പാക് അതിർത്തിയിൽ നിന്നും പഞ്ചാബ് ഗ്രാമങ്ങളിലൂടെ ഒരു ഡ്രൈവ്

Total
79
Shares

പാക്കിസ്ഥാൻ സന്ദർശനത്തിനു ശേഷം ഞങ്ങൾ തിരികെ ഡൽഹിയിലേക്ക് യാത്രയാരംഭിച്ചു. ബൈജു ചേട്ടന് മാരുതി കമ്പനി റിവ്യൂ ചെയ്യാൻ നൽകിയിരുന്ന മാരുതിയുടെ എസ് ക്രോസ്സ് കാറിലായിരുന്നു ഞങ്ങളുടെ യാത്ര. വീതി കുറവാണെങ്കിലും നല്ല വൃത്തിയുള്ള റോഡ്. പഞ്ചാബ് ഗ്രാമങ്ങൾക്കിടയിലൂടെയുള്ള ആ യാത്ര ഞങ്ങൾ ശരിക്കും ആസ്വദിച്ചു. ചിലയിടങ്ങളിൽ മനോഹരമായ കാഴ്ചകൾ കണ്ട് ഞങ്ങൾ വണ്ടി നിർത്തി ഇറങ്ങിയിരുന്നു.

റോഡിനിരുവശത്തുമുള്ള കൃഷികളെക്കുറിച്ച് കൂടെയുണ്ടായിരുന്ന അനൂപ് ടെക്നൊളജിസ്റ്റ് നന്നായി വിവരിച്ചു തന്നു. അങ്ങനെ കാഴ്ചകൾ കണ്ടു പോകുന്നതിനിടെ റോഡരികിലെ വിശാലമായ പറമ്പിൽ ഒരു എരുമ ഫാം ശ്രദ്ധയിൽപ്പെട്ടു. എരുമകളെക്കുറിച്ചും അനൂപ് വാചാലനായി. മുറെ എന്ന ഇനത്തിൽപ്പെട്ട എരുമകളാണ് അവയെന്ന് ഞങ്ങൾ മനസ്സിലാക്കി. അനൂപ് ടെക്നൊളജിസ്റ്റ് എന്ന പേര് വെറുതെയല്ല എന്ന് എനിക്ക് മനസ്സിലായി. അറിവുകളുടെ കാര്യത്തിൽ ആള് ഒരു ഒന്നൊന്നര പുലിയാണ്.

എരുമ ഫാമിന്റെ അരികിലൂടെയുണ്ടായിരുന്ന ചെറിയ നാട്ടുവഴിയിലൂടെ ഞങ്ങൾ ചുമ്മാ നടന്നു. ഫാമിനു സമീപത്തായി ആളുകൾ താമസിക്കുന്നുമുണ്ട്. നമ്മുടേത് പോലത്തെ വലിയ വീടുകളല്ല, മണ്ണ് കൊണ്ടുണ്ടാക്കില്ല ചെറിയ കുടിലുകളിലായിരുന്നു അവിടത്തുകാർ താമസിച്ചിരുന്നത്. അവരുടെ സമ്മതത്തോടെ ഒരു വീട്ടിൽ ഞങ്ങൾ ഒന്ന് കയറിനോക്കി. പുറമെ നിന്നും നോക്കിയാൽ ഒരു കുടിൽ എന്നു തോന്നുമെങ്കിലും അകത്ത് നല്ല വൃത്തിയുള്ളതായാണ് ഞങ്ങൾക്ക് കാണുവാൻ കഴിഞ്ഞത്. അതുപോലെത്തന്നെ തൊഴുത്തുകളും നല്ല വൃത്തിയും വെടിപ്പുമുള്ളവയായിരുന്നു.

പഞ്ചാബികൾ പൊതുവെ വളരെ സ്നേഹമുള്ളവരായാണ് എനിക്ക് അനുഭവപ്പെട്ടിട്ടുള്ളത്. കേരളത്തിൽ നിന്നും വന്ന നമ്മളെ അതിഥികളെപ്പോലെയാണ് അവർ കണക്കാക്കുന്നത്. അങ്ങനെ ഗ്രാമക്കാഴ്ചകൾ കണ്ടുകൊണ്ട് ഞങ്ങൾ വീണ്ടും ഡൽഹി ലക്ഷ്യമാക്കി യാത്ര തുടർന്നു. രാത്രിയാകുന്നതിനു മുൻപ് ഡൽഹിയിൽ എത്തുമെന്ന് തോന്നുന്നില്ല. അതുകൊണ്ട് ചിലപ്പോൾ യാത്ര ലുധിയാന വരെയായിരിക്കും.

ഗ്രാമങ്ങൾ പിന്നിട്ട് ഞങ്ങൾ നഗരത്തിലേക്ക് കടന്നു. പഞ്ചാബിന്റെ സൗന്ദര്യം അവിടത്തെ ഗ്രാമങ്ങളിലാണ്. നഗരക്കാഴ്ചകൾ എവിടാതെയും പോലെത്തന്നെ മടുപ്പിക്കുന്ന തരത്തിലുള്ളതായിരുന്നു. പതിവിലും ഭയങ്കര തിരക്കായിരുന്നു പിന്നീടങ്ങോട്ട് ഞങ്ങൾക്ക് അനുഭവപ്പെട്ടത്. അങ്ങനെ ഞങ്ങളുടെ യാത്ര ലുധിയാന വരെ എത്തിയില്ല. ജലന്ധർ കഴിഞ്ഞുള്ള ഒരു സ്ഥലത്ത് ഹോട്ടൽ റൂമെടുത്തു ഞങ്ങൾ താങ്ങുവാൻ തീരുമാനിച്ചു. നല്ല ക്ഷീണം ഉണ്ടായിരുന്നതിനാൽ ഡിന്നറും കഴിച്ചു നേരെ ബെഡിലേക്ക് വീണു.

പിറ്റേന്ന് രാവിലെ തന്നെ ഹോട്ടലിൽ നിന്നും ചെക്ക്‌ഔട്ട് ചെയ്തു ഞങ്ങൾ അവിടെനിന്നും യാത്ര പുറപ്പെട്ടു. കുറെ അലഞ്ഞതിനു ശേഷം ഞങ്ങൾ ബ്രേക്ക് ഫാസ്റ്റ് കഴിക്കുവാനായി ഒരു ധാബ കണ്ടെത്തി. അവിടെ നിന്നും പഞ്ചാബി സ്പെഷ്യൽ പൊറോട്ടയും പരിപ്പ് കറിയും കടലക്കറിയും കൂട്ടി ബ്രേക്ക്ഫാസ്റ്റ് ഉഷാറാക്കി. നല്ല വിശപ്പുണ്ടായിരുന്നതിനാൽ നല്ല രുചിയായിരുന്നു ഞങ്ങൾക്ക് ആ ഭക്ഷണത്തിനു അനുഭവപ്പെട്ടത്.

ഡൽഹിയിലേക്ക് പിന്നെയും 300 കിലോമീറ്ററുകളോളം ഞങ്ങൾക്ക് താണ്ടുവാനുണ്ടായിരുന്നു. ഞങ്ങൾ വിശേഷങ്ങൾ പങ്കുവെച്ചുകൊണ്ട് യാത്ര ആസ്വദിച്ചങ്ങു പോയി.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post