ദൂദിയയിൽ നിന്നും മിറിക്, നേപ്പാൾ ബോർഡർ വഴി ഡാർജീലിംഗിലേക്ക് ഒരു മഴയാത്ര !!

Total
1
Shares

നദിയിലെ കുളിയും കളിയുമൊക്കെ കഴിഞ്ഞു ഞങ്ങൾ യാത്ര തുടർന്നു. മിറിക്, നേപ്പാൾ ബോർഡർ വഴി ഡാർജീലിംഗിലേക്ക് ആയിരുന്നു ഞങ്ങളുടെ യാത്ര. ഞങ്ങൾ മുന്നേ കുളിച്ച നടിയുടെ മുകളിലൂടെയുള്ള പാലം കടന്നായിരുന്നു ഞങ്ങൾ പിന്നീട് പോയത്. യാത്ര തുടങ്ങിയപ്പോഴേക്കും മഴയാരംഭിച്ചിരുന്നു. പാലം കടന്നുള്ള ഏരിയ പിന്നീട് ഹൈറേഞ്ചിൻറെ തുടക്കമായിരുന്നു. ഏതാണ്ട് മുന്നാറിലേക്കൊക്കെ പോകുന്ന പോലത്തെ റോഡ്. വഴിയിൽ അധികം തിരക്കുകൾ ഒന്നും തന്നെ ഉണ്ടായിരുന്നില്ല. കുറച്ചു നേരത്തെ യാത്രയ്ക്കു ശേഷം ഞങ്ങൾ കയറ്റം കയറുവാൻ ആരംഭിച്ചു.

പോകുന്ന വഴിയ്ക്ക് ഒരു ഹെയർപിൻ വളവ് എത്തിയപ്പോഴാണ് താഴെയുള്ള കാഴ്ച ഞങ്ങൾ വ്യക്തമായി കണ്ടത്. ഞങ്ങൾ അത്യാവശ്യം നല്ലരീതിയിൽത്തന്നെ കയറി ഉയരത്തിലെത്തിയെന്നു ഞങ്ങൾ മനസ്സിലാക്കിയത് അങ്ങനെയാണ്. അവിടെയുള്ള ഒരു വ്യൂ പോയിന്റിനരികെ ഞങ്ങൾ വണ്ടി നിർത്തി കാഴ്ചകൾ കണ്ടാസ്വദിച്ചു. അവിടെവെച്ച് ഒരു പാവം അമ്മൂമ്മ ചുമലിൽ വലിയൊരു പച്ചയിലക്കെട്ടുകളുമായി നടന്നു പോകുന്നതു കണ്ടു. അമ്മൂമ്മയോട് ഞങ്ങൾ വിശേഷങ്ങളൊക്കെ പങ്കുവെക്കുകയും ഒരുമിച്ചു നിന്ന് ഫോട്ടോകൾ എടുക്കുകയും ചെയ്തു. അമ്മൂമ്മ ഞങ്ങളോട് യാത്ര പറഞ്ഞു പോയതിനു ശേഷം രണ്ടു സൈക്കിൾ യാത്രികരെ പരിചയപ്പെട്ടു. ഞങ്ങൾ കാറിൽ കയറിയ ആ കയറ്റങ്ങളൊക്കെ അവർ സൈക്കിളിൽ ചവിട്ടിക്കയറി എന്നറിഞ്ഞപ്പോൾ വല്ലാത്ത അത്ഭുതം തോന്നി.

വീണ്ടും മഴ തുടങ്ങിയപ്പോൾ ഞങ്ങൾ അവിടെ നിന്നും വീണ്ടും യാത്രയായി. പോകുന്ന വഴിക്കുവെച്ച് ‘ഐ ലവ് മിറിക്ക്’ എന്ന ബോർഡിനരികിൽ മഴയായിട്ടു കൂടിയും ഞങ്ങൾ വണ്ടി നിർത്തി. അവിടെ നിന്നുകൊണ്ട് ഫോട്ടോകൾ എടുത്തതിനു ശേഷം ഞങ്ങൾ മിറിക്ക് ടൗണിലേക്ക് പ്രവേശിച്ചു. നല്ല തിരക്കേറിയ ഒരു കൊച്ചു ടൗണായിരുന്നു മിറിക്ക്. സമയം വൈകുന്നേരം നാലരയായിരുന്നെങ്കിലും മിറിക്കിൽ മഴയോടൊപ്പം മഞ്ഞു വീണു തുടങ്ങിയിരുന്നു. ഏതാണ്ട് ഊട്ടിയിലൊക്കെ ചെന്ന ഒരു ഫീൽ. ഊട്ടിയിലെപ്പോലെ ഒരു തടാകവും അവിടെയുണ്ട്. ആ തടാകത്തിൽ ബോട്ടിംഗ് ഒക്കെ ഉണ്ടായിരുന്നെങ്കിലും സമയം കഴിഞ്ഞതിനാൽ എല്ലാം നിർത്തിയിരുന്നു. തടാകത്തിൽ നിറയെ മീനുകൾ ഉണ്ട്. ഈ മീനുകൾക്ക് കൊടുക്കുവാനായി അതിനരികിൽ പൊരി വിൽപ്പനക്കാരും ഉണ്ട്. ഞങ്ങൾ അവരിൽ നിന്നും ഒരു പാക്കറ്റ് പൊരി വാങ്ങി മീനുകൾക്ക് ഭക്ഷണമായി ഇട്ടുകൊടുത്തു.

