സുഹൃത്തും ജേഷ്ഠതുല്യനുമായ ഹാരിസ് ഇക്കയുടെ വിശേഷങ്ങൾ

Total
1
Shares

വ്ലോഗർമാരിൽ എൻ്റെ ഏറ്റവുമടുത്ത സുഹൃത്തും ജേഷ്ഠതുല്യനുമാണ് ഹാരിസ് അമീറലി എന്ന ഹാരിസ് ഇക്ക. അതുകൊണ്ടു തന്നെ ‘ട്രാവൽ വിത്ത് വ്ലോഗേഴ്‌സ്’ എന്ന സീരീസിനു തുടക്കം കുറിച്ചത് ഹാരിസ് ഇക്കയുടെ കൂടെയാണ്. ഹാരിസിക്കയെ ഞാൻ പരിചയപ്പെടുന്നത് 2017 അവസാനമാണ്. അന്ന് ഒരു ക്‌ളാസിൽ വെച്ചു തുടങ്ങിയ പരിചയം ഞങ്ങൾ ഒന്നിച്ചുള്ള തായ്‌ലൻഡ് യാത്രയിലാണ് എത്തിച്ചത്.

തായ്‌ലൻഡ് യാത്രയ്ക്കിടെയാണ് ഞാൻ ഹാരിസിക്കയുമായി കൂടുതൽ അടുക്കുന്നതും ഞങ്ങൾ തമ്മിലുള്ള ആത്മബന്ധം വളരുന്നതും. ഒരു ട്രാവൽ ഏജൻസി മുതലാളി എന്നതിലുപരി ഒരു സുഹൃത്ത്, സഹോദരൻ എന്നിങ്ങനെയൊക്കെയാണ് ഹാരിസിക്ക എന്നോട് ഇടപെട്ടത്. ആ ബന്ധം വളർന്നു… ഞങ്ങളുടെ INB (ഇന്ത്യ, നേപ്പാൾ, ഭൂട്ടാൻ) ട്രിപ്പിൽ നേപ്പാൾ, കാശ്മീർ എപ്പിസോഡുകളിൽ ഹാരിസിക്ക ഞങ്ങളോടൊപ്പം കട്ടയ്ക്കു നിന്നുകൊണ്ട് അടിച്ചു പൊളിച്ചത് നിങ്ങളെല്ലാം ഓർക്കുന്നുണ്ടാകും.

ഹാരിസ് ഇക്കയെക്കുറിച്ച് കൂടുതലായി പറയുകയാണെങ്കിൽ അദ്ദേഹത്തിന്റെ ഉടമസ്ഥതയിലുള്ള റോയൽസ്‌കൈ ഹോളിഡേയ്‌സിനെക്കുറിച്ചും പറയേണ്ടി വരും. അനുഭവം വെച്ചു പറയുകയാണ് – കേരളത്തിൽ മികച്ച ടൂർ പാക്കേജുകൾ പ്രദാനം ചെയ്യുന്ന ചുരുക്കം ചില ട്രാവൽ ഏജൻസികളിൽ ഒന്നാണ് ഹാരിസിക്കയുടെ റോയൽസ്‌കൈ ഹോളിഡേയ്‌സ്. കളമശ്ശേരിയിലാണ് ഹാരിസിക്കയുടെ കേരളത്തിലെ ഓഫീസ്. ഇതുകൂടാതെ വിശാഖപട്ടണത്തും ഹാരിസിക്കയ്ക്ക് ഓഫീസുണ്ട്.

ഞാൻ മുന്നേ പറഞ്ഞതുപോലെ ഹാരിസ് ഇക്ക തൻ്റെ സ്റ്റാഫുകളോട് ഒരു മുതലാളി ഭാവം ഇല്ലാതെ അവരിൽ ഒരാളായിത്തന്നെയാണ് നിൽക്കുന്നത്. അങ്ങനെ ഒരു കുടുംബം പോലെയാണ് റോയൽസ്‌കൈ ഹോളിഡേയ്‌സ് ജീവനക്കാർ. പലപ്പോഴും ഹാരിസിക്കയുടെ ഓഫീസിൽ ചെല്ലേണ്ടതായി വന്നിട്ടുണ്ട്. അപ്പോഴത്തെ അനുഭവങ്ങൾ വെച്ചാണ് ഞാനിത് തറപ്പിച്ചു പറയുന്നതും.

നമുക്ക് നമ്മുടെ നാട്ടിലെ ഇടവഴികളും മുക്കും മൂലയുമൊക്കെ കാണാപ്പാഠമായിരിക്കും. അതുപോലെ തന്നെയാണ് ഹാരിസ് ഇക്കയ്ക്ക് തായ്‌ലൻഡും. മാസത്തിൽ ഒന്നിലേറെ തവണ ഹാരിസിക്ക തായ്‌ലൻഡിൽ പോയി വരാറുണ്ട്. ചിലപ്പോൾ ഗസ്റ്റുകളുടെ കൂടെയുള്ള യാത്രയായിരിക്കും. ഇപ്പോൾ വ്ലോഗിങ് കൂടി തുടങ്ങിയതോടെ അതിനു വേണ്ടി മാത്രമായി ഹാരിസിക്ക തായ്‌ലൻഡ് ഉൾപ്പെടെ നിരവധി വിദേശ രാജ്യങ്ങളിൽ സഞ്ചരിക്കാറുണ്ട്.

