ബുദ്ധൻ്റെ പല്ല് സൂക്ഷിച്ചു വെച്ച് പൂജ നടത്തുന്ന ശ്രീലങ്കയിലെ ഒരു ക്ഷേത്രം : ടെമ്പിൾ ഓഫ് ടൂത്ത് റെലിക്

Total
14
Shares

ശ്രീലങ്കയിലെ കാൻഡിയിലെ റിസോർട്ടിലെ താമസത്തിനു ശേഷം രാവിലെ തന്നെ ഞങ്ങൾ അടുത്ത കാഴ്ചകൾ കാണുവാനായി യാത്രയായി. റിസോർട്ടിൽ നിന്നും ചെക്ക് ഔട്ട് ചെയ്യുന്ന സമയത്ത് അവർ ഞങ്ങൾക്ക് ഒരു ഗിഫ്റ്റ് കവർ സമ്മാനിക്കുകയുണ്ടായി. അങ്ങനെ അവരോട് യാത്രയും പറഞ്ഞുകൊണ്ട് ഞങ്ങൾ അവിടെ നിന്നും ഇറങ്ങി. ബുദ്ധന്റെ പല്ല് സൂക്ഷിച്ചു വെച്ച് പൂജ നടത്തുന്ന അപൂർവ്വം ചില ക്ഷേത്രങ്ങളിൽ ഒന്നാണ് മധ്യ ശ്രീലങ്കയിലെ കാൻഡി നഗരത്തിലുള്ള ‘ടെമ്പിൾ ഓഫ് ടൂത്ത് റെലിക്’ കാണുവാനായാണ് ഞങ്ങൾ ആദ്യം പോയത്.

ഞങ്ങൾ ശ്രീ ദലാഡ മാലിഗവ എന്ന പേരിലറിയപ്പെടുന്ന ബുദ്ധക്ഷേത്രം ലക്ഷ്യമാക്കി ഞങ്ങൾ യാത്ര തുടർന്നു. അങ്ങനെ ഞങ്ങൾ കുറച്ചു സമയത്തിനകം അവിടെയെത്തിച്ചേർന്നു. അവിടെയുള്ള മനോഹരമായ തടാകം ഞങ്ങളെ നന്നായി ആകർഷിച്ചു. തടാകത്തിനരികിലായി പണ്ടുകാലത്തെ രാജ്ഞിമാർക്ക് കുളിക്കുവാനുള്ള കുളിക്കടവും ഉണ്ടായിരുന്നു. ശരിക്കും ഇന്ന് ക്ഷേത്രം സ്ഥിതി ചെയ്യുന്ന സ്ഥലം പണ്ട് രാജകൊട്ടാരത്തിൻ്റെ ഭാഗമായിരുന്നു.

രാവിലെയായതിനാൽ അവിടെ വലിയതരത്തിലുള്ള തിരക്കുകളൊന്നും അനുഭവപ്പെട്ടിരുന്നില്ല. ക്ഷേത്രത്തിലേക്ക് പ്രവേശിക്കുവാൻ വിദേശികൾക്ക് എൻട്രൻസ് ഫീയുണ്ട്. ഇന്ത്യക്കാർക്ക് 1500 ശ്രീലങ്കൻ രൂപയായിരുന്നു ചാർജ്ജ്. ശ്രീലങ്കക്കാർക്ക് ഏതൊരു ക്ഷേത്രത്തിലേതെന്നപോലെ അവിടെ ഫീസൊന്നും കൂടാതെ സന്ദർശിക്കാം. ക്ഷേത്രത്തിലേക്ക് കടക്കുവാനായി രണ്ടു മൂന്നു സ്ഥലങ്ങളിൽ കർശനമായ ചെക്കിംഗുകളുണ്ട്. ക്ഷേത്രത്തിനകത്ത് വീഡിയോ ഷൂട്ട് ചെയ്യുന്നതിനായി പെർമിഷൻ എടുക്കേണ്ടതായുണ്ട്. ഞങ്ങൾക്കായി പാക്കേജ് എടുത്തു തന്ന ടൂർ ഓപ്പറേറ്റിങ് കമ്പനിയായിരുന്നു ഈ പെർമിഷൻ എടുത്തു തന്നത്.

ക്ഷേത്രത്തിനകത്തേക്ക് കയറുന്നതിനു മുൻപായി സന്ദർശകർ ചെരിപ്പുകളൊക്കെ ഊരി പുറത്ത് സൂക്ഷിക്കുവാൻ കൊടുക്കണം. 1998 ൽ നടന്ന ആദ്യന്തര കലാപത്തെത്തുടർന്നു ഈ ക്ഷേത്രത്തിന്റെ ചില ഭാഗങ്ങൾക്ക് നാശനഷ്ടങ്ങൾ സംഭവിച്ചിരുന്നുവെന്നു ഗൈഡായ ജനക പറഞ്ഞു തന്നു. അവയൊക്കെ പിന്നീട് നേരെയാക്കി.

