അധികമാരും കാണാത്ത ഓൾഡ് ഡൽഹിയിലെ കാഴ്ചകൾ

Total
0
Shares

പാക്കിസ്ഥാൻ യാത്രയ്ക്ക് ശേഷം ഞങ്ങൾ നേരെ പോയത് ഡൽഹിയിലേക്ക് ആയിരുന്നു. ഡൽഹിയിൽ കറങ്ങിത്തിരിഞ്ഞതിനു ശേഷം ഞങ്ങൾ പിന്നീട് പോയത് ഉറുദു ബസാർ റോഡിലേക്ക് ആയിരുന്നു. ഡൽഹി ജുമാ മസ്ജിദ് കാണുക എന്നതായിരുന്നു ഞങ്ങളുടെ പ്ലാൻ.

ഡൽഹി ഇലക്ഷനു മുൻപുള്ള സമയമായിരുന്നു അത്. മസ്ജിദിലേക്ക് പോകുന്നതിനിടയിൽ ഏതോ സ്ഥാനാർഥി പോലീസ് അകമ്പടിയോടെ വോട്ട് അഭ്യർത്ഥിക്കുവാനായി ആളുകൾക്കിടയിൽ നടക്കുന്ന കാഴ്ച കണ്ടു. പുള്ളി പിന്നീട് ജയിച്ചോ ഇല്ലയോ എന്നറിയില്ല.

അങ്ങനെ ഞങ്ങൾ അവിടെ സമീപത്തായുള്ള ഡൽഹി ജുമാ മസ്ജിദിൽ എത്തിച്ചേർന്നു. ഈ മസ്ജിദ് മസ്ജിദ്-ഇ-ജഹാൻ നുമാ, ജമാ മസ്ജിദ്, ജാമി മസ്ജിദ്, ജാമിയ മസ്ജിദ് എന്നിങ്ങനെയും പൊതുവെ അറിയപ്പെടുന്നു. 644-56 കാലയളവിൽ മുഗൾ ചക്രവർത്തി ഷാ ജഹാനാണ്‌ ഈ പള്ളി പണി തീർത്തത്. ഷാ ജഹാൻ ദില്ലിയിലെ തന്റെ പുതിയ തലസ്ഥാനനഗരമായ ഷാജഹാനാബാദിലെ (ഇന്നത്തെ ഓൾഡ് ഡൽഹി) നമസ്കാരപ്പള്ളിയായാണ്‌ ഇത് പണിതത്. ഇന്ത്യയിലെ അറിയപ്പെടുന്ന മുസ്ലിം പള്ളികളിൽ ഒന്നാണിത്.

ഇതിന്റെ നിർമ്മാണത്തിന് നേതൃത്വം നല്കിയത് സാധുള്ള ഖാൻ എന്നു പേരുള്ള ഷാജഹാന്റെ പ്രധാനമന്ത്രിയായിരുന്നു. അന്നത്തെ കാലത്ത് ഒരു മില്യൺ രൂപയാണ് ഇതിന്റെ നിർമ്മാണത്തിനായി ചെലവാക്കിയത്.

മസ്ജിദിൽ പ്രവേശിക്കുന്നതിന് ഫീസുകൾ ഒന്നുംതന്നെയില്ല. പക്ഷേ ക്യാമറ ഉപയോഗിക്കുവാൻ 300 രൂപയുടെ ടിക്കറ്റ് എടുക്കേണ്ടതായുണ്ട്. അതുപോലെ തന്നെ മസ്ജിദിനകത്ത് ടിക്ടോക് വീഡിയോകൾ എടുക്കുവാൻ പാടില്ല എന്ന് പ്രത്യേകം എഴുതി വെച്ചിട്ടുള്ളതായി കണ്ടു. ധാരാളമാളുകൾ മസ്ജിദിലും പരിസരങ്ങളിലുമായി ഉണ്ടായിരുന്നു. മസ്ജിദ് കോംബൗണ്ടിൽ ഒരിടത്തു നിന്നാൽ അകലെയായി പ്രശസ്തമായ റെഡ്ഫോർട്ട് ദർശിക്കുവാൻ സാധിക്കും.

