ജീവിതത്തിൽ ഒരിക്കലും മറക്കാനാവാത്ത ജമ്മു – ശ്രീനഗർ റോഡ് ട്രിപ്പ്…

Total
0
Shares

ജമ്മുവിൽ നിന്നും ശ്രീനഗറിലേക്കുള്ള യാത്രയിലായിരുന്നു ഞങ്ങൾ. ഉധംപൂർ എന്ന സ്ഥലം വരെ നല്ല കിടിലൻ നാലുവരിപ്പാതയായിരുന്നു. എന്നാൽ അവിടെ നിന്നും പിന്നങ്ങോട്ട് റോഡ് രണ്ടുവരിയായി ചുരുങ്ങി. എങ്കിലും അവിടെ നാലുവരി ആക്കുവാനുള്ള നിർമ്മാണപ്രവർത്തനങ്ങൾ നടക്കുന്നുണ്ടായിരുന്നു.

പോകുന്ന വഴിയിൽ ഞങ്ങൾ വണ്ടി നിർത്തി കുറച്ചുനേരം വിശ്രമിക്കുവാനായി ഒരു തണലുള്ള സ്ഥലം നോക്കി നടക്കുകയായിരുന്നു. ഒടുവിൽ ഞങ്ങൾ വഴിയരികിൽ ഒരു തണലുള്ള സ്ഥലം കണ്ടെത്തി. നല്ല ചൂടുള്ള അന്തരീക്ഷത്തിൽ ആ സ്ഥലത്തെ തണൽ ഞങ്ങൾക്ക് വല്ലാത്തൊരു കുളിർമ്മ തന്നെയായിരുന്നു പ്രദാനം ചെയ്തത്.

കുറച്ചു കഴിഞ്ഞപ്പോൾ വീണ്ടും നാലുവരിപ്പാത തുടങ്ങി. അങ്ങനെ കുറച്ചു ദൂരം ചെന്നപ്പോൾ ഇന്ത്യയിലെ ഏറ്റവും വലിയ തുരങ്കപാതയായ ചെനാനി-നഷ്‌റി മുന്നിൽ കണ്ടു. ലോകത്തിലെ ഏറ്റവും നീളം കൂടിയ തുരങ്കപാതകളിൽ പന്ത്രണ്ടാം സ്ഥാനമാണ് ഇതിന്. ഏകദേശം ഒൻപതു കിലോമീറ്ററോളം നീളമുണ്ട്‌ ഈ തുരങ്കപാതയ്ക്ക്. ഈ പാത വന്നതോടെ ജമ്മു – ശ്രീനഗർ യാത്രയിൽ ഏതാണ്ട് രണ്ടു മണിക്കൂറോളം ലഭിക്കുവാൻ കഴിയുന്നു. ആഹാ സംഭവം കിടിലൻ തന്നെ…

ഞങ്ങൾ തുരങ്കത്തിലൂടെ യാത്ര തുടങ്ങി. അതിലൂടെ പോകുന്ന വാഹനങ്ങൾക്ക് മണിക്കൂറിൽ 50 കിലോമീറ്റർ ആണ് വേഗതാപരിധി. ഏതാണ്ട് പതിനഞ്ചു മിനിറ്റിലധികം ടണലിലൂടെ സഞ്ചരിച്ചു ഞങ്ങൾ മറുപുറത്തെത്തി. അങ്ങനെ നാലുവരിപ്പാത വീണ്ടും രണ്ടുവരിയായി ചുരുങ്ങി. ഒടുവിൽ റാംബൻ എന്നു പേരുള്ള ഒരു ചെറിയ ടൗണിൽ ഞങ്ങൾ എത്തിച്ചേർന്നു. അവിടെ കണ്ട ഒരു ഹോട്ടലിൽ കയറി ഞങ്ങൾ ചിക്കൻ ഫ്രൈയും ഓംലറ്റും ചിക്കൻ കറിയുമെല്ലാം കൂട്ടി ഊണ് കഴിച്ചു. നല്ല സ്വയമ്പൻ ഭക്ഷണം തന്നെയായിരുന്നു അവിടെ. ഹോട്ടലിൽ നിന്നും ഇറങ്ങുന്നതിനു മുൻപായി അവരോട് നന്ദി പറയുവാൻ ഞങ്ങൾ മറന്നില്ല.

