നാട്ടിലെ ചൂടിൽ നിന്നും രക്ഷപ്പെടാനായി മൂന്നാറിലേക്ക്; റിസോർട്ടിലെ താമസം, പൂളിലെ കുളി..

Total
8
Shares

വേനൽക്കാലം കടുത്തതോടു കൂടി നാട്ടിൽ പുറത്തിറങ്ങാൻ കഴിയാത്ത അവസ്ഥയാണല്ലോ. ഈ ചൂടിൽ നിന്നും രക്ഷപ്പെടുവാനായി ഞങ്ങൾ ഒരു യാത്രയ്ക്ക് പ്ലാനിട്ടു. മൂന്നാർ ആയിരുന്നു ഞങ്ങളുടെ ലക്‌ഷ്യം. അങ്ങനെ ഞാനും അനിയനും ഭാര്യയും കൂടി കാറിൽ മൂന്നാറിലേക്ക് യാത്രയായി. നേര്യമംഗലം കഴിഞ്ഞതോടെ ചൂടിന് അൽപ്പം കുറവ് വന്നു തുടങ്ങി. അങ്ങനെ ഞങ്ങൾ മൂന്നാർ ലക്ഷ്യമാക്കി നീങ്ങി.

മൂന്നാറിൽ പുളിമൂട്ടിൽ എസ്റ്റേറ്റിൽ സ്ഥിതി ചെയ്യുന്ന എലിക്സിർ ഹിൽസ് റിസോർട്ടിൽ ആയിരുന്നു ഞങ്ങൾ താമസം ബുക്ക് ചെയ്തിരുന്നത്. പുളിമൂട്ടിൽ എസ്റ്റേറ്റിൽ കാട്ടിനുള്ളിൽ എന്നപോലെയാണ് എലിക്സിർ ഹിൽസ് റിസോർട്ട് സ്ഥിതി ചെയ്യുന്നത്. മികച്ച കാലാവസ്ഥയും അടിപൊളി മുറികളും ഒരു കിടിലൻ സ്വിമ്മിങ് പൂളുമാണ് ഇവിടുത്തെ പ്രത്യേകത. ഞങ്ങൾ അവിടെയെത്തിയപ്പോൾ നല്ല തണുപ്പ് തന്നെയായിരുന്നു വരവേറ്റത്. ഞങ്ങൾ മൂന്നുപേർ ഉണ്ടായിരുന്നതിനാൽ ട്വിൻ ബെഡ്‌റൂം ആയിരുന്നു താമസത്തിനായി ബുക്ക് ചെയ്തിരുന്നത്. അതായത് രണ്ടു റൂമുകളും ഒരു ചെറിയ ഹാളും.

ഞങ്ങൾ റൂമിലേക്ക് കയറിയപ്പോൾ ശരിക്കും അത്ഭുതപ്പെട്ടുപോയി. ഹണിമൂൺ ആഘോഷിക്കുന്നവർക്കായി അലങ്കരിച്ച രീതിയിലായിരുന്നു രണ്ടു റൂമുകളും. റൂമിൽ ഞങ്ങളെ അത്ഭുതപ്പെടുത്തിയ മറ്റൊരു കാര്യം ഫാൻ ആയിരുന്നു. സാധാരണ നമ്മൾ കണ്ടതിൽ നിന്നും വ്യത്യസ്തമായി തടി കൊണ്ടുള്ള ഫാൻ ആയിരുന്നു അവിടെ. എന്തായാലും റൂമുകൾ അടിപൊളി തന്നെ. ഞങ്ങളുടെ റൂമിന്റെ മുന്നിൽ നിന്നാൽ താഴെ സ്വിമ്മിംഗ് പൂൾ കാണാം. മരങ്ങൾ മുറിക്കാതെയാണ് പൂൾ ഉണ്ടാക്കിയതെന്ന് വ്യക്തമാണ്. അതിൻ്റെ അടയാളമായി പൂളിനു നടുവിലായി രണ്ടു മരങ്ങൾ നിൽക്കുന്നുണ്ട്. മറ്റൊരിടത്തും ഞാൻ ഇതുപോലൊരു പൂൾ കണ്ടിട്ടില്ല.
റിസോർട്ടിൽ താമസക്കാർക്ക് വിനോദത്തിനായി ടേബിൾ ടെന്നീസ്, ഫൂസ്ബോൾ തുടങ്ങി പലതരം കളികൾ ലഭ്യമാണ്. എന്തായാലും സംഭവം അടിപൊളി.

