കർദുങ് ലാ പാസ് : ലോകത്തെ ഏറ്റവും ഉയരത്തിലുള്ള വാഹന സഞ്ചാരപാതയിലൂടെ…

Total
15
Shares

INB ട്രിപ്പിലെ ഏറ്റവും മനോഹരമായ കാഴ്ചകളിലൂടെയും അനുഭവങ്ങളിലൂടെയുമായിരുന്നു ഞങ്ങൾ കടന്നു പൊയ്‌ക്കൊണ്ടിരിക്കുന്നത്. ലഡാക്കിലെ 18,000 അടി ഉയരത്തിൽ സ്ഥിതി ചെയ്യുന്ന ഒരു പാതയാണ് കർദുങ് ലാ പാസ്. അവിടെക്കായിരുന്നു ഞങ്ങളുടെ യാത്ര. രാവിലെ നല്ല തണുപ്പ് ആയിരുന്നുവെങ്കിലും കുറച്ചു കഴിഞ്ഞപ്പോൾ തണുപ്പ് കുറഞ്ഞു തുടങ്ങി. ഇന്നത്തെ യാത്രയിൽ എമിൽ സാധാരണയിൽ നിന്നും വ്യത്യസ്തമായി മുണ്ടും ഷർട്ടും ധരിച്ചു പക്കാ മലയാളി വേഷത്തിലായിരുന്നു വന്നിരുന്നത്. മലയാളത്തനിമയിൽ കശ്മീരിലെ മനോഹരമായ ആ സ്ഥലങ്ങളിലൊക്കെ കറങ്ങുക എന്നതുതന്നെ ഒരു വെറൈറ്റി അല്ലേ?

കർദുങ് ലായിലേക്ക് പോകുന്ന വഴിയ്ക്ക് ഒരു ചെക്ക് പോസ്റ്റ് ഉണ്ട്. അവിടെ നമ്മുടെ കാറിന്റെ ആർസി ബുക്കും, പിന്നെ പെർമിറ്റും ഒക്കെ പരിശോധിക്കും. എന്നാൽ അതിനു മുൻപായി അവിടത്തെ ലോക്കൽ ആളുകളുടെ ഒരു ചെക്ക് പോസ്റ്റ് ഉണ്ട്. ബൈക്കേഴ്‌സ് അസ്സോസ്സിയേഷൻ ഒക്കെ സംയുക്തമായി നടത്തുന്ന ഒരു സെറ്റപ്പ്. വണ്ടിയിൽ ആർസി ഓണർ ഉണ്ടെങ്കിൽ മാത്രമേ അവിടെ നിന്നും പ്രൈവറ്റ് വാഹനങ്ങൾ കടത്തി വിടുകയുള്ളൂ. വാടകയ്ക്ക് എടുത്ത കാറുകൾ (Rent A Cars) പോലും അവർ കടത്തിവിടില്ല. ജമ്മു കാശ്മീരിനു പുറമെ നിന്നുള്ള റെന്റ് ബൈക്കുകളും അതുവഴി കടത്തിവിടില്ല.

താഴ്വരയിലെ മനോഹരമായ കാഴ്ചകളും കണ്ടുകൊണ്ട് ഞങ്ങൾ യാത്ര തുടർന്നു. ദൂരെ തലയുയർത്തി നിന്നിരുന്ന മലകൾ കയറിവേണം ഞങ്ങൾക്ക് പോകുവാൻ. ചുരം പാത ഇടുങ്ങിയതാണെങ്കിലും നന്നായി ടാർ ചെയ്തതായിരുന്നു. നന്നായി കയറ്റം കയറിത്തുടങ്ങിയതോടെ ഞങ്ങൾക്ക് ചില ബുദ്ധിമുട്ടുകൾ അനുഭവപ്പെടാൻ തുടങ്ങി. നന്നായി വെള്ളം കുടിച്ചും, ഗ്ലൂക്കോസ് കഴിച്ചുമൊക്കെ ഞങ്ങൾ അതിനെയെല്ലാം അതിജീവിച്ചു. മൗണ്ടൻ സിക്ക്നസിനെ അതിജീവിക്കുന്നതിനുള്ള ടാബ്‌ലറ്റ് യാത്രയ്ക്കു മുൻപേ തന്നെ ഞങ്ങൾ കഴിച്ചിരുന്നു.