ഒരു ട്രാവൽ ഏജൻസി നടത്തുന്നയാൾ ഒരു യാത്രാപ്രേമി കൂടിയായിരിക്കണം. അപ്പോൾ അത് വേറെ ലെവൽ ആകും. ഹാരിസിക്കയുടെ കാര്യം ഇതുപോലെയാണ്. ഓരോരോ രാജ്യത്തെയും പുതിയ പുതിയ ലൊക്കേഷനുകളിലൊക്കെ ഒറ്റയ്ക്ക് പോയി താമസിച്ച്, അവിടെ ടൂറിസം ബന്ധങ്ങൾ സ്ഥാപിച്ച്, എല്ലാം സെറ്റ് ചെയ്തതിനു ശേഷമാണ് ഹാരിസിക്ക അവിടേക്ക് പാക്കേജുകൾ കസ്റ്റമേഴ്‌സിന് നൽകുന്നത്.

ഒരു യാത്രാപ്രേമി എന്നതോടൊപ്പം തന്നെ ഹാരിസിക്ക ഒരു ഭക്ഷണപ്രിയനും കൂടിയാണ്. ഓരോരോ രാജ്യത്തു പോകുമ്പോഴും അവിടത്തെ സ്പെഷ്യൽ വിഭവങ്ങളാണ് ഹാരിസിക്ക രുചിക്കുവാൻ താല്പര്യപ്പെടുന്നത്. നമ്മുടെ സാധാരണ ചോറ് മുതൽ മുതലയും, തേളും, പുഴുവും, പാമ്പുമൊക്കെ ഹാരിസിക്ക യാതൊരു മടിയും കൂടാതെ രുചിക്കുന്നത് അദ്ദേഹത്തിൻ്റെ വീഡിയോകളിലൂടെ നിങ്ങളെല്ലാം കണ്ടിട്ടുണ്ടാകും.

ഹാരിസിക്കയുടെ കുടുംബത്തെക്കുറിച്ച് അൽപ്പം പറയാം. തൃശ്ശൂർ ജില്ലയിലെ മാളയിലാണ് ഹാരിസിക്കയുടെ വീട്. വീട്ടിൽ ഹാരിസിക്കയും, ഉമ്മയും, ഭാര്യയും പിന്നെ മൂന്നു മക്കളുമാണുള്ളത്. എല്ലാവരും ഹാരിസിക്കയുടെ യാത്രകൾക്കും, വ്ലോഗിങ്ങിനുമൊക്കെ ഫുൾ സപ്പോർട്ടാണ്. പ്രത്യേകിച്ച് ഹാരിസിക്കയുടെ ഉമ്മ.

ഫേസ്ബുക്കിലും യൂട്യൂബിലും കൂടി അഞ്ചു ലക്ഷത്തോളം ഫോളോവേഴ്സ് ഇപ്പോൾ ഹാരിസിക്കയ്ക്കുണ്ട്. തിരക്കുകൾക്കിടയിലും വ്‌ളോഗ് ചെയ്യുവാൻ സമയം കണ്ടെത്തുന്ന ഹാരിസിക്കയ്ക്ക് അഭിനന്ദനങ്ങൾ… ഹാരിസിക്കയെക്കുറിച്ച് പറയുവാനാണെങ്കിൽ ഒരു ലേഖനത്തിൽ അത് ഒതുങ്ങില്ല. ചുരുക്കിപ്പറഞ്ഞാൽ ഒരു സകലകലാവല്ലഭൻ തന്നെയാണ് ഞാനടക്കം എല്ലാവരും ഹാരിസ് ഇക്കയെന്നു സ്നേഹത്തോടെ വിളിക്കുന്ന ഹാരിസ് അമീറലി എന്ന ആ നല്ല മനുഷ്യൻ.

തായ്‌ലൻഡ്, മലേഷ്യ, സിംഗപ്പൂർ, കംബോഡിയ, ദുബായ്, ഇൻഡോനേഷ്യ, ശ്രീലങ്ക, മാലിദ്വീപ് തുടങ്ങി വിവിധ രാജ്യങ്ങളിലേക്കുള്ള മികച്ച ടൂർ പാക്കേജുകൾക്ക് ഹാരിസിക്കയെ നിങ്ങൾക്ക് വിളിക്കാം. വിളിക്കേണ്ട നമ്പർ – 9846571800 (Royalsky Holidays).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post