കൊച്ചിയിൽ നിന്നും എയർ ഇന്ത്യ വിമാനത്തിൽ ലക്ഷദ്വീപിലേക്ക്

Total
17
Shares

കുറെ നാളായുള്ള എൻ്റെ ആഗ്രഹമായിരുന്നു പണ്ടുമുതൽക്കേ പറഞ്ഞു കേട്ടിട്ടുള്ള ലക്ഷദ്വീപ് ഒന്ന് നേരിട്ടു കാണണം എന്ന്. അനാർക്കലി എന്ന സിനിമ കണ്ടതോട് കൂടി ആ ആഗ്രഹം അങ്ങ് കലശലായി. അങ്ങനെ ഒടുവിൽ ലക്ഷദ്വീപിലേക്കുള്ള എൻ്റെ യാത്ര സഫലമായി. BONVO യുടെ മാനുക്ക വഴിയാണ് എൻ്റെ ലക്ഷദ്വീപ് യാത്ര റെഡിയായത്. ആദ്യം മുതൽ അവസാനം വരെയുള്ള മുഴുവൻ പ്ലാനിംഗുകളും മാനുക്കയുടെ വക.

അങ്ങനെ ഞാനും മാനുക്കയും കൂടി ലക്ഷദ്വീപിലേക്ക് പോകുവാനായി തയ്യാറായി. ലക്ഷദ്വീപിലേക്ക് പോകുവാൻ വേണ്ട പെർമിറ്റ് എല്ലാം മാനുക്ക മുൻകൈയെടുത്തു തയ്യാറാക്കി. വിമാനത്തിലായിരുന്നു ഞങ്ങളുടെ യാത്ര. കൊച്ചി എയർപോർട്ടിൽ നിന്നും ലക്ഷദ്വീപിലെ അഗത്തി എയർപോർട്ടിലേക്ക് എയർ ഇന്ത്യയുടെ ചെറിയ വിമാനം സർവ്വീസ് നടത്തുന്നുണ്ട്. അതിൽ ടിക്കറ്റുകളും ബുക്ക് ചെയ്തു.

അങ്ങനെ ഞങ്ങൾ യാത്ര പോകുന്ന ദിവസം വന്നെത്തി. ഞാനും മാനുക്കയും കൂടി എയർപോർട്ടിൽ എത്തിച്ചേർന്നു. രാവിലെ എട്ടരയോടെ ഞങ്ങൾ ഗേറ്റിലൂടെ കടന്നു ബസ്സിൽ കയറി വിമാനത്തിലേക്ക് നീങ്ങി. വിമാനത്തിനടുത്തു നിന്നുകൊണ്ട് ഫോട്ടോകൾ എടുക്കുവാൻ ശ്രമിച്ച ഞങ്ങളെ അവിടെയുണ്ടായിരുന്ന ജീവനക്കാർ വിലക്കി. അങ്ങനെ ഞങ്ങൾ വിമാനത്തിനകത്തേക്ക് കയറി.

എനിക്ക് വിൻഡോ സീറ്റ് ആയിരുന്നു ലഭിച്ചിരുന്നത്. വിൻഡോയിൽ ആകെ അഴുക്കും മെഴുക്കും പുരണ്ടതിനാൽ പുറം കാഴ്ചകൾക്ക് ചെറിയൊരു മങ്ങൽ അനുഭവപ്പെട്ടിരുന്നു. ഏകദേശം രാവിലെ 9 മണിയോടെ ഞങ്ങളുടെ വിമാനം ടേക്ക്ഓഫ് ചെയ്തു. കൊച്ചി എയർപോർട്ടിന്റെ ആകാശദൃശ്യങ്ങളും പിന്നിട്ട് വിമാനം കടലിനു മുകളിലേക്ക് നീങ്ങി.

വിമാനം പറന്നുയർന്നു കുറച്ചു സമയം കഴിഞ്ഞപ്പോൾ യാത്രക്കാർക്ക് സ്‌നാക്‌സ്, വെള്ളം തുടങ്ങിയവയുമായി എയർഹോസ്റ്റസ്മാർ എത്തിച്ചേർന്നു. ഏകദേശം ഒരു മണിക്കൂർ പറക്കലിനു ശേഷം ഞങ്ങൾ ലക്ഷദ്വീപിലെ അഗത്തി എയർപോർട്ടിന് മുകളിലെത്തിച്ചേർന്നു. വളരെ മനോഹരമായ ദൃശ്യമായിരുന്നു അഗത്തി എയര്പോര്ട്ടിന്റേത്. പൈലറ്റ് വിമാനം ചെരിച്ചു കുത്തി ഞങ്ങളെയൊക്കെ ഒന്ന് പേടിപ്പിച്ച ശേഷം നേരെ എയർപോർട്ടിലെ റൺവേയിലേക്ക് ലാൻഡ് ചെയ്തു. വിമാനം റൺവേയിൽ തൊടുന്നതു വരെ കടലിലാണോ ലാൻഡ് ചെയ്യുന്നതെന്നു തോന്നിപ്പോയി.

അങ്ങനെ ലക്ഷദ്വീപിൽ ഞങ്ങൾ കാൽ കുത്തി. യാതൊരു തിരക്കും ഒച്ചയും ബഹളവുമൊന്നും ഇല്ലാത്ത ഒരു എയർപോർട്ട് ആയിരുന്നു അത്. കൊച്ചിയിൽ വിമാനത്തിനടുത്തു നിന്ന് ഫോട്ടോ എടുക്കരുതെന്ന് പറഞ്ഞെങ്കിലും അഗത്തിയിൽ യാതൊരുവിധ നിയന്ത്രണങ്ങളും ഞങ്ങൾക്ക് അനുഭവപ്പെട്ടില്ല.

