എൻ്റെ ആദ്യത്തെ ഹിച്ച്ഹൈക്കിങ് അനുഭവം – കോഴഞ്ചേരി ടു എറണാകുളം

Total
0
Shares

എന്താണ് ഹിച്ച് ഹൈക്കിംഗ്? വളരെ ലളിതമായി പറഞ്ഞാല്‍ വാഹനങ്ങളില്‍ ലിഫ്റ്റ്‌ അടിച്ച് ഫ്രീയായി യാത്ര ചെയ്യുക.. അത് ചിലപ്പോള്‍ ബൈക്ക് ആകാം കാര്‍ ആകാം ലോറി ആകാം… വിദേശരാജ്യങ്ങളില്‍ പ്രത്യേകിച്ച് കൂടുതലായും അമേരിക്കയില്‍ ഹിച്ച് ഹൈക്കിംഗ് വളരെ പ്രസിദ്ധിയാര്‍ജ്ജിച്ചതാണ്. എന്തായാലും കേരളത്തില്‍ അധികമാര്‍ക്കും അറിയാത്ത ട്രാവല്‍ മോഡായ ഹിച്ച് ഹൈക്കിംഗ് ഞാന്‍ ഒന്നു പരീക്ഷിക്കട്ടെ…കാഴ്ചകളെ പ്രണയിക്കുന്ന കണ്ണുകളും യാത്രകളില്‍ സന്തോഷിക്കുന്ന ഒരു മനസും മതി, കാശില്ലാതെ സഞ്ചാരിയാകാന്‍. ഹിച്ച് ഹൈക്കിംഗ് അഥവാ ഫ്രീ ലിഫ്റ്റ് ട്രാവലിംഗ് എന്ന ഹിപ്പി സംസ്‌കാരത്തിന്റെ ആവേശം സോഷ്യല്‍ മീഡിയയിലൂടെ അറിയിക്കുകയാണ് ഞാന്‍ ഈ പുതിയ എപ്പിസോഡ് മുഖേന.

എന്റെ ആദ്യത്തെ ഹിച്ച്ഹൈക്കിങ് അനുഭവം. കോഴഞ്ചേരി മുതൽ എറണാകുളം വരെ, ബൈക്ക്, ബസ്സ്, ജീപ്പ്, ലോറി, കാർ തുടങ്ങി വിവിധ ഇനം വാഹനങ്ങൾ, പല പല ആളുകൾ, അടിപൊളി ഭക്ഷണം. ആദ്യത്തെ പരീക്ഷണം ആണ്. ഇഷ്ടമായെങ്കിൽ വീഡിയോ ഷെയർ ചെയ്യുക. പ്രോത്സാഹിപ്പിക്കുക.

പത്തനംതിട്ട ജില്ലയിലെ കോഴഞ്ചേരി മുതല്‍ മംഗലാപുരം വരെ ലിഫ്റ്റ്‌ അടിച്ച് പോകണം എന്ന ആഗ്രഹത്തോട് കൂടി രാവിലെ കുറച്ച് വൈകിയിട്ടാണെങ്കിലും ഞാന്‍ ഇറങ്ങി. കോഴഞ്ചേരിയില്‍ നിന്നും ലിഫ്റ്റ്‌ ഒന്നും കിട്ടാത്തതിനാല്‍ ഒരു ആനവണ്ടി പിടിച്ച് ചങ്ങനാശ്ശേരി വരെ യാത്രചെയ്തു. ചങ്ങനാശ്ശേരിയില്‍ നിന്നും എനിക്ക് ആദ്യമായി കിട്ടിയത് ഒരു ലോറിയായിരുന്നു. ഒരു പാവം ചേട്ടനായിരുന്നു ലോറി ഡ്രൈവര്‍. ജീവിതത്തില്‍ ആദ്യമായി ലോറിയില്‍ യാത്ര ചെയ്യുന്ന ത്രില്ലിലായിരുന്നു ഞാന്‍. ഡ്രൈവര്‍ ചേട്ടനുമായി വിശേഷങ്ങളൊക്കെ പറഞ്ഞ് കോട്ടയത്തിനടുത്തുള്ള ഒരു സ്ഥലത്ത് ഞാന്‍ ഇറങ്ങി.

