൽ ആയിരുന്നു. ബിൽഡിങ് മെറ്റിരിയലുകളും സൈക്കിളുകളുമൊക്കെ കണ്ടതിനു ശേഷം ഞങ്ങൾ വാഹനങ്ങളുടെ പ്രദർശനം കാണുവാനായിരുന്നു പിന്നീട് പോയത്.

വാഹനങ്ങളുടെ സ്റ്റാളിലേക്ക് ചെന്നപ്പോൾ ഞങ്ങൾ ശരിക്കും അത്ഭുതപ്പെട്ടുപോയി. കാരണം വ്യത്യസ്തങ്ങളായ ചൈനീസ് നിർമ്മിത വാഹനങ്ങളുടെ ഒരു വലിയ പൂരം തന്നെയായിരുന്നു ഞങ്ങൾക്ക് അവിടെ കാണുവാൻ കഴിഞ്ഞത്. അവിടെ കണ്ട വാഹനങ്ങളെല്ലാം ലെഫ്റ്റ് ഹാൻഡ് ഡ്രൈവ് വണ്ടികളായിരുന്നു. ലൈറ്റ് ഗുഡ്‌സ് വാഹനങ്ങളുടെ കൂട്ടത്തിൽ നമ്മുടെ നാട്ടിലെ അശോക് ലെയ്‌ലാൻഡ് ദോസ്ത് പോലുള്ള വാഹനങ്ങളും കാണുവാൻ സാധിച്ചു.

അവിടെ കണ്ട വാഹനങ്ങളുടെ കമ്പനികളുടെ പേരൊക്കെ അധികമാരും കേൾക്കാത്തതായിരുന്നു. അവിടെയൊക്കെ കുറച്ചു നടന്നു കണ്ടുകഴിഞ്ഞപ്പോഴാണ് ഞങ്ങൾക്ക് ഒരു കാര്യം മനസ്സിലായത്. ലോകമെമ്പാടും പ്രശസ്തമായ വാഹനങ്ങളുടെ മോഡലുകളുടെ രൂപഭാവങ്ങളോടു കൂടിയ വാഹന മോഡലുകളായിരുന്നു അവിടെ ഭൂരിഭാഗവും. ഒരിക്കലും കോപ്പി എന്നു പറയാൻ പറ്റില്ല, പക്ഷേ Concept കടമെടുത്തു നിർമ്മിച്ച് നിരത്തിലിരിക്കിയിരിക്കുകയാണ് ചൈനീസ് വിരുതന്മാർ.

അവിടെ JMMC എന്നൊരു കമ്പനിയുടെ വണ്ടികൾ കണ്ടപ്പോൾ ഗൾഫ് രാജ്യങ്ങളിലൊക്കെ ധാരാളമായി കാണുന്ന GMC എന്ന കമ്പനിയുടെ വാഹനങ്ങളെ ഓർമ്മ വന്നു. ലാൻഡ്റോവറിന്റെ പിൻഭാഗം പോലെ തയ്യാറാക്കിയിരിക്കുന്ന വാഹനത്തിനു ഇവിടെ ചൈനയിൽ ലാൻഡ് വിൻഡ് എന്നായിരുന്നു പേര്. അപ്പുറത്തു നോക്കിയപ്പോൾ അതാ കിടക്കുന്നു ഒരു കുട്ടിബസ്. നമ്മുടെ നാട്ടിൽ അതുപോലുള്ള മോഡലുകൾ കുറവാണെങ്കിലും ഗൾഫ് രാജ്യങ്ങളിലൊക്കെ ഇത്തരം മിനി ബസ്സുകൾ വ്യാപകമാണ്. അതും JMMC കമ്പനിയുടേത് ആയിരുന്നു.

അതിനുമപ്പുറത്തായി ഒരു ചെറിയ കാർ ആയിരുന്നു ഞങ്ങൾക്ക് കാണുവാൻ സാധിച്ചത്. നമ്മുടെ നാട്ടിലെ ഹ്യൂണ്ടായ് EON പോലുള്ള ഒരു ചെറിയ കാർ ആയിരുന്നു അത്. ഓട്ടോമാറ്റിക് ഗിയർ സംവിധാനത്തിലുള്ള ആ കാർ അത്യാവശ്യം ആധുനിക സൗകര്യങ്ങളൊക്കെ ഉള്ളതായിരുന്നു. സന്ദർശകർക്ക് എഞ്ചിൻ കാണുവാനായി ആ കാറിന്റെ ബോണറ്റ് തുറന്നു വെച്ചിട്ടുണ്ടായിരുന്നു. എന്തായാലും അടിപൊളി തന്നെ.

