പട്ടായയിലെ ഫ്ലോട്ടിംഗ് മാർക്കറ്റിലെ കാഴ്ചകള്‍ ആസ്വദിക്കാം…

Total
1
Shares

പട്ടായയില്‍ പോയതില്‍ വെച്ച് എനിക്ക് ഏറ്റവും ഇഷ്ടപ്പെട്ട സ്ഥലമാണ് ഫ്ലോട്ടിംഗ് മാർക്കറ്റ്. ലോകത്തിലെ ഏററവും വലിയ ഫ്ലോട്ടിംഗ് മാര്‍ക്കറ്റ് ഇതാണെന്നാണ് എനിക്ക് കിട്ടിയ അറിവ്.  പട്ടായ സിറ്റിയില്‍ നിന്നും 6 കി.മീ.യോളം ദൂരമുണ്ട് ഫ്ലോട്ടിംഗ് മാര്‍ക്കറ്റിലേക്ക്. മാര്‍ക്കറ്റിന്‍റെ മുന്‍വശം തന്നെ വളരെയധികം ആകര്‍ഷണീയമാണ്. വലിയ ബോട്ടിന്‍റെ മാതൃകയിലാണ് മാര്‍ക്കറ്റിന്‍റെ കവാടം. ടിക്കറ്റ് കൌണ്ടറിനു മുന്നിലായി തടിയില്‍ തീര്‍ത്ത കൊമ്പനാനയുടെ രൂപം എന്നെ വളരെ ആകര്‍ഷിക്കുകയുണ്ടായി. അതിനു മുന്നില്‍ നിന്നിട്ട് ചിലര്‍ ഫോട്ടോയ്ക്ക് പോസ് ചെയ്യുന്നതും കാണാമായിരുന്നു.

ടിക്കറ്റെടുത്ത് അകത്ത് കടന്നാല്‍ ഫ്ലോട്ടിംഗ് മാര്‍ക്കറ്റിന്‍റെ വിവിധയിനം ഫോട്ടോ ഗ്യാലറി കടന്നാണ് ഉള്ളില്‍ പ്രവേശിക്കുന്നത്. ഈ ചിത്രങ്ങളെല്ലാം ആര്‍ക്കുവേണമെങ്കിലും വാങ്ങാവുന്നതാണ്. ഒരു ലക്ഷം രൂപ വരെ വിലയുള്ള ചിത്രങ്ങള്‍ അവിടെയുണ്ടത്രേ. അകത്തുകടന്നാല്‍ മനോഹരമായ ജലാശയത്തില്‍ പൊങ്ങുതടി പോലെ കിടക്കുകയാണ് ഫ്ലോട്ടിംഗ് മാര്‍ക്കറ്റ്. തായ് സംസ്കാരത്തിന്‍റെ കാഴ്ചകളാണ് ഫ്ലോട്ടിംഗ് മാര്‍ക്കറ്റിലുള്ളത്.

ഈ ഫ്ലോട്ടിംഗ് മാര്‍ക്കറ്റിനെ മലയാളത്തില്‍ പറഞ്ഞാല്‍ ‘ഒഴുകിനടക്കുന്ന ചന്ത’. തായ്‌ലാന്‍ഡുകാരുടെ വളരെ വ്യത്യസ്തമായൊരു വാണിജ്യ സംസ്‌കാരം.  പരമ്പരാഗത രീതിയിലുള്ള കൊടുക്കല്‍ വാങ്ങല്‍ സമ്പ്രദായമായിരുന്നു പണ്ടിവിടെ. കര്‍ഷകരുടെ ഉല്‍പ്പന്നങ്ങള്‍ അവര്‍ തന്നെ വള്ളത്തില്‍ കൊണ്ടുവന്നു വില്‍ക്കുവാനും വാങ്ങുവാനും ഉള്ള ഒരിടം.  ഇന്ന് പതിനായിരങ്ങള്‍ ആണ് ദിവസവും ഇവിടെ സന്ദര്‍ശിക്കുന്നത്. തായിലന്റിലെ ഒരു പ്രധാന ടൂറിസ്റ്റ് സ്‌പോട്ട് ആയി മാറി ഇത്. തായി സംസ്‌കാരത്തിന്റെ ഒരു ദൃശ്യാവിഷ്‌കാരമാണ് ഇവിടെ.

ഹാരിസ് ഇക്കയാണ്‌ ഫ്ലോട്ടിംഗ് മാര്‍ക്കറ്റിന്‍റെ ചരിത്രം എനിക്ക് പറഞ്ഞു തന്നത്. ഇതിനിടെ ഞങ്ങളുടെ ഡ്രൈവര്‍ ഞങ്ങള്‍ക്കുള്ള വഞ്ചി റെഡിയാക്കി തന്നു. മാര്‍ക്കറ്റിന്‍റെ അങ്ങേയറ്റം വരെ വഞ്ചിയിലും അവിടുന്ന് തിരികെ നടന്നുമാണ് ഞങ്ങളുടെ യാത്ര.. ഞാനും ഹാരിസ് ഇക്കയും പ്രശാന്തും വഞ്ചിയില്‍ കയറിയതോടെ വഞ്ചിക്കാരി ചേച്ചി പതുക്കെ തുഴയാന്‍ ആരംഭിച്ചു. വൈകുന്നേരം ആയതിനാല്‍ മാര്‍ക്കറ്റില്‍ നന്നായി തിരക്കു കുറഞ്ഞിരുന്നു. സത്യത്തില്‍ ഈ സമയമാണ് ഇവിടെ കാണേണ്ടത്. ലൈറ്റുകളും അലങ്കാരങ്ങളും ഒക്കെക്കൂടി ഒരു നല്ല പോസിറ്റീവ് എനര്‍ജിയാണ് നമുക്ക് ലഭിക്കുന്നത്.

