ലാൻഡ് ക്രൂയിസറിൽ ഒരു കിടിലൻ Desert സഫാരിയും, ബെല്ലി ഡാൻസും, ഒരു ബാർബിക്യൂ ഡിന്നറും

Total
0
Shares

ബുർജ്ജ് ഖലീഫയും, ദുബായ് മാളും കറങ്ങിയതിനു ശേഷം ഞങ്ങൾ പിന്നീട് പോയത് ഡെസേർട്ട് സഫാരിയ്ക്കായാണ്. അതായത് മരുഭൂമിയിലൂടെയുള്ള യാത്ര. ദെയ്‌റ ട്രാവൽസ് ആയിരുന്നു ഞങ്ങൾക്കായി ഈ പ്രോഗ്രാം സംഘടിപ്പിച്ചത്. ദുബായിൽ വരുന്നവർ തീർച്ചയായും അനുഭവിച്ചറിയേണ്ട ഒരു സംഭവം തന്നെയാണ് ഡെസേർട്ട് സഫാരി. ലാൻഡ് ക്രൂയിസർ ആയിരുന്നു ഞങ്ങൾ ഡെസേർട്ട് സഫാരിയ്ക്ക് പോകുവാനായി തിരഞ്ഞെടുത്ത വാഹനം. അങ്ങനെ വൈകുന്നേരത്തോടെ ഞങ്ങൾ ഡെസേർട്ട് സഫാരിയ്ക്കായി യാത്രയാരംഭിച്ചു.

കണ്ണൂർ സ്വദേശിയായ രജിത്ത് ആയിരുന്നു ഞങ്ങളുടെ ലാൻഡ് ക്രൂയിസറിന്റെ സാരഥി. പ്രത്യക്ഷത്തിൽ ചിരിക്കാത്ത മുഖഭാവമാണെങ്കിലും രജിത്ത് ആള് ഒരു പുലിയാണ്. അത് മനസ്സിലാക്കിയത് പിന്നീടായിരുന്നു. 45 മിനിറ്റോളം യാത്ര ചെയ്തു വേണം മരുഭൂമിയിൽ എത്തിച്ചേരുവാൻ. ഡെസേർട്ട് സഫാരിയ്ക്കായി പ്രത്യേകം തയ്യാറാക്കിയതായിരുന്നു ഞങ്ങളുടെ വണ്ടി.
വാഹനത്തിന്റെ അകത്ത് മുകൾ ഭാഗത്തായി സേഫ്റ്റി കണക്കിലെടുത്ത് കുറെ എക്സ്ട്രാ ഫിറ്റിങ്സ് ഒക്കെയുണ്ടായിരുന്നു. അബദ്ധവശാൽ മറിയുകയോ അപകടത്തിൽപ്പെടുകയോ ചെയ്‌താൽ യാത്രക്കാർക്ക് പരിക്കേൽക്കാതിരിക്കുവാൻ വേണ്ടിയാണിത്.

അങ്ങനെ മുക്കാൽമണിക്കൂറോളം നീണ്ട യാത്രയ്ക്കു ശേഷം ഞങ്ങൾ മരുഭൂമിയിൽ എത്തിച്ചേർന്നു. മരുഭൂമി ദൃശ്യമായപ്പോൾ എൻ്റെ മനസ്സിൽ ഒരു അറബിക് മ്യൂസിക് തനിയെ വന്നു. ഡെസേർട്ട് സഫാരി തുടങ്ങുന്നയിടത്ത് ധാരാളം ടൂറിസ്റ്റുകളെ ഞങ്ങൾക്ക് കാണുവാൻ സാധിച്ചു. കുറച്ചു സമയം ഇനി അവിടെ റെസ്റ്റ് ഉണ്ട്. ആ സമയത്ത് നമ്മുടെ വണ്ടി മരുഭൂമിയിലെ യാത്രയ്ക്കു വേണ്ട തയ്യാറെടുപ്പുകൾ നടത്തും. ടയറുകളിലെ കാറ്റ് കളയലാണ് പ്രധാന പണി. ആ സമയത്ത് ഞങ്ങൾ മണൽപ്പരപ്പിൽ പൊളാരിസ് ബൈക്കുകൾ ഓടിച്ചു രസിച്ചു. ചെറിയ പൊടിക്കാറ്റ് ഉണ്ടായിരുന്നതിനാൽ കണ്ണിൽ പൊടി പോകാതിരിക്കുവാൻ കൈയിലുണ്ടായിരുന്ന സൺഗ്ളാസ് ഉപകരിച്ചു.

