ചെന്നൈയിൽ നിന്നും ട്രിച്ചി, ഡിണ്ടിഗൽ വഴി കോഴഞ്ചേരിയിലേക്ക് 11.5 മണിക്കൂർ യാത്ര..

Total
0
Shares

ചെന്നൈ സന്ദർശനത്തിനു ശേഷം ഞങ്ങൾ തിരികെ കോഴഞ്ചേരിയിലേക്കുള്ള മടക്കയാത്ര ആരംഭിച്ചു. രാവിലെ പത്തു മണിയോടെയാണ് ചെന്നൈയിലെ വേലാചേരിയിൽ നിന്നും യാത്ര തുടങ്ങിയത്. ചെന്നൈയിൽ നിന്നും ട്രിച്ചി, ഡിണ്ടിഗൽ വഴിയായിരുന്നു ഞങ്ങൾ കോഴഞ്ചേരിയിലേക്കുള്ള യാത്രയ്ക്കായി തിരഞ്ഞെടുത്തത്. ഞങ്ങളുടെ വണ്ടി കുറേദൂരം ഓടിയിരുന്നതിനാൽ ചെന്നൈയിൽ നിന്നും പുറപ്പെട്ട് അഞ്ചു കിലോമീറ്ററിനുള്ളിൽ വണ്ടിയുടെ ടയറുകളുടെ എയർ പ്രഷർ ചെക്ക് ചെയ്തു. ഇത്തരത്തിൽ ദൂരേക്കുള്ള യാത്രകൾക്ക് മുൻപും വളരെ ദൂരം ഓടിക്കഴിഞ്ഞും വണ്ടികളുടെ ടയർ പ്രെഷർ എല്ലാവരും ഒന്നു ചെക്ക് ചെയ്യുന്നത് നല്ലതായിരിക്കും. അങ്ങനെ ഞങ്ങൾ ചെന്നൈ നഗരത്തോട് വിടപറഞ്ഞു.

ചെന്നൈ വിട്ടതോടെ വഴിയിൽ തിരക്കിന് അൽപ്പം ശമനമായി. പോകുന്ന വഴിയിൽ തമിഴ്‌നാട് ട്രാൻസ്‌പോർട്ട് കോർപ്പറേഷന്റെ പുതിയ AC ഡീലക്സ് ബസ് കാണുവാനിടയായി. പഴയ അൾട്രാ ഡീലക്സ് ബസ്സിൽ നിന്നും വളരെ യാത്രാ സൗകര്യങ്ങൾ മെച്ചപ്പെടുത്തിയാണ് പുതിയ എസി ഡീലക്സ് അവർ പുറത്തിറക്കിയിരിക്കുന്നത്. നല്ല ചൂട് കാലാവസ്ഥയായിരുന്നതിനാൽ കാറിലെ എസി കൂടിയ അളവിൽ പ്രവർത്തിക്കുകയായിരുന്നു. ഇടയ്ക്ക് വഴിയരികിൽ നിന്നും കുക്കുമ്പർ പോലുള്ള ചൂടിനെ പ്രതിരോധിക്കുവാൻ സഹായിക്കുന്ന ഐറ്റങ്ങൾ വാങ്ങി കഴിക്കുകയും ചെയ്തു.

ഞങ്ങൾ പോയ്‌ക്കൊണ്ടിരുന്നത് നല്ല കിടിലൻ ഹൈവേ ആയിരുന്നതിനാൽ മൂന്നു മണിക്കൂർ കൊണ്ട് ഞങ്ങൾക്ക് 200 കിലോമീറ്ററോളം പിന്നിടുവാൻ സാധിച്ചു. വില്ലുപുരത്തിനും ട്രിച്ചിയ്ക്കും ഇടയിലായി ഉളുന്തൂർപേട്ട എന്ന സ്ഥലത്തിനടുത്തുള്ള ഒരു ടോൾ ബൂത്തിന് സമീപം ഞങ്ങൾ വണ്ടി നിർത്തി. അപ്പോൾ സമയം ഉച്ചയ്ക്ക് ഒരു മണിയായിട്ടുണ്ടായിരുന്നു. അവിടെ അടുത്തുള്ള ഒരു ഹോട്ടലിൽ ഞങ്ങൾ ലഞ്ച് കഴിക്കുവാനായി കയറി. നല്ലൊരു വെജിറ്റേറിയൻ റെസ്റ്റോറന്റ് തന്നെയായിരുന്നു ഞങ്ങൾ തിരഞ്ഞെടുത്തത്. ബില്ല് വന്നപ്പോൾ അൽപ്പം കത്തിയായി തോന്നിയെങ്കിലും ഭക്ഷണം നല്ലതായിരുന്നതിനാൽ മനസ്സും നിറഞ്ഞു. അങ്ങനെ ഞങ്ങൾ വീണ്ടും യാത്ര തുടർന്നു.

