കാന്തല്ലൂരിലെ ഭംഗി ആസ്വദിക്കാൻ പ്ലാസ്റ്റിക്ക് ഉപയോഗിക്കാത്ത ഒരു Nature Friendly റിസോർട്ട്

Total
1
Shares

ഇടുക്കി ജില്ലയിലെ കാന്തല്ലൂരിൽ എത്തിയതാണ് ഞങ്ങൾ. ഞങ്ങളെന്നു പറഞ്ഞാൽ ഞാൻ, ശ്വേത, എമിൽ, അഞ്ചു, എമിലിന്റെ കസിൻ ജിൻസ് എന്നിവർ. കാന്തല്ലൂരിലെ ജംഗിൾബുക്ക് വിന്റേജ് റിസോർട്ടിൽ ആയിരുന്നു ഞങ്ങളുടെ താമസം. കാന്തല്ലൂരിലെ ഭംഗി ആസ്വദിക്കാൻ പ്ലാസ്റ്റിക്ക് ഉപയോഗിക്കാത്ത ഒരു Nature Friendly റിസോർട്ട്, അതാണ് ജംഗിൾബുക്ക്. പ്രകൃതിയെ തൊട്ടറിഞ്ഞ് കൊണ്ടുള്ള നിർമ്മിതികളാണ് ഇതിന്റെ പ്രത്യേകത.

സാധാരണ റിസോർട്ടുകളിലെ കോട്ടേജുകളെ അപേക്ഷിച്ചു മണ്ണിൽ ചാണകം മെഴുകി ഉണ്ടാക്കിയതാണ് ഇവിടത്തെ പ്രകൃതിദത്ത കോട്ടേജുകൾ. രാത്രികാലങ്ങളിൽ തണുപ്പ് ക്രമാതീതമായി ഉയരുന്ന കാലാവസ്ഥയാണ് കാന്തല്ലൂരിലും പരിസരപ്രദേശങ്ങളിലും. ഈ തണുപ്പിനെ അതിജീവിച്ചുകൊണ്ട് മുറിക്കുള്ളിൽ അൽപ്പം ചൂട് നിലനിർത്തുവാൻ ഈ മണ്ണുകൊണ്ടുള്ള ഭിത്തികളും നിർമ്മിതികളും ഒരു പരിധി വരെ സഹായകമാണ്. സാധാരണ കോൺക്രീറ്റ് കെട്ടിടങ്ങളിൽ താമസിച്ചു പരിചയമുള്ള നമുക്ക് ഇത്തരമൊരു വ്യത്യസ്തമായ കോട്ടേജിലെ താമസം വളരെ കൗതുകകരവും ആസ്വാദ്യകരവുമാണ്.

മുകളിലും താഴെയുമൊക്കെയായിട്ടാണ്‌ റിസോർട്ടിലെ കോട്ടേജുകൾ സ്ഥിതി ചെയ്യുന്നത്. ഓരോ കോട്ടേജുകളുടെ അടുത്തും അതിഥികൾക്ക് റിലാക്സ് ചെയ്യുവാനായി ഓരോ പാടികൾ നിർമ്മിച്ചിട്ടുണ്ട്. തടിയും കോതപ്പുല്ലും കൊണ്ടാണ് ഈ പാടികൾ നിർമ്മിച്ചിരിക്കുന്നത്. പാടികൾക്ക് അടുത്തായി മനോഹരമായ ചെറിയൊരു പൂന്തോട്ടവും ഉണ്ട്. കോട്ടേജിലെ കട്ടിലുകൾ വരെ പ്രാദേശികമായ തടി കൊണ്ട് നിർമ്മിച്ചവയാണ്. ഒരു ബെഡ്‌റൂം, ഒരു ഡ്രെസ്സിംഗ് റൂം, ബാത്ത്റൂം എന്നിവയടങ്ങിയതാണ് കോട്ടേജുകൾ. ബാത്ത്റൂമിൽ മനോഹരമായ ടൈലുകളും സെറ്റ് ചെയ്തിട്ടുണ്ട്.

മഡ് ഹൗസ് കോട്ടേജുകളെക്കൂടാതെ മുഴുവനായും തടികൊണ്ടു നിർമ്മിച്ച ഒരു വുഡ്ഹൗസും ഈ റിസോർട്ടിലുണ്ട്. ഹണിമൂൺ ആഘോഷിക്കുന്നവർക്ക് തിരഞ്ഞെടുക്കുവാൻ പറ്റിയ ഒരു കോട്ടേജാണ് വുഡ്ഹൗസ്. BSNL ഒഴികെ മറ്റു മൊബൈൽ നെറ്റ്വർക്കുകൾ ഒന്നുംതന്നെ ഇവിടെയില്ല. പക്ഷേ റിസോർട്ടിൽ വൈഫൈ സൗകര്യം ലഭ്യമാണ്.