ഏകദേശം 15 മിനിട്ടുകൾക്ക് ശേഷം ഞങ്ങളുടെ വണ്ടി സഫാരിയ്ക്കായി തയ്യാറായി. അങ്ങനെ ഞങ്ങൾ മരുഭൂമിയിലേക്ക് ഡ്രൈവ് ചെയ്തു. അവിടെ ഞങ്ങളെക്കൂടാതെ വേറെയും വണ്ടികൾ ഉണ്ടായിരുന്നു. മരുഭൂമിയിലെ ചെറിയ മണൽക്കുന്നുകളിൽക്കൂടി ഉയർന്നും താഴ്ന്നുമൊക്കെ ഞങ്ങളുടെ ലാൻഡ്‌റോവർ അവൻ്റെ പ്രകടനം പുറത്തെടുക്കുവാൻ തുടങ്ങി. സീറ്റ് ബെൽറ്റ് ഇട്ടിരുന്നതുകൊണ്ടു മാത്രമായിരുന്നു ഞങ്ങൾ സീറ്റിൽ നിന്നും വീണു പോകാതിരുന്നത്. ഞങ്ങളുടെ സാരഥി രജിത്ത് ആളൊരു പുലിയാണെന്നു ഈ അപാര ഡ്രൈവിംഗിലൂടെ തെളിയിച്ചു.

ജീവിതത്തിൽ ആദ്യമായിട്ടായിരുന്നു ഒരു വാഹനത്തിൽക്കയറി ഇത്രയും ആടിയുലഞ്ഞുകൊണ്ടുള്ള യാത്ര. ധാരാളം ഓഫ്‌റോഡ് യാത്രകൾ ചെയ്തിട്ടുണ്ടെങ്കിലും ഇതുപോലൊരെണ്ണം ഇതാദ്യം. മണൽക്കുന്നുകളിലേക്ക് വണ്ടി പാഞ്ഞുകയറിയിട്ട് താഴേക്ക് കുത്തനെ ഇറങ്ങുമ്പോഴെല്ലാം ഞങ്ങൾ ഉറക്കെ അലറിവിളിച്ചിരുന്നു. എമിൽ മാത്രം ചിരിച്ചുകൊണ്ട് ഇരുന്നു. ലവൻ മുൻപേ ഇതൊക്കെ ട്രൈ ചെയ്തിരിക്കണം. അല്ലാതെ ഇതുപോലെ കൂളായി ഇരിക്കാൻ സാധ്യതയില്ല. ഡ്രൈവർ ചേട്ടനാണെങ്കിൽ നിർവികാരനായായിരുന്നു വണ്ടിയോടിച്ചിരുന്നത്. അങ്ങനെ സൂര്യൻ അസ്തമയത്തോടടുത്തപ്പോഴേക്കും ഡെസേർട്ട് സഫാരി അവസാനിപ്പിച്ച് ഞങ്ങൾ അടുത്ത പരിപാടിയ്ക്കായി നീങ്ങി.

കിടിലനൊരു ഡെസേർട്ട് ക്യാമ്പ് ആയിരുന്നു ഞങ്ങളുടെ അടുത്ത ലക്‌ഷ്യം. ‘റോയൽ അഡ്വഞ്ചർ’ എന്നു പേരുള്ള ഡെസേർട്ട് ക്യാമ്പിലായിരുന്നു ഞങ്ങൾ കയറിയത്. അവിടെ ഞങ്ങൾ പ്രശസ്തമായ ബെല്ലി ഡാൻസും, കിടിലൻ അറേബ്യൻ ഫുഡും ഒക്കെയാണ് ഇനി. ബെല്ലി ഡാൻസ് എന്നൊക്കെ കേട്ട് ആരും നെറ്റി ചുളിക്കേണ്ട. അത് കാണാൻ വരുന്നവരിൽ ഭൂരിഭാഗവും ഫാമിലികളാണ്. ബെല്ലി ഡാൻസിന്റെ സമയത്തുള്ള അറബിപ്പാട്ട് കേട്ടാൽ ആരുമൊന്നു ശരീരം വിറപ്പിച്ചു ഡാൻസ് കളിച്ചു പോകും. ബെല്ലി ഡാൻസിനു ശേഷം ഞങ്ങൾ ഭക്ഷണം കഴിക്കുവാനായി നീങ്ങി. ആ സമയത്ത് ഫയർ ഡാൻസ് പോലുള്ള മറ്റു പരിപാടികൾ അവിടെ അരങ്ങേറുകയായിരുന്നു. എന്തായാലും പരിപാടികളും ഭക്ഷണവും കിടിലൻ തന്നെ. എല്ലാറ്റിനുമൊടുവിൽ അറബി വേഷത്തിൽ ഞാനും ശ്വേതയും കൂടി ഒരു ഫോട്ടോയ്ക്ക് പോസ് ചെയ്യുകയും ചെയ്തു.

1 comment
  1. മലയാളം ബ്ലോഗ് ന് google adsense കിട്ടുമോ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post