പോകുന്ന വഴിക്ക് മിറിക്ക് ടൗണിൽ നിന്നു തന്നെ ഞങ്ങൾ വണ്ടിയിൽ ഡീസൽ നിറച്ചു. 68 രൂപയായിരുന്നു അവിടെ ഡീസലിന്റെ വില. അങ്ങനെ ഞങ്ങൾ വീണ്ടും നഗരത്തിരക്കുകളിൽ നിന്നും പച്ചപ്പ് നിറഞ്ഞ സ്വർഗ്ഗതുല്യമായ ഏരിയകളിലേക്ക് കടന്നു. തേയിലത്തോട്ടങ്ങളൊക്കെ കണ്ടപ്പോൾ മൂന്നാർ എത്തിയപോലെയാണ് ഞങ്ങൾക്ക് തോന്നിയത്. മലയാളികൾ പൊതുവെ കുറവായി എക്‌സ്‌പ്ലോർ ചെയ്തിട്ടുള്ള ഒരു ഏരിയയാണ് ഇതെന്നാണ് കരുതുന്നത്. എന്തായാലും അടിപൊളി സ്ഥലം തന്നെ. ഇന്ത്യ – നേപ്പാൾ ബോർഡറിനരികിലൂടെയുള്ള ചുരം റോഡിലൂടെയായിരുന്നു ഞങ്ങൾ പൊയ്‌ക്കൊണ്ടിരുന്നത്. മഴയോടൊപ്പം നല്ല കോടമഞ്ഞും റോഡിലേക്ക് ഇറങ്ങി.

അങ്ങനെ കോടമഞ്ഞിനേയും മഴയെയും വകഞ്ഞുമാറ്റിക്കൊണ്ട് ഞങ്ങളുടെ കാർ ഇന്ത്യ – നേപ്പാൾ ബോര്ഡറില് എത്തിച്ചേർന്നു. അതാ മീറ്ററുകൾക്കപ്പുറം ഇന്ത്യയുടെ അയൽരാജ്യമായ നേപ്പാൾ.. ഈ യാത്രയിൽ ഞങ്ങൾ നേപ്പാളിൽക്കൂടി പോകുന്നുണ്ടെങ്കിലും അത് ഭൂട്ടാനിലെ പോയതിനു ശേഷം എന്ന രീതിയിലാണ് ഞങ്ങൾ ട്രിപ്പ് പ്ലാൻ ചെയ്തിരിക്കുന്നത്. ഞങ്ങൾ ചെക്ക് പോസ്റ്റിൽ കയറി അവിടെയുണ്ടായിരുന്ന ബി.എസ്.എഫ്. ജവാന്മാരോട് വിശേഷങ്ങളൊക്കെ ചോദിച്ചറിഞ്ഞു. അവർ ഞങ്ങളോട് വളരെ സൗഹാർദ്ദപരമായായിരുന്നു പെരുമാറിയത്.

അങ്ങനെ ബോർഡറും ചെക്ക്പോസ്റ്റുമൊക്കെ കണ്ടതിനു ശേഷം, ചെക്ക് പോസ്റ്റിനരികിലൂടെയുള്ള റോഡിലൂടെ ഞങ്ങൾ വീണ്ടും യാത്ര തുടർന്നു. പോകുന്ന വഴിയിൽ ചുരത്തിൽ വെച്ച് വഴിയരികിലായി കുറച്ചു കടകൾ കണ്ടു. അവിടെ ഒരു വ്യൂ പോയിന്റും കൂടി ഉണ്ടായിരുന്നതിനാൽ ഞങ്ങൾ അവിടെ വണ്ടി നിർത്തി. കടകളൊക്കെ സമയം കഴിഞ്ഞതിനാൽ അടച്ചു പോയിരുന്നു. അവിടെ വെച്ച് പരിചയപ്പെട്ട ഒരു വഴിയാത്രക്കാരനിൽ നിന്നുമായിരുന്നു കൗതുകകരമായ ആ സത്യം ഞങ്ങൾ മനസിലാക്കിയത്. ഞങ്ങൾ വണ്ടി നിർത്തിയ ആ വഴി ഇന്ത്യയിലും വഴിയരികിലുള്ള കടകളെല്ലാം നേപ്പാളിലുമാണ് സ്ഥിതി ചെയ്യുന്നത്. ഇവിടെ രണ്ടു രാജ്യങ്ങളെ തമ്മിൽ വേർതിരിക്കുന്നത് ഒരു ചെറിയ ഓടയായിരുന്നു. അങ്ങനെ ഞങ്ങൾ ഭൂട്ടാനിലെ എത്തുന്നതിനും മുന്നേ തന്നെ നേപ്പാളിൽ കാലുകുത്തി. അവിടെ നിന്നുകൊണ്ട് കുറെ ഫോട്ടോകൾ എടുത്തതിനു ശേഷമാണ് ഞങ്ങൾ പിന്നീടുള്ള യാത്ര തുടങ്ങിയത്.

