കൊച്ചി – ബഹ്‌റൈൻ ഗൾഫ് എയർ ബിസിനസ്സ് ക്ലാസ്സ് യാത്ര

Total
0
Shares

തായ്‌ലൻഡിൽ തുടങ്ങിയ നമ്മുടെ ഇന്റർനാഷണൽ യാത്ര ഒടുവിൽ ആഫ്രിക്കൻ രാജ്യമായ മൊറോക്കോയിൽ എത്തി നിൽക്കുകയാണ്. മൊറോക്കോയെക്കുറിച്ച് പറയുകയാണെങ്കിൽ അറ്റ്ലാന്റിക് സമുദ്രം ഒരു തീരത്തുള്ള ഈ രാജ്യം ജിബ്രാൾട്ടർ കടലിടുക്കിനും അപ്പുറം മെഡിറ്ററേനിയൻ കടൽ വരെ നീണ്ടു കിടക്കുന്നതാണ്‌. കിഴക്ക് അൾജീരിയയും, വടക്കു വശത്ത് സ്പെയിനും തെക്കു വശത്ത് മൗറീഷ്യാനയും പ്രധാന അതിരുകളാണ്.

അറബിക്ക്, ബെർബർ എന്നീ ഭാഷകളുടെ വിവിധ രൂപങ്ങളാണ്‌ മൊറോക്കോയിലെ പ്രധാന സംസാര ഭാഷ. ഫ്രഞ്ച് ഭാഷയും വ്യാപകമായി സംസാരിക്കപ്പെടുന്നു. മൊറോക്കൻ സംസ്കാരം ബെർബർ, അറബ്, സെഫാർഡി ജൂതന്മാർ, പശ്ചിമാഫ്രിക്കൻ, യൂറോപ്യൻ സ്വാധീനങ്ങളുടെ സമന്വയമാണ്. അറബ് ലീഗ്, യൂണിയൻ ഫോർ മെഡിറ്ററേനിയൻ, ആഫ്രിക്കൻ യൂണിയൻ എന്നിവയിലെ അംഗമാണ് മൊറോക്കോ.

മൊറോക്കോയിലേക്ക് പോകുന്നതിനു മുൻപായി അവിടേക്കുള്ള വിസ എടുക്കേണ്ടതായുണ്ട്. എറണാകുളത്തെ വിസ എക്സ്പെർട്ട് എന്ന സ്ഥാപനം വഴിയാണ് ഞങ്ങൾ മൊറോക്കോയിലേക്കുള്ള വിസ എടുത്തത്. 5500 രൂപയായി വിസയ്ക്ക്. പിന്നീട് കൊറോണ പ്രശ്നങ്ങൾ വന്നെങ്കിലും മുൻപേ തന്നെ പണം മുടക്കി എല്ലാം ബുക്ക് ചെയ്തിരുന്നതിനാലും, കൂടുതലായി അന്വേഷിച്ചപ്പോൾ അവിടേക്കുള്ള യാത്രയ്ക്ക് കുഴപ്പമില്ലെന്നു മനസ്സിലാക്കിയതിനാലും ഞങ്ങൾ പോകാൻ തീരുമാനിക്കുകയായിരുന്നു.

അങ്ങനെ ഞങ്ങളുടെ യാത്രാദിവസം വന്നെത്തി. ഞാനും ബൈജു ചേട്ടനും കൂടിയാണ് യാത്രപോകുന്നത്. എയർപോർട്ടിൽ പൊതുവെ തിരക്ക് കുറവായിരുന്നു. എല്ലാ ജീവനക്കാരും മാസ്ക്ക് ധരിച്ചുകൊണ്ടാണ് ജോലി ചെയ്യുന്നത്. ഞങ്ങൾ കൊച്ചിയിൽ നിന്നും ഗൾഫ് എയർ വിമാനത്തിൽ കയറി ബഹ്റൈനിലേക്കും പിന്നീട് അവിടുന്ന് ഗൾഫ് എയറിന്റെ തന്നെ മറ്റൊരു വിമാനത്തിൽക്കയറി മൊറോക്കോയിലേക്കും പോകും.

ഗൾഫ് എയർ വിമാനത്തിൽ ഞങ്ങൾ ബിസിനസ്സ് ക്‌ളാസ് ആയിരുന്നു ബുക്ക് ചെയ്തിരുന്നത്. അതിനാൽ ചെക്ക് ഇൻ ചെയ്തപ്പോൾ ഞങ്ങൾക്ക് അവിടുന്ന് ലോഞ്ച് ആക്സസ് പാസ്സ് ലഭിച്ചു. ലോഞ്ചിൽ ചെന്ന് ചായ കുടിച്ചും ഭക്ഷണം കഴിച്ചുമൊക്കെ ഞങ്ങൾ സമയം തള്ളിനീക്കി. ബോർഡിംഗ് തുടങ്ങിയെന്ന അറിയിപ്പ് കേട്ടപ്പോൾ ഞങ്ങൾ ലോഞ്ചിൽ നിന്നും ഗേറ്റിലേക്ക് നടന്നു. ഗൾഫ് എയറിലെ ബിസിനസ്സ് ക്ലാസിലെ സീറ്റുകൾക്ക് നല്ല ലെഗ് സ്പേസ് ഉണ്ടായിരുന്നു.

