വയനാട്ടിൽ ഒരു ദിവസം അടിച്ചു പൊളിക്കാൻ വ്യത്യസ്തമായ ‘E3’ തീം പാർക്ക്..

Total
0
Shares

ആനക്കട്ടിയിലെ SR ജംഗിൾ റിസോർട്ടിലെ കുറച്ചു ദിവസത്തെ താമസത്തിനു ശേഷം ഞങ്ങൾ പിന്നീട് നേരെ പോയത് വയനാട്ടിലേക്ക് ആയിരുന്നു. വൈത്തിരിയ്ക്ക് സമീപമുള്ള ജിറാസോൾ വില്ലയിലായിരുന്നു ഞങ്ങളുടെ വയനാട്ടിലെ താമസം. വില്ലയുടെ ഉടമ അൻവർ ഇക്ക എന്റെയൊരു സുഹൃത്ത് കൂടിയായിരുന്നു. എവറസ്റ്റ് കൊടുമുടി ട്രെക്കിംഗ് ഒക്കെ കഴിഞ്ഞു വന്നിരിക്കുകയായിരുന്നു അൻവർ ഇക്ക. അൻവർ ഇക്ക തൻ്റെ ഹിമാലയൻ അനുഭവങ്ങൾ ഞങ്ങളുമായി പങ്കുവെയ്ക്കവേയാണ് വയനാട്ടിലെ പുതിയ ഒരു തീം പാർക്കിനെക്കുറിച്ച് പറയുന്നത്.

അങ്ങനെ ഞാനും ശ്വേതയും അൻവർ ഇക്കയും കൂടി ഈത്രീ തീം പാർക്കിലേക്ക് യാത്രയായി. മാനന്തവാടിയിൽ നിന്നും 20 കിലോമീറ്റർ അകലെ തൊണ്ടർനാട് പഞ്ചായത്തിലെ നീലോത്താണ് ‘E3’ എന്നു പേരുള്ള ഈ ബയോ – തീം പാർക്ക് സ്ഥിതി ചെയ്യുന്നത്. പരിസ്ഥിതി, വിജ്ഞാനം, വിനോദം എന്നീ മൂന്ന് മേഖലകളെ ആധാരമാക്കി വെസ്റ്റേൺ ഘാട് സ് ഗ്രീൻ ഇനീഷ്യേറ്റീവ് എൽ.എൽ.പി.യാണ് ഇ-3 പാർക്ക് ഒരുക്കിയിട്ടുള്ളത്.

പാർക്കിലേക്കുള്ള പ്രവേശന ഫീസ് മുതിർന്നവർക്ക് 450 രൂപയും കുട്ടികൾക്ക് 350 രൂപയുമാണ്. മുതിർന്ന പൗരന്മാർക്ക് ഐഡി പ്രൂഫ് കാണിക്കുകയാണെങ്കിൽ 350 രൂപ പ്രവേശനഫീസായി നൽകിയാൽ മതി. ഞങ്ങൾ ടിക്കറ്റ് കൗണ്ടറിൽ നിന്നും മൂന്നു ടിക്കറ്റുകൾ കരസ്ഥമാക്കി അകത്തേക്ക് കടന്നു. അകത്തേക്ക് കയറിയപ്പോൾത്തന്നെ പാശ്ചാത്യ രാജ്യങ്ങളിലെ പാർക്കുകൾ അനുസ്മരിപ്പിക്കുന്ന തരത്തിൽ ഒരു കിടിലൻ വെൽക്കം ഡാൻസ് ആയിരുന്നു ഞങ്ങളെ വരവേറ്റത്. ഡാൻസിനു പുറമെ നല്ല കിടിലൻ ഷോ കൂടിയായിരുന്നു അത്.

വെൽക്കം ഡാൻസ് കണ്ടതിനു ശേഷം ഞങ്ങൾ അവിടെയൊക്കെ നടന്നു കാണുവാൻ തുടങ്ങി. ആദ്യമായി ഞങ്ങൾ കയറിയത് പക്ഷികളുടെ സങ്കേതത്തിലേക്ക് ആയിരുന്നു. പക്ഷികളെ ഫീഡ് ചെയ്യുവാനുള്ള സൗകര്യങ്ങളൊക്കെ അവിടെയുണ്ടായിരുന്നു. കയ്യിൽ തീറ്റയൊക്കെ വെച്ചിട്ട് അങ്ങനെ നിന്നാൽ പക്ഷികൾ തന്നേ വന്നിരുന്നു കഴിച്ചോളും. പക്ഷി പ്രേമികൾക്ക് വളരെ നന്നായി എന്ജോയ് ചെയ്യുവാൻ പറ്റിയ ഒരിടമായിരുന്നു അത്.

