ബ്രിട്ടീഷ് പാലവും പാലക്കാടൻ ഗ്രാമങ്ങളും കണ്ട് അഹല്യാ ക്യാംപസ്സിലേക്ക്

Total
0
Shares

ശ്രീലങ്കൻ യാത്രയെല്ലാം കഴിഞ്ഞു നാട്ടിലെത്തി വിശ്രമിക്കുന്നതിനിടെയായിരുന്നു പാലക്കാട് പോകുവാനായി ഒരു അവസരം വരുന്നത്. പല തവണ പാലക്കാട് വഴി യാത്ര ചെയ്തിട്ടുണ്ടെങ്കിലും പാലക്കാട്ടേക്ക് മാത്രമായി ഒരു യാത്ര ഇതുവരെ സാധിച്ചിരുന്നില്ല. അങ്ങനെയിരിക്കുന്നതിനിടെയായിരുന്നു രണ്ടു ദിവസത്തെ യാത്രയ്ക്ക് ഒരവസരം ഒരുങ്ങിയത്. പാലക്കാട് ജില്ലയിലെ അഹല്യ ക്യാംപസിലെ വിദ്യാർത്ഥികളുമായി ഒരു ടോക്-ഷോ ആയിരുന്നു കാര്യപരിപാടി. എന്തായാലും പാലക്കാട് വരെ പോകുന്നതല്ലേ, ഒരു ദിവസം അവിടെ തങ്ങി കുറച്ചു സ്ഥലങ്ങൾ എക്‌സ്‌പ്ലോർ ചെയ്യണം എന്നു ഞാൻ പ്ലാൻ ഇട്ടു.

കോഴഞ്ചേരിയിൽ നിന്നും തുടങ്ങിയ യാത്രയിൽ എൻറെ കൂടെ സുഹൃത്തുക്കളായ സലീഷേട്ടനും പ്രശാന്തും തൃശ്ശൂരിൽ നിന്നും ഒപ്പം ചേർന്നു. സലീഷേട്ടൻ തനിനാടൻ സ്റ്റൈലിൽ മുണ്ടൊക്കെ ധരിച്ചായിരുന്നു എത്തിയിരുന്നത്. പ്രശാന്ത് ആകട്ടെ, ഞങ്ങളുടെ യാത്ര ഒരു വ്ലോഗ് ആക്കുന്നതിനുള്ള തയ്യാറെടുപ്പുകളോടെയും. അന്നത്തെ വീഡിയോ എഡിറ്റ് ചെയ്തു പെട്ടെന്ന് പബ്ലിഷ് ചെയ്യേണ്ടിയിരുന്നതിനാൽ തൃശ്ശൂർ മുതൽ അങ്ങോട്ട് പ്രശാന്ത് ആയിരുന്നു നമ്മുടെ എംജി ഹെക്ടറിൻ്റെ നിയന്ത്രണം ഏറ്റെടുത്തത്. ഞാൻ മുന്നിലെ സീറ്റിലിരുന്നു ഓട്ടത്തിൽത്തന്നെ വീഡിയോ എഡിറ്റിങ് ചെയ്തു.

കുതിരാൻ എത്തുന്നതിനു മുൻപായി പട്ടിക്കാടിനടുത്തായി ‘കല്ലിടുക്ക്’ എന്ന സ്ഥലത്ത് ഹൈവേയുടെ ഓരത്തായി കണ്ട ഒരു തട്ടുകടയിൽ ഞങ്ങൾ കയറി. ഞാനും പ്രശാന്തും രാവിലെ ബ്രേക്ക്ഫാസ്റ്റ് കഴിച്ചിരുന്നുവെങ്കിലും സലീഷേട്ടൻ ഒന്നും കഴിച്ചിരുന്നില്ല. രാവിലെ കഞ്ഞി കുടിക്കണമെന്ന് സലീഷേട്ടന് ഒരാഗ്രഹം. അങ്ങനെയാണ് ഞങ്ങൾ ഈ കടയിൽ കയറുന്നത്. അവിടത്തെ കഞ്ഞിയും കടലയും മുകളുമെല്ലാം സലീഷേട്ടൻ ആസ്വദിച്ചു കഴിച്ചു.