ക്ഷേത്രത്തിന്റെ ഉൾവശം വളരെ മനോഹരമായിരുന്നു. ക്ഷേത്രത്തിനകത്ത് അതിമനോഹരമായ തടിയിൽ തീർത്ത കൊത്തുപണികൾ, ലോഹങ്ങൾ, കല്ലുകൾ, ആനക്കൊമ്പുകൾ, ബുദ്ധ പ്രതിമകൾ എന്നിവ കാണുവാൻ സാധിക്കും. രണ്ടു നിലകളായാണ് ക്ഷേത്രം സ്ഥിതി ചെയ്യുന്നത്. മുകളിലെ നിലയിലായിരുന്നു ബുദ്ധന്റെ പല്ല് സൂക്ഷിച്ചിരിക്കുന്നത്. ബുദ്ധന്റെ പല്ല് AD 371 ൽ ഇന്ത്യയിൽ നിന്നുമായിരുന്നു ശ്രീലങ്കയിലേക്ക് കൊണ്ടുവന്നത്. പിന്നീട് കൊട്ടാരത്തിൽ ഒരു ക്ഷേത്രം നിർമ്മിച്ച് അത് അവിടെ പ്രതിഷ്ഠിക്കുകയായിരുന്നു.

ക്ഷേത്രത്തിന്റെ ഒന്നാം നിലയിൽ  ഒരു സ്തൂപത്തിന്റെ ആകൃതിയിൽ ഒരു സ്വർണ്ണ നിലവറയുണ്ട്. അതിലാണ് ബുദ്ധന്റെ ഈ പല്ല് സൂക്ഷിച്ചിരിക്കുന്നത്. ഈ പല്ലുകൾ മണിക്ക് നേരിട്ട് കാണാൻ സാധ്യമല്ല. സന്ദർശകർക്ക് അവിടെയുള്ള ഏഴു പെട്ടികളിൽ ഒരു പെട്ടി മാത്രമേ കാണിക്കുകയുള്ളൂ. എന്തായാലും അവിടത്തെ ആ ഒരു ആമ്പിയൻസ് ഒരു ഒന്നൊന്നര അനുഭവം തന്നെയാണ്.

ക്ഷേത്രത്തിനടുത്ത് ഒരു മണ്ഡപം സ്ഥിതി ചെയ്യുന്നുണ്ട്. ഒറ്റനോട്ടത്തിൽ ഒരു കൽമണ്ഡപം ആണെന്നു തോന്നിപ്പിക്കുമെങ്കിലും അത് യഥാർത്ഥത്തിൽ തടി കൊണ്ട് നിർമ്മിച്ചതായിരുന്നു. ക്ഷേത്രപരിസരത്തെ കുളത്തിൽ ധാരാളം മീനുകൾ തുള്ളിതുടിച്ചുകൊണ്ട് ചാടുന്ന കാഴ്ച ഏവരെയും ആകർഷിക്കുന്നതാണ്. അങ്ങനെ ഞങ്ങൾ ഒരു മണിക്കൂറോളം ക്ഷേത്രത്തിലും പരിസരങ്ങളിലുമായി ചെലവഴിച്ചു.

ശ്രീലങ്കയിൽ വരുന്ന സഞ്ചാരികൾക്ക് ഒരു മണിക്കൂറോളം ചെലവഴിച്ചു കാണുവാൻ സാധിക്കുന്ന ഒരു മനോഹരമായ സ്ഥലമാണ് ‘ടെമ്പിൾ ഓഫ് ടൂത്ത് റെലിക്.’ ക്ഷേത്രത്തിൽ നിന്നും ഇറങ്ങിയിട്ട് പിന്നെ ഞങ്ങൾ യാത്രതുടർന്നത് ശ്രീലങ്കയിലെ ‘മൂന്നാർ’ കാണുവാനായാണ്. ഞങ്ങൾ അങ്ങനൊരു വിശേഷണം കൊടുത്തുവെന്നേയുള്ളൂ. ശ്രീലങ്കയിലെ മനോഹരമായ ഒരു ഹിൽ സ്റ്റേഷനായ ‘നുവാറ ഏലിയാ’യ്ക്ക് ആ വിശേഷണം എന്തുകൊണ്ടും യോജിക്കും. അങ്ങനെ ഞങ്ങൾ അവിടേക്ക് യാത്രയായി. ആ വിശേഷങ്ങൾ ഇനി അടുത്ത എപ്പിസോഡിൽ കാണാം. For more details about Srilankan Trip Contact : Sri Lankan Airlines, Opp Maharajas College Ground, Ernakulam, 0484 236 2042, 43, 44.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ലോകത്തെ ഏറ്റവും വലിയ യാത്രാവിമാനം A380 യിൽ കയറി റഷ്യയിലേക്ക്

മാലിദ്വീപിൽ കുറച്ചു ദിവസങ്ങൾ അടിച്ചുപൊളിച്ച ശേഷം ഞാൻ പിന്നീട് റഷ്യയിലേക്കായിരുന്നു യാത്ര പുറപ്പെട്ടത്. മാലിദ്വീപിൽ നിന്നും നേരിട്ട് റഷ്യയിലേക്ക് വിമാനസർവീസ് ഉണ്ടായിരുന്നുവെങ്കിലും ദുബായ് വഴി പോകുവാനായിരുന്നു എൻ്റെ തീരുമാനം. അതിനു രണ്ടു കാരണങ്ങളുണ്ടായിരുന്നു. ഒന്ന് ദുബായ് വഴി പോകുമ്പോൾ ടിക്കറ്റ് ചാർജ്ജ്…
View Post