കനാലിന് ഇരുവശവുമുള്ള കച്ചവട സ്ഥാപനങ്ങളെല്ലാം തടിപ്പാലങ്ങളാല്‍ പരസ്പ്പരം ബന്ധിപ്പിച്ചിരിക്കുന്നു. ഇതിനാല്‍ വഞ്ചിയില്‍ക്കൂടിയും കരയിലൂടെ നടന്നും മാര്‍ക്കറ്റ് കാണുകയും ഷോപ്പിംഗ്‌ നടത്തുകയും ചെയ്യാം.

മാര്‍ക്കറ്റിന്‍റെ അങ്ങേയറ്റത്തെത്തിയപ്പോള്‍ ഞങ്ങള്‍ വഞ്ചിയില്‍ നിന്നും ഇറങ്ങി തിരികെ നടക്കാന്‍ ആരംഭിച്ചു. കാഴ്ചകള്‍ കണ്ടും കടകളില്‍ കയറിയും നടക്കുന്നതിനിടെ കുറച്ചു മലയാളി ചെറുപ്പക്കാര്‍ വന്നു പരിചയപ്പെട്ടു. വീഡിയോകള്‍ കാണാറുണ്ട് എന്നും വളരെ നന്നായി മുന്നോട്ടുപോകുന്നുണ്ടെന്നും ഒക്കെ പറഞ്ഞ് അവര്‍ എന്നെ നന്നായി പ്രോത്സാഹിപ്പിക്കുകയുണ്ടായി. അവരോട് നന്ദി പറഞ്ഞു വീണ്ടും ഞാന്‍ നടത്തം തുടര്‍ന്നു.

ഒത്തിരി ഭക്ഷണസാധനങ്ങളും ഈ മാര്‍ക്കറ്റില്‍ ലഭ്യമായിരുന്നു. വൈകുന്നേരം ആളുകള്‍ കുറവായതിനാല്‍ എല്ലാം നന്നായി കാണുവാനും മനസ്സിലാക്കുവാനും എനിക്ക് സാധിച്ചു. ഇവിടെ എന്നെ പ്രത്യേകം ആകര്‍ഷിച്ച ഭക്ഷണം എന്തെന്നാല്‍ താറാവിന്‍റെ തല ഫ്രൈ ചെയ്തതായിരുന്നു. ഹാരിസ് ഇക്കയുടെ ഫെവറേറ്റ് ഐറ്റമാണത്രേ ഇത്. രുചിച്ചു നോക്കിയപ്പോള്‍ സംഭവം സൂപ്പര്‍…

കനാലില്‍കൂടി ഒഴുകി നടക്കുന്ന പച്ചക്കറിക്കടകളും, വ്യത്യസ്തമായ തായ് രുചികള്‍ വില്‍ക്കുന്ന റെസ്റ്റോറന്റുകളുമൊക്കെയായി ഒരു പുതിയ ഷോപ്പിംഗ്‌ അനുഭവമാണ് എനിക്ക് ഈ ഫ്ലോട്ടിംഗ് മാര്‍ക്കറ്റില്‍ നിന്നും ലഭിച്ചത്. കാഴ്ചകള്‍ കണ്ടും ഓരോന്ന് വാങ്ങിയും തിന്നും ഒക്കെ നടന്ന് നേരം പോയത് അറിഞ്ഞതേയില്ല. ഫ്ലോട്ടിംഗ് മാര്‍ക്കറ്റ് അടയ്ക്കാറായിക്കഴിഞ്ഞിരുന്നു അപ്പോള്‍. പതിയെ ഞങ്ങളും പുറത്തേക്കിറങ്ങി. പുറത്ത് ഞങ്ങളെക്കാത്ത് ഡ്രൈവര്‍ ആന്തോ, കാറുമായി നില്‍ക്കുന്നുണ്ടായിരുന്നു.

ഹോട്ടലിലേക്ക് യാത്ര പുറപ്പെടുന്നതിനിടെ ഞാന്‍ കാറിന്‍റെ ചില്ലിലൂടെ ഒരു തവണ കൂടി ഫ്ലോട്ടിംഗ് മാര്‍ക്കട്ടിലേക്ക് നോക്കി… വരും… ഇനിയും വരും… ഉറപ്പ്…. ഇത്തവണ ടാറ്റാ.. ബൈ ബൈ…

പട്ടായ വരുന്നവർ തീർച്ചയായും കണ്ടിരിക്കേണ്ട ഒരു സ്ഥലമാണ് ഫ്ലോട്ടിംഗ് മാര്‍ക്കറ്റ് . തായ്‌ലൻഡ് പാക്കേജിനായി നിങ്ങള്‍ക്ക് ഹാരിസ് ഇക്കയെ നേരിട്ടു വിളിക്കാം. ടെക് ട്രാവൽ ഈറ്റ് പ്രേക്ഷകർക്ക് സ്‌പെഷ്യൽ ഡിസ്‌കൗണ്ടും ഉണ്ടാകും: 9846571800

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post