ഗ്രാമങ്ങളും വിജനമായ ഹൈവേകളും ലോറിത്താവളങ്ങളും കണ്ടുകൊണ്ട് കൊൽക്കത്തയിലേക്ക്…

Total
23
Shares

ഒഡിഷയിലെ കൊണാർക്ക് ക്ഷേത്രത്തിൽ നിന്നും ഞങ്ങൾ കൊൽക്കത്ത ലക്ഷ്യമാക്കി യാത്ര തുടങ്ങി. വളരെ ഗ്രാമീണത നിറഞ്ഞ പ്രദേശങ്ങളിലൂടെയായിരുന്നു ഞങ്ങൾ കടന്നുപോയത്. ഈ യാത്രയിൽ ഇതുവരെ വന്നതിൽ വെച്ച് എനിക്ക് ഏറ്റവും ഇഷ്ടപ്പെട്ടത് ഒഡിഷ ആണ്. കേരളത്തോട് അൽപ്പം സാമ്യമുള്ളതിനാലായിരിക്കണം. കുട്ടനാട് പോലത്തെ പടങ്ങൾ നിറഞ്ഞ ഒരു പ്രദേശത്തു കൂടിയായിരുന്നു ഞങ്ങൾ പൊയ്‌ക്കൊണ്ടിരുന്നത്. പാടത്തിനു നടുവിൽ കോൺക്രീറ്റ് ചെയ്ത റോഡിലൂടെ മറ്റു വാഹനങ്ങൾ ഒട്ടുംതന്നെ ഞങ്ങൾ കണ്ടില്ല. വല്ലപ്പോഴും എതിരെ വരുന്ന ലൂണ പോലത്തെ ടൂവീലറുകളായിരുന്നു ആകെക്കൂടി കണ്ടത്.

ഗ്രാമാന്തരീക്ഷത്തിലൂടെ യാത്ര ചെയ്തു ഞങ്ങൾ ഒടുവിൽ ഹൈവേയിൽ എത്തിച്ചേർന്നു. ഞങ്ങൾക്കാണെങ്കിൽ നല്ല വിശപ്പും ഉണ്ടായിരുന്നു. ഹൈവേയുടെ ഓരത്ത് ഹോട്ടലാണെന്നു തോന്നിച്ച ഒരു കടയിലേക്ക് ഞങ്ങൾ കയറി. പക്ഷെ ചെന്നപ്പോഴാണ് മനസ്സിലായത് അത് പലതരം പലഹാരങ്ങൾ വിൽക്കുന്ന സ്ഥലമാണെന്ന്. അവിടെ ചെന്നപ്പോഴേ ഞങ്ങൾക്ക് ഏരിയ അത്ര പിടിച്ചില്ല. പലഹാരങ്ങളിലൊക്കെ ഈച്ചയാർക്കുന്ന കാഴ്ച അവിടെ നിന്നും ഭക്ഷണം കഴിക്കുന്നതിൽ നിന്നും ഞങ്ങളെ പിന്തിരിപ്പിച്ചു. ഉണ്ടാകില്ലെന്നറിഞ്ഞിട്ടും ചോറ് ഉണ്ടോയെന്നു ചോദിച്ചു, ഇല്ലായെന്ന മറുപടിയും കേട്ടു ഞങ്ങൾ തിരികെ വണ്ടിയിൽ കയറി യാത്ര തുടർന്നു.

കുറച്ചു ദൂരം പോയപ്പോൾ ഹൈവേയുടെ അരികിൽ ഒരു ധാബ കണ്ടു. ധാബയ്ക്ക് മുന്നിൽ കയർ കൊണ്ടുള്ള കട്ടിലിലിരുന്നുകൊണ്ട് ലോറിക്കാരൊക്കെ ആസ്വദിച്ചുകൊണ്ട് ഭക്ഷണം കഴിക്കുന്നതു കണ്ടു. ഞങ്ങൾ അകത്തു കയറി ചോറും കറികളും ഓർഡർ ചെയ്തു. കൂടെ സ്പെഷ്യലായി ചിക്കൻ കറിയും കൂടി പറഞ്ഞു. ഭക്ഷണമെല്ലാം നല്ല രുചിയുള്ളതായിരുന്നു. രണ്ടുപേർക്കും കൂടി 235 രൂപയായി. ഞങ്ങൾ ഭക്ഷണവും കഴിച്ചു സംതൃപ്തിയോടെ ധാബയ്ക്ക് പുറത്തേക്കിറങ്ങി. ലോറിക്കാർക്ക് വിശ്രമിക്കുന്നതിനും കുളിക്കുന്നതിനുമൊക്കെ ധാബയുടെ പുറത്ത് സൗകര്യങ്ങൾ അവർ ലഭ്യമാക്കിയിരുന്നു. അങ്ങനെ ഞങ്ങൾ ബംഗാളിലേക്കുള്ള യാത്ര തുടർന്നു.

