ചൈനയിൽ നിന്നും മലേഷ്യ വഴി കൊച്ചിയിലേക്ക് ഒരു മടക്കയാത്ര

Total
0
Shares

Team BONVO യ്‌ക്കൊപ്പമുള്ള ഞങ്ങളുടെ ഏഴു ദിവസത്തെ ചൈനീസ് ബിസ്സിനസ്സ് ട്രിപ്പിനു അവസാനമാകുകയാണ്. ഞങ്ങൾ താമസിച്ച ഹോട്ടലിൽ നിന്നും എല്ലാവരും റെഡിയായി മിനി ബസ്സിലേക്ക് കയറി. എല്ലാവരും വരുമ്പോൾ കൈവശമുണ്ടായിരുന്നതിന്റെ ഇരട്ടി ലഗ്ഗേജ് എല്ലാവരുടെയും കൈവശമുണ്ടായിരുന്നു. ചൈനീസ് മാർക്കറ്റുകളിൽ നടത്തിയ നല്ല കിടിലൻ പർച്ചേസ് ആയിരുന്നു അതിനു കാരണം.

അങ്ങനെ ഞങ്ങൾ ഹോട്ടലിൽ നിന്നും Guangzhou എയർപോർട്ടിലേക്ക് എക്സ്പ്രസ്സ് ഹൈവേ വഴി യാത്രയായി. അങ്ങനെ മനോഹരമായ കാഴ്ചകൾ കണ്ടുകൊണ്ട് അവസാനം ഞങ്ങൾ എയർപോർട്ടിൽ എത്തിച്ചേർന്നു. എയർപോർട്ടിനകത്ത് കയറിയതിനു ശേഷം ചെക്ക് ഇൻ ഗേറ്റ് കണ്ടുപിടിക്കുവാൻ ഞങ്ങൾ നന്നായി കഷ്ടപ്പെട്ടു. ബോർഡിംഗിന് 20 മിനിറ്റ് മുന്നേ ഞങ്ങൾ ഗേറ്റിലേക്ക് നടന്നു തുടങ്ങി. അത്യാവശ്യം നല്ല വലിയ എയർപോർട്ട് ആയിരുന്നതിനാൽ കുറച്ചു നടക്കേണ്ടി വന്നു.

എയർബസ് A330 മലേഷ്യൻ എയർലൈൻസ് വിമാനത്തിലായിരുന്നു ഞങ്ങളുടെ യാത്ര. വിമാനത്തിലേക്ക് കയറുവാനായി നല്ലൊരു ക്യൂ തന്നെ ഉണ്ടായിരുന്നു. ക്യൂ ഒന്നടങ്ങിയപ്പോൾ ഞങ്ങളും വിമാനത്തിലേക്ക് കയറി. ഞങ്ങളുടെ സീറ്റ് നടുവിൽ ആയിരുന്നതിനാൽ ചൈനയുടെ ആകാശദൃശ്യങ്ങൾ കാണുവാനും വീഡിയോ പകർത്തുവാനും നിർഭാഗ്യവശാൽ സാധിച്ചില്ല.

മലേഷ്യയിലേക്ക് നാല് മണിക്കൂറോളം യാത്രയുണ്ടായിരുന്നതിനാൽ സമയം പോകുവാനായി വിമാനത്തിലെ ഇൻഫോടെയ്ന്മെന്റ് സിസ്റ്റത്തിൽ ഏതെങ്കിലും സിനിമ കാണുവാൻ തീരുമാനിച്ചു. നോക്കി നോക്കി അവസാനം ഫഹദ് ഫാസിലിന്റെ ‘വരത്തൻ’ എന്ന സിനിമ സെലക്ട് ചെയ്തു കാണുവാൻ തുടങ്ങി. വിമാനയാത്രകളിലെ ബോറടി മാറ്റുവാൻ ഏറ്റവും നല്ല മാർഗ്ഗം സിനിമ കാണലും, ഉറക്കവുമാണ്.

