ഉഡുപ്പിയിൽ വരുന്നവർക്ക് പരീക്ഷിക്കാവുന്ന ചില വ്യത്യസ്ത രുചികൾ..!!

Total
0
Shares

ഉഡുപ്പിയിലെ പകൽ പുലർന്നതിനു ശേഷം ഞാൻ കുളിച്ചു റെഡിയായി പുറത്തേക്ക് ഇറങ്ങി. എൻ്റെ രണ്ടു സുഹൃത്തുക്കൾ അവിടെ എന്നെക്കാണുവാനായി എത്തിയിരുന്നു. എൻ്റെ വിവാഹത്തിന്റെ ഫോട്ടോഗ്രാഫി ചെയ്തതും ഈ സുഹൃത്തുക്കളാണ്. ഉഡുപ്പി എന്നു കേട്ടാൽ എല്ലാവരുടെയും ഉള്ളിൽ ഓടിയെത്തുക ഇവിടത്തെ ക്ഷേത്രവും പിന്നെ ഉഡുപ്പി സ്പെഷ്യൽ മസാലദോശയും ആയിരിക്കും.
അതുകൊണ്ട് ഉഡുപ്പിയിലെ വ്യത്യസ്തമായ ചില ഫുഡ് ഐറ്റംസ് പരീക്ഷിക്കുക എന്നതായിരുന്നു ഞങ്ങളുടെ പ്ലാൻ.

അങ്ങനെ ഞങ്ങൾ ക്ഷേത്രത്തിനു തൊട്ടടുത്തു തന്നെയുള്ള ‘ശ്രീ വിറ്റൽ’ എന്നു പേരുള്ള ഒരു ചെറിയ കടയിലേക്കായിരുന്നു പോയത്. കാണുന്നവർക്ക് ഇതൊരു ചെറിയ ചായക്കടയായി തോന്നും. പക്ഷെ അവിടെ ലഭിക്കുന്ന ഐറ്റങ്ങളുടെ രുചി വളരെ പ്രസിദ്ധമാണ്. ഞങ്ങൾ കടയുടമയായ കന്നഡക്കാരൻ ചേട്ടനുമായി സൗഹൃദം സ്ഥാപിച്ചു.

അവിടെ എന്തൊക്കെ കഴിക്കുവാൻ ലഭിക്കും എന്നു ചുമ്മാ ചോദിച്ചപ്പോൾ ശ്വാസം വിടാതെ ഒരു വൻ ലിസ്റ്റ് ആയിരുന്നു ചേട്ടൻ പറഞ്ഞത്. ഒരു മിനിറ്റോളം എടുത്തു അദ്ദേഹം ലിസ്റ്റ് മുഴുവനായി പറഞ്ഞു തീർക്കുവാൻ. അതുപോലെ തന്നെയായിരുന്നു കുടിക്കാൻ എന്തുണ്ട്? എന്ന ചോദ്യത്തിനുള്ള ഉത്തരവും. ലിസ്റ്റ് കേട്ട് കണ്ണു തള്ളി “ചേട്ടന് ഇഷ്ടമുള്ളത് എടുക്കൂ” എന്ന് ഞങ്ങളും.

ഞങ്ങൾക്ക് നെയ് ദോശയും വഴുതനങ്ങ വറുത്തതും ആയിരുന്നു ചേട്ടൻ സജസ്റ്റ് ചെയ്തത്. കായ വറുത്തത് ഒക്കെപ്പോലെ വഴുതനങ്ങ വറുത്തത് എനിക്ക് വ്യത്യസ്തമായ ഒരു രുചിയായിരുന്നു. അതിനു പിന്നാലെ അരി കൊണ്ട് ഉണ്ടപോലെ തയ്യാറാക്കിയ ‘ഉണ്ടി’ എന്നു പേരുള്ള ഒരു ഐറ്റവും ഞങ്ങൾ രുചിച്ചു. ഒപ്പം പലതരം അച്ചാറുകളും.

