ടെക് ട്രാവൽ ഈറ്റ് കുടുംബസംഗമവും ദുബായ് ഫ്രെയിമിൻ്റെ രാത്രിക്കാഴ്ചകളും

Total
0
Shares

ദുബായിൽ വന്നിട്ട് ഇത് മൂന്നാമത്തെ ദിവസം. ഉച്ച തിരിഞ്ഞു ഞങ്ങൾ റെഡിയായി റോയൽ ഗ്രിൽ റെസ്റ്റോറന്റിലേക്ക് യാത്രയായി. അവിടെ വെച്ച് ടെക് ട്രാവൽ ഈറ്റിനെ നെഞ്ചോട് ചേർത്ത് പിടിച്ച് കാണുന്ന കുറച്ച് കുടുംബങ്ങളുമായി ഒരു കൂടിച്ചേരൽ ഉണ്ട്. അതായിരുന്നു അന്നത്തെ ഞങ്ങളുടെ പ്രധാന പരിപാടി.

പതിവുപോലെ ലഞ്ച് റോയൽ ഗ്രിൽ റെസ്റ്റോറന്റിൽ നിന്നും തന്നെയായിരുന്നു ഞങ്ങൾ കഴിച്ചത്. നല്ല ചോറും ബീഫ് ഫ്രൈയും ഒക്കെയായിരുന്നു ഞങ്ങളുടെ ഭക്ഷണം. എന്നെക്കാൾ വലിയ ബീഫ് പ്രാന്തനായ എമിൽ അതു കണ്ടപ്പോൾ സന്തോഷവാനായി മാറി. ബീഫിന് പുറമെ തവയിൽ പൊരിച്ചെടുത്ത നെയ്‌മീൻ, ചെമ്മീനും മുരിങ്ങയ്ക്കായും കൂടിയുള്ള കറി തുടങ്ങിയ വ്യത്യസ്ത വിഭവങ്ങളുമായി ഞങ്ങളുടെ ഉച്ചഭക്ഷണം അടിപൊളിയായി.

ലഞ്ചിനു ശേഷം, ഫാമിലിയായിട്ടു വന്ന നമ്മുടെ സുഹൃത്തുക്കളോടൊപ്പം വിശേഷങ്ങൾ പങ്കുവെയ്ക്കുവാനായിരുന്നു പിന്നീട് ഞങ്ങൾ പോയത്. കൂട്ടത്തിൽ കുട്ടികളുടെ വക ചെറിയ ചെറിയ സമ്മാനങ്ങളും ഞങ്ങൾക്ക് ലഭിക്കുകയുണ്ടായി. അതിപ്പോൾ ഒരു ആശംസാ കാർഡ് ആണെങ്കിൽ പോലും അവരുടെ കയ്യക്ഷരത്തിൽ, അവരുടെ മനസ്സിൽ നിന്നും വരുന്ന വാക്കുകൾ കാണുമ്പോൾ ഞങ്ങൾക്കത് ഏതൊരു സമ്മാനത്തെക്കാളും വലുതായി മാറും. ചെറിയ കുട്ടികൾ മുതൽ പ്രായമുള്ള അമ്മമാർ വരെ ഞങ്ങളോടൊത്ത് വിശേഷങ്ങൾ പങ്കുവെക്കുവാൻ എത്തിയിരുന്നു. അവരോടൊപ്പമുള്ള മനോഹരമായ നിമിഷങ്ങൾക്കു ശേഷം ഞങ്ങൾ പിന്നീട് അവിടെ നിന്നും കറങ്ങുവാനായി ഇറങ്ങി.

സമയം രാത്രിയായി തുടങ്ങിയിരുന്നു. പ്രശസ്തമായ ദുബായ് ഫ്രെയിം സന്ദർശിക്കുവാൻ ആയിരുന്നു ഞങ്ങൾ പോയത്. ദുബായുടെ ഹൃദയഭാഗമായ സബീൽ പാർക്കിലാണ് ദുബായ് ഫ്രെയിംസ്ഥിതി ചെയ്യുന്നത്. ഗിന്നസ് വേൾഡ് റെക്കോർഡ് നേടിയ ദുബായ് ഫ്രയിമിന് 150 മീറ്റര്‍ ഉയരവും, 95 മീറ്റര്‍ വീതിയുമുണ്ട്. 2013 ൽ പണി തുടങ്ങിയ ഈ നിർമ്മിതി പൂർത്തിയാക്കി 2018 ഓടെയായിരുന്നു. സന്ദർശകർക്ക് വ്യത്യസ്തമായ ഒരു ദൃശ്യാനുഭവമാണ് ദുബായ് ഫ്രെയിം നൽകുന്നത്. പ്രത്യേകിച്ച് രാത്രി സമയങ്ങളിൽ.