കോട്ടേജുകളുടെ കാഴ്ചകളും വിശേഷങ്ങളുമൊക്കെ ആസ്വദിച്ചു കൊണ്ടിരിക്കെ ഭക്ഷണം റെഡിയായി എന്നുള്ള അറിയിപ്പ് ലഭിച്ചു. നല്ല വിശപ്പുണ്ടായിരുന്നതിനാൽ ഞങ്ങൾ വേഗം റെസ്റ്റോറന്റിലേക്ക് നീങ്ങി. റെസ്റ്റോറന്റും അത്യാവശ്യം ഓപ്പൺ ആയ രീതിയിൽ പണികഴിപ്പിച്ചവയാണ്. ഭക്ഷണത്തിന്റെ കാര്യമാണെങ്കിൽ പറയുകയേ വേണ്ട. നാടൻ രീതിയിൽ വാഴയിലയിൽ ചോറും, മീൻകറിയും, ബീഫും, നാടൻ പച്ചക്കറിത്തോരനുകളും ഒക്കെയായി അടിപൊളി തന്നെയായിരുന്നു ഊണ്. ഞങ്ങളെല്ലാവരും നന്നായി ആസ്വദിച്ചു തന്നെ കഴിച്ചു.

റിസോർട്ടിലെ ആക്ടിവിറ്റികളിൽ ഏറ്റവും പ്രധാനപ്പെട്ടത് ഓഫ്‌റോഡ് യാത്രയാണ്. 4×4 ജീപ്പിൽ കുണ്ടും കുഴിയും കയറ്റവും ഇറക്കവുമൊക്കെ നിറഞ്ഞ കാട്ടുപാതകളിലൂടെ ഒരു കിടിലൻ ജീപ്പ് ട്രെക്കിംഗ് ആസ്വദിക്കാം. റിസോർട്ടിലെ കോട്ടേജ് ചാർജ്ജിനു പുറമേ 2500 രൂപയ്ക്ക് 5 പേർക്ക് ഈ ജീപ്പ് യാത്ര ആസ്വദിക്കാൻ സാധിക്കും. അതോടൊപ്പം തന്നെ മറയൂർ ശർക്കര ഉണ്ടാക്കുന്ന സ്ഥലങ്ങളിൽ ഒരു സന്ദർശനവും നടത്താം. കരിമ്പിൽ നിന്നും ശർക്കര ഉണ്ടാക്കുന്നത് എങ്ങനെയാണെന്ന് നമുക്ക് ഇവിടെ വന്നാൽ മനസിലാക്കുവാൻ സാധിക്കുന്നതാണ്.

എല്ലാം കഴിഞ്ഞു വൈകുന്നേരമാകുമ്പോൾ റിസോർട്ടിൽ ക്യാമ്പ് ഫയറും ബാർബിക്യൂ ചിക്കാനുമൊക്കെ ആസ്വദിക്കാവുന്നതാണ്. നേരമിരുട്ടിയാൽ റിസോർട്ട് പരിസരത്ത് തണുപ്പും കോടയും കൂടി ഒന്നിച്ചിറങ്ങും. വല്ലാത്തൊരു റൊമാന്റിക് കാലാവസ്ഥയായിരിക്കും അപ്പോൾ അവിടെ. ശബ്ദമലിനീകരണം ഒട്ടുമില്ലാത്ത ഏരിയയായതിനാൽ മഴത്തുള്ളികൾ വീഴുന്നതിന്റെയും, ചെറിയ കാറ്റിൽ ഇലകൾ ആടുന്നതിന്റെയുമൊക്കെ ശബ്ദം നമുക്ക് ശരിക്കും കേൾക്കാൻ സാധിക്കും. രാത്രി ഡിന്നറിനു പിടിയും ചമ്മന്തിയും നല്ല നാടൻ കോഴിക്കറിയുമൊക്കെ കൂട്ടി വയർ നിറയ്ക്കാം.

നാട്ടിലെ തിരക്കുകളിൽ നിന്നും ഒഴിഞ്ഞുമാറി ഒന്നോ രണ്ടോ ദിവസം സ്വസ്ഥമായി താമസിക്കുവാൻ പറ്റിയ ഒരു സ്ഥലം തന്നെയാണ് ജംഗിൾബുക്ക് എന്നയീ വിന്റേജ് റിസോർട്ട്. ലക്ഷ്വറി സൗകര്യങ്ങളെ അപേക്ഷിച്ച് പ്രകൃതദത്തമായ ഒരു ആമ്പിയൻസ് ആണ് ഇവിടെ എല്ലാവരെയും ആകർഷിക്കുന്നത്. നിങ്ങൾക്കും ഇവിടെ വന്നു താമസിക്കുവാൻ ആഗ്രഹമുണ്ടോ? എങ്കിൽ വിളിക്കാം – 8078808912.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post