ഒത്തിരി സ്ഥലങ്ങളിലെ ഭക്ഷണം രുചിച്ചു നോക്കിയിട്ടുണ്ടെങ്കിലും സത്യത്തിൽ വണ്ടറടിച്ചു പോയത് ഇവിടെ ചെന്നപ്പോൾ ആയിരുന്നു. ശരിക്കും നിങ്ങൾ ഉഡുപ്പിയിൽ വരികയാണെങ്കിൽ കാലി വയറുമായി വരണം. എന്നാലേ ഈ രുചികളൊക്കെ നന്നായി ആസ്വദിക്കുവാൻ സാധിക്കുകയുള്ളൂ.

ഞങ്ങൾ കയറിയ കടയിൽ വൈകുന്നേരത്തോടെ വലിയ തിരക്കായിരിക്കും അനുഭവപ്പെടുക. അതുകൊണ്ട് രാവിലെ സമയത്ത് ആയിരിക്കും തിരക്കിൽ നിന്നും രക്ഷപ്പെട്ടു ഭക്ഷണം രുചിക്കുവാൻ ഏറ്റവും അനുയോജ്യമായ സമയം. കടക്കാരൻ ചേട്ടൻ കന്നഡക്കാരൻ ആണെങ്കിലും ഇംഗ്ലീഷിൽ ആള് പുലിയാണ്. വളരെ നല്ല ആതിഥ്യ മര്യാദയായിരുന്നു ഞങ്ങൾക്ക് അവിടെ ലഭിച്ചത്. ഭക്ഷണത്തോടൊപ്പം വ്യത്യസ്തമായ പാനീയങ്ങളും ഈ കടയിൽ ലഭ്യമാണ്. അങ്ങനെ കുറച്ചു രുചികൾ ആസ്വദിച്ച ശേഷം ഞങ്ങൾ അവിടെ നിന്നും യാത്ര പറഞ്ഞിറങ്ങി.

ആ സ്ട്രീറ്റിൽ അധികവും പഴയ കെട്ടിടങ്ങളാണ് നമുക്ക് കാണുവാൻ സാധിക്കുക. ഏതാണ്ട് എൺപതുകളിലെ കാഴ്ചകളാണ് ഞങ്ങളെ അവിടെ കാത്തിരുന്നത്. വഴിയരികിൽ ഭേൽപൂരി, പാനിപൂരി കടകളെപ്പോലെ ‘ചർമുറി മസാല’ എന്നൊരു ഐറ്റവും ഞങ്ങൾ പിന്നീട് പരീക്ഷിച്ചു. കിടിലൻ ഐറ്റമായിരുന്നു അത്. ഞങ്ങൾക്ക് വല്ലാതെ ഇഷ്ടപ്പെട്ടു. അതിനു ശേഷം ഞങ്ങൾ ഹൈവേയ്ക്ക് സമീപത്തേക്ക് ചെന്നു.

അപ്പോഴാണ് ഒരു ചെറിയ ഹോട്ടലിൽ ആളുകളുടെ തിരക്ക് ഞങ്ങൾ ശ്രദ്ധിച്ചത്. എന്നാൽപ്പിന്നെ അതെന്താണെന്നു നോക്കാമെന്നു കരുതി ഞങ്ങൾ അവിടേക്ക് ചെന്നു. പ്രിയദർശിനി എന്നായിരുന്നു ആ ഹോട്ടലിന്റെ പേര്. ധാരാളം ഉഡുപ്പി സ്പെഷ്യൽ ചെറുകടികളും വ്യത്യസ്ത തരം ദോശകളുമായിരുന്നു അവിടത്തെ സ്പെഷ്യൽസ്. അങ്ങനെ ഞങ്ങൾ അവിടെയും വ്യത്യസ്തങ്ങളായ രുചികൾ ആസ്വദിച്ചു.

ഉഡുപ്പിയിൽ ഇനിയും ഇഷ്ടംപോലെ രുചികൾ രുചിക്കുവാനായി ബാക്കിയുണ്ടായിരുന്നെങ്കിലും വയർ നിറഞ്ഞതിനാൽ അതെല്ലാം വേറെ ദിവസത്തേക്ക് മാറ്റി. അതിനുശേഷം സുഹൃത്തുക്കൾ യാത്ര പറഞ്ഞുപോകുകയും ഞാൻ ക്ഷേത്ര ദർശനത്തിനായി ഒന്നു ഫ്രഷാകാൻ റൂമിലേക്ക് നീങ്ങുകയും ചെയ്തു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post