പോകുന്ന വഴി മനോഹരമായ ഒരു വ്യൂ പോയിന്റിൽ ഞങ്ങൾ വണ്ടി നിർത്തി. അവിടെ വെസ്റ്റ് ബംഗാളിൽ നിന്നും വന്ന ചില ബൈക്കേഴ്‌സ് നിൽപ്പുണ്ടായിരുന്നു. അങ്ങകലെ നിരനിരയായി മഞ്ഞുമലകൾ… ഹിമാലയം… അതിമനോഹരമായ ഒരു കാഴ്ച തന്നെയായിരുന്നു അത്. നല്ല ഉയരത്തിൽ സ്ഥിതി ചെയ്യുന്ന സ്ഥലത്തേക്കായിരുന്നു ഞങ്ങളുടെ യാത്ര എന്നതുകൊണ്ട് ഓടാനോ ചാടാനോ വേഗത്തിൽ നടക്കാനോ ഒന്നും പാടില്ലെന്ന് യാത്ര തുടങ്ങും മുൻപേ തന്നെ കാക്കാ മുന്നറിയിപ്പ് തന്നിരുന്നു. ഞങ്ങൾ അത് യാത്രയിലുടനീളം അനുസരിക്കുകയും ചെയ്തു.

വ്യൂ പോയിന്റിലെ മനോഹര കാഴ്ചകളും ആസ്വദിച്ചു ഞങ്ങൾ അവിടെ നിന്നും നീങ്ങി. അങ്ങനെ ഞങ്ങൾ ‘സൗത്ത് പുള്ളു’ പോലീസ് ചെക്ക് പോസ്റ്റിൽ എത്തിച്ചേർന്നു. ഞങ്ങൾ പെര്മിറ്റുകളുടെ ഒറിജിനലും കോപ്പിയുമൊക്കെ അവിടെ കാണിച്ചു. അവർ ഞങ്ങളോട് വളരെ നല്ലരീതിയിലായിരുന്നു പെരുമാറിയിരുന്നത്. എവിടേക്കു പോകുകയാണെന്നു മാത്രമേ ചോദിച്ചുളളൂ. ചെക്ക്‌പോസ്റ്റിൽ വരുന്ന വണ്ടികളിൽ നിന്നും പത്തും ഇരുപതുമൊക്കെ ഇരന്നു വാങ്ങുന്ന തമിഴ്‌നാട്, കർണാടക പൊലീസിലെ ചിലരെ ഞങ്ങൾ ഓർത്തുപോയി. അവരൊക്കെ ഇവിടെ വന്നു ജോലി ചെയ്തിരുന്നെങ്കിൽ എന്നേ നന്നായേനെ.

പിന്നീടുള്ള ഞങ്ങളുടെ യാത്രയിൽ തൊട്ടരികിലായി മഞ്ഞുരുകി കിടക്കുന്ന കാഴ്ചകളായിരുന്നു ഞങ്ങളെ സ്വാഗതം ചെയ്തത്. ചുരം കയറിക്കയറി ഞങ്ങൾ യാത്ര തുടർന്നുകൊണ്ടേയിരുന്നു. മുകളിൽ ചെല്ലുന്തോറും താഴെ ഞങ്ങൾ കടന്നു വന്ന, വളഞ്ഞുപുളഞ്ഞ വഴി കാണാമായിരുന്നു. ഏതാണ്ട് ചുരത്തിന്റെ മുകൾഭാഗത്ത് എത്തിയപ്പോൾ ദൂരെയുള്ള മഞ്ഞുമലകളുടെ മുകൾഭാഗമൊക്കെ ഞങ്ങൾക്ക് കാണുവാൻ സാധിക്കുമായിരുന്നു. കുറച്ചു ദൂരം കൂടി മുന്നോട്ടു പോയപ്പോൾ പരിസരം ഏതാണ്ട് 90 ശതമാനവും മഞ്ഞുമൂടിയ അവസ്ഥയായി. ഇടയ്ക്ക് ഞങ്ങൾ വണ്ടി നിർത്തി വഴിയരികിലെ മഞ്ഞിൽ കളിക്കുവാൻ സമയം കണ്ടെത്തി.

