അഡ്വഞ്ചർ എക്‌സ്‌പ്ലോർ ചെയ്യാൻ വയനാട്ടിലെ ‘വണ്ടർ കേവ്സ്’

Total
0
Shares

ലാൻഡ്‌സ് എൻഡ് റിസോർട്ടിലെ താമസത്തിനു ശേഷം പിറ്റേദിവസം രാവിലെ തന്നെ ഹൈനാസ്‌ ഇക്ക എന്നെ വിളിക്കുകയുണ്ടായി. വയനാട്ടിൽ അധികമാർക്കും അറിയാത്ത ഒരു സ്ഥലത്തേക്ക് പോകാമെന്നാണ് ഇക്ക പറഞ്ഞത്. കേട്ടപാതി കേൾക്കാത്തപാതി ഞാൻ എഴുന്നേറ്റു റെഡിയായി. അൽപ്പസമയത്തിനകം ഇക്കയും കൂട്ടുകാരും എത്തിച്ചേർന്നു. കുറെ നേരം ഞങ്ങൾ കൽപ്പറ്റയിലും പരിസരങ്ങളിലുമായി കറങ്ങി നടന്നു.

ഹൈനാസ്‌ ഇക്കയുടെ കൂട്ടുകാർ രാവിലെ അൽപ്പം തിരക്കിലായിരുന്നു. നേരം ഉച്ചയോടടുത്തപ്പോഴാണ് എല്ലാവരും ഒന്നു ഫ്രീയായത്. അതോടെ ഞങ്ങളുടെ അന്നത്തെ ലൊക്കേഷൻ ഹണ്ടിന് തുടക്കമായി. ഞങ്ങൾ പോകുവനായി തിരഞ്ഞെടുത്തത് വണ്ടർ കേവ്സ് എന്ന അധികമാരും അറിയാത്ത വയനാടൻ ഗുഹകളിലേക്ക് ആയിരുന്നു. വണ്ടർ കേവ്സ് എന്നത് ഒരു അഡ്വഞ്ചർ എക്‌സ്‌പ്ലോർ ചെയ്യാൻ ഇഷ്ടപ്പെടുന്നവർക്കുള്ള സ്ഥലമാണ്. അങ്ങനെ ഞങ്ങൾ യാത്ര തുടങ്ങി.

പോകുന്നവഴിയിൽ നല്ല നാടൻ ഊണ് കിട്ടുന്ന ക്ലേ പോട്ട് എന്ന ഒരു ഹോട്ടലിൽ ഹൈനാസ്‌ ഇക്ക വണ്ടി നിർത്തി. വാഴയിലയിൽ ചോറും കറികളും സാമ്പാറും മത്തി പൊരിച്ചതും കൂടാതെ കഞ്ഞിയും കപ്പയും ഒക്കെ അവിടെ ലഭിക്കുമായിരുന്നു. നല്ല രുചികരമായ ഊണ് ആയിരുന്നു. ഞങ്ങളെല്ലാം ആസ്വദിച്ചു കഴിച്ചു. ഊണ് കഴിച്ചു കഴിഞ്ഞു ഞങ്ങൾ വീണ്ടും യാത്ര തുടർന്നു.

കുറച്ചു സമയത്തെ യാത്രയ്ക്കുശേഷം ഞങ്ങൾ വണ്ടർ കേവ്‌സിൽ എത്തിച്ചേർന്നു. ഡിസ്കവർ വയനാട് ടീമിൽപ്പെട്ട അഡ്വഞ്ചർ സ്പെഷ്യലിസ്റ്റ് ആയ എബ്രഹാം ചേട്ടൻ അവിടെ ഞങ്ങളെ കാത്തു നിൽപ്പുണ്ടായിരുന്നു. എബ്രഹാം ചേട്ടന് ഈ സ്ഥലമൊക്കെ കാണാപ്പാഠമായിരുന്നു. അവിടത്തെ ഓരോ പാറയ്ക്കും എബ്രഹാം ചേട്ടൻ ഓരോരോ പേരുകൾ ഇട്ടു വിളിക്കുന്നുണ്ടായിരുന്നു.