കഞ്ഞികുടിയ്ക്ക് ശേഷം ഞങ്ങൾ വീണ്ടും യാത്ര തുടർന്നു. രാവിലെ ആയിരുന്നതിനാൽ ഹൈവേയിൽ തിരക്ക് അൽപ്പം കുറവായിരുന്നു. അതുകൊണ്ടാണോ എന്തോ കുതിരാനിൽ ഞങ്ങൾക്ക് തിരക്കുകളോ ബ്ലോക്കോ ഒന്നും അനുഭവിക്കേണ്ടി വന്നില്ല. കുതിരാൻ മല കയറുന്നതിനു മുൻപായി ഹൈവേയിൽ ധാരാളം കുഴികൾ ഉണ്ടായിരുന്നതൊക്കെ തന്ത്രപരമായി ചാടിത്തുള്ളി ഞങ്ങൾ കടന്നുപോയി. തൊട്ടപ്പുറത്തായി നിർമ്മാണത്തിലിരിക്കുന്നുവെന്നോ, നിർമ്മാണം പൂർത്തിയാക്കിയതെന്നോ പറയുവാൻ സാധിക്കാത്ത കുതിരാൻ തുരങ്കം, “ഇപ്പോൾ പൊയ്‌ക്കോ, വരുമ്പോൾ കാണിച്ചു താരാട്ടാ” എന്ന ഭാവത്തിൽ ഞങ്ങളെ നോക്കി പല്ലിളിച്ചുകൊണ്ട് നിന്നു.

കുതിരാൻ പിന്നിട്ടതോടെ പിന്നെയങ്ങോട്ടു നല്ല വീതിയുള്ള ഹൈവേയുടെ തുടക്കമായി. അങ്ങനെ വടക്കഞ്ചേരിയും ആലത്തൂരുമൊക്കെ കഴിഞ്ഞു ഞങ്ങൾ കുഴൽമന്ദത്ത് എളുപ്പത്തിൽ എത്തിച്ചേർന്നു. അവിടെ നമ്മുടെ ഒരു ഫോളോവറായ ഫിറോസ് ഞങ്ങളെ കാത്തിരിക്കുന്നുണ്ടായിരുന്നു. ഫിറോസുമായി കുറച്ചു വിശേഷങ്ങൾ പങ്കുവെച്ച്, ഒരു നാരങ്ങാ സോഡയും കുടിച്ചു ഞങ്ങൾ വീണ്ടും യാത്രയായി. യാത്രയിലുടനീളം സലീഷേട്ടന്റെ സ്വതസിദ്ധമായ തമാശകൾ ഞങ്ങൾക്ക് ആസ്വദിക്കുവാൻ സാധിച്ചു. അതോടൊപ്പം ഒടിയൻ തുടങ്ങിയ സിനിമകളുടെ ചില ഭാഗങ്ങൾ ഷൂട്ട് ചെയ്ത ‘ബ്രിട്ടീഷ് പാലം’ എന്നറിയപ്പെടുന്ന ‘കണ്ണാടി അക്വഡക്റ്റ്’ കാണുവാൻ പോകാമെന്നു സലീഷേട്ടൻ പറഞ്ഞു. അങ്ങനെ ഞങ്ങൾ ഹൈവേയിൽ നിന്നും അവിടേക്ക് തിരിഞ്ഞു.

വളരെ മനോഹരമായ ഒരു സ്ഥലമായിരുന്നു ബ്രിട്ടീഷ് പാലം. രാവിലെയും വൈകീട്ടുമൊക്കെ കുറച്ചു സമയം വന്നു ചെലവഴിക്കാൻ പറ്റിയ ഒരു കിടിലൻ സ്ഥലം. വിവാഹ ഫോട്ടോഷൂട്ടുകൾ നടത്തുവാനൊക്കെ അനുയോജ്യമാണിവിടം. മലിനീകരണം ഒട്ടുമില്ലാത്ത അവിടത്തെ ശുദ്ധവായു ശ്വസിച്ച് കുറച്ചു സമയം ഞങ്ങൾക്ക് അവിടെ ചെലവഴിക്കുവാൻ സാധിച്ചു. ഫോട്ടോകളും വീഡിയോയുമൊക്കെ എടുത്തശേഷം വീണ്ടും യാത്ര തുടങ്ങുവാനിരിക്കെ എവിടെനിന്നോ മഴയും അതിഥിയായി എത്തിച്ചേർന്നു. കൊടും ചൂടിനു പേരുകേട്ട പാലക്കാട്ടെ മഴ അനുഭവിക്കുന്നത് ഞാൻ ആദ്യമായിട്ടായിരുന്നു.

ബ്രിട്ടീഷ് പാലത്തിൽ നിന്നും ഞങ്ങൾ ഉൾവഴിയിലൂടെ (ചിറ്റൂർ വഴി) യാത്ര തുടർന്നു. കഞ്ചിക്കോടിനടുത്തുള്ള അഹല്യ ക്യാംപസ് ആയിരുന്നു ഞങ്ങളുടെ ലക്‌ഷ്യം. പോകുന്ന വഴിയിൽ മനോഹരമായ പച്ചപ്പു നിറഞ്ഞ തെങ്ങിൻതോപ്പുകളും പാടങ്ങളുമൊക്കെ കണ്ടപ്പോൾ ഞങ്ങൾ അവിടെ വണ്ടി നിർത്തിയിറങ്ങി ഫോട്ടോകൾ എടുത്തു. സലീഷേട്ടനു തൻ്റെ പാഷനായ ഫോട്ടോഗ്രഫി അവിടെ പ്രകടമാക്കുവാൻ സാധിച്ചു. സലീഷേട്ടന്റെ ഐഫോണിലെടുത്ത ചിത്രങ്ങളൊക്കെ കിടിലനായിരുന്നു.

