സൺറൂഫ് ഉള്ള ട്രാക്ടർ ചൈനയിലെ വണ്ടികൾ കണ്ട് കിളിപോയപ്പോൾ

Total
0
Shares

ചൈനയിലെ കാന്റൺ ഫെയറിലെ വാഹനങ്ങളുടെ സ്റ്റാളിലെ കാഴ്ചകൾ കണ്ടു തീരാതെ അടുത്ത ദിവസവും ഞങ്ങൾ അവിടേക്ക് എത്തിച്ചേർന്നു. ഞാനും മാനുക്കയുമായിരുന്നു വണ്ടികളുടെ സ്റ്റാളിലേക്ക് വന്നത്. ആദ്യം ഞങ്ങൾ പോയത് കൃഷി ആവശ്യങ്ങൾക്കായി ഉപയോഗിക്കാവുന്ന അല്ലെങ്കിൽ ഒരുതരത്തിൽ പറഞ്ഞാൽ മാൻപവർ കുറയ്ക്കുന്നതിനായി ഉപയോഗിക്കാവുന്ന വ്യത്യസ്ത തരത്തിലെ വാഹനങ്ങൾ കാണുവാനായിരുന്നു. അവിടെ കണ്ട പ്രധാനപ്പെട്ട വാഹനങ്ങളുടെ ഒരു ചെറുവിവരണമാണ് ഈ ലേഖനത്തിൽ.

ട്രാക്ടറുകൾ : കൃഷി ആവശ്യങ്ങൾക്കായി ഏറ്റവുമധികം ഉപയോഗിക്കുന്ന ഒരു വാഹനമാണ് ട്രാക്ടർ. തീരെ ചെറുത് മുതൽ നല്ല വലിപ്പത്തിലുള്ളതു വരെ പലതരത്തിൽ ട്രാക്ടറുകൾ അവിടെ കാണുവാൻ സാധിച്ചു. നമ്മുടെ നാട്ടിൽ സാധാരണ കണ്ടിട്ടുള്ള ട്രാക്ടറുകളെ അപേക്ഷിച്ച് ഈ ചൈനീസ് ട്രാക്ടറുകൾക്ക് ആകർഷണീയമായ, രാജകീയ പ്രൗഢി നൽകുന്ന ലുക്ക് ആണ് പ്രധാനം. ട്രാക്ടറുകളുടെ മുൻഭാഗത്തെ ഗ്രില്ലിനു വരെ ഒരു സ്റ്റൈലിഷ് ലുക്ക് ആണ്. അവയുടെ സ്റ്റീയറിങ് ഒക്കെ നമ്മുടെ ആഡംബര കാറുകളിലേതു പോലെ അടിപൊളിയായിരുന്നു. ചുവപ്പ്, പച്ച, നീല, ഓറഞ്ച് തുടങ്ങിയ കിടിലൻ കളറുകളിലാണ് ട്രാക്ടറുകൾ കാണപ്പെട്ടത്.

സാധാരണ ട്രാക്ടറുകൾ കൂടാതെ അത്യാധുനിക സൗകര്യങ്ങളുള്ള, ഒരു ആഡംബര ട്രാക്ടറും സന്ദർശകരുടെ ശ്രദ്ധ കവരുന്നതായിരുന്നു. ഗ്ളാസ് ഇട്ട കാബിൻ, എസി, ഫാൻ, സൺറൂഫ്, മ്യൂസിക് സിസ്റ്റം തുടങ്ങി ഒരു ലക്ഷ്വറി വാഹനത്തിൽ വേണ്ട എല്ലാം അടങ്ങിയ ആ ട്രാക്ടർ കാണികൾക്ക് ഒരു അത്ഭുതം തന്നെയായിരുന്നു. ചുരുക്കിപ്പറഞ്ഞാൽ കർഷകർക്ക് വിയർപ്പൊഴുക്കാതെ കൃഷി ചെയ്യുവാൻ സഹായിക്കുന്ന തരത്തിലുള്ളവയാണ് ഈ ലക്ഷ്വറി ട്രാക്ടറുകൾ. നമ്മുടെ നാട്ടിലും ഇത്തരത്തിലുള്ള ട്രാക്ടറുകൾ വിപണിയിലെത്തിയാൽ ചിലപ്പോൾ പുതിയ തലമുറയെ കൃഷിപ്പണികളിലേക്ക് കൂടുതൽ ആകർഷിക്കുവാൻ കഴിഞ്ഞേക്കും. എന്തായാലും ചൈനക്കാരുടെ ബുദ്ധി കൊള്ളാം.

