അഹമ്മദാബാദിൽ നിന്നും വഡോദരയിലേക്ക് എക്സ്പ്രസ്സ് ഹൈവേയിലൂടെ ഒരു കിടിലൻ ഡ്രൈവ്

Total
0
Shares

നാല് ദിവസത്തെ അഹമ്മദാബാദ് കറക്കമെല്ലാം കഴിഞ്ഞു പിറ്റേദിവസം രാവിലെ തന്നെ അത്രയും ദിവസം ഞങ്ങൾ താമസിച്ച ഹോട്ടലിനോട് വിടപറഞ്ഞു.അടുത്ത പ്ലാൻ മറ്റൊന്നുമല്ല, പ്രശസ്തമായ സ്റ്റാച്യു ഓഫ് യൂണിറ്റി കാണാൻ പോകണം. രണ്ടു മാസം മുൻപ് ഞാൻ അവിടെ പോയതാണെങ്കിലും അച്ഛനും അമ്മയും അനിയനും കൂടി കാണുവാൻ വേണ്ടിയാണ് വീണ്ടും അവിടേക്ക് തന്നെ യാത്രയായത്. അങ്ങനെ ഞങ്ങൾ അഹമ്മദാബാദ് സിറ്റിയിലെ തിരക്കുകളെല്ലാം കഴിഞ്ഞു ഞങ്ങൾ എക്സ്പ്രസ്സ് ഹൈവേയിലേക്ക് കയറി. അഹമ്മദാബാദിൽ നിന്നും വഡോദരയിലേക്ക് എക്സ്പ്രസ്സ് ഹൈവേയിലൂടെ ഒരു കിടിലൻ ഡ്രൈവ് ആണ് ഇനി. NE 1 (മഹാത്മാഗാന്ധി എക്സ്പ്രസ്സ് ഹൈവേ) എന്നാണു ഈ എക്സ്പ്രസ്സ് ഹൈവേയുടെ പേര്. ഞാൻ ആദ്യമായിട്ടാണ് ഒരു എക്സ്പ്രസ്സ് ഹൈവേയിലൂടെ ഡ്രൈവ ചെയ്യുന്നത്.

ടൂവീലറുകൾ, ഓട്ടോറിക്ഷകൾ തുടങ്ങിയ ചെറു വാഹനങ്ങൾക്ക് എക്സ്പ്രസ്സ് ഹൈവേയിലൂടെ പോകുവാൻ പാടില്ല. ഞങ്ങൾ Zoom Car ൽ നിന്നും വാടകയ്ക്ക് എടുത്തിരുന്ന കാർ ആയതിനാൽ 80 കി.മീ. വേഗതയിൽ സ്പീഡ് ഗവർണർ ഘടിപ്പിച്ചിരുന്നു. അതിനാൽ എക്സ്പ്രസ്സ് ഹൈവേയിലൂടെ ചീറിപ്പാഞ്ഞു പോകുവാൻ ഞങ്ങൾക്ക് കഴിഞ്ഞില്ല. പക്ഷേ അതിൽ ഞങ്ങൾക്ക് സങ്കടവുമില്ല, പതിയെ കാഴ്ചകൾ കണ്ടുകൊണ്ട് ഞങ്ങൾ യാത്ര തുടർന്നു. ഇപ്പോൾ പുതുതായി പണിയുന്ന എക്സ്പ്രസ്സ് ഹൈവേകൾക്ക് കുറഞ്ഞത് ആറുവരിപ്പാതയെങ്കിലും ഉണ്ടാകും. എന്നാൽ ഇത് പഴയ എക്സ്പ്രസ്സ് ഹൈവേ ആയതിനാൽ നാല് വരിപ്പാതയായിരുന്നു. എങ്കിലും നല്ല വീതിയുള്ളതാണ്. കാറുകളെല്ലാം 100 – 140 കിലോമീറ്റർ വേഗത്തിലായിരുന്നു ചീറിപ്പാഞ്ഞു പോയ്‌ക്കൊണ്ടിരുന്നത്. GSRTC യുടെ ബസ്സുകളും ഹൈവേയിലൂടെ സർവ്വീസ് നടത്തുന്നുണ്ട്.

