പ്രളയത്തിനു ശേഷം വിദേശികളുമായി ആദ്യ ടൂറിസ്റ്റ് വിമാനം കേരളത്തിലെത്തി…

Total
0
Shares

കേരളം കണ്ട മഹാപ്രളയം ആയിരുന്നു 2018 ഓഗസ്റ്റ് മാസത്തിൽ അരങ്ങേറിയത്. ഒട്ടും മുന്നറിയിപ്പില്ലാതെ കുതിച്ചെത്തിയ പ്രളയം ബാധിച്ചത് കേരളത്തിലെ എല്ലാ മേഖലകളെയുമായിരുന്നു. അതിൽ ഏറ്റവും പ്രധാനപ്പെട്ട ഒരു മേഖലയായിരുന്നു ടൂറിസം. ഓണം പ്രമാണിച്ച് വിദേശികൾ അടക്കം നിരവധി സഞ്ചാരികളെ വരവേൽക്കുവാൻ ഒരുങ്ങിയിരിക്കുകയായിരുന്നു കേരളം. പക്ഷേ ക്ഷണിക്കാത്ത അതിഥിയായി എത്തിയ വെള്ളപ്പൊക്കം എല്ലാ പ്രതീക്ഷകളെയും തച്ചുടയ്ക്കുകയാണുണ്ടായത്. അപ്രതീക്ഷിത പ്രളയം കേരളത്തിനു 1500 കോടിയോളം രൂപയുടെ നഷ്ടമുണ്ടാക്കിയെന്നാണു വിലയിരുത്തൽ. പ്രളയം ബാധിച്ച ഓഗസ്റ്റിലെ ടൂറിസം റദ്ദാക്കലുകളിൽ നിന്നു മാത്രം 500 കോടിയോളം രൂപയുടെ നഷ്ടമുണ്ടായി.

എന്നാൽ അതെല്ലാം മറികടന്നുകൊണ്ട് കേരള ടൂറിസം അതിജീവനത്തിൻ്റെ കൈകളിൽ ഉയർന്നുവന്ന കാഴ്ചയാണ് ലോകം പിന്നീട് കണ്ടത്. “ഇന്നോളം അനുഭവിക്കാത്ത പ്രളയദുരിതത്തിൽ നാടുവീണുപോയപ്പോൾ, കേരള ടൂറിസവും വീണുവെന്നതു സത്യം തന്നെ. പക്ഷെ ഇതാ ഇപ്പോൾ ഞങ്ങൾ ഉയർത്തെഴുന്നേറ്റിരിക്കുന്നു…” ഇങ്ങനെ സോഷ്യൽ മീഡിയകളിലൂടെയും മറ്റും ടൂറിസം വകുപ്പ് പ്രചരണങ്ങൾ ആരംഭിച്ചു. ലോകം മുഴുവനും ഈ പ്രചാരണങ്ങൾ വീക്ഷിച്ചു. അങ്ങനെ പ്രളയക്കെടുതികൾക്കു ശേഷം സെപ്റ്റംബർ പതിനഞ്ചാം തീയതി ആസ്‌ട്രേലിയയിൽ നിന്നുള്ള 46 സഞ്ചാരികളെയും വഹിച്ചു കൊണ്ടുള്ള വിമാനം നെടുമ്പാശ്ശേരി വിമാനത്താവളത്തിൽ ലാൻഡ് ചെയ്തു.

ഈ സഞ്ചാരികൾ ചാർട്ടേർഡ് വിമാനത്തിലായിരുന്നു കേരളത്തിലെത്തിയത്. ഇവരെ കേരളം സ്വീകരിച്ചത് വൻ വരവേൽപ്പോടെ തന്നെയായിരുന്നു. കൊച്ചിയിലെ താജ് മലബാർ ഹോട്ടലായിരുന്നു ഈ സഞ്ചാരികളുടെ എല്ലാ പാക്കേജുകളും ഏറ്റെടുത്തിരുന്നത്. എയർപോർട്ടിൽ നിന്നും പുറത്തേക്ക് ഇറങ്ങിയ ഈ സഞ്ചാരികൾ അക്ഷരാർത്ഥത്തിൽ ഞെട്ടിത്തരിച്ചു പോയി എന്നു വേണം പറയുവാൻ. അത്രയ്ക്ക് വിപുലമായ സ്വീകരണങ്ങളായിരുന്നു എയർപോർട്ടിൽ ടൂറിസം വകുപ്പും താജ് ഹോട്ടലും ചേർന്ന് ഒരുക്കിയിരുന്നത്. കേരളീയ വേഷം അണിഞ്ഞൊരുങ്ങി നിന്നിരുന്ന പെൺകുട്ടികൾ പൂമാലയിട്ടായിരുന്നു ആദ്യം സഞ്ചാരികളെ വരവേറ്റത്. അതോടൊപ്പം തന്നെ അവരുടെ നെറ്റിയിൽ കുളിർമ്മയുള്ള ചന്ദനക്കുറി തൊടീക്കുകയും ചെയ്തു. പെൺകുട്ടികളെ കൂടാതെ കേരളത്തിന്റെ പ്രതീകമായ കഥകളി വേഷവും സ്വീകരണത്തിനായി മുന്നിലുണ്ടായിരുന്നു. എയർപോർട്ടിലെ സ്വീകരണത്തിനു ശേഷം ഇവർക്കു വേണ്ടി തയ്യാറാക്കിയിരുന്നു ആഡംബര ബസ്സിൽ സഞ്ചാരികൾ ഹോട്ടലിലേക്ക് പോവുകയാണുണ്ടായത്.

“വാർത്തകളിലും മറ്റും കേരളത്തിലെ പ്രളയത്തെക്കുറിച്ച് കണ്ടപ്പോൾ ഞങ്ങൾക്ക് വളരെ പേടി തോന്നിയിരുന്നു. പിന്നീട് കേരളം ടൂറിസം വകുപ്പിന്റെയും ടൂർ കോർഡിനേറ്റർമാരുടെയും ആത്മവിശ്വാസമായിരുന്നു ഞങ്ങൾക്ക് കേരളത്തിലേക്ക് യാത്ര തിരിക്കുവാൻ പ്രചോദനമായത്. പക്ഷേ ഇത്തരത്തിലുള്ള രാജകീയ സ്വീകരണങ്ങൾ ഒന്നും തന്നെ ഞങ്ങൾ പ്രതീക്ഷിച്ചിരുന്നില്ല. ഈ യാത്ര ഞങ്ങൾ ഒരിക്കലും മറക്കില്ല, ഒപ്പം കേരളത്തെയും ഇവിടത്തെ നല്ലവരായ ആളുകളെയും…” – സഞ്ചാരികളിൽ ഒരാളുടെ വാക്കുകളാണിവ. ഈ വാക്കുകളിൽ നിന്നും ഒരു കാര്യം വ്യക്തമാണ്. നമ്മുടെ ടൂറിസം വകുപ്പും ഹോട്ടൽ മേഖലയും ഒക്കെ ഒന്നിച്ചു നിന്നുകൊണ്ട് ടൂറിസ്റ്റുകൾക്ക് കേരളത്തിലേക്ക് വരുവാനുള്ള ആത്മവിശ്വാസം നൽകുകയായിരുന്നു. അതെ, നമ്മൾ കുതിക്കുക തന്നെ ചെയ്യും. ഉയർച്ചകളിലേക്ക്…

More Details : https://taj.tajhotels.com/en-in/taj-malabar-cochin.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post