ഞങ്ങൾ രാത്രി സമയത്തായിരുന്നു അവിടെ എത്തിച്ചേർന്നത്, എന്നതിനാൽ അതിൻ്റെ സൗന്ദര്യം നല്ല രീതിയിൽത്തന്നെ ആസ്വദിക്കുവാൻ സാധിച്ചു. ശിഹാബ് ഇക്ക ഞങ്ങൾക്കായി അവിടേക്കുള്ള പ്രവേശന ടിക്കറ്റുകൾ നേരത്തെ തന്നെ ബുക്ക് ചെയ്തിരുന്നതിനാൽ താമസം നേരിടാതെ ഞങ്ങൾക്ക് അവിടെ പ്രവേശിക്കുവാനായി. അന്നത്തെ പ്രവേശനം അവസാനിക്കുന്നതിനു തൊട്ടു മുൻപായിട്ടായിരുന്നു ഞങ്ങൾ അവിടെ പ്രവേശിച്ചത്. ഭാഗ്യം, അല്ലെങ്കിൽ ആ ഭാഗ്യം കൈവിട്ടു പോയേനെ.

താഴെ നിന്നും മുകളിലെ നിലയിലേക്ക് പോകുവാനായി ലിഫ്റ്റുകൾ പ്രവർത്തിക്കുന്നുണ്ട്. വളരെ വേഗത്തിൽ ലിഫ്റ്റുകൾ മുകളിലേക്കും താഴേക്കും പോകുന്നത് പുറമെ നിന്നും കാണാവുന്നതാണ്. ഫ്രയിമിനകത്ത്‌ കുറെ വിർച്വൽ റിയാലിറ്റികളും 3D കാഴ്ചകളും സെറ്റ് ചെയ്തിട്ടുണ്ട്. ദുബൈയുടെ ചരിത്രം മുഴുവനും അവിടെ നിന്നും നമുക്ക് മനസിലാക്കിയെടുക്കാവുന്നതാണ്.

അതുപോലെതന്നെ അവിടത്തെ എടുത്തുപറയേണ്ട മറ്റൊരു ആകർഷണം, മുകളിലുള്ള ചില്ലുകൊണ്ട് ഉണ്ടാക്കിയ നടപ്പാലമാണ്. ദുബൈയുടെ ആകാശക്കാഴ്ചകൾ അവിടെ നിന്നും മനോഹരമായി കാണാവുന്നതാണ്. ഒരു വശത്തു ഓൾഡ് ദുബൈയും മറുവശത്ത് പുതിയ ദുബൈയും. പകൽ ആയിരുന്നെങ്കിൽ ഒന്നുകൂടി വ്യക്തമായി കാഴ്ചകൾ കാണുവാൻ സാധിക്കുമായിരുന്നു. എങ്കിലും രാത്രിക്കാഴ്ചകളും അടിപൊളി തന്നെയായിരുന്നു.

മുകളിലെ കാഴ്ചകൾ ആസ്വദിച്ചതിനു ശേഷം ഞങ്ങൾ പിന്നീട് നീങ്ങിയത് ഒരു വിർച്വൽ റിയാലിറ്റി ഷോ കാണുവാനായിരുന്നു. 50 വർഷം കഴിഞ്ഞാൽ ദുബായ് എങ്ങനെയായിരിക്കുമെന്ന് ഈ ഷോയിലൂടെ നമ്മളെ കാണിച്ചു തരികയാണ്. അവിടത്തെ അറേഞ്ച്മെന്റുകൾ കിടിലൻ തന്നെയായിരുന്നു. ഒരു നിമിഷം നമ്മൾ മറ്റേതോ ലോകത്ത് എത്തിയപോലുള്ള പ്രതീതിയായിരുന്നു ലഭിച്ചത്. അങ്ങനെ കാഴ്ചകളെല്ലാം ആസ്വദിച്ചതിനു ശേഷം ഞങ്ങൾ ദുബായ് ഫ്രയിമിൽ നിന്നും പുറത്തേക്ക് കടന്നു.

തിരികെ പോകുന്ന വഴി ഒരു ജ്യൂസ് കുടിക്കുവാനായി അൽ ഇജാസ എന്നുപേരുള്ള കഫറ്റേരിയയിൽ കയറി. ആ ഏരിയയിൽ നല്ല പ്രശസ്തിയുള്ള കഫറ്റേരിയയായതിനാലാകണം അവിടെ നല്ല തിരക്ക് അനുഭവപ്പെട്ടിരുന്നു. വ്യത്യസ്തമായ ജ്യൂസുകൾക്കൊപ്പം വിവിധ തരത്തിലുള്ള സ്നാക്സുകളും ഞങ്ങൾ ഓർഡർ ചെയ്തു. അതിനുശേഷം ഞങ്ങൾ തിരികെ ഹോട്ടലിലേക്ക് യാത്രയായി. ഇനി അടുത്ത ദിവസം ബുർജ്ജ് ഖലീഫയിലേക്ക് പോകേണ്ടതാണ്. ആ വിശേഷങ്ങളൊക്കെ അടുത്ത ഭാഗത്തിൽ വായിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post