‘ട്രാൻസിറ്റ് വിസ’ എടുത്ത് കൊളംബോ നഗരം ചുറ്റാൻ പോയ വിശേഷങ്ങൾ

Total
0
Shares

Road, Rail, Water, Air തുടങ്ങി നിലവിലുള്ള എല്ലാത്തരം യാത്രാമാർഗ്ഗങ്ങളിലും ഞാൻ കയറിയിട്ടുണ്ട്. എന്നാൽ കപ്പൽ യാത്ര എന്നത് ഒരു സ്വപ്നമായി അവശേഷിച്ചിരുന്നു. മുൻപ് കൊച്ചിയിൽ വെച്ച് കപ്പൽ നിർത്തിയിട്ടപ്പോൾ ഒന്നു രണ്ടു പ്രാവശ്യം വ്ലോഗ് ചെയ്യുവാനായി കയറിയിട്ടുണ്ട് എന്നതൊഴിച്ചാൽ കപ്പലിൽ യാത്ര ചെയ്യുവാൻ അവസരം ലഭിച്ചിരുന്നില്ല.

അങ്ങനെയിരിക്കെയാണ് നമ്മുടെ മാനുക്കയുടെ BONVO ടീമിനൊപ്പം സിംഗപ്പൂർ – മലേഷ്യ – തായ്‌ലൻഡ് റൂട്ടിൽ ഒരു ക്രൂയിസ് യാത്ര തരപ്പെട്ടത്. കൊച്ചിയിൽ നിന്നും ശ്രീലങ്കയിലെ കൊളംബോ വഴി സിംഗപ്പൂരിലേക്ക് ഞങ്ങൾ ശ്രീലങ്കൻ എയർലൈൻസ് വിമാനത്തിലായിരുന്നു യാത്ര പ്ലാൻ ചെയ്തത്. കൊളംബോയിൽ മണിക്കൂറുകൾ കാത്തുകിടക്കണമെന്നതിനാൽ അവിടെ നിന്നും ട്രാൻസിസ്റ്റ് വിസ എടുത്ത് ശ്രീലങ്ക കറങ്ങുവാനായി ഞങ്ങൾ പദ്ധതിയിട്ടിരുന്നു.

അങ്ങനെ കൊച്ചി എയർപോർട്ടിൽ നിന്നും ഞങ്ങൾ കൊളംബോയിലേക്ക് ആദ്യം വിമാനം കയറി. വിമാനത്തിൽ എന്റെയൊപ്പം ഇരുന്നിരുന്നത് ഈ ട്രിപ്പിലുള്ള ഒരാളായ തൃശ്ശൂർ സ്വദേശി നിസ്സാർ ആയിരുന്നു. വിൻഡോ സീറ്റുകൾ ഫുൾ ആയിരുന്നതിനാൽ നടുവിലത്തെ സീറ്റുകൾ ആയിരുന്നു ഞങ്ങൾക്ക് ലഭിച്ചത്.

വിമാനം പറന്നുയർന്നു കുറച്ചു സമയത്തിനകം തന്നെ യാത്രക്കാർക്കായുള്ള ഭക്ഷണവുമായി എയർഹോസ്റ്റസുമാർ എത്തി. ഭക്ഷണമൊക്കെ കഴിച്ചു ഞങ്ങൾ അൽപനേരം വിശ്രമിച്ചു. അങ്ങനെ എളുപ്പത്തിൽ ഞങ്ങൾ ശ്രീലങ്കയിൽ ലാൻഡ് ചെയ്തു. പുറത്തേക്ക് പുറത്തേക്ക് കറങ്ങുവാൻ പ്ലാനുണ്ടായിരുന്നതിനാൽ ഞങ്ങൾ വേഗം തന്നെ ടെർമിനലിലേക്ക് ചെന്നു.

ഇന്ത്യക്കാർക്ക് ശ്രീലങ്കയിലേക്ക് വിസ സൗജന്യമാണ്. അങ്ങനെ ട്രാൻസിസ്‌റ്റ് വിസയ്ക്കുള്ള നടപടിക്രമങ്ങൾ എളുപ്പത്തിൽ പൂർത്തിയാക്കി ഞങ്ങൾ പുറത്തേക്ക് ഇറങ്ങി. മുന്നേ തന്നെ കൊളംബോ സിറ്റി ടൂർ ക്രമീകരിച്ചതനുസരിച്ച് അവിടെ ഞങ്ങളെ കാത്ത് ഒരു ബസ് ഉണ്ടായിരുന്നു. എല്ലാവരും ബസ്സിൽ കയറി കൊളംബോ നഗരത്തിലൂടെ യാത്രയാരംഭിച്ചു. ഒരു വലിയ ബസ്, ഒരു മിനി ബസ് എന്നിങ്ങനെ രണ്ടു ഗ്രൂപ്പുകൾ ആയിട്ടായിരുന്നു ഞങ്ങളുടെ യാത്ര.

ശ്രീലങ്കയിൽ ഇതിനു മുന്നേ വന്നിട്ടുണ്ടെങ്കിലും ബസ് യാത്ര ഇതാദ്യമായിരുന്നു. ബസ്സിൽ ഞങ്ങളുടെ സഹായത്തിനായി ഒരു ഗൈഡും ഉണ്ടായിരുന്നു. നമ്മളിൽ അധികമാരും അറിയാത്ത വിശേഷങ്ങളെല്ലാം ഗൈഡ് എല്ലാവർക്കുമായി വിശദീകരിച്ചു തന്നിരുന്നു. ചെറിയ റോഡുകൾ പിന്നിട്ട ശേഷം ബസ് പിന്നീട് കിടിലൻ ഹൈവേയിലൂടെയായി യാത്ര.

പോകുന്ന വഴി ഞങ്ങൾക്ക് ഭക്ഷണം കഴിക്കുവാനായി ഒരു ഹോട്ടലിനു മുന്നിൽ ബസ്സുകൾ നിർത്തി. മനോഹരമായ ഒരു കായൽത്തീരത്ത് ആയിരുന്നു ആ റസ്റ്റോറന്റ് സ്ഥിതി ചെയ്തിരുന്നത്. നീണ്ട വിഭവങ്ങളുടെ നിരയുള്ള ബുഫേ ആയിരുന്നു റെസ്റ്റോറന്റിൽ ഉണ്ടായിരുന്നത്. വ്യത്യസ്തങ്ങളായ, രുചികരമായ വിഭവങ്ങളും രുചിച്ചുകൊണ്ട് ഞങ്ങൾ ലഞ്ച് പൂർത്തിയാക്കി. ഞങ്ങളുടെ യാത്ര വീണ്ടും തുടർന്നു. ബാക്കി വിശേഷങ്ങൾ അടുത്ത എപ്പിസോഡിൽ കാണാം. To contact Bonvo: +91 85940 22166, +91 75940 22166.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post