ഒരു സോഡാ സർബത്ത് കുടിക്കുന്ന കാശിന് ആലപ്പുഴയിൽ കിടിലൻ കായൽയാത്ര..

Total
80
Shares

ആലപ്പുഴയുടെ സൗന്ദര്യം ഒളിഞ്ഞിരിക്കുന്നത് അവിടത്തെ കായലുകളിലും തുരുത്തുകളിലുമാണ്. എന്നാല്‍ ഇത്തവണ ആ സൗന്ദര്യം ഒന്നാസ്വദിച്ചു കളയാമെന്നു ഞാന്‍ അങ്ങു വിചാരിച്ചു. നെടുമുടിയിലെ ‘പാം ഡേയ്ല്‍’ റിസോര്‍ട്ടിലെ താമസമൊക്കെ കഴിഞ്ഞു നേരെ വെച്ചുവിട്ടു നെടുമുടി ബോട്ട് ജെട്ടിയിലേക്ക്. കാര്‍ അവിടെ പാര്‍ക്ക് ചെയ്തതിനുശേഷം തിരികെ റോഡിലേക്ക് വന്നു ഒരു കെഎസ്ആര്‍ടിസി ബസ് പിടിച്ച് ആലപ്പുഴയിലേക്ക് യാത്രയായി. ആലപ്പുഴ ബോട്ട് ജെട്ടിയില്‍ നിന്നും നെടുമുടിയ്ക്കുള്ള ബോട്ടില്‍ യാത്ര ചെയ്യുകയാണ് എന്‍റെ ഇന്നത്തെ ലക്‌ഷ്യം. അതിനുവേണ്ടിയാണ് കാര്‍ നെടുമുടി ജെട്ടിയില്‍ കൊണ്ടുപോയി പാര്‍ക്ക് ചെയ്തത്. അതാകുമ്പോള്‍ ബോട്ട് യാത്ര കഴിഞ്ഞാല്‍ നേരെ കാറുമെടുത്ത് വീട്ടിലേക്ക് പോകാമല്ലോ…

അങ്ങനെ ഞാന്‍ കയറിയ ഓര്‍ഡിനറി ബസ് ആലപ്പുഴ ബോട്ട് ജെട്ടിയിലെത്തി. അപ്പോള്‍ ഏകദേശം 3 മണിയൊക്കെ കഴിഞ്ഞിട്ടുണ്ടായിരുന്നു. എനിക്കു പോകേണ്ട നെടുമുടി ‘സൂപ്പര്‍ എക്സ്പ്രസ്സ്’ ബോട്ട് ഞാന്‍ ജെട്ടിയിലേക്ക് ചെന്നയുടനെ അവിടെ എത്തിച്ചേര്‍ന്നു. കുറച്ചു സമയത്തിനു ശേഷം ഈ ബോട്ട് നെടുമുടിയ്ക്ക് യാത്രയാരംഭിക്കും. സ്കൂള്‍ വിട്ട സമയമായതിനാല്‍ ബോട്ടില്‍ നിറയെ വിദ്യാര്‍ത്ഥികളായിരുന്നു. കൂടാതെ സാധാരണക്കാരായ യാത്രക്കാരും ഉണ്ടായിരുന്നു. ബോട്ടിനുള്ളിലാകെ കലപില ശബ്ദം.. എല്ലാവരും വിശേഷങ്ങളൊക്കെ പറഞ്ഞു ചിരിച്ചുകൊണ്ട് ഇരിക്കുന്നു.

എടുത്തു പറയേണ്ട പ്രധാനപ്പെട്ട കാര്യം എന്തെന്നാൽ ആലപ്പുഴ മുതൽ നെടുമുടി വരെയുള്ള ഒന്നര മണിക്കൂർ കായൽ യാത്രയ്ക്ക് ഒരാൾക്ക് മുടക്കേണ്ടി വന്ന തുക വെറും 12 രൂപ മാത്രമാണ്. ചുരുക്കിപ്പറഞ്ഞാൽ ഒരു സോഡാ സർബത്ത് കുടിക്കുന്ന കാശ് മുടക്കിയാൽ നമുക്ക് ലഭിക്കുന്നത് ഒന്നര മണിക്കൂർ ദൈർഘ്യമുള്ള ഒരു കിടിലൻ ബോട്ട് യാത്രയായിരിക്കും. ഹൗസ്ബോട്ട് എടുത്തു യാത്ര ചെയ്യുവാൻ സാമ്പത്തിക സ്ഥിതി അനുവദിക്കാത്ത സാധാരണക്കാർക്ക് കുറഞ്ഞ ചാർജ്ജുള്ള ഈ ബോട്ട് സർവ്വീസുകൾ വഴി നല്ലൊരു അവസരം നമ്മുടെ സർക്കാരായിട്ടു തന്നിരിക്കുകയാണ്.