അവിടെ നിന്നും പിന്നീട് അങ്ങോട്ട് വീതികുറഞ്ഞ ചുരം റോഡ് ആയിരുന്നു. പോകുന്ന വഴിയിൽ ഏതോ ഒരു തുരങ്കപാതയുടെ നിർമ്മാണപ്രവർത്തനങ്ങൾ നടക്കുന്നുണ്ടായിരുന്നു. ഇടയ്ക്കിടയ്ക്ക് ഇന്ത്യൻ ആർമിയുടെ വാഹനങ്ങൾ എതിരെ കടന്നുപോകുന്നത് കണ്ടു. കുറേദൂരം സഞ്ചരിച്ചു കഴിഞ്ഞപ്പോൾ നല്ല പച്ചപ്പുള്ള പ്രദേശങ്ങൾ കണ്ടുതുടങ്ങി. അങ്ങോട്ടു ചെല്ലുന്തോറും അന്തരീക്ഷത്തിലെ ചൂട് കുറഞ്ഞു വരാൻ തുടങ്ങി.

പോകുന്ന വഴിയിൽ ഒരു വ്യൂ പോയിന്റ് കണ്ട ഞങ്ങൾ അവിടെയിറങ്ങിയപ്പോഴേക്കും മുകൾഭാഗത്തു നിന്നും ആരോ വിസിലടിക്കുന്നു. നോക്കിയപ്പോഴാണ് പട്ടാളക്കാർ ആണെന്ന് മനസ്സിലായത്. ഉടനെ ഞങ്ങൾ തിരികെ വണ്ടിയിൽക്കയറി അവിടെ നിന്നും യാത്രയായി. അപ്പോഴാണ് ഞങ്ങൾക്ക് ഒരു കാര്യം മനസ്സിലായത്, ഇതിലൂടെ കടന്നുപോകുന്ന എല്ലാവരും നമ്മുടെ സൈന്യത്തിന്റെ നോട്ടത്തിലായിരിക്കും.

ഞങ്ങൾ യാത്ര ചെയ്തുകൊണ്ടിരുന്ന പാത വളരെ അപകടം പിടിച്ചതായിരുന്നു. പോകുന്ന വഴിയിൽ കൊക്കയിലേക്ക് മറിഞ്ഞ ഒരു ലോറി ക്രെയിൻ ഉപയോഗിച്ച് ഉയർത്തുന്ന ദൃശ്യം കണ്ടപ്പോഴാണ് ഞങ്ങൾക്ക് ആ റൂട്ടിന്റെ ഭയാനകത മനസ്സിലായത്. ഞങ്ങൾ വളരെ ശ്രദ്ധയോടെയായിരുന്നു ചുരം റോഡിലൂടെ ഡ്രൈവ് ചെയ്തിരുന്നത്. അങ്ങനെ ചുരം റോഡുകളെല്ലാം കഴിഞ്ഞു ഞങ്ങൾ വീണ്ടും വീതിയുള്ള നാലുവരിപ്പാതയിലേക്ക് കയറി. ഹൈവേയുടെ ഇരുവശത്തും നല്ല പച്ചപ്പാർന്ന നെൽപ്പാടങ്ങളും അങ്ങകലെ തലയുയർത്തി നിൽക്കുന്ന മഞ്ഞുമലകളും… ആഹാ വളരെ മനോഹരമായ ഒരു കാഴ്ച…

ഞങ്ങൾ വഴിയരികിൽ ഒരിടത്ത് വണ്ടി നിർത്തി അവിടത്തെ ഭംഗിയൊക്കെ ആസ്വദിച്ചു. അതിനിടെ മുൻപ് യാത്രയ്ക്കിടയിൽ പരിചയപ്പെട്ട റാന്നിക്കാരൻ ഡോക്ടർ റൈഡറെ അവിടെവെച്ചു കണ്ടുമുട്ടി. കുറച്ചുനേരം ഞങ്ങൾ വിശേഷങ്ങൾ പങ്കുവെച്ചശേഷം വീണ്ടും കാണാം എന്ന ഉറപ്പിൽ അവിടെ നിന്നും യാത്രയായി. ഏതാണ്ട് ഒരു വിദേശ രാജ്യത്തുകൂടി യാത്ര ചെയ്യുന്ന ഒരു ഫീൽ ആയിരുന്നു ഞങ്ങൾക്ക് ആ റോഡിലൂടെ സഞ്ചരിക്കുമ്പോൾ ലഭിച്ചിരുന്നത്.