നല്ല തണുപ്പ് വന്നു തുടങ്ങിയതിനാൽ ഞങ്ങൾ ജാക്കറ്റൊക്കെ എടുത്തു ധരിച്ചു. ഈ സമയം ഞാൻ വീഡിയോ എടുത്തിരുന്നത് സാംസങ് ഗ്യാലക്സി ഫോൺ ഉപയോഗിച്ചായിരുന്നു. ഗിമ്പൽ ഒക്കെ ഉപയോഗിച്ചിരുന്നതിനാൽ അത്യാവശ്യം സ്റ്റെബിലിറ്റി ഒക്കെ ലഭിക്കുകയുണ്ടായി. ഈ ഫോൺ എനിക്ക് പരിചയപ്പെടുത്തി തന്നതിന് എറണാകുളം പെന്റാ മേനകയിലെ നെക്സസ് കമ്മ്യൂണിക്കേഷനിലെ ശിഹാബ് ഇക്കയ്ക്ക് നന്ദി പറയുന്നു. അങ്ങനെ ഞങ്ങൾ യാത്ര തുടർന്ന് സുഖിയ എന്നു പേരുള്ള ഒരു ടൗണിൽ എത്തിച്ചേർന്നു. അപ്പോഴേക്കും നേരം ഇരുട്ടിയിരുന്നു. ടൗണിലെ റോഡുകൾ ആണെങ്കിൽ വളരെ ഇടുങ്ങിയതും. ഒടുവിൽ ഞങ്ങൾ ആ ടൗണും കഴിഞ്ഞു വീണ്ടും ഡാര്ജിലിംഗ് ലക്ഷ്യമാക്കി യാത്രയായി.

പോകുന്ന വഴിയുടെ അരികിലായി ട്രെയിനിനു സഞ്ചരിക്കുവാനുള്ള പാളങ്ങൾ കടന്നു പോകുന്നതു കാണാമായിരുന്നു. ഒടുവിൽ ഞങ്ങൾ ഡാർജിലിംഗ് നഗരത്തിൽ എത്തിച്ചേർന്നു. സത്യത്തിൽ ഡാര്ജിലിംഗ് ഞങ്ങൾ വിചാരിച്ച പോലൊരു സ്ഥലമായിരുന്നില്ല. ഒരു കോൺക്രീറ്റ് കാട് എന്നേ ഡാർജിലിംഗിനെ ഞങ്ങൾക്ക് വിശേഷിപ്പിക്കുവാനാകൂ. അവിടെ റൂമുകൾക്കൊക്കെ വല്ലാതെ കൂടിയ നിരക്കായിരുന്നു. വണ്ടി കൂടെയുള്ളതിനാൽ പാർക്കിംഗ് സൗകര്യങ്ങളുള്ള ഹോട്ടലുകളിൽ മാത്രമേ ഞങ്ങൾക്ക് താമസിക്കുവാൻ സാധിക്കുമായിരുന്നുള്ളൂ. ഡാർജിലിംഗിൽ ഞങ്ങൾ റൂം എടുക്കാൻ ചുറ്റിയത് 3 മണിക്കൂർ സമയമാണ്. ഒടുവിൽ അവിടെ പരിചയമുള്ള ഒരു സുഹൃത്തിന്റെ സഹായത്തോടെ ഒരു മുന്തിയ ഹോട്ടലിൽ ആറായിരത്തോളം രൂപ മുടക്കി ഞങ്ങൾ റൂമെടുത്തു. വേറെ നിവൃത്തിയുണ്ടായിരുന്നില്ല. പിറ്റേദിവസം രാവിലത്തെ ഫ്രീ ബ്രേക്ക്ഫാസ്റ്റ് തിന്നുമുടിപ്പിച്ച് റൂമിനു കൊടുത്ത ഈ കത്തിച്ചാർജ്ജ് മുതലാക്കുമെന്നു എമിൽ പ്രഖ്യാപിച്ചു.

ആറായിരം രൂപ കൊടുത്തെങ്കിലും ഞങ്ങൾക്ക് കിട്ടിയ റൂം മികച്ചതു തന്നെയായിരുന്നു. എല്ലാവിധ സൗകര്യങ്ങളും ഞങ്ങളുടെ റൂമിൽ കണ്ടതോടെ ഞങ്ങൾ അൽപ്പം റിലാക്സ്ഡ് ആയി. ഡിന്നർ വരുന്ന വഴിയ്ക്ക് കഴിച്ചിരുന്നതിനാൽ ഒരു വീഡിയോ പെട്ടെന്ന് എഡിറ്റ് ചെയ്തു തീർത്തതിനു ശേഷം ഞങ്ങൾ അധികം വൈകാതെ തന്നെ ഉറങ്ങുവാനായി കിടന്നു. ബാക്കി ഡാർജിലിംഗ് വിശേഷങ്ങൾ ഇനി അടുത്ത എപ്പിസോഡിൽ…

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow 7 get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in (TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post