കാറിന്റെ അകത്തേയും പുറത്തെയും സംഭവങ്ങളൊക്കെ കണ്ടു മനസ്സിലാക്കിയ ശേഷം അടുത്ത സ്റ്റാളിലേക്ക് ഞങ്ങൾ നടന്നു. അവിടെയതാ കിടക്കുന്നു CAMC എന്ന പേരുള്ള ഒരു കിടിലൻ ട്രക്ക്. ഒന്നൊന്നര പൊക്കമായിരുന്നു ആ ട്രക്കിന്. അതിന്റെ കാബിനിലേക്ക് കയറുവാനായി ഉയരത്തിലുള്ള മൂന്നു ചവിട്ടുപടികൾ കയറണം. ഒരാൾ പൊക്കമുണ്ട് ഏറ്റവും മുകളിലെ ചവിട്ടു പടി വരെ. ഞാൻ ഒരുകണക്കിന് അതിനകത്തു കയറിപ്പറ്റി. ട്രക്കിന്റെ കാബിനിൽ അത്യാധുനിക സൗകര്യങ്ങളൊക്കെ ഉണ്ടായിരുന്നു. ഒരു പ്രീമിയം ട്രക്ക് ആണെന്നു തോന്നുന്നു.

ട്രക്ക്, കാർ തുടങ്ങിയവയൊക്കെ കണ്ടശേഷം ഞങ്ങൾ പിന്നീട് കണ്ടത് ഒരു കിടിലൻ കാരവൻ ആയിരുന്നു. അകത്ത് ബെഡ്, ടോയ്‌ലറ്റ്, കബോർഡുകൾ, കിച്ചൻ സെറ്റപ്പ് തുടങ്ങി ഒരു കൊച്ചു വീടിന്റെ എല്ലാ സൗകര്യങ്ങളും അതിലുണ്ടായിരുന്നു. ഇതുപോലൊരു കാരവനിൽ താമസിച്ചു സഞ്ചരിച്ചുകൊണ്ട് ഒരു ട്രിപ്പ് പോകണമെന്ന് ആർക്കാണ് ആഗ്രഹമില്ലാത്തത്? എന്റെയും ഒരു സ്വപ്നമാണ് അത്. ആ സ്വപ്നം എന്നെങ്കിലും സഫലമാകും എന്ന വിശ്വാസത്തോടെ ഞങ്ങൾ അടുത്ത സ്റ്റാളിലേക്ക് നീങ്ങി.

ഒരു ബൈക്കിന്റെയത്ര വലിപ്പമുള്ള ഫോർ വീലർ, പലതരം ആവശ്യങ്ങൾക്ക് ഉപയോഗിക്കുന്ന വ്യത്യസ്തതരം ട്രക്കുകൾ, ചലിക്കുന്ന ഹോട്ടലുകളായി ഉപയോഗിക്കാവുന്ന വാഹനങ്ങൾ തുടങ്ങി പലതരം കാഴ്ചകളായിരുന്നു ഞങ്ങൾക്ക് അവിടെ കാണുവാൻ സാധിച്ചത്. എല്ലാം കണ്ടു കണ്ടു തീരുന്നില്ല. ഞങ്ങൾക്കാണെങ്കിൽ അന്ന് അധികം സമയവും ഉണ്ടായിരുന്നില്ല. ബാക്കി വാഹനക്കാഴ്ചകൾ അടുത്ത ദിവസം കാണാമെന്നു ഉറപ്പിച്ച് ഞങ്ങൾ അവിടെ നിന്നും പുറത്തേക്ക് ഇറങ്ങി.

പുറത്ത് ഞങ്ങളുടെ വണ്ടി കാത്തുകിടക്കുന്നുണ്ടായിരുന്നു. ബാക്കി ആളുകളെല്ലാം വണ്ടിയിൽക്കയറി ഞങ്ങളെയും കാത്തിരിപ്പായിരുന്നു. അങ്ങനെ ഞങ്ങളും പിന്നെ ബാക്കി കയറാനുണ്ടായിരുന്ന ഒന്നുരണ്ടു പേരും കൂടി കയറിയതോടെ വണ്ടി അവിടെ നിന്നും ഡിന്നർ കഴിക്കുവാനായി റെസ്റ്റോറന്റിലേക്ക് യാത്രയായി. കിടിലൻ ചൈനീസ് ഡിന്നറും കഴിച്ചു ഞങ്ങൾ അന്നത്തെ കറക്കം അവസാനിപ്പിച്ച് താമസിച്ചിരുന്ന ഹോട്ടലിലേക്ക് യാത്രയായി.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post