പോകെപ്പോകെ ഞങ്ങൾ സഞ്ചരിച്ചിരുന്ന വഴി വളരെ കാഠിന്യമേറിയതായി വന്നു. ടാറിംഗ് ചെയ്ത ഏരിയയൊക്കെ ഒക്കെ നേരത്തെ തന്നെ കഴിഞ്ഞിരുന്നു. ഒറ്റനോട്ടത്തിൽ കയറ്റമാണെന്നു തോന്നിക്കില്ലെങ്കിലും ചിലയിടങ്ങളിൽ വണ്ടി വലിക്കുവാൻ നന്നേ പ്രയാസപ്പെട്ടിരുന്നു. ഏതാണ്ട് പത്തു കിലോമീറ്ററോളം ദൂരം ഫസ്റ്റ് ഗിയറിൽത്തന്നെ ഞങ്ങൾക്ക് സഞ്ചരിക്കേണ്ടി വന്നത് അതിനൊരുദാഹരണം മാത്രം. ലോകത്തെ ഏറ്റവും ഉയരത്തിലുള്ള മൊട്ടറബിൾ റോഡുകളിൽ ഒന്നാണ് ഇത്. ലേയിൽ നിന്നും കർദുങ് ലാ, നുബ്രാ, ഹുന്ദുർ എന്നീ സ്ഥലങ്ങളിലേക്കും സിയാച്ചിൻ പോലെയുള്ള തന്ത്ര പ്രധാന മേഖലയിലേക്കും പോകാനുള്ള വഴിയും ഇതാണ്.

അങ്ങനെ കിടിലൻ യാത്രയ്ക്കു ശേഷം ഞങ്ങൾ അവസാനം കർദുങ് ലാ ടോപ്പിൽ എത്തിച്ചേർന്നു. അവിടെ നിന്നും ഇന്ത്യയുടെ തന്ത്രപ്രധാനമായ സിയാച്ചിൻ ബേസ് ക്യാമ്പിലേക്ക് 164 കിലോമീറ്റർ ദൂരമുണ്ടായിരുന്നു. അവിടെ പ്രതികൂലമായ തണുത്ത കാലാവസ്ഥയെ അതിജീവിച്ചുകൊണ്ട് കാവൽ നിൽക്കുന്ന സൈനികരെ ഒരു നിമിഷം ഞങ്ങൾ മനസിലോർത്തുപോയി. എത്രയധികം കഷ്ടപ്പാടുകൾ സഹിച്ചായിരിക്കും അവർ അവിടെ സേവനമനുഷ്ഠിക്കുന്നത് എന്നോർത്തപ്പോൾ മനസുകൊണ്ട് ഒരു സല്യൂട്ട് ഞങ്ങൾ അവർക്കു നൽകി.

കർദുങ് ലാ ടോപ്പിൽ ഞങ്ങളെക്കൂടാതെ മറ്റു സഞ്ചാരികളും ഉണ്ടായിരുന്നു. കൂടുതലും ബൈക്കേഴ്‌സ് ആയിരുന്നു അവിടെയുണ്ടായിരുന്നത്. എല്ലാവരും ഫോട്ടോസ് എടുക്കുന്ന തിരക്കിലും. അപ്പോഴതാ പഞ്ചാബികളായ ചില സഞ്ചാരികൾ അവിടെ പാട്ടുപാടി നൃത്തം ചവിട്ടുന്നു. അതിൽ രസം കണ്ടപ്പോൾ അവരോടൊപ്പം ഞങ്ങളും ചേർന്നു. മുണ്ടും ഷർട്ടും ധരിച്ചു വന്ന എമിലിനെ കണ്ടപ്പോൾ എല്ലാവർക്കും അത്ഭുതമായി. നൃത്തമൊക്കെ കഴിഞ്ഞു ക്ഷീണിച്ചു ഞങ്ങൾ അവിടെയുള്ള കാന്റീനിൽ നിന്നും ന്യൂഡിൽസും കാശ്മീരി സ്പെഷ്യൽ കാവയും കഴിച്ചു.

ഇനി ഞങ്ങളുടെ യാത്ര നുബ്ര വാലി വഴി ഹുൻഡർ എന്ന സ്ഥലത്തേക്കാണ്. കർദുങ് ലാ ടോപ്പിൽ നിന്നും ഏകദേശം 3 മണിക്കൂറോളം യാത്രയുണ്ട് ഹുൻഡറിലേക്ക്. അവിടെ കാക്കാ ഞങ്ങൾക്ക് താമസസൗകര്യങ്ങളൊക്കെ സെറ്റ് ചെയ്തിട്ടുണ്ടായിരുന്നു. അതും ടെന്റിൽ… അവിടേക്കുള്ള യാത്രയുടെ വിശേഷങ്ങളും കാഴ്ചകളുമൊക്കെ അടുത്ത എപ്പിസോഡിൽ…

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post