ട്രാക്ടറുകൾ കൂടാതെ വിവിധ തരത്തിലുള്ള എസ്കവേറ്ററുകളും പ്രദർശനത്തിൽ കാണുവാൻ സാധിച്ചു. നമ്മുടെ നാട്ടിൽ സാധാരണ എല്ലാത്തരം എസ്കവേറ്ററുകളെയും ജെ.സി.ബി. എന്നാണു പറയുന്നത്. ഇത്തരത്തിലുള്ള പല ചൈനീസ് കമ്പനികളുടെ എസ്കവേറ്റർ മോഡലുകൾ വളരെ ആകർഷണീയമാണ്. ഇത്തരം വാഹനങ്ങൾ കൂടാതെ കൃഷിയുമായി ബന്ധപ്പെട്ട പലതരം മെഷിനറികളും അവിടെയുണ്ടായിരുന്നു. അതിൽ ഏറ്റവും ആകർഷണീയമായി തോന്നിയതാണ് നെല്ല്, അരിയായി വേർതിരിച്ചെടുക്കുന്ന ചെറിയ മെഷീൻ. ഏതൊരാൾക്കും വളരെ എളുപ്പത്തിൽ കൈകാര്യം ചെയ്യുവാൻ സാധിക്കുന്ന ഈ മെഷീൻ ചെറിയ രീതിയിൽ കൃഷികൾ ചെയ്യുന്നവർക്ക് ഉപകാരപ്രദമാണ്. ഏകദേശം 10000 രൂപയോളമാണ് ഈ ഉപകരണത്തിന്റെ വില.

കൃഷിയാവശ്യങ്ങൾക്കായുള്ള വാഹനങ്ങൾക്കും മെഷിനറികൾക്കും പുറമെ, കോൺക്രീറ്റ് ആവശ്യങ്ങൾക്കായുള്ള ഉപകരണങ്ങളും വാഹനങ്ങളുമൊക്കെ പ്രദർശനത്തിൽ ഞങ്ങൾക്ക് കാണുവാൻ സാധിച്ചു. ഇന്റർലോക്ക് ഹോളോബ്രിക്സ് ഉണ്ടാക്കുന്ന മെഷീനുകൾ ഏവരെയും ആകർഷിക്കുന്ന ഒന്നായിരുന്നു. എല്ലാ സ്റ്റാളുകളിൽ നിന്നും ഞങ്ങൾക്ക് വളരെ നല്ല പെരുമാറ്റമായിരുന്നു ലഭിച്ചത്. ചൈനക്കാർക്ക് ഇന്ത്യക്കാരോട് നല്ല മതിപ്പും ബഹുമാനവുമൊക്കെയാണെന്നു ഞങ്ങൾക്ക് കഴിഞ്ഞ രണ്ടു ദിവസം കൊണ്ടുതന്നെ മനസ്സിലായതാണ്. കാരണം, ചൈനക്കാരുടെ പ്രധാന ബിസ്സിനസ്സ് പങ്കാളികൾ, കസ്റ്റമേഴ്‌സ് തുടങ്ങിയവർ ഇന്ത്യയിൽ നിന്നുള്ളവരാണ് എന്നതു തന്നെ.

കാന്റൺ ഫെയറിലെ വാഹനങ്ങളുടെ കാഴ്ചകൾ ഇവിടെ അവസാനിക്കുന്നില്ല. ബാക്കി വണ്ടിവിശേഷങ്ങൾ അടുത്ത എപ്പിസോഡിൽ കാണാം. ചൈനാ യാത്രയെക്കുറിച്ച് കൂടുതൽ അറിയാൻ: +91 7594022166.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post