യാത്രയ്ക്കിടയിൽ ഞങ്ങൾക്ക് കാളവണ്ടി പോകുന്നത് കാണുവാൻ സാധിച്ചു. ഇന്നത്ത കാലത്ത് കാളവണ്ടികൾ നമ്മുടെ നാട്ടിൽ അങ്ങനെയൊന്നും കാണുവാൻ സാധിക്കില്ല. അഥവാ കാണണമെങ്കിൽ ഇങ്ങു പാലക്കാട് തന്നെ വരേണ്ടി വരും. കാളവണ്ടിയുടെ ചിത്രങ്ങൾ പകർത്തിയപ്പോൾ കാളവണ്ടിക്കാരൻ ചേട്ടൻ ചിരിച്ചുകൊണ്ട് പോസ് ചെയ്തു തന്നു. അല്ലെങ്കിലും പാലക്കാട്ടുകാർ വളരെ സ്നേഹമുള്ളവരാണ്. അത് അടുത്ത രണ്ടു ദിവസങ്ങളിൽ ഞങ്ങൾക്ക് അവിടെ നിന്നും നേരിട്ടനുഭവിക്കുവാൻ സാധിച്ചു. ആ വിശേഷങ്ങളൊക്കെ പിന്നെ പറയാം.

അങ്ങനെ ഉൾനാടൻ വഴികളിലൂടെ യാത്ര ചെയ്തു ഞങ്ങൾ അഹല്യ ക്യാംപസിൽ എത്തിച്ചേർന്നു. ഏക്കറുകണക്കിന് സ്ഥലത്ത് പരന്നു കിടക്കുന്ന മനോഹരമായ ഒരു ക്യാംപസ്, അഹല്യ കോളേജിനെ അങ്ങനെയേ വിശേഷിപ്പിക്കുവാൻ സാധിക്കുകയുള്ളൂ. രണ്ടു വീഡിയോകൾ ചെയ്യുവാനുള്ളത്രയുമുണ്ട് അവിടത്തെ കാഴ്ചകളും വിശേഷങ്ങളും. അഹല്യ ക്യാംപസിൽ നിന്നും ഉച്ചഭക്ഷണം കഴിച്ചതിനു ശേഷം അഹല്യ ഹെറിറ്റേജ് വില്ലേജ് ഡയറക്ടറായ വർമ്മ സാർ ഞങ്ങളെ ക്യാമ്പസും പരിസരവുമെല്ലാം ഒന്നു ചുറ്റിനടന്നു (കാറിൽ) കാണിച്ചു തരികയുണ്ടായി. വർമ്മ സാറുമായുള്ള സംസാരത്തിൽ നിന്നും ഞങ്ങൾക്ക് അഹല്യയെക്കുറിച്ച് കൂടുതലായി മനസ്സിലാക്കുവാൻ സാധിച്ചു.

ഉച്ചയ്ക്ക് രണ്ടരയോടെ വിദ്യാർത്ഥികളുമായുള്ള ടോക്-ഷോ ആരംഭിച്ചു. വിദ്യാർത്ഥികൾ അവരുടെ സംശയങ്ങൾ എന്നോട് ചോദിക്കുകയും അതിനു ഒരു ട്രാവൽ ബ്ലോഗർ എന്ന നിലയിൽ ഞാൻ ഉത്തരം നല്കുകയുമുണ്ടായി. അഹല്യ ക്യാംപസ് മുഴുവനായും എല്ലാവർക്കും പരിചയപ്പെടുത്തിക്കൊണ്ടുള്ള ഒരു വീഡിയോ ചെയ്യണമെന്ന്‌ വർമ്മ സാർ ഞങ്ങളോട് ആവശ്യപ്പെടുകയും അത് തിരക്കുകൾക്കു ശേഷം ചെയ്യാമെന്ന് ഉറപ്പു നൽകുകയും ചെയ്തു. ടോക്‌ഷോയ്ക്ക് ശേഷം ഞങ്ങൾ വൈകുന്നേരത്തോടെ അഹല്യ ക്യാംപസിൽ നിന്നും യാത്രയായി. ഞങ്ങളുടെ അന്നത്തെ താമസം പാലക്കാട് ധോണി എന്ന സ്ഥലത്തുള്ള LEAD കോളേജിൽ ആയിരുന്നു. അവിടെയും ഒരു ചെറിയ ക്ലാസ്സ് എടുക്കേണ്ടതായുണ്ട്. അങ്ങനെ ഞങ്ങൾ ധോണിയിലേക്ക് യാത്രയായി. ആ വിശേഷങ്ങൾ ഇനി അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post