റിപ്പബ്ലിക് ദിന പരേഡ് നേരിട്ടു കാണുവാൻ പോകാം. ടിക്കറ്റ് എങ്ങനെ കിട്ടും?

Total
0
Shares

ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത റിപ്പബ്ലിക് രാജ്യമായതിന്റെ ഓർമ്മക്കായി ജനുവരി 26 ന് ആഘോഷിക്കുന്നതിനെയാണ് റിപ്പബ്ലിക് ദിനം എന്നറിയപ്പെടുന്നത്. ഇന്ത്യയിലെ ദേശീയ അവധി ദിവസങ്ങളിൽ ഒന്നാണ് ജനുവരി 26.

ഈ ദിവസത്തിന്റെ പ്രാധാന്യം നിലനിർത്താൻ എല്ലാ വർഷവും ഇന്ത്യയുടെ തലസ്ഥാനമായ ന്യൂ ഡെൽഹിയിൽ വൻ സൈനിക പരേഡുകളും സാംസ്കാരിക പരിപാടികളും നടത്തപ്പെടുന്നു. സൈനിക പരേഡ് രാഷ്ട്രപതി ഭവനിൽ തുടങ്ങി രാജ്‌പഥിൽ കൂടി ചരിത്ര പ്രസിദ്ധമായ ചെങ്കോട്ടയിൽ ചെന്ന് ചേർന്ന് അവസാനിക്കുന്നു.

ഇന്ത്യയുടെ മൂന്ന് സേനകളായ കരസേന, നാവികസേന, വ്യോമസേന എന്നിവരുടെ സൈനികർ അവരുടെ മുഴുവൻ ഔദ്യോഗിക വേഷത്തിൽ ഈ ദിവസം പരേഡ് നടത്തുന്നു. ഇന്ത്യൻ സൈന്യത്തിന്റെ പരമോന്നത നേതാവായ രാഷ്ട്രപതി ഈ സമയം ഇതിന്റെ സല്യൂട് സ്വീകരിക്കുന്നു. ഇതു കൂടാതെ ഇന്ത്യയുടെ സാംസ്കാരിക വൈവിധ്യം കാണിക്കുന്ന ഒരു പാട് കാഴ്ചകളും ഈ പരേഡിൽ പ്രദർശിപ്പിക്കപ്പെടുന്നു. കൂടാതെ ഇന്ത്യൻ വ്യോമസേനയുടെ വിമാന സൈനിക പ്രദർശനങ്ങളും ഈ ദിവസം നടക്കുന്നു.

റിപ്പബ്ലിക് ദിനത്തിലെ പ്രധാന Highlight തന്നെയാണ് പരേഡ്. നമ്മളെല്ലാം ഈ പരേഡ് ലൈവായി ടിവിയിൽ കാണാറുള്ളതുമാണ്. എന്നാൽ ഈ പരേഡ് നേരിട്ടു കാണുവാൻ എല്ലാവർക്കും അവസരമുണ്ട് എന്ന കാര്യം ഇന്നും പലർക്കും അറിയില്ല. ടിക്കറ്റ് മൂലമാണ് ആളുകൾക്ക് പരേഡ് കാണുവാൻ സാധിക്കുന്നത്. എല്ലാ വർഷവും ജനുവരി 7 മുതൽ 25 വരെയുള്ള ദിവസങ്ങളിൽ റിപ്പബ്ലിക് പരേഡിന്റെ ടിക്കറ്റുകൾ ഡൽഹിയിലെ അതാത് കൗണ്ടറുകളിൽ ലഭിക്കുന്നതായിരിക്കും.

ടിക്കറ്റുകൾ ലഭിക്കുന്ന കൗണ്ടറുകൾ – North Block Roundabout,
Sena Bhawan (Gate 2), Pragati Maidan (Gate 1 at Bhairon Road), Jantar Mantar (Main Gate), Shastri Bhawan (near Gate 3), Jamnagar House (opposite India Gate), Red Fort (inside August 15 Park and opposite Jain Temple), Parliament House Reception Office, special counter for Members of Parliament.

ഈ ടിക്കറ്റ് കൗണ്ടറുകൾ ദിവസേന രാവിലെ 10 മുതൽ 12.30 വരെയും ഉച്ച തിരിഞ്ഞു 2 മുതൽ വൈകീട്ട് 4.30 വരെയും തുറന്നു പ്രവർത്തിക്കുന്നതായിരിക്കും. എന്നാൽ സേനാ ഭവനിലെ കൗണ്ടർ തിരക്കുകൾ പ്രമാണിച്ച് ജനുവരി 23 മുതൽ 25 വരെ രാത്രി 7 മണി വരെ തുറന്നിരിക്കും. പരേഡിന്റെ ഫുൾ ഡ്രസ്സ് റിഹേഴ്‌സൽ നടക്കുന്നതിനാൽ ജനുവരി 23 നു രാവിലെ എല്ലാ കൗണ്ടറുകളും അടച്ചിടും.