പിന്നീട് ഞങ്ങൾ പോയത് Retro to Metro എന്നൊരു ഷോ കാണുവാനായിരുന്നു. അന്ന് രാവിലെ 11.30 നും വൈകീട്ട് 3 മണിക്കുമായിരുന്നു ആ ഷോ ഉണ്ടായിരുന്നത്. ഷോ സമയങ്ങൾ ചില ദിവസങ്ങളിൽ വ്യത്യാസപ്പെട്ടേക്കാം. ഞങ്ങൾ ഷോ നടക്കുന്ന തിയേറ്ററിലേക്ക് കയറിയപ്പോൾ ഒരു ഗൊറില്ലയുടെ രൂപം ധരിച്ചയാളാണ് സ്വാഗതം ചെയ്തത്. വാതിൽ തുറന്നതും പെട്ടെന്ന് ഇതു കണ്ടപ്പോൾ ശ്വേത പേടിച്ചുപോയി. പലതരം ഡാൻസും മറ്റുമൊക്കെയായി നല്ലൊരു ഷോ ആയിരുന്നു അത്.

അവിടെ ഹൊറർ ടണൽ എന്നൊരു കിടിലൻ സംഭവമുണ്ടായിരുന്നു. അതിൽ കയറുന്നവർ ശരിക്കും പേടിച്ചുപോകുന്ന ഒരു ഐറ്റമായിരുന്നു അത്. മനസിന് കട്ടിയില്ലാത്തവർ ഇതിൽ കയറാതിരിക്കുക. പിന്നീട് ഞങ്ങൾ പോയത് ബോട്ടിംഗ് നടത്തുവാൻ ആയിരുന്നു. നമുക്ക് സ്വന്തമായി പെഡൽ ബോട്ടിൽ യാത്ര ചെയ്യുവാനുള്ള സൗകര്യം അവിടെയുണ്ടായിരുന്നു. ഞങ്ങൾ ബോട്ടിംഗ് ഒക്കെ കഴിഞ്ഞു പുറത്തിറങ്ങി നടക്കുമ്പോൾ അതാ അൻവർ ഇക്ക അവിടെയുള്ള പ്രത്യേകം തയ്യാറാക്കിയ നെറ്റ്സിൽ ക്രിക്കറ്റ് പ്രാക്ടീസ് ചെയ്യുന്നു. ക്രിക്കറ്റ് പ്രേമികളായ കുട്ടികൾക്കും മുതിർന്നവർക്കും തങ്ങളുടെ ബാറ്റിങ് പാടവം പുറത്തെടുക്കാൻ ഒരവസരം കൂടി ഇവിടെ ലഭിക്കും.

ആദിവാസികൾ ഏറെയുള്ള സ്ഥലമാണല്ലോ വയനാട്. അതുകൊണ്ടായിരിക്കാം ഈ പാർക്കിൽ ട്രൈബൽ ഡാൻസ് ഒക്കെ കാണുവാനുള്ള സൗകര്യങ്ങളുണ്ട്. അതോടൊപ്പം തന്നെ ഒരു ട്രൈബൽ മ്യൂസിയവും അവിടെയുണ്ട്. കപ്പ, ചേമ്പ് പുഴുക്ക് തുടങ്ങിയ നാടൻ ഫുഡ് ഐറ്റംസ് ഇവിടെ നിന്നും നമുക്ക് വാങ്ങി കഴിക്കുവാൻ സാധിക്കും. പിന്നീട് ഞങ്ങൾ പോയത് മൺപാത്ര നിർമ്മാണം കാണുവാനാണ്. മറ്റിടങ്ങളിലെപ്പോലെ മൺപാത്ര നിർമ്മാണം ചുമ്മാ കാണുക മാത്രമല്ല ഇവിടെ നമുക്ക് സ്വന്തമായി മൺപാത്രങ്ങൾ നിർമ്മിച്ച് നോക്കുവാനും സാധിക്കും. അതിനായുള്ള നിർദ്ദേശങ്ങൾ അവർ പറഞ്ഞു തരും. ഞാനും ഉണ്ടാക്കി ഒരു ചെറിയ പാത്രം.

ഇത്രയും കാഴ്ചകൾ കണ്ടു നടന്നപ്പോൾ ഞങ്ങൾക്ക് വിശക്കുവാൻ തുടങ്ങി. ഞങ്ങൾ പാർക്കിനുള്ളിലുള്ള റെസ്റ്റോറന്റിൽ കയറി. നല്ല അടിപൊളി ഫുഡ് ആയിരുന്നു അവിടെ ലഭിച്ചിരുന്നത്. ഞങ്ങൾ ചിക്കൻ ബിരിയാണി ആയിരുന്നു കഴിച്ചത്. ഒരു ചിക്കൻ ബിരിയാണിക്ക് 150 രൂപയായിരുന്നു അവിടെ ചാർജ്ജ്. ഭക്ഷണത്തിനു ശേഷം ഞങ്ങൾ വീണ്ടും കാഴ്ചകൾ കണ്ടുകൊണ്ട് നടക്കുവാൻ തുടങ്ങി.

