എറണാകുളത്തു നിന്നും ചെന്നൈയിലേക്ക് ദിവസേന സർവ്വീസ് നടത്തുന്ന ട്രെയിനുകൾ..

Total
0
Shares

സൗത്ത് ഇന്ത്യയിലെ പ്രധാനപ്പെട്ട ഒരു മെട്രോ നഗരമാണ് തമിഴ്‌നാടിന്റെ തലസ്ഥാനമായ ചെന്നൈ. ധാരാളം മലയാളികൾ ജോലിയാവശ്യങ്ങൾക്കായും പഠനത്തിനായും ചെന്നൈയിൽ താമസിക്കുന്നുണ്ട്. ബസ്, ട്രെയിൻ, ഫ്‌ളൈറ്റ് എന്നീ മാർഗ്ഗങ്ങളിലൂടെ ചെന്നൈയിലേക്ക് പോകുവാനും വരുവാനും സാധിക്കും. പക്ഷേ സാധാരണക്കാരായവർ തങ്ങളുടെ യാത്രകൾക്ക് പൊതുവെ ചെലവ് കുറഞ്ഞ ട്രെയിനുകളെയാണ് ആശ്രയിക്കുന്നത്.

മധ്യകേരളത്തിലെ പ്രധാന നഗരമായ എറണാകുളത്തു നിന്നും (വഴി) ചെന്നൈയിലേക്ക് ദിവസേന ട്രെയിനുകൾ സർവ്വീസ് നടത്തുന്നുണ്ട്. എറണാകുളത്ത് പ്രധാനമായും രണ്ടു റെയിൽവേ സ്റ്റേഷനുകളാണ് ഉള്ളത്. എറണാകുളം ടൗൺ (നോർത്ത്), എറണാകുളം ജംഗ്ഷൻ (സൗത്ത്) എന്നിവയാണവ.

എറണാകുളത്തു നിന്നും ചെന്നൈയിലേക്ക് ട്രെയിനിൽ ശരാശരി 13 മണിക്കൂറോളം യാത്രാസമയമുണ്ട്. ചില ട്രെയിനുകൾ 15 മണിക്കൂറോളവും എടുക്കും. എന്തായാലും എറണാകുളം – ചെന്നൈ റൂട്ടിലെ പ്രധാനപ്പെട്ട Daily ട്രെയിനുകളുടെ വിവരങ്ങളും സമയവും ഒക്കെ ഒന്നു അറിഞ്ഞിരിക്കാം.

© Sreenath Sree.

1. ട്രെയിൻ നമ്പർ 12624, തിരുവനന്തപുരം – ചെന്നൈ മെയിൽ : തിരുവനന്തപുരം സെൻട്രൽ സ്റ്റേഷനിൽ നിന്നും യാത്ര തുടങ്ങുന്ന ഈ ട്രെയിൻ എറണാകുളം ടൗൺ (നോർത്ത്) റെയിൽവേ സ്റ്റേഷനിൽ ദിവസേന രാത്രി 7.30 നാണു എത്തിച്ചേരുന്നത്. പിറ്റേ ദിവസം രാവിലെ 7.40 നു ചെന്നൈയിൽ എത്തിച്ചേരുന്ന വിധത്തിലാണ് സമയം ക്രമീകരിച്ചിരിക്കുന്നത്. 12 മണിക്കൂറും 10 മിനിറ്റും ആണ് ഈ ട്രെയിനിന്റെ യാത്രാസമയം. സാധാരണയായി ചിലപ്പോൾ അരമണിക്കൂറോളം താമസിച്ചായിരിക്കും ഈ ട്രെയിൻ എത്തുക.

എറണാകുളം – ചെന്നൈ റൂട്ടിൽ 10 സ്റ്റോപ്പുകളാണ് ഈ സൂപ്പർഫാസ്റ്റ് ട്രെയിനിനുള്ളത്. ഈ റൂട്ടിൽ ദിവസേന സർവ്വീസ് നടത്തുന്നവയിൽ ഏറ്റവും കുറഞ്ഞ സമയം കൊണ്ട് ചെന്നൈയിൽ എത്തിച്ചേരുന്നതും ഈ ട്രെയിനാണ്. ടിക്കറ്റ് നിരക്കുകൾ : ജനറൽ – 211 Rs, സ്ലീപ്പർ – 395 Rs, AC3 – 1050 Rs, AC2 – 1490 Rs, AC ഫസ്റ്റ് ക്ലാസ്സ് – 2515 Rs.

