മയിലാടിപ്പാറയും 900 കണ്ടിക്ക് എതിർവശത്തുള്ള അരണമലയും..

Total
0
Shares

തൊള്ളായിരം കണ്ടി യാത്രയുടെ ആവേശത്തില്‍ പിറ്റേദിവസം രാവിലെതന്നെ ഞങ്ങള്‍ അടുത്ത യാത്രകള്‍ക്കായി തയ്യാറായി. കാറുമായി നൗഫല്‍ രാവിലെതന്നെ വില്ലയില്‍ എത്തിച്ചേര്‍ന്നു. കല്‍പ്പറ്റയിലെ ഉഡുപ്പി ഹോട്ടലില്‍ നിന്നും നല്ല മസാലദോശയും കഴിച്ചു പുറത്തിറങ്ങിയപ്പോഴേക്കും ഹൈനാസ് ഇക്കയും എത്തിച്ചേര്‍ന്നു. ഇന്നു ആദ്യം കല്‍പ്പറ്റയ്ക്ക് അടുത്തുള്ള മൈലാടിപ്പാറയിലേക്കാണ്. ഒരു കുന്നിന്‍ മുകളില്‍ സ്ഥിതിചെയ്യുന്ന ഒരു പാറ.. അവിടെ ഒരു ജൈനക്ഷേത്രവും.

ഹൈനാസ് ഇക്കയുടെ താര്‍ ജീപ്പില്‍ ഞങ്ങള്‍ മൈലാടിപ്പാറയിലേക്ക് യാത്രയാരംഭിച്ചു. വഴി കുറച്ച് ദുര്‍ഘടമായിരുന്നു എങ്കിലും നൌഫല്‍ അനായാസമായി ജീപ്പ് ഓടിച്ച് പാറയുടെ മുകളില്‍ കയറ്റി. വയനാട്ടില്‍ വന്നതിനുശേഷം ആദ്യമായാണ്‌ ഇത്തരമൊരു വ്യൂ കാണുന്നത്. കല്‍പ്പറ്റയുടെ ഏകദേശ വ്യൂ മുഴുവനും ഇവിടെ നിന്നാല്‍ കാണാം. പടിഞ്ഞാറു ഭാഗത്തായി ചെമ്പ്ര മലയും തലയുയര്‍ത്തി നില്‍ക്കുന്നു.

മൈലാടിപ്പാറയുടെ അനുഭവങ്ങളും വിശേഷങ്ങളുമൊക്കെ നൌഫല്‍ ഞങ്ങള്‍ക്കായി തുറന്നു. പണ്ട് പഠിച്ചിരുന്ന കാലത്ത് ക്ലാസ് കട്ട് ചെയ്ത് വന്നിരിക്കാറുള്ള സ്ഥലമായിരുന്നത്രേ ഇത്. ഹും… അതിനും വേണം ഒരു ഭാഗ്യം… അല്ലേ? മൈലാടിപ്പാറയില്‍ നിന്നുള്ള കാഴ്ചകളൊക്കെ ആസ്വദിച്ചശേഷം ഞങ്ങള്‍ ഞങ്ങളുടെ അടുത്ത സ്ഥലം നോക്കി യാത്രയായി.

ഇനി ഞങ്ങള്‍ പോകുന്നത് അരണമലയിലേക്കാണ്. കഴിഞ്ഞദിവസം പോയ തൊള്ളായിരം കണ്ടിയുടെ വടക്കുഭാഗത്ത് ആയി കണ്ട ഒരു മല ഓര്‍മ്മയുണ്ടോ? അതാണു അരണമല. മേപ്പാടിയിൽ നിന്ന് ചൂരൽമല റോഡിലൂടെ പോവുമ്പോൾ കള്ളാടിയിൽ അമ്പലത്തിനടുത്ത്‌ നിന്ന് തിരിഞ്ഞുപോവുന്ന വഴിയിലൂടെ മലകയറിയെത്തുന്നത്‌ അരണമലയെന്ന വിസ്മയക്കാഴ്ചകളുടെ അദ്ഭുതലോകത്തേക്കാണ്‌.

വഴി കടന്നുപോവുന്നത്‌ ഏലത്തോട്ടത്തിലൂടെയും വനത്തിലൂടെയുമാണ്‌. വയനാട്ടിലെ മികച്ച ഏലത്തോട്ടങ്ങള്‍ അരണമലയിലാണ്‌. ഏലം മണക്കുന്ന വഴികളിലൂടെ കടന്നു ചെല്ലുന്നത്‌ വനത്തിനുള്ളിൽ ഇരുവശവും തലയുയർത്തി നിൽക്കുന്ന പുൽമേടുകൾ നിറഞ്ഞ മലകളുടെ ഇടയിലെ വഴിയിലേക്കാണ്‌.

ഇവിടേക്ക് അനധികൃതമായി പ്രവേശിക്കുന്നത് വളരെ അപകടകരമാണ്. കാരണം വന്യമൃഗങ്ങളൊക്കെ ഇറങ്ങുന്ന സ്ഥലമല്ലേ? പരിചയമില്ലാതെ വരുന്നവര്‍ പെട്ടുപോകും എന്നുറപ്പ്. അതുകൊണ്ട് പരിചയമുള്ളവരുടെ സാന്നിധ്യത്തില്‍ മാത്രം അരണമല കയറുവാന്‍ ശ്രമിക്കുക. ടൂവീലറുകളുമായി വരുന്നവര്‍ കുറച്ച് ബുദ്ധിമുട്ടേണ്ടിവരും. കാരണം, കുറേ ദൂരത്തേക്ക് വഴിയുടെ അവസ്ഥ അങ്ങനെയാണ്. അരണമലയുടെ മുകളിലായി ഒരു റിസോര്‍ട്ട് ഉണ്ട്. ഇവിടേക്ക് വിവിധതരം പാക്കേജുകളും ലഭ്യമാണ്. അരണമലയിലെ കാഴ്ചകളൊക്കെ കണ്ടശേഷം ഞങ്ങള്‍ തിരികെയിറങ്ങുവാന്‍ ആരംഭിച്ചു. ഇറങ്ങുന്ന സമയത്ത് ഒരു വലിയ കൂട്ടം ബുള്ളറ്റ് ട്രിപ്പുകാര്‍ അരണമലയിലേക്ക് കയറിവരുന്നുണ്ടായിരുന്നു.

എന്തായാലും അരണമല യാത്ര വേറിട്ടൊരു അനുഭവമായി മാറി. വയനാട്ടില്‍ ഇങ്ങനെയും സ്ഥലങ്ങള്‍ ഉണ്ടെന്നു വീണ്ടും വീണ്ടും എനിക്ക് മനസ്സിലാക്കിത്തന്ന ഹൈനാസ് ഇക്കയ്ക്കും നൗഫലിനും എത്ര നന്ദി പറഞ്ഞാലും മതിയാകില്ല. എക്സ്പ്ലോറിംഗ് വയനാട് വിത്ത് ഡിസ്കവർ വയനാട് ടീം. കൂടുതൽ വിവരങ്ങൾക്ക് ഡിസ്കവർ വയനാടിനെ വിളിക്കാം: 9072299665.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post