യാത്രയിൽ ഓരോ അരമണിക്കൂർ കൂടുമ്പോഴും ഓരോ ടോൾ ബൂത്തുകൾ കാണുന്നുണ്ടായിരുന്നു. അവിടെ എല്ലായിടത്തും ഫാസ്റ്റാഗ് സൗകര്യമുണ്ടായിരുന്നതിനാൽ ക്യൂവിൽ കിടക്കാതെ എളുപ്പത്തിൽ പോകുവാൻ ഞങ്ങൾക്ക് സാധിച്ചു. ട്രിച്ചിയ്ക്ക് ഏകദേശം 25 കിലോമീറ്റർ മുൻപായി ഞങ്ങൾ ഒരു പമ്പിൽ കയറി വണ്ടിയുടെ ദാഹം അങ്ങട് തീർത്തു. വൈകീട്ട് മൂന്നു മണിയോടെ ഞങ്ങൾ ട്രിച്ചിയിൽ എത്തിച്ചേർന്നു. തമിഴ്‌നാട്ടിലെ അത്യാവശ്യം നല്ല വലിപ്പവും പേരുകേട്ടതുമായ ഒരു സിറ്റിയാണ് ട്രിച്ചി. കേരളത്തിൽ നിന്നും ധാരാളം വിദ്യാർഥികൾ ഇവിടെയുള്ള കോളേജുകളിൽ പഠിക്കുന്നുണ്ട്.

ട്രിച്ചിയിൽ നിന്നും ഞങ്ങൾ ഡിണ്ടിഗൽ ഭാഗത്തേക്കുള്ള റോഡിലേക്ക് തിരിഞ്ഞു. ട്രിച്ചിയിൽ നിന്നും ഏകദേശം 100 കിലോമീറ്ററിനടുത്തു ദൂരമുണ്ട് ദിണ്ടിഗലിലേക്ക്. ഏകദേശം ഒരു മണിക്കൂർ കൊണ്ട് ഞങ്ങൾ ദിണ്ടിഗലിൽ എത്തി. ദിണ്ടിഗലിൽ നിന്നും വലത്തേക്ക് തിരിഞ്ഞു ഞങ്ങൾ തേനി റൂട്ടിലേക്ക് കയറി. അങ്ങനെ ബൈപ്പാസ് ഹൈവേയോക്കെ മാറി സാധാരണ വഴിയിലൂടെ ഞങ്ങൾ യാത്ര തുടങ്ങി. റോഡൊക്കെ നല്ല കണ്ടീഷനിൽ ഉള്ളതും വീതിയേറിയതുമായിരുന്നു. വഴിക്കുവെച്ച് ചായകുടിക്കുവാനായി ഞങ്ങൾ സമീപത്തു കണ്ട ഒരു ഹോട്ടലിൽ കയറി. ചായകുടിയൊക്കെ കഴിഞ്ഞു ഞങ്ങൾ വീണ്ടും യാത്ര തുടർന്നു.

ശ്വേതയുടെ അച്ഛന് എസിയുടെ തണുപ്പ് നേരിട്ട് അടിക്കുന്നത് ബുദ്ധിമുട്ടുള്ളതിനാൽ അദ്ദേഹം പിന്നിലെ സീറ്റിലേക്ക് മാറി. മുന്നിലെ സീറ്റിലേക്ക് ശ്വേതയും വന്നു. നഗരക്കാഴ്ചകളിൽ നിന്നും മാറി ഗ്രാമക്കാഴ്ചകൾ വന്നുകൊണ്ടിരുന്നു. വഴിയുടെ ഇരുവശത്തും ധാരാളം തെങ്ങുകളും മറ്റുമൊക്കെയായി നല്ല കിടിലൻ ആമ്പിയൻസ്. തേനിയും പിന്നിട്ട് കമ്പം എത്തിയപ്പോഴേക്കും സൂര്യൻ അസ്തമിക്കുന്നതിനുള്ള തയ്യാറെടുപ്പിലായിരുന്നു. കമ്പവും പിന്നിട്ടു ചുരം കയറി ഞങ്ങൾ കേരള അതിർത്തിയിൽ പ്രവേശിച്ചപ്പോഴേക്കും രാത്രിയായിരുന്നു. കുമളി ടൗണിലൊക്കെ അത്യാവശ്യം തിരക്കുണ്ടായിരുന്നു. അങ്ങനെ രാത്രി 9.30 ഓടെ ഞങ്ങൾ കോഴഞ്ചേരിയിലുള്ള എൻ്റെ വീട്ടിൽ എത്തിച്ചേർന്നു. ചെന്നൈയിൽ നിന്നും ഏതാണ്ട് പതിനൊന്നേ മുക്കാൽ മണിക്കൂറോളം യാത്ര ചെയ്താണ് ഞങ്ങൾ കോഴഞ്ചേരിയിൽ എത്തിയത്. എല്ലാവര്ക്കും നല്ല യാത്രാക്ഷീണം ഉണ്ടായിരുന്നതിനാൽ കുളിച്ചു ഭക്ഷണമെല്ലാം കഴിച്ചതിനു ശേഷം ഞങ്ങളെല്ലാം ഉറങ്ങുവാനായി പോയി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post