അങ്ങനെ ഒടുവിൽ ഞങ്ങൾ ശ്രീനഗറിൽ എത്തിച്ചേർന്നു. കാശ്മീരിൽ വരുന്നവർ ശ്രദ്ധിക്കേണ്ട ഒരു പ്രധാനപ്പെട്ട കാര്യമെന്തെന്നാൽ അവിടെ പ്രീപെയ്‌ഡ്‌ സിംകാർഡുകൾ പ്രവർത്തിക്കില്ലെന്നതാണ്. സുരക്ഷാ കാരണങ്ങൾ മുൻനിർത്തി പോസ്റ്റ്പെയ്‌ഡ്‌ സിംകാർഡുകൾ മാത്രമേ അവിടെ പ്രവർത്തിക്കുകയുള്ളൂ. ഞങ്ങളുടെ കൈവശം പോസ്റ്റ്പെയ്‌ഡ്‌ സിംകാർഡുകൾ ഉണ്ടായിരുന്നതിനാൽ ആ കാരണത്താൽ ബുദ്ധിമുട്ട് അനുഭവിക്കേണ്ടി വന്നിരുന്നില്ല.

നമ്മുടെ ഒരു ഫോളോവറും, സൗദി പ്രവാസിയും, പൊന്നാനിയ്ക്ക് അടുത്തുള്ള അയിരൂർ സ്വദേശിയുമായ സക്കീർ ഭായി മുൻകൈയെടുത്ത് ശ്രീനഗറിൽ ഞങ്ങൾക്കായി ഒരു ഫൈവ് സ്റ്റാർ ഹോട്ടലിൽ റൂം സ്പോൺസർ ചെയ്തിരുന്നു. ‘ഫോർ പോയിന്റ്സ് ബൈ ഷെറാട്ടൺ’ എന്ന കിടിലൻ ഹോട്ടലിലായിരുന്നു സക്കീർഭായ് ഞങ്ങൾക്ക് റൂം റെഡിയാക്കിയിരുന്നത്. അതിനു സക്കീർഭായിയോട് തീർത്താൽ തീരാത്ത കടപ്പാടും സ്നേഹവുമുണ്ട്.

ഹോട്ടലിൽ കയറിയ ഞങ്ങൾക്ക് വെൽക്കം ഡ്രിങ്ക് ആയി നൽകിയത് രുചിയേറിയ ‘കാശ്മീരി കാവ’ എന്ന പാനീയമായിരുന്നു. വളരെ രസകരമായി ഞങ്ങൾക്ക് അതു കുടിച്ചപ്പോൾ തോന്നി. അതിനുശേഷം ഞങ്ങൾ റൂമിലേക്ക് പോയി. നല്ല അടിപൊളി റൂം ആയിരുന്നു ഞങ്ങളുടേത്. അപ്പോൾ സമയം രാത്രി എട്ടുമണിയായിരുന്നു. എട്ടുമണി ആയെങ്കിലും അവിടെ സൂര്യൻ അസ്തമിക്കുവാൻ തുടങ്ങുന്നതേ ഉണ്ടായിരുന്നുള്ളൂ.

ഇത്രയും ദൂരം സഞ്ചരിച്ച ഞങ്ങളെല്ലാം ഭയങ്കര ക്ഷീണിതരായിരുന്നു. അതുകൊണ്ട് പെട്ടെന്ന് ഡിന്നർ കഴിച്ച ശേഷം ഞങ്ങൾ റൂമിൽ കിടന്നുറക്കമായി. കശ്മീരിലെ കാഴ്ചകൾ ഇനി തുടങ്ങുന്നേയുള്ളൂ… ബാക്കിയൊക്കെ ഇനി അടുത്ത ദിവസം….

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ലോകത്തെ ഏറ്റവും വലിയ യാത്രാവിമാനം A380 യിൽ കയറി റഷ്യയിലേക്ക്

മാലിദ്വീപിൽ കുറച്ചു ദിവസങ്ങൾ അടിച്ചുപൊളിച്ച ശേഷം ഞാൻ പിന്നീട് റഷ്യയിലേക്കായിരുന്നു യാത്ര പുറപ്പെട്ടത്. മാലിദ്വീപിൽ നിന്നും നേരിട്ട് റഷ്യയിലേക്ക് വിമാനസർവീസ് ഉണ്ടായിരുന്നുവെങ്കിലും ദുബായ് വഴി പോകുവാനായിരുന്നു എൻ്റെ തീരുമാനം. അതിനു രണ്ടു കാരണങ്ങളുണ്ടായിരുന്നു. ഒന്ന് ദുബായ് വഴി പോകുമ്പോൾ ടിക്കറ്റ് ചാർജ്ജ്…
View Post