ബോർഡിംഗ് എല്ലാം കഴിഞ്ഞപ്പോൾ ഞങ്ങളുടെ വിമാനം ടേക്ക് ഓഫ് ചെയ്തു ബഹ്‌റൈൻ ലക്ഷ്യമാക്കി പറക്കുവാൻ തുടങ്ങി. വെളുപ്പിന് സമയമായതിനാൽ ഞങ്ങൾ നല്ല സുഖമായി കിടന്നുറങ്ങുകയാണ് ചെയ്തത്. അങ്ങനെ പോയിപ്പോയി നേരം വെളുത്തപ്പോൾ ഞങ്ങൾ ബഹ്‌റൈനിൽ ലാൻഡ് ചെയ്തു. വിമാനത്തിൽ നിന്നും പുറത്തേക്ക് ഇറങ്ങുന്നതിനു മുൻപായി ഞങ്ങൾ സുരക്ഷയെ കരുതി N95 മാസ്ക്ക് ധരിച്ചു.

ബഹ്‌റൈനിൽ ഞങ്ങൾക്ക് ട്രാൻസിസ്‌റ്റ് ആയിരുന്നതിനാൽ അതിന്റെ നടപടിക്രമങ്ങൾക്കായി ട്രാൻസിസ്‌റ്റ് കൗണ്ടറിൽ ചെന്നു. അതും കഴിഞ്ഞാണ് ഇമിഗ്രെഷൻ കൗണ്ടറിലേക്ക് ചെന്നത്. എൻ്റെയും ബൈജു ചേട്ടന്റെയും പാസ്സ്പോർട്ടുകൾ പരിശോധിച്ച ഇമിഗ്രെഷൻ ഓഫീസർ ഒന്ന് ഞെട്ടിയെന്നു തോന്നുന്നു. കാരണം രണ്ടു ചൈന വിസിറ്റും, തായ്‌ലൻഡ്, സിംഗപ്പൂർ എൻട്രിയുമൊക്കെ കണ്ടതുകൊണ്ടായിരിക്കണം. എങ്കിലും എല്ലാം കുറച്ചു നാളുകൾക്ക് മുൻപായിരുന്നതിനാൽ പുള്ളി ഞങ്ങൾക്ക് ബഹ്റൈനിലേക്ക് എൻട്രി അടിച്ചു തന്നു.

നമ്മൾ ബുക്ക് ചെയ്ത മൊറോക്കോയിലേക്കുള്ള വിമാനത്തിന്റെ സമയം വരെ ബഹ്‌റൈനിൽ നമുക്ക് താമസിക്കാം. അതിനുള്ള സൗകര്യങ്ങളെല്ലാം എയർലൈൻ ഞങ്ങൾക്ക് തയ്യാറാക്കിയിരുന്നു. അങ്ങനെ ഞങ്ങൾ ടെർമിനലിന് പുറത്തെത്തി. അവിടെ ഞങ്ങളെ ഹോട്ടലിലേക്ക് പിക്ക് ചെയ്യുന്നതിനായി ഒരു വണ്ടിയും ഡ്രൈവറും എത്തിയിരുന്നു. ഡ്രൈവർ ചേട്ടൻ ഒരു മലയാളിയായിരുന്നു. അൽസാഫിർ എന്ന ഹോട്ടലിൽ ആയിരുന്നു ഞങ്ങളുടെ താമസം റെഡിയാക്കിയിരുന്നത്.

ഹോട്ടലിൽ ചെന്ന് ഒന്നു ഫ്രഷ് ആയതിനു ശേഷം ഞാൻ ശ്വേതയുടെ വീട്ടിലേക്കും ബൈജു ചേട്ടൻ ഒരു കസിൻ ബ്രദറിൻ്റെ അടുത്തേക്കും യാത്രയായി. ശ്വേതയുടെ വീട്ടിൽ ചെന്ന് അമ്മ തയ്യാറാക്കിയ മസാലദോശയും കഴിച്ചു കുറച്ചു സമയം വിശ്രമിച്ചതിനു ശേഷം ഞാൻ ബൈജു ചേട്ടന്റെ കസിൻ്റെ വീട്ടിലേക്ക് യാത്രയായി. ബാക്കി വിശേഷങ്ങൾ ഇനി അടുത്ത ഭാഗത്തിൽ…

1 comment
  1. Sujithe . Drone kayyilunde nammade kerala policenu koduth help cheyyo. M4 technodum farisikkyodum kure Ulla request aanu. Njan oru Malakkarannu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post