മസ്ജിദിലെ കാഴ്ചകൾ കണ്ടതിനു ശേഷം ഞങ്ങൾ അവിടെ നിന്നും പുറത്തേക്ക് ഇറങ്ങി. പുറത്താണെങ്കിൽ റിക്ഷാവാലകളുടെ പൂരമായിരുന്നു. റോഡിലെല്ലാം ആളുകളും, വാഹനങ്ങളുമൊക്കെയായി നല്ല തിരക്ക്.വഴി ക്രോസ്സ് ചെയ്യുവാൻ തന്നെ ഞങ്ങൾ നന്നായി ബുദ്ധിമുട്ടി. എങ്ങും ശബ്ദമുഖരിതം… വല്ലാത്തൊരു വീർപ്പുമുട്ടൽ ആയിരുന്നു അനുഭവപ്പെട്ടത്.

വഴിയ്ക്കിരുവശവും പലതരത്തിലുള്ള കച്ചവട സ്ഥാപനങ്ങൾ ഉണ്ടായിരുന്നു. ചില പഴയ കെട്ടിടങ്ങളിലൊക്കെ ആളുകൾ താമസിക്കുന്നുണ്ടെന്നു ഒറ്റനോട്ടത്തിൽ തന്നെ മനസ്സിലായി. ഒരിടത്ത് ആളുകളുടെ ക്യൂ കണ്ട് എന്താണെന്നു നോക്കുവാനായി ഞങ്ങൾ ചെന്നു. അവിടെ ഭക്ഷണം വിതരണം ചെയ്യുകയായിരുന്നു. സൗജന്യമാണെന്നു തോന്നുന്നു. പാവങ്ങളായ ആളുകൾ അത് വാങ്ങി അവിടെത്തന്നെ നിലത്തിരുന്നുകൊണ്ട് കഴിക്കുന്ന കാഴ്ച വളരെ ദയനീയമായിരുന്നു. ചിലരൊക്കെ അഭയാർത്ഥികളെപ്പോലെ ഭക്ഷണത്തിനായി കാത്തിരിക്കുന്നു. വിദേശികളടക്കമുള്ള ധാരാളം സഞ്ചാരികൾ വരുന്ന സ്ഥലമാണിത്. ഈ കാഴ്ചകളൊക്കെ അവരുടെ മനസ്സിൽ നമ്മുടെ രാജ്യത്തെക്കുറിച്ച് എന്തു തോന്നിപ്പിക്കും…

അങ്ങനെ പലതരത്തിലുള്ള സന്തോഷകരവും വിഷമകരവുമായ കാഴ്ചകളൊക്കെ കണ്ടുകൊണ്ട് ഞങ്ങൾ ആ തെരുവിലൂടെ നടന്നു. ചില തട്ടുകടകളിൽ കയറി ഞങ്ങൾ വ്യത്യസ്തമായ വിഭവങ്ങൾ രുചിക്കുവാനും മടിച്ചില്ല. നടന്നുനടന്നു ക്ഷീണിച്ചപ്പോൾ ഞങ്ങൾ ഒരു സൈക്കിൾ റിക്ഷയിൽക്കയറി യാത്രയായി. വൈദ്യുതിയിൽ പ്രവർത്തിക്കുന്ന റിക്ഷയിലായിരുന്നു ഞങ്ങൾ കയറിയത്. എന്റമ്മോ ആ ഒരു യാത്രയെക്കുറിച്ച് ഒന്നും പറയേണ്ട, അമ്മാതിരി പോക്കായിരുന്നു.

ന്യൂഡൽഹിയിൽ ആധുനിക കാലത്തിന്റെ മുഖച്ഛായ കാണാമെങ്കിലും പുരാന ഡൽഹി പേരു പോലെ തന്നെ പഴയ രീതിയിൽ തന്നെയാണ് എല്ലാം. സൈക്കിൾ റിക്ഷകൾ ഏറ്റവും കൂടുതൽ ഉപയോഗിക്കുന്നതും ഇവിടെ തന്നെ. ഒടുവിൽ ഞങ്ങളുടെ സൈക്കിൾ റിക്ഷായാത്ര അവസാനിച്ചത് മെട്രോ സ്റ്റേഷനിലായിരുന്നു. അങ്ങനെ ഓൾഡ് ഡൽഹി തെരുവുകളിലെ കറക്കമെല്ലാം കഴിഞ്ഞു ഞങ്ങൾ മെട്രോയിൽ കയറി ഞങ്ങൾ താമസിക്കുന്ന ഹോട്ടൽ സ്ഥിതി ചെയ്യുന്ന ഏരിയ ലക്ഷ്യമാക്കി നീങ്ങി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post