ഇനി ഇവിടുന്ന് കോട്ടയം അല്ലെങ്കില്‍ ഏറ്റുമാനൂര്‍ വരെ ഏതെങ്കിലും വണ്ടി കിട്ടുമോന്നു നോക്കാം. കുറേ വാഹനങ്ങള്‍ കൈകാണിച്ചിട്ടും നിര്‍ത്താതെ പോകുന്നുണ്ടായിരുന്നു. ഇതിനിടയില്‍ ചിലരൊക്കെ എന്നെ തിരിച്ചറിഞ്ഞു വന്നിട്ട് പരിചയപ്പെടുന്നുമുണ്ടായിരുന്നു. പക്ഷേ അവരാരും കോട്ടയം ഭാഗത്തേക്ക് ആയിരുന്നില്ല. കുറച്ചുസമയത്തിന് ശേഷം ഒരു പിക്കപ്പ് വാന്‍ എന്‍റെയരികില്‍ നിര്‍ത്തി. കൊച്ചുമോന്‍ എന്നുപേരുള്ള ഒരു ചേട്ടനായിരുന്നു ഡ്രൈവര്‍. പുള്ളിയുമായി അത്യാവശ്യം കമ്പനിയൊക്കെയടിച്ച് ഞാന്‍ യാത്ര തുടര്‍ന്നു. കോട്ടയം അടുത്ത് എത്തിയപ്പോള്‍ ഞാന്‍ കൊച്ചുമോന്‍ ചേട്ടനോട് യാത്ര പറഞ്ഞുകൊണ്ട് ഇറങ്ങി. പിന്നീട് അവിടുന്ന് കോട്ടയം ടൌണ്‍ വരെ പ്രഭു എന്നൊരു ചേട്ടനാണ് ലിഫ്റ്റ്‌ തന്നത്. സാധാരണ പ്രൈവറ്റ് കാറുകള്‍ ലിഫ്റ്റ്‌ കൊടുക്കാറില്ല. പക്ഷേ പ്രഭുചേട്ടന്‍ എനിക്ക് നിര്‍ത്തിത്തന്നു.

കോട്ടയം വരെ ഞാന്‍ അങ്ങനെ പോയി. കോട്ടയം ടൌണില്‍ നിന്നും എറണാകുളം ഭാഗത്തേക്ക് ലിഫ്റ്റ്‌ കിട്ടുക പ്രയാസമാണ്. അതിനാല്‍ ഞാന്‍ കോട്ടയത്തു നിന്നും ചങ്ങനാശ്ശേരി – വേളാങ്കണ്ണി സൂപ്പര്‍ എക്സ്പ്രസ്സില്‍ കയറി ചിങ്ങവനത്ത് ചാടി. ആ ബസ്സിന്‍റെ ഡ്രൈവര്‍ നമ്മുടെ ഒരു സുഹൃത്ത് കൂടിയായിരുന്നു. പിന്നൊരു കാര്യം.. ബസ്സിലെ യാത്ര ഫ്രീയല്ല കെട്ടോ…

സൂപ്പര്‍ എക്സ്പ്രസ്സിനോട് ടാറ്റ പറഞ്ഞ് ചിങ്ങവനത്ത് അടുത്ത ലിഫ്റ്റിനായി കാത്തു നില്‍ക്കുമ്പോഴാണ് ഒരു പുതുപുത്തന്‍ സ്കോഡ കാര്‍ എന്‍റെ മുന്നില്‍ നിര്‍ത്തുന്നത്. ഓടിക്കുന്നയാളെ കണ്ടപ്പോള്‍ ഞാന്‍ ഒന്നു ഞെട്ടി. എന്‍റെ ഒരു സുഹൃത്തായ ശേഖര്‍ സ്വാമി. അടിപൊളി… പരിചയക്കാരന്റെ കയ്യില്‍ നിന്നും എറണാകുളം വരെ ഒരു ലിഫ്റ്റ്‌. കിടിലന്‍ തന്നെ. അങ്ങനെ ഞങ്ങള്‍ കഥകളൊക്കെ പറഞ്ഞുകൊണ്ട് എറണാകുളത്ത് എത്തി. എറണാകുളത്ത് ഗാന്ധിനഗറിലെ ശ്രീബാലാജി കഫേയില്‍ കയറി ചായയും കടിയും കഴിച്ച ശേഷം ഞാനും ശേഖറും പിരിഞ്ഞു. ശ്രീബാലാജി കഫേയുടെ കഥ മിക്കവര്‍ക്കും അറിയാമായിരിക്കും എന്നു കരുതുന്നു. ചായക്കട നടത്തി ലോകം ചുറ്റിയ ദമ്പതിമാരെക്കുറിച്ച് കേട്ടിട്ടില്ലേ? അതുതന്നെ… ഇവരെക്കുറിച്ച് വിശദമായി വീഡിയോ നമ്മള്‍ ചെയ്യുന്നതായിരിക്കും.

എറണാകുളത്ത് പ്രമുഖ വ്ലോഗറും എന്‍റെ സുഹൃത്തുമായ ഇബാദ് ഇക്ക ഉണ്ടായിരുന്നു. ഇനി ഇന്നു എറണാകുളത്ത് തങ്ങണം. രാത്രി ഡിന്നര്‍ ഇബാദ് ഇക്കയോടൊപ്പം…എന്നിട്ട് എറണാകുളം സരിത തിയേറ്ററിനു സമീപത്തുള്ള ഒരു ഹോട്ടലില്‍ ഒരു റൂമെടുത്തു തങ്ങി. നാളെ രാവിലെ വീണ്ടും യാത്ര തുടരണം… ബാക്കി യാത്രാവിശേഷം അടുത്ത എപ്പിസോഡില്‍…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post