2. ട്രെയിൻ നമ്പർ 12696, തിരുവനന്തപുരം – ചെന്നൈ സൂപ്പർഫാസ്റ്റ് എക്സ്പ്രസ്സ്‌ : തിരുവനന്തപുരത്തു നിന്നും യാത്ര തുടങ്ങുന്ന ഈ ട്രെയിൻ എറണാകുളം ടൗൺ (നോർത്ത്) റെയിൽവേ സ്റ്റേഷനിൽ ദിവസേന രാത്രി 9.45 നാണു എത്തുന്നത്. ചെന്നൈയിൽ പിറ്റേന്ന് രാവിലെ 10 മണിക്ക് എത്തിച്ചേരുകയും ചെയ്യും. 12 മണിക്കൂർ 15 മിനിറ്റ് യാത്രാ സമയമുള്ള ഈ ട്രെയിനിന് 10 സ്റ്റോപ്പുകളാണ് ഉള്ളത്. ടിക്കറ്റ് നിരക്കുകൾ : ജനറൽ – 211 Rs, സ്ലീപ്പർ – 395 Rs, AC3 – 1050 Rs, AC2 – 1490 Rs.

3. ട്രെയിൻ നമ്പർ 22640, ആലപ്പി – ചെന്നൈ സൂപ്പർഫാസ്റ്റ് എക്സ്പ്രസ്സ്‌ : ആലപ്പുഴയിൽ നിന്നും യാത്രയാരംഭിക്കുന്ന ഈ ട്രെയിൻ എറണാകുളം ജംക്ഷനിൽ (സൗത്ത് സ്റ്റേഷൻ) വൈകുന്നേരം 5.20 നാണു എത്തിച്ചേരുന്നത്. പിറ്റേദിവസം രാവിലെ 5.50 നു ചെന്നൈയിൽ എത്തിച്ചേരുകയും ചെയ്യും. 12 മണിക്കൂർ 30 മിനിറ്റ് യാത്രാസമയമെടുക്കുന്ന ഈ ട്രെയിനിന് എറണാകുളത്തിനും ചെന്നൈയ്ക്കും ഇടയിൽ 21 സ്റ്റോപ്പുകളുണ്ട്. സാധാരണയായി ഏകദേശം അരമണിക്കൂറോളം വൈകിയായിരിക്കും ട്രെയിൻ എത്തുക. ടിക്കറ്റ് നിരക്കുകൾ : ജനറൽ – 211 Rs, സ്ലീപ്പർ – 400 Rs, AC3 – 1060 Rs, AC2 – 1505 Rs.

4. ട്രെയിൻ നമ്പർ 13352, ആലപ്പുഴ – ധൻബാദ് (ടാറ്റാ നഗർ – Split) എക്സ്പ്രസ്സ്‌ : ആലപ്പുഴയിൽ നിന്നും യാത്രയാരംഭിക്കുന്ന ഈ ട്രെയിൻ എറണാകുളം ജംക്ഷനിൽ (സൗത്ത് സ്റ്റേഷൻ) രാവിലെ 7.10 നാണു എത്തിച്ചേരുന്നത്. അന്നേ ദിവസം രാത്രി 10.05 നു ചെന്നൈയിൽ എത്തിച്ചേരുകയും ചെയ്യും. 14 മണിക്കൂർ 55 മിനിറ്റ് യാത്രാസമയമെടുക്കുന്ന ഈ ട്രെയിനിന് എറണാകുളത്തിനും ചെന്നൈയ്ക്കും ഇടയിൽ 19 സ്റ്റോപ്പുകളുണ്ട്. ടിക്കറ്റ് നിരക്കുകൾ : ജനറൽ – 197 Rs, സ്ലീപ്പർ – 370 Rs, AC3 – 1015 Rs, AC2 – 1460 Rs.

മുകളിൽ പറഞ്ഞിരിക്കുന്ന സമയവിവരങ്ങളെല്ലാം റെയിൽവേയുടെ ലിസ്റ്റിൽ ഉള്ളതാണെങ്കിലും പല കാരണങ്ങൾ കൊണ്ടും ട്രെയിനുകൾ ചിലപ്പോൾ വൈകിയേക്കാം. ട്രെയിനുകളിൽ സഞ്ചരിച്ചിട്ടുള്ളവർക്ക് കാര്യം മനസ്സിലായിട്ടുണ്ടാകും. എന്തായാലും എറണാകുളത്തു നിന്നും ഏറ്റവും ചെലവ് കുറച്ച് ചെന്നൈയിലേക്ക് പോകുവാൻ ഏറ്റവും നല്ല മാർഗ്ഗം ട്രെയിനുകൾ തന്നെയാണ്. സുഖകരമായ രാത്രി യാത്രയ്ക്ക് സ്ലീപ്പർ ക്ലാസ്സ് തിരഞ്ഞെടുക്കുക. സീറ്റുകൾ റിസർവ്വ് ചെയ്യുന്നതിനായി www.irctc.co.in സന്ദർശിക്കുക. അപ്പോൾ എല്ലാവർക്കും ഹാപ്പി ജേർണി..

വിവരങ്ങൾക്ക് കടപ്പാട് – indiarailinfo.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post