INB TRIP : എറണാകുളത്തു നിന്നും ഫ്‌ളാഗ് ഓഫിന് ശേഷം ആനക്കട്ടിയിലുള്ള SR ജങ്കിൾ റിസോർട്ടിലേക്ക്

Total
0
Shares

കൊച്ചി ലെ മെറിഡിയൻ ഹോട്ടലിൽ നിന്നുള്ള ഫ്ലാഗ് ഓഫ് ചടങ്ങുകൾക്കും യാത്രയയപ്പിനും ശേഷം ഞങ്ങൾ ഹൈവേയിലേക്ക് കയറി യാത്രയായി. ഞങ്ങളുടെ കൂടെ സുഹൃത്തും ആനക്കട്ടിയിലെ എസ്.ആർ.ജംഗിൾ റിസോർട്ട് മാനേജരുമായ സലീഷേട്ടൻ ഉണ്ടായിരുന്നു. യാത്രയുടെ ആദ്യ ദിവസം രാത്രി ആനക്കട്ടിയിൽ എസ്.ആർ.ജംഗിൾ റിസോർട്ടിൽ തങ്ങുവാനായിരുന്നു ഞങ്ങളുടെ പ്ലാൻ. ഉച്ചയ്ക്ക് ആയിരുന്നു ഞങ്ങൾ യാത്ര തുടങ്ങിയത്. അതുകൊണ്ടാണ് അധിക ദൂരം സഞ്ചരിക്കാതെ കോയമ്പത്തൂർ വഴി പോയിട്ട് അനക്കട്ടിയിൽ തങ്ങുവാൻ പ്ലാൻ ഇട്ടത്.

കാറിൽ നിറയെ ലഗേജുകളും മറ്റും ഉണ്ടായിരുന്നതിനാൽ പിന്നിലെ സീറ്റിൽ സലീഷേട്ടൻ വളരെ കഷ്ടപ്പെട്ടായിരുന്നു ഇരുന്നിരുന്നത്. അങ്ങനെ വൈറ്റിലയും പിന്നിട്ട് ഇടപ്പള്ളി എത്തിയപ്പോൾ ഞങ്ങൾ ഇടപ്പള്ളി പള്ളിയിൽ കയറി നേർച്ചയിട്ട് പ്രാർത്ഥിക്കുകയുണ്ടായി. താൻ പാതി ദൈവം പാതി എന്നാണല്ലോ. ഞാൻ അങ്ങനെയൊക്കെ വിശ്വസിക്കുന്ന ഒരാളാണ്. കൂടെയുണ്ടായിരുന്ന എമിലും അങ്ങനെ തന്നെ. അങ്ങനെ ഞങ്ങൾ ഇടപ്പള്ളിയും പിന്നിട്ട് വീണ്ടും യാത്ര തുടർന്നു.

ചാലക്കുടിയിൽ വെച്ച് സുഹൃത്തായ ശബരി തമ്പിയെ കണ്ടുമുട്ടി. ഞങ്ങൾ അതുവഴി പോകുന്നതറിഞ്ഞു യാത്രാമംഗളങ്ങൾ ആശംസിക്കുവാൻ വന്നതാണ് ശബരി. ഞങ്ങൾ ഉച്ചഭക്ഷണം കഴിച്ചിട്ടില്ലാതിരുന്നതിനാൽ ഞങ്ങളുടെ ട്രിപ്പ് തുടങ്ങി ആദ്യത്തെ ലഞ്ച് ശബരിയോടൊപ്പം ആയിരുന്നു. ഭക്ഷണത്തിനു ശേഷം ഞങ്ങൾ ശബരിയോട് യാത്ര പറഞ്ഞുകൊണ്ട് വീണ്ടും തൃശ്ശൂർ ലക്ഷ്യമാക്കി നീങ്ങി. പാലിയേക്കര ടോളിലെ തിരക്കുകളും കടന്നുകൊണ്ട് ഞങ്ങൾ തൃശ്ശൂരിലേക്ക് കടന്നു. തൃശ്ശൂരിൽ ‘റെഡ്ബാന്ഡ് റേസിംഗ്’ എന്നു പേരുള്ള കാർ പെർഫോമൻസ് ട്യൂണിങ് ഒക്കെ ചെയ്യുന്ന വർക്ക്ഷോപ്പിൽ ഒന്നു കയറി. മറ്റൊന്നിനുമായിരുന്നില്ല ഞങ്ങളുടെ ഇക്കോസ്പോർട്ടിന്റെ 2,3 ഗിയറുകൾക്ക് അൽപ്പം പവർ കുറവ് ഫീൽ ചെയ്തിരുന്നത് ക്ലിയർ ചെയ്യുവാൻ വേണ്ടിയായിരുന്നു. പ്രശ്നങ്ങളെല്ലാം പരിഹരിച്ചു പവർ എല്ലാം കൂട്ടി ഞങ്ങൾ അവിടെ നിന്നും വീണ്ടും യാത്ര തുടർന്നു.