അങ്ങനെ കുറച്ചു സമയതിനുശേഷം ബോട്ട് ഞങ്ങളെയും കൊണ്ട് യാത്രയാരംഭിച്ചു. അവിടുന്നങ്ങോട്ട് കാഴ്ചകളുടെ കാണാപ്പൂരമായിരുന്നു.  ആലപ്പുഴയിലെ പതിവുകാഴ്ചയാണ് വിനോദസഞ്ചാരികളുമായി നീങ്ങുന്ന കെട്ടുവള്ളങ്ങള്‍. കായലില്‍ അങ്ങിങ്ങോളം വഞ്ചികളും ഹൗസ് ബോട്ടുകളും കാണാമായിരുന്നു. ഞാന്‍ കയറിയ ബോട്ട് ജെട്ടികളില്‍ അടുക്കുകയും ആളുകള്‍ കയറിയിറങ്ങുകയും ചെയ്യുന്നുണ്ടായിരുന്നു. സൂപ്പര്‍ എക്സ്പ്രസ്സ് ബോട്ട് ആയതിനാല്‍ എല്ലാ ജെട്ടിയിലും ബോട്ട് അടുക്കില്ല.

വിജനമായ കായൽ തുരുത്തുകളും തെങ്ങിൻ തോപ്പുകളും കുട്ടനാട്ടിലെ ജീവിത കാഴ്ചകളും യാത്രയുടെ ഭാഗമായി അടുത്ത് കാണാനാകും.കായലിന്‍റെ വിരിമാറിലൂടെ ബോട്ട് നീങ്ങുമ്പോള്‍ കണ്ണിന് ഇമ്പമേകുന്ന കാഴ്ചകളോടൊപ്പം ആ നാടിന്‍റെ – നാട്ടുകാരുടെ ജീവിതവും നാം കാണുകയാണ്. നാലുവശവും വെള്ളത്താല്‍ ചുറ്റപ്പെട്ട് എന്താവശ്യത്തിനും വള്ളം അല്ലങ്കില്‍ ബോട്ടിനെ ആശ്രയിക്കേണ്ടി വരുന്ന ഒരു ജനതയുടെ ജീവിതം.

വൈകുന്നേരങ്ങളില്‍ ആലപ്പുഴയുടെ ഭംഗി മനോഹരമാണ്.അങ്ങകലെ പച്ചപ്പട്ട് വിരിച്ച നെല്‍വയലുകള്‍ക്കകലെ അസ്തമയ സൂര്യന്‍ വെള്ളത്തിലും ആകാശത്തിലും ചുവപ്പ് ചായം പൂശുന്നു. ഞാന്‍ കയറിയ ബോട്ടിലെ യാത്രക്കാരെല്ലാം പല പല ജെട്ടികളിലായി ഇറങ്ങിയിരുന്നു. അവസാനം ഞാനും കുറച്ച് സ്കൂള്‍ കുട്ടികളും മാത്രമായി ബോട്ടില്‍. ബോട്ട് ജീവനക്കാരെല്ലാം വളരെ സൗഹൃദപരമായാണ്‌ എല്ലാവരോടും ഇടപെട്ടിരുന്നത്. ഞങ്ങള്‍ വീഡിയോ എടുക്കുന്നത് കണ്ടപ്പോള്‍ അവര്‍ കാര്യം തിരക്കുകയുണ്ടായി. ഞാന്‍ സംഭവം പറഞ്ഞപ്പോള്‍ പിന്നെ അവര്‍ക്കും താല്‍പര്യമായി. ഓരോ സ്ഥലങ്ങളെക്കുറിച്ചും മറ്റും അവര്‍ വാ തോരാതെ സംസാരിച്ചു. ബോട്ട് ജീവനക്കാരെല്ലാം തന്നെ പരിസരപ്രദേശങ്ങളില്‍ ഉള്ളവരാണ്.

കുറേ സമയത്തിനു ശേഷം ബോട്ട് നെടുമുടി ജെട്ടിയില്‍ അടുത്തു. അവിടെ നിന്നും ആലപ്പുഴയിലേക്ക് പോകാനുള്ളവര്‍ ജെട്ടിയില്‍ ബോട്ടും കാത്തു നില്‍ക്കുകയായിരുന്നു. അങ്ങനെ ആലപ്പുഴയില്‍ നിന്നും ഒന്നരമണിക്കൂര്‍ നീണ്ട എന്‍റെ ബോട്ട് യാത്ര ഇവിടെ അവസാനിക്കുകയാണ്. സാധാരണക്കാരനും കായല്‍ യാത്ര ആസ്വദിക്കാം… നമ്മുടെ സര്‍ക്കാര്‍ അതിനു ഇങ്ങനെയൊരു അവസരം ഒരുക്കിയിട്ടുണ്ട് എന്ന് അറിയാത്തവര്‍ ഇനിയെങ്കിലും അറിയണം. വീഡിയോ കാണുക ഇഷ്ടമായെങ്കിൽ നിങ്ങളുടെ കൂട്ടുകാരുമായി ഷെയർ ചെയ്യുക.

കവർ ചിത്രം – Got from Google. Credits to Respected Photographer.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post