വിമാനമിറങ്ങിയ ശേഷം ഞങ്ങൾ ചെറിയൊരു കെട്ടിടത്തിലേക്ക് കയറി. എയർപോർട്ട് ടെർമിനൽ ആയിരുന്നു അതെന്ന് ഞാൻ മനസ്സിലാക്കിയത് പിന്നീടായിരുന്നു. യാത്രക്കാരുടെ ലഗേജുകൾ ഒരു വണ്ടിയിൽ കയറ്റി ഒരു റൂമിൽ കൊണ്ട് വരും. അവരവരുടെ സാധനങ്ങൾ അവിടെ നിന്നും കളക്ട് ചെയ്യണം. പെർമിറ്റ് ഒക്കെ ലഭിച്ചു, ഞങ്ങൾ ലഗേജുകൾ എടുത്ത ശേഷം എയർപോർട്ട് കെട്ടിടത്തിന് വെളിയിലേക്ക് ഇറങ്ങി.

അവിടെ ഞങ്ങളെയും കാത്ത് ഞങ്ങൾക്ക് പെർമിറ്റുകൾ ശരിയാക്കി തന്ന നാസർ ഇക്ക ഉണ്ടായിരുന്നു. എയർപോർട്ടിൽ നിന്നും ഞങ്ങൾ ഒരു ചെറിയ ഓട്ടോ ടാക്സിയിൽ കയറി നാസർ ഇക്ക ഞങ്ങൾക്കായി തയ്യാറാക്കിയ വീട്ടിലേക്ക് യാത്രയായി. ഇരുവശവും ബീച്ച്, നടുവിലൂടെ ചെറിയ കോൺക്രീറ്റ് റോഡ്.. അതിലൂടെ ഞങ്ങൾ സഞ്ചരിച്ചു. വളരെ മനോഹരമായ, നമ്മുടെ നാട്ടിൽ അന്യം നിന്നുപോയെന്നു പറയാവുന്ന ഗ്രാമക്കാഴ്ചകൾ ആയിരുന്നു ഞങ്ങൾക്ക് ആ യാത്രയിൽ ദൃശ്യമായത്.

അങ്ങനെ കുറച്ചു സമയത്തെ യാത്രയ്ക്കു ശേഷം ഞങ്ങൾ നാസർ ഇക്കയുടെ വീട്ടിൽ എത്തിച്ചേർന്നു. അവിടെ നിന്നും കരിക്ക് ഒക്കെ കുടിച്ച ശേഷം ഞങ്ങൾ ബീച്ചിനടുത്ത് താമസിക്കുവാൻ സാധിക്കുമോ എന്ന് നാസർ ഇക്കയോട് ചോദിച്ചു. ഇക്ക സെറ്റാക്കിത്തരാം എന്ന് വാക്ക് നൽകുകയും ചെയ്തു.

ദ്വീപിലെ യാത്രയ്ക്ക് ഏറ്റവും സുഖകരം സൈക്കിളോ ബൈക്കോ ഒക്കെയാണ്. നാസർ ഇക്ക ഞങ്ങൾക്ക് സഞ്ചരിക്കുവാൻ ഒരു ബൈക്ക് ഏർപ്പാടാക്കി തന്നു. ഞാനും മാനുക്കയും ഒരു ബൈക്കിലും നാസർ ഇക്ക മറ്റൊരു ബൈക്കിലുമായി യാത്ര തുടങ്ങി. പോകുന്ന വഴി ഒരു ചായക്കടയിൽ നിന്നും ദ്വീപ് സ്പെഷ്യൽ ചായയും കടികളും കഴിച്ച ശേഷം വീണ്ടും യാത്ര തുടർന്നു. പോകുന്ന വഴി ധാരാളം പരിചയക്കാരെ (ഫോളോവേഴ്സ്) കണ്ടുമുട്ടിയിരുന്നു.

അങ്ങനെ പോയിപ്പോയി ഞങ്ങൾ ബീച്ചിനു തൊട്ടടുത്തുള്ള ഒരു ചെറിയ റിസോർട്ടിൽ എത്തിച്ചേർന്നു. നാസർ ഇക്ക ഞങ്ങൾക്കായി അവിടെ റൂം പെട്ടെന്ന് തന്നെ തരപ്പെടുത്തി. റിസോർട്ടിന് മുൻ വശത്തെ ബീച്ച് വളരെ മനോഹരം തന്നെയായിരുന്നു. ഫോട്ടോകളിലും സിനിമകളിലുമൊക്കെ കണ്ട പോലെ നല്ല ഇളംനീല നിറമായിരുന്നു കടലിലെ വെള്ളത്തിന്. അടിപൊളി തന്നെ.

ഇനിയുള്ള അഞ്ച് ദിവസങ്ങൾ ലക്ഷദ്വീപിലെ കാഴ്ചകൾ കാണുവാനും അവിടത്തെ നല്ലവരായ ആളുകളുടെ സ്നേഹം മനസ്സിലാക്കുവാനുമായി മാറ്റി വെച്ചിരിക്കുകയാണ്. ആ വിശേഷങ്ങളെല്ലാം ഇനി അടുത്ത എപ്പിസോഡിൽ കാണാം. ലക്ഷദ്വീപ് യാത്രയുടെ കൂടുതൽ വിവരങ്ങൾക്ക്, Contact BONVO: 9446404216.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post