വിമാനം ടേക്ക് ഓഫ് ചെയ്തു കുറച്ചു കഴിഞ്ഞപ്പോൾ എയർ ഹോസ്റ്റസുമാർ ഭക്ഷണവുമായി എത്തി. ഭക്ഷണം കുറഞ്ഞ അളവിലേ ഉണ്ടായിരുന്നുള്ളൂവെങ്കിലും അത് കഴിച്ചപ്പോൾ വയറു നിറഞ്ഞു. അങ്ങനെ നീണ്ട യാത്രയ്ക്കു ശേഷം ഞങ്ങൾ ക്വലാലംപൂർ എയർപോർട്ടിൽ ലാൻഡ് ചെയ്തു. ക്വലാലംപൂർ എയർപോർട്ടിലെ ടെർമിനലിനുള്ളിൽ നിന്നും മറ്റ് ഏരിയകളിലേക്ക് മെട്രോ ട്രെയിൻ ഉണ്ടായിരുന്നു. ഡ്രൈവറില്ലാത്ത ആ ട്രെയിനിൽ കയറി ഞങ്ങൾ കൊച്ചി വിമാനം പുറപ്പെടുന്ന ടെര്മിനലിലേക്ക് പോയി.

വിമാനം പുറപ്പെടാൻ മൂന്നു മണിക്കൂറോളം സമയം ഉണ്ടായിരുന്നതിനാൽ ഞങ്ങൾക്ക് എയർപോർട്ട് ലോഞ്ച് ആക്സസ് ലഭിച്ചു. അവിടെ നിന്നും ഭക്ഷണവും കഴിച്ചു സമയമായപ്പോൾ ഞങ്ങൾ പുറത്തിറങ്ങി. അപ്പോഴാണ് ഞങ്ങളുടെ വിമാനം ഒരു മണിക്കൂർ വൈകിയാണ് പോകുന്നത് എന്ന കാര്യം അറിയുന്നത്. കൂടാതെ വിമാനം പുറപ്പെടുന്ന ഗേറ്റും മാറ്റിയിരുന്നു. അത്യാവശ്യം നല്ല പോസ്റ്റ് തന്നെയാണ് ക്വലാലംപൂർ എയർപോർട്ടിൽ ഞങ്ങൾക്ക് ലഭിച്ചത്.

ഒടുവിൽ ഫ്‌ളൈറ്റിലേക്കുള്ള ബോർഡിംഗ് അനൗൺസ്‌മെന്റ് കേട്ടപ്പോൾ ഞങ്ങൾ വിമാനത്തിലേക്ക് കയറി. വിമാനത്തിൽ കയറിയപ്പോൾ ആണ് രസം. യാത്രക്കാർ തീരെ കുറവായിരുന്നു. അങ്ങനെ ഞങ്ങൾ സീറ്റ് നമ്പറൊന്നും നോക്കാതെ നല്ലതെന്നു തോന്നിയ സീറ്റുകളിൽ കയറിയിരുന്നു. വിൻഡോ സീറ്റ് കിട്ടിയെങ്കിലും രാത്രിയായിരുന്നതിനാൽ അതുകൊണ്ട് വലിയ ഉപകാരമൊന്നും ഉണ്ടായിരുന്നില്ല. അതിനാൽ ഞങ്ങൾ പിന്നീടുള്ള സമയം ഉറങ്ങിത്തീർക്കുവാൻ തീരുമാനിച്ചു. വിമാനം ഞങ്ങളെയും കൊണ്ട് നേരെ കൊച്ചിയിലേക്ക്.

ചൈനയിലെ ബിസിനസ്സ് ട്രിപ്പ് അങ്ങനെ പൂർത്തിയാക്കിയെങ്കിലും എൻ്റെ ചൈന യാത്ര ഇവിടെ അവസാനിക്കുന്നില്ല. ഇനി രണ്ടു ദിവസങ്ങൾക്കകം വീണ്ടും ചൈനയിലേക്ക് ഒരു യാത്ര പോകുകയാണ്. ഇത്തവണ ഒരു ടൂർ ട്രിപ്പ് തന്നെയാണ് പ്ലാൻ ചെയ്തിരിക്കുന്നത്. കൂടെ പ്രശസ്തനായ ബൈജു എൻ നായർ ചേട്ടനും ഉണ്ട്. ആ വിശേഷങ്ങൾ അടുത്ത ഭാഗങ്ങളിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post