പിന്നെ ഞങ്ങൾ പോയത് ഒരു തകർപ്പൻ സംഭവം കാണുവാനായിരുന്നു. ‘ഡൈനോ വേൾഡ്’ എന്നു പേരുള്ള ഒരു ചെറിയ പാർക്ക് ആയിരുന്നു അത്. ദിനോസറുകളുടെ കാലഘട്ടം പുനരാവിഷ്കരിച്ചിരിക്കുകയായിരുന്നു ഈ ചെറിയ പാർക്കിൽ. ചുമ്മാ ദിനോസർ പ്രതിമകളല്ല ഇവിടെയുള്ളത്. ശരിക്കും ഒറിജിനൽ ദിനോസറുകളെപ്പോലെ ശബ്ദമുണ്ടാക്കുകയും ചലിക്കുകയും ഒക്കെ ചെയ്യുകയായിരുന്നു അവ. ചൈനയിൽ നിന്ന് ഇറക്കുമതി ചെയ്ത ദിനോസർ മാതൃകകൾക്ക് ഡിജിറ്റൽ ശബ്ദവിന്യാസവും ചലനങ്ങളും കൂടിയായപ്പോൾ ജൂറാസിക് പാർക്കിന് സമാനമാവുന്നു. ഇതുപോലൊരു പാർക്ക് ചിലപ്പോൾ ഇന്ത്യയിൽ വേറെ കാണില്ല.

പിന്നീട് ഇവിടത്തെ എടുത്തുപറയേണ്ട ഒരു ആക്ടിവിറ്റി സിപ്പ് ലൈൻ ആണ്. പാർക്കിനു കുറുകെബന്ധിപ്പിച്ചിട്ടുള്ള ഒരു കമ്പിയിലൂടെ നമ്മുടെ ശരീരം ബന്ധിപ്പിക്കുകയും അതിലൂടെ തൂങ്ങി അപ്പുറത്തേക്ക് എത്തിച്ചേരുകയും ചെയ്യുന്നു. ശരിക്കും പറക്കുന്നതുപോലെയായിരുന്നു എനിക്ക് ആ സമയത്ത് തോന്നിയത്. ഞാനും ശ്വേതയും അൻവർ ഇക്കയും സിപ്പ് ലൈനിൽ പറപറന്നു. സിപ്പ് ലൈൻ ചെയ്യുന്നതിന് 200 രൂപയുടെ ടിക്കറ്റ് എടുക്കണം. ഇവിടെ വരുന്നവർ ഒരിക്കലും മിസ് ചെയ്യാൻ പാടില്ലാത്ത ഒരു സാഹസിക ആക്ടിവിറ്റിയാണ് സിപ്പ് ലൈൻ.

വിദേശ രാജ്യങ്ങളിലെപ്പോലെ ഏക്കറുകണക്കിന് സ്ഥലത്ത് എല്ലാ സംവിധാനങ്ങളും ആക്ടിവിറ്റികളും ഉൾക്കൊള്ളിച്ചിട്ടുള്ള ഒരു പാർക്ക് ആണ് E3. പെറ്റ്സ് സൂ, മോസ് ഗാർഡൻ, വാക്ക് ഇൻ ഏവിയേരി, ദക്ഷിണേന്ത്യയിലെ ഏറ്റവും ഉയരവും നീളവും കൂടിയ സിപ്പ് ലൈൻ, വയനാട്ടിലെ ആദ്യത്തെ മിനി മറൈൻ അക്വേറിയം, കേരളത്തിലെ ഏറ്റവും ഉയരം കൂടിയ മനുഷ്യനിർമ്മിത വെള്ളച്ചാട്ടം, ആദിവാസി ഗോത്ര ജീവിതം അടുത്തറിയാനുള്ള ട്രൈബൽ വില്ലേജ് തുടങ്ങിയവ ഇ-3 തീം പാർക്കിന്റെ മാത്രം സവിശേഷതകളാണ്. രാവിലെ 9 മണിയ്ക്ക് പാർക്കിലെത്തിയ ഞങ്ങൾ വൈകീട്ട് അഞ്ചുമണിയോടെയാണ് തിരിച്ചിറങ്ങിയത്. ശരിക്കും ഒരു ദിവസം മുഴുവനും ചെലവഴിക്കുവാനുള്ള ഐറ്റങ്ങൾ ഇവിടെയുണ്ട്. കുട്ടികൾക്കും മുതിർന്നവർക്കും ഒരേപോലെ ഇഷ്ടപ്പെടുന്ന ഒരു പാർക്ക് ആണിത്. തീർച്ചയായും വയനാട് സന്ദർശിക്കുന്നവർ E3 പാർക്കും കൂടി സന്ദർശിക്കുവാൻ ശ്രമിക്കണം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post