കൊൽക്കത്തയിലേക്കുള്ള ഹൈവേയിൽ വാഹനങ്ങൾ വളരെ കുറവായിരുന്നു. റോഡിന്റെ ഗുണമേന്മയും തിരക്കില്ലാത്തതും കാരണം ഞങ്ങളുടേത് അടക്കമുള്ള വണ്ടികൾ നൂറു കിലോമീറ്റർ വേഗതയിൽ പാഞ്ഞു പോയ്‌ക്കൊണ്ടിരുന്നു. ഞങ്ങളെക്കൂടാതെ പിന്നെ ട്രക്കുകൾ ആയിരുന്നു ഈ റൂട്ടിലധികവും പൊയ്‌ക്കൊണ്ടിരുന്നത്. കൊൽക്കത്ത എത്താറാകുമ്പോഴേക്കും ട്രക്കുകളുടെ പൂരമായിരിക്കും കാണാൻ കിടക്കുന്നതെന്നു ഞങ്ങൾക്ക് മനസ്സിലായി. അങ്ങനെ ഞങ്ങൾ പോലുമറിയാതെ ഞങ്ങളുടെ വണ്ടി ഒഡിഷ വിട്ടു ബംഗാളിലേക്ക് കയറി. വഴിയിൽ ബോർഡർ എന്നു തോന്നിക്കുന്ന തരത്തിൽ ഒരു ബോർഡ് പോലും കണ്ടില്ല. ഞങ്ങൾ ബോർഡർ താണ്ടിയെന്നു മനസിലാക്കിയത് ഗൂഗിൾ മാപ്പ് നോക്കിയപ്പോഴാണ്.

നേരം ഇരുട്ടിയതോടെ ഞങ്ങൾ കൊൽക്കത്ത നഗരത്തിലേക്ക് പ്രവേശിച്ചു. രാത്രിയിൽ നല്ല കളർഫുൾ ആയിരുന്നു കൊൽക്കത്ത നഗരം. അത്യാവശ്യം നല്ല രീതിയിൽത്തന്നെ അവിടെ ട്രാഫിക് കൈകാര്യം ചെയ്യുന്നുണ്ട് എന്ന് അതുവഴി സഞ്ചരിച്ചപ്പോൾ ഞങ്ങൾക്ക് മനസ്സിലായി.

കൊൽക്കത്തയിൽ Gallery 67 എന്ന ഒരു ഹോട്ടലിൽ രണ്ടു ദിവസത്തേക്ക് 4993 രൂപയ്ക്ക് എസി റൂം ഓൺലൈൻ ബുക്കിംഗ് വഴി ലഭ്യമായി. നല്ല മികച്ച സൗകര്യങ്ങളുള്ള റൂമായിരുന്നു ഞങ്ങൾക്ക് ലഭിച്ചത്. ഇത്രയും ദൂരം യാത്ര ചെയ്ത ഞങ്ങൾ വളരെ ക്ഷീണിതനായിരുന്നു. അതുകൊണ്ട് ഞങ്ങൾ ഡിന്നർ കഴിച്ചതിനു ശേഷം വീഡിയോയും പെട്ടെന്ന് എഡിറ്റ് ചെയ്തിട്ട് എളുപ്പം കിടന്നുറങ്ങി. ഇനി നാളെ കൊൽക്കത്ത നഗരം എക്‌സ്‌പ്ലോർ ചെയ്യാൻ പോകേണ്ടതാണ്. ആ വിശേഷങ്ങളൊക്കെ അടുത്ത വീഡിയോയിൽ കാണാം.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 89739 50555. 3) Goosebery Mens Apparel: http://goosebery.co.in (TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post