റൂമിൽ ചെന്നു ഫ്രഷായ ശേഷം ഞങ്ങൾ ഭക്ഷണം കഴിക്കുവാനായി റെസ്റ്റോറന്റിലേക്ക് പോയി. ഭക്ഷണത്തിനു ശേഷം ചെറിയൊരു ട്രെക്കിംഗിനായി ഞങ്ങൾ ഇറങ്ങി. ശ്വേത മടിപിടിച്ച് റൂമിലേക്ക് തന്നെ മടങ്ങി. ഞാനും അനിയൻ അഭിയും കൂടി റിസോർട്ടിലെ ജീവനക്കാരനായ ജോർജ്ജേട്ടനോടൊപ്പം ട്രെക്കിംഗിനായി നടത്തമാരംഭിച്ചു. കാട് ആയതിനാൽ കിളികളുടെ ശബ്ദം ഞങ്ങളെ നന്നായി സന്തോഷിപ്പിക്കുകയുണ്ടായി. അവിടെ കാട്ടിനുള്ളിൽ ഏറുമാടം കാണുവാനായി. ഇത് ഗസ്റ്റുകൾക്ക് താമസിക്കുവാനായുള്ള ട്രീ ഹൗസുകൾ അല്ല. എസ്റ്റേറ്റിലെ കൃഷിപ്പണി ചെയ്യുന്നവർക്ക് താമസിക്കുവാനായി തയ്യാറാക്കിയതാണ്. അവരുടെയൊക്കെ ഒരു ഭാഗ്യം. ഞങ്ങൾ ചുമ്മാ അതിനു മുകളിലേക്ക് കയറി നോക്കി. അൽപ്പം സാഹസിക്കപ്പെട്ടാണ് ഞങ്ങൾ മുകളിലേക്ക് കയറിയത്.

എസ്റ്റേറ്റിനുള്ളിൽ അരുവിയും പാറക്കെട്ടുകളും ചെറിയൊരു വെള്ളച്ചാട്ടവും ഉണ്ട്. വേനൽക്കാലമായതിനാൽ ഞങ്ങൾ ചെന്നപ്പോൾ അവിടെ വെള്ളം കുറവായിരുന്നു. അങ്ങനെ ഏതാണ്ട് ഒരു മണിക്കൂർ നേരത്തെ ട്രെക്കിംഗിനു ശേഷം ഞങ്ങൾ തിരികെ റൂമിലെത്തി. കുറച്ചു സമയത്തിനു ശേഷം ഞങ്ങൾ സ്വിമ്മിങ് പൂളിലേക്ക് ആർമ്മാദിക്കുവാനായി ഇറങ്ങി. പൂളിലെ വെള്ളത്തിനു നല്ല തണുപ്പ് ആയിരുന്നു. മൂന്നാറിൽ സ്വിമ്മിങ് പൂളുള്ള റിസോർട്ടുകൾ ധാരാളമുണ്ടെങ്കിലും ഞാൻ കണ്ടതിൽ വെച്ച് ഏറ്റവും മനോഹരമായ അന്തരീക്ഷത്തിലുള്ള പൂൾ ഇതായിരിക്കും.

പൂളിലെ കുളിക്കു ശേഷം ഞാനും ശ്വേതയും ആയുർവ്വേദ മസാജ് ചെയ്യുവാനായി റിസോർട്ടിലെ സ്പായിലേക്ക് ചെന്നു. ശ്വേത മസാജ് ഒഴിവാക്കി ഫേഷ്യൽ ആയിരുന്നു തിരഞ്ഞെടുത്തത്. മസാജിന് ശേഷം തടികൊണ്ടുണ്ടാക്കിയ ചെറിയ മുറിയിൽ ഒരു Steam bath നടത്തുകയും ചെയ്തു. സോനാ ബാത്ത് എന്നായിരുന്നു ഇതിന്റെ പേര്. ഇതിനെല്ലാം ശേഷം ഞങ്ങൾ ഫ്രഷായി ഡിന്നർ കഴിക്കുവാൻ റെസ്റ്റോറന്റിലേക്ക് പോയി. വെജ് – നോൺ വെജ് വിഭവങ്ങളുടെ ഒരു പറുദീസ തന്നെയായിരുന്നു റെസ്റ്റോറന്റിലെ ഡിന്നർ ബുഫെയിൽ.

ഡിന്നറിനു ശേഷം ഞങ്ങൾ റിസോർട്ട് പരിസരത്തുകൂടി ചുമ്മാ ഒരു രാത്രി നടത്തത്തിനായി ഇറങ്ങി. ഇവിടെ എത്തിയതോടെ നാട്ടിലെ ചൂടൊക്കെ ഞങ്ങൾ മറന്നു തുടങ്ങിയിരുന്നു. മൂന്നാറിൽ വരുന്നവർക്ക് താമസത്തിനായി പുളിമൂട്ടിൽ എസ്റ്റേറ്റിൽ സ്ഥിതി ചെയ്യുന്ന എലിക്സിർ ഹിൽസ് റിസോർട്ട് തിരഞ്ഞെടുക്കാവുന്നതാണ്. 6000 രൂപ മുതൽ ഇവിടെ റൂമുകൾ ലഭ്യമാണ്. മികച്ച കാലാവസ്ഥയും അടിപൊളി മുറികളും ഒരു കിടിലൻ സ്വിമ്മിങ് പൂളുമാണ് ഇവിടുത്തെ പ്രത്യേകത. കൂടുതൽ വിവരങ്ങൾക്ക് വിളിക്കുക: 9495672286, 0484 4060121 അല്ലെങ്കിൽ സന്ദർശിക്കുക https://elixirhills.com/.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post