ആധാർ കാർഡ്, വോട്ടേഴ്‌സ് ഐഡി കാർഡ് തുടങ്ങി സർക്കാർ തരുന്ന ഏതു ഐഡി കാർഡുകളും ടിക്കറ്റ് എടുക്കുവാനുള്ള തിരിച്ചറിയൽ രേഖയായി ഉപയോഗിക്കാം. 2019 ലെ റിപ്പബ്ലിക് ദിന പരേഡ് കാണുവാനായുള്ള റിസർവേഷൻ ടിക്കറ്റ് നിരക്ക് 500 രൂപയാണ്. 500 രൂപ മുടക്കി ടിക്കറ്റ് എടുത്താൽ നിങ്ങൾക്ക് റിസർവ്വ് ചെയ്ത സീറ്റുകൾ ലഭിക്കും. ഇത് കൂടാതെ 100 രൂപയുടെയും 20 രൂപയുടെയും ടിക്കറ്റുകളും ലഭ്യമാണ്. എന്നാൽ ഈ ടിക്കറ്റ് എടുത്തവർക്ക് സീറ്റുകൾ റിസർവ്വ് ചെയ്തിട്ടുണ്ടാകില്ല. അതുകൊണ്ട് 100, 20 ടിക്കറ്റുകൾ എടുക്കുന്നവർ നേരത്തെ തന്നെ കയറി സൗകര്യപ്രദമായ സ്ഥലം പിടിച്ചിരിക്കണം.

ഓരോ ടിക്കറ്റ് കൗണ്ടറുകളിലും ദിവസേന വിൽപ്പനയ്ക്ക് ലഭ്യമായിട്ടുള്ള ടിക്കറ്റുകളുടെ എണ്ണം പരിമിതമായിരിക്കും. 500 രൂപയുടെ റിസർവേഷൻ ടിക്കറ്റിനാണ് ആവശ്യക്കാർ ഏറെയും. അതിനാൽ ഈ വിഭാഗത്തിൽപ്പെട്ട ടിക്കറ്റുകൾ എളുപ്പം തീരുകയും ചെയ്യും. ടിക്കറ്റുകൾ എടുക്കുവാനായി രാവിലെ 8 മണിയോടെ തന്നെ ക്യൂവിൽ സ്ഥാനം പിടിക്കുന്നതാണ് നല്ലത്. ഒരു ഐഡി കാർഡ് ഉപയോഗിച്ച് രണ്ടു ടിക്കറ്റുകൾ മാത്രമേ വാങ്ങുവാൻ സാധിക്കുകയുള്ളൂ.

പരേഡ് നടക്കുന്നയിടത്തു പ്രവേശിക്കുന്നവർ ശ്രദ്ധിക്കേണ്ട ചില കാര്യങ്ങളുണ്ട്. മൊബൈൽഫോൺ, ക്യാമറ തുടങ്ങിയ ഇലക്ട്രോണിക് ഉപകരണങ്ങൾ അവിടെ കൊണ്ടുപോകുവാൻ പാടുള്ളതല്ല. കഴിവതും നേരത്തെ എത്തി സീറ്റ് പിടിക്കണം. ദേശീയഗാനം ആരംഭിച്ചു കഴിഞ്ഞാൽ പരേഡ് നടക്കുന്നയിടത്തേക്കുള്ള എല്ലാ എൻട്രൻസുകളും അടയ്ക്കും. ഡൽഹിയിൽ ഈ സമയത്ത് രാവിലെയുള്ള കാലാവസ്ഥ തണുപ്പേറിയതായിരിക്കും. അതിനാൽ തണുപ്പിനെ അതിജീവിക്കുന്നതിനായുള്ള ജാക്കറ്റുകൾ ധരിക്കുവാൻ ശ്രദ്ധിക്കണം.

റിപ്പബ്ലിക് ദിന പരേഡ് ടിക്കറ്റുകളെക്കുറിച്ചുള്ള കൂടുതൽ വിവരങ്ങൾക്ക് ബന്ധപ്പെടാം : രാജീവ് കുമാർ, സ്പെഷ്യൽ ഡ്യൂട്ടി ഓഫീസർ (Sale of Tickets & Printing), ഫോൺ – (011) 2301-0047.

വിവരങ്ങൾക്ക് കടപ്പാട് – വിക്കിപീഡിയ, tripsavvy.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post