എക്സ്പ്രസ്സ് ഹൈവേയിൽ ടോൾ കൊടുക്കേണ്ടതായുണ്ട്. വഡോദര വരെ 110 രൂപയാണ് കാറുകൾക്ക് ടോൾ തുക. എക്സ്പ്രസ്സ് ഹൈവേയിലേക്ക് കയറിക്കഴിഞ്ഞാൽ പിന്നെ തോന്നുന്നയിടത്തൊന്നും വാഹനം നിർത്തുവാൻ പാടില്ല എന്നതാണ് നിയമം. അതുപോലെ തന്നെ വളരെ അപകടസാധ്യതയുള്ള ഏരിയയാണ് എക്സ്പ്രസ്സ് ഹൈവേ എന്നു മനസ്സിലായത് Zoom Car ൽ നിന്നും വന്ന മെസ്സേജ് കണ്ടപ്പോൾ ആയിരുന്നു. “നിങ്ങൾ ഇപ്പോൾ പ്രവേശിച്ചിരിക്കുന്നത് അപകടസാധ്യതയുള്ള ഏരിയയിലാണ്. ശ്രദ്ധിച്ചു ഡ്രൈവ് ചെയ്യുക” എന്നതായിരുന്നു അവരുടെ മെസ്സേജ്. നമ്മൾ സഞ്ചരിക്കുന്ന കാറിന്റെ GPS ട്രാക്ക് ചെയ്താണ് അവർ നമ്മൾ എവിടെയാണെന്നൊക്കെ മനസിലാക്കുന്നത്. എന്തായാലും സംഭവം കൊള്ളാം.

അങ്ങനെ വഡോദര എത്താറായപ്പോൾ ഹൈവേയിൽ നിന്നും പുറത്തേക്ക് മാറി ഒരു റസ്റ്റ് ഏരിയയും പെട്രോൾ പമ്പുമൊക്കെ സ്ഥിതി ചെയ്യുന്നുണ്ട്. അവിടെ കുറച്ചു സമയം വിശ്രമിച്ചിട്ട് ഞങ്ങൾ വീണ്ടും എക്സ്പ്രസ്സ് ഹൈവേയിലേക്ക് കയറി വഡോദര ലക്ഷ്യമാക്കി നീങ്ങി. അങ്ങനെ വഡോദര എത്തിയപ്പോൾ ഞങ്ങൾ എക്സ്പ്രസ്സ് ഹൈവേയിൽ നിന്നും പുറത്തു കടന്നു. പിന്നീട് ഞങ്ങൾ സ്റ്റാച്യു ഓഫ് യൂണിറ്റിയിലേക്കുള്ള സ്റ്റേറ്റ് ഹൈവേയിലൂടെ യാത്രയാരംഭിച്ചു. അപ്പോഴേക്കും സമയം ഉച്ചയായിരുന്നു. ഞങ്ങൾക്ക് വിശപ്പിന്റെ വിളി വന്നു തുടങ്ങി. വഴിയരികിൽ കണ്ട ഒരു നല്ലതെന്നു തോന്നിച്ച ഹോട്ടലിൽ കയറി ഞങ്ങൾ ഭക്ഷണം കഴിച്ചു. അവിടെ കണ്ട വ്യത്യസ്തമായ ഒരു കാര്യമെന്തെന്നാൽ ഹോട്ടലിൽ നിന്നും പാഴ്‌സൽ വാങ്ങിയാൽ 10% ഡിസ്‌കൗണ്ട് ലഭിക്കും. നമ്മുടെ നാട്ടിലാണെങ്കിൽ പാഴ്‌സലിന് എക്സ്ട്രാ പൈസ വാങ്ങുന്ന ഹോട്ടലുകാരാണ് കൂടുതലും. എന്താല്ലേ? അങ്ങനെ ഭക്ഷണശേഷം ഞങ്ങൾ വീണ്ടും യാത്ര തുടർന്നു.

വഴിയ്ക്ക് ഇരുവശത്തുമായി ധാരാളം പരുത്തികൃഷിത്തോട്ടങ്ങൾ കാണാമായിരുന്നു. അങ്ങനെ യാത്രയ്‌ക്കൊടുവിൽ ഞങ്ങൾ സ്റ്റാച്യു ഓഫ് യൂണിറ്റിയിൽ എത്തിച്ചേർന്നു. അച്ഛനും അമ്മയും അനിയനുമെല്ലാം വളരെ ഹാപ്പിയായിരുന്നു. രാത്രിയായപ്പോൾ സ്റ്റാച്യു ഓഫ് യൂണിറ്റിയിലെ അതിമനോഹരമായ ലേസർഷോയും ഞങ്ങൾ ആസ്വദിച്ചു കണ്ടു. ഹോ… അത് ശരിക്കും നേരിട്ടനുഭവിച്ചറിയേണ്ട കാര്യം തന്നെയാണ്. വല്ലാത്തൊരു ഫീൽ ആയിരിക്കും. ഒരിന്ത്യക്കാരൻ എന്നതിൽ നമുക്ക് അഭിമാനിക്കാം. അങ്ങനെ സ്റ്റാച്യു ഓഫ് യൂണിറ്റിയിൽ നിന്നും ഞങ്ങൾ ഒരു ബന്ധുവിന്റെ വീട്ടിലേക്ക് യാത്രയായി. ഇനി ഞങ്ങൾ അൽപ്പം കുടുംബകാര്യങ്ങളിലേക്ക് കടക്കട്ടെ. അപ്പോൾ എല്ലാവർക്കും നന്ദി.. ബൈ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post