ദൽ ലേക്കിലെ ഹൌസ് ബോട്ടിലെ താമസവും ശിക്കാര വള്ളത്തിലൂടെയുള്ള സായാഹ്‌ന യാത്രയും

Total
0
Shares

കശ്മീരിലെ ധൂത്പത്രി എന്ന കിടിലൻ സ്ഥലത്ത് പോയതിനു ശേഷം ഞങ്ങൾ തിരികെ ശ്രീനഗറിൽ എത്തി. ശ്രീനഗറിലെ പ്രശസ്തമായ ദാൽ തടാകത്തിലൂടെ ഒരു ശിക്കാര വഞ്ചി യാത്രയായിരുന്നു ഞങ്ങളുടെ ലക്‌ഷ്യം. ഞങ്ങളുടെ ഗൈഡ് ഷാഫിയുടെ കെയറോഫിൽ ശിക്കാര വള്ളങ്ങൾ ഉണ്ടായിരുന്നു. ദാൽ തടാകക്കരയിലെ ജെട്ടിയിൽ നീണ്ടു നിരന്നങ്ങനെ കിടക്കുകയാണ് നമ്മുടെ ശിക്കാര വള്ളങ്ങൾ. ഓരോന്നിനും ഓരോ പേരുകളൊക്കെ ഇട്ടിട്ടുണ്ട്. ‘ന്യൂ സൺഷൈൻ ഡീലക്സ്’ എന്ന ബോട്ടിലായിരുന്നു ഞങ്ങൾ കയറിയത്.

ഞങ്ങളെല്ലാം ആദ്യമായിട്ടായിരുന്നു അതുപോലുള്ള ശിക്കാര വള്ളത്തിൽ യാത്ര ചെയ്യുന്നത്. എമിലിന്റെ വാക്കുകൾ കടമെടുത്താൽ ‘മണിയറ’ ഒരുക്കിയിരിക്കുന്നത് പോലെയായിരുന്നു വള്ളത്തിനുള്ളിൽ ഞങ്ങൾക്ക് അനുഭവപ്പെട്ടത്. ദാൽ തടാകത്തിലെ ഒരു ബോട്ട് പോലെയായിരുന്നു നമ്മുടെ ഷാഫിയുടെ വീട്. ഞങ്ങൾ വള്ളത്തിൽ സഞ്ചരിച്ചു ഷാഫിയുടെ വീടിനോടു ചേർന്ന് അടുപ്പിച്ചു. ഞങ്ങളുടെ ബാഗൊക്കെ ഷാഫിയുടെ വീട്ടിൽ വെച്ചതിനു ശേഷം ഞങ്ങൾ വീണ്ടും സവാരി തുടർന്നു.

ദാൽ തടാകത്തിൽ ഒട്ടും തിരക്കുകളൊന്നും ഉണ്ടായിരുന്നില്ല. സഞ്ചാരികളൊക്കെ വള്ളത്തിൽ സവാരി നടത്തുന്നുണ്ടായിരുന്നെങ്കിലും ആകെക്കൂടി നല്ല നിശ്ശബ്ദതയായിരുന്നു അവിടെ. കുറച്ചു സമയത്തെ സവാരിയ്ക്കു ശേഷം ഞങ്ങൾ ഷാഫിയുടെ സ്വന്തം ഹൗസ് ബോട്ടിലേക്ക് കയറി. അവിടെയാണ് ഇന്ന് ഞങ്ങളുടെ താമസം. പുറമെ നിന്നും കാണുന്നതു പോലെയായിരുന്നില്ല ഹൌസ് ബോട്ടിന്റെ അകത്തെ കാഴ്ചകൾ. അകത്ത് നല്ല കിടിലൻ സെറ്റപ്പ് തന്നെയായിരുന്നു. വിക്ടോറിയൻ കാലഘട്ടത്തിലെ നിർമ്മാണരീതിയിൽ ഉള്ള ഹൌസ് ബോട്ടുകളാണ് ദാൽ തടാകത്തിൽ നിലകൊള്ളുന്നത്. കുറച്ചു സമയം ഹൗസ് ബോട്ടിലെ കാഴ്ചകളൊക്കെ കണ്ടതിനു ശേഷം ഞങ്ങൾ ഹൗസ്ബോട്ടിലെ ഡൈനിംഗ് റൂമിൽ എത്തി. അവിടെ ഷാഫിയുടെ അച്ഛനും സഹോദരനും ഞങ്ങളെ വരവേൽക്കാൻ നിൽക്കുന്നുണ്ടായിരുന്നു.

ഡൈനിങ്ങ് ഹാളിൽ നിന്നും പിന്നീട് ഞങ്ങൾ വീണ്ടും ശിക്കാര വള്ളത്തിൽ ഒരു സായാഹ്‌ന സവാരിയ്ക്കായി നീങ്ങി. ഒക്ടോബർ മാസത്തിലാണ് അവിടം സന്ദർശിക്കുവാൻ ഏറ്റവും അനുയോജ്യമായ സമയമെന്നു ഷാഫി ഞങ്ങളോട് പറഞ്ഞു. അങ്ങനെ വിശേഷങ്ങളൊക്കെ പറഞ്ഞുകൊണ്ട് ഞങ്ങൾ തടാകത്തിന്റെ കാതലായ ഭാഗത്തേക്ക് നീങ്ങി. അങ്ങനെ പൊയ്ക്കൊണ്ടിരിക്കുമ്പോഴാണ് ഞങ്ങളുടെ വള്ളത്തെ ചുറ്റിപ്പറ്റി വഞ്ചിയിൽ സഞ്ചരിക്കുന്ന കച്ചവടക്കാർ വന്നത്. ഒരുതരത്തിൽ പറഞ്ഞാൽ ഫ്‌ളോട്ടിങ് മാർക്കറ്റ് തന്നെ. ഫോട്ടോഗ്രാഫർമാർ മുതൽ സ്വർണ്ണക്കച്ചവടക്കാർ വരെയുണ്ടായിരുന്നു അക്കൂട്ടത്തിൽ.

തടാകത്തിൽ കിടക്കുന്ന ഹൌസ് ബോട്ടുകൾക്കിടയിലൂടെ ഞങ്ങൾ ദാൽ തടാകത്തിന്റെ സായാഹ്‌ന സൗന്ദര്യം ആസ്വദിച്ചുകൊണ്ട് തുഴഞ്ഞു നീങ്ങി. ഹിമാലയന്‍ മലനിരകളുടെ പശ്ചാത്തലം തടാകത്തെ കൂടുതല്‍ മനോഹരമാക്കി. യാത്രയ്ക്കിടയിൽ ഷാഫിയുടെ വക നല്ല പാട്ടുകളും ഞങ്ങൾക്ക് ആസ്വദിക്കാൻ പറ്റി. അതിലൂടെയുള്ള വഞ്ചിയാത്ര നടത്തുന്നതിനിടെ എനിക്ക് ഓർമ്മ വന്നത് ‘കീർത്തിചക്ര’ സിനിമയിലെ “ഖുദാസേ മന്നത്..” എന്ന പാട്ടും അതിലെ രംഗങ്ങളുമായിരുന്നു. അങ്ങനെ പോകെപ്പോകെ നേരം ഇരുട്ടി തുടങ്ങിയിരുന്നു. അതോടെ ഞങ്ങൾ തിരികെ ഞങ്ങൾ താമസിക്കുന്ന ഹൗസ് ബോട്ടിലേക്ക് യാത്രയായി.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post