മൊത്തം ഏഴു പ്രകൃതിദത്തമായ ഗുഹകൾ അടങ്ങിയതാണ് വണ്ടർ കേവ്സ്. ഈ ഗുഹകളുടെയുള്ളിൽ നിന്നും ഏതു സമയത്തും തണുത്ത കാറ്റ് പുറത്തേക്ക് വരുമത്രേ. ഈ തണുത്ത കാറ്റ് കാരണം ആ പ്രദേശം മുഴുവനും നല്ല തണുപ്പായിരിക്കും അനുഭവപ്പെടുക. ഈ അത്ഭുത പ്രതിഭാസം ഉള്ളതുകൊണ്ടാണ് ഇതിനു വണ്ടർ കേവ്സ് എന്ന പേര് വന്നത്.

ഞങ്ങൾ എല്ലാവരും ഗുഹയിലേക്ക് കയറി. ഞങ്ങൾക്ക് മുൻപിലായി ഹെഡ് ലൈറ്റ് ഒക്കെ ധരിച്ച് വഴികാട്ടിയായി എബ്രഹാം ചേട്ടനും. വയനാട്ടിൽ എല്ലാവരും കേട്ടിട്ടുള്ളതും പ്രശസ്തമായതും എടക്കൽ ഗുഹകളാണ്. പക്ഷേ വണ്ടർ കേവ്സ് എടക്കൽ ഗുഹകൾ പോലെ ചരിത്രപ്രാധാന്യം അർഹിക്കുന്നതല്ല, പക്ഷെ ഭൂമിശാസ്ത്രപരമായി ഒട്ടേറെ വിശേഷങ്ങൾ ഉള്ളതാണ്. ഈ ഗുഹകളെക്കുറിച്ച് ധാരാളം വിവരങ്ങൾ എബ്രഹാം ചേട്ടൻ ഞങ്ങൾക്ക് പറഞ്ഞു തരികയുണ്ടായി. എല്ലാം എനിക്ക് പുതിയ അറിവുകളായിരുന്നു.

അങ്ങനെ ഞങ്ങൾ നടന്നു നടന്നു ഗുഹയുടെ മുകൾഭാഗത്ത് എത്തിച്ചേർന്നു. അവിടെ ടെന്റ് അടിച്ചു താമസിക്കുന്നതിനായുള്ള സെറ്റപ്പുകൾ ഉണ്ട്. ഇത് ഒരു സ്വകാര്യ വ്യക്തിയുടെ സ്ഥലമായതിനാൽ മറ്റുള്ളവർക്ക് ഇവിടത്തെ കാര്യങ്ങളിൽ അനാവശ്യമായി തല കടത്തുവാൻ സാധിക്കില്ല. അത് ഒരു കണക്കിന് നന്നായി. വണ്ടർകേവ്‌സിൽ വന്നിട്ട് ഞാൻ വണ്ടറടിച്ചുപോയി എന്നു പറഞ്ഞാൽ മതിയല്ലോ. തായ്‌ലൻഡ് പോലുള്ള രാജ്യങ്ങളിലെ ഗുഹകളിൽപ്പോയ പോലെ ഒരു ഫീൽ കിട്ടും ഇവിടെ വന്നാൽ.

ഇവിടെ ട്രെക്കിംഗിനും ഗുഹകൾ എക്‌സ്‌പ്ലോർ ചെയ്യാനും, ടെന്റുകൾ അടിച്ച് താമസിക്കാനും, ഗുഹകൾക്കുള്ളിൽ താമസിക്കാനും ക്യാമ്പ് ഫയർ ഉൾപ്പെടെയുള്ള സൗകര്യങ്ങൾ പ്രയോജനപ്പെടുത്താനും സാധിക്കും. കൂടുതൽ വിവരങ്ങൾക്ക് വിളിക്കുക: 9526100222.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post