കുതിരാൻ എത്തിയപ്പോൾ അൽപ്പം തിരക്ക് അനുഭവപ്പെട്ടു. ഓവർടേക്കിംഗ് പാടില്ല എന്നെഴുതി വെച്ചിട്ടുണ്ടെങ്കിലും അവിടെ പ്രൈവറ്റ് ബസ്സുകൾ നിയമങ്ങളെല്ലാം കാറ്റിൽപ്പറത്തി കുത്തിക്കയറിപ്പോകുന്നത് കണ്ടു. എല്ലാം അനുസരിച്ചു ലൈനായി പോയിരുന്ന ഞങ്ങളെയെല്ലാം മണ്ടന്മാരാക്കി ബസ് ഡ്രൈവർമാർ. എന്താല്ലേ? കുതിരാൻ ക്ഷേത്രത്തിൽ നേർച്ചയിട്ടതിനു ശേഷം ഞങ്ങൾ പാലക്കാട് ജില്ലയിലേക്ക് പ്രവേശിച്ചു.

പാലക്കാട് ജില്ലയിലേക്ക് കയറിയതോടെ റോഡ് വളരെ മികച്ചതായി കാണപ്പെട്ടു. പോകുന്ന വഴിയിൽ ഞങ്ങളെ മിക്കയാളുകളും തിരിച്ചറിയുകയുണ്ടായി. എല്ലാവരും ഞങ്ങൾക്ക് യാത്രാമംഗളങ്ങൾ ഓട്ടത്തിൽത്തന്നെ നേരുന്നുണ്ടായിരുന്നു. ഞങ്ങളും അവരോട് തിരിച്ച് ആശംസകൾ അറിയിക്കുകയുണ്ടായി. അങ്ങനെ ഞങ്ങൾ കേരള – തമിഴ്‌നാട് ബോർഡറായ വാളയാറിൽ എത്തിച്ചേർന്നു. വാളയാർ അതിർത്തിയിൽ വെച്ച് ഞങ്ങൾ ചില കാര്യങ്ങൾ പ്രതിജ്ഞയെടുത്തു. അവയിൽ പ്രധാനപ്പെട്ടവ ഇവയായിരുന്നു – അമിതവേഗത ഉപേക്ഷിക്കുക, മിതമായ സ്പീഡ് Maintain ചെയ്യുക, മറ്റുള്ളവരുമായി യാതൊരുവിധ കശപിശകൾക്കോ വാക്കേറ്റത്തിനോ മുതിരാതിരിക്കുക, കേരളം വിടുന്നതോടെ മലയാളി എന്നുള്ള എല്ലാവിധ അഹങ്കാരങ്ങളും ന്യായങ്ങളും ബോർഡറിൽത്തന്നെ ഉപേക്ഷിക്കുക.

അങ്ങനെ അൽപ്പം വിഷമത്തോടെയാണെങ്കിലും ഞങ്ങൾ കേരള അതിർത്തി കടന്നു തമിഴ്‌നാട്ടിലേക്ക് പ്രവേശിച്ചു. തമിഴ്‌നാട്ടിലെ കോയമ്പത്തൂരും കടന്നു ഞങ്ങൾ അനക്കട്ടിയിലേക്കുള്ള റൂട്ടിലേക്ക് കയറി. അപ്പോഴേക്കും നേരം ഇരുട്ടിത്തുടങ്ങിയിരുന്നു. രാത്രിയോടെ ഞങ്ങൾ അനക്കട്ടിയിലെ എസ്.ആർ.ജംഗിൾ റിസോർട്ടിൽ എത്തിച്ചേർന്നു. റിസോർട്ടിലെ രാത്രി കാഴ്ചകളെല്ലാം ഞങ്ങൾ കണ്ടുനടന്നു. അതിനുശേഷം നല്ല അടിപൊളി ഡിന്നറും ഞങ്ങൾ കഴിച്ചു. നല്ല യാത്രാക്ഷീണം ഉണ്ടായിരുന്നതിനാൽ റിസോർട്ടിൽ ഞങ്ങൾക്കായി തയ്യാറാക്കിയിരുന്ന റൂമിലേക്ക് ഉറങ്ങുവാനായി ഞങ്ങൾ നീങ്ങി. ഇനി നാളെ വീണ്ടും ഇവിടെ നിന്നും യാത്ര തുടരേണ്ടതാണ്. ബാക്കി വിശേഷങ്ങൾ അടുത്ത എപ്പിസോഡിൽ കാണാം.

Our Sponsors: 1) Dream Catcher Resort, Munnar: 97456 37111. 2) SR Jungle Resort, Anakkatti: 89739 50555 3) Goosebery Mens Apparel: http://goosebery.co.in. 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication,  Penta Menaka, Kochi.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post