ചെന്നൈയിലെ ‘കോവളം’ ബീച്ചിലേക്ക് ഫാമിലിയുമായി ഒരു വൈകുന്നേരക്കറക്കം

Total
0
Shares

കുറച്ചു ദിവസങ്ങൾക്ക് മുൻപ് ഞങ്ങൾ ഫാമിലിയായി ചെന്നൈയിലേക്ക് പോയിരുന്നു. ഭാര്യ ശ്വേതയുടെ സഹോദരനും ഫാമിലിയും അവിടെയാണ് താമസം. അവരുടെയടുത്തേക്കായിരുന്നു ഞങ്ങൾ പോയത്. ചെന്നൈയിൽ ചെറിയ രീതിയിലുള്ള കറക്കമെല്ലാം കഴിഞ്ഞു വൈകുന്നേരത്തോടെ “നമുക്ക് ബീച്ചിൽ പോകാമെന്നു” ഞാൻ അളിയനോട് പറഞ്ഞു. “എന്നാൽപ്പിന്നെ കോവളം ബീച്ചിലേക്ക് തന്നെ പോകാം” എന്ന് അളിയൻ. ദൈവമേ, ചെന്നൈയിൽ നിന്നും തിരുവനന്തപുരത്തെ കോവളം ബീച്ചിലേക്കോ എന്നോർത്ത് അന്തംവിട്ടു നിന്ന എന്നോട് അളിയൻ കാര്യം പറഞ്ഞു തന്നു. ചെന്നൈയിലും ഉണ്ട് കോവളം എന്ന പേരിൽ ഒരു ബീച്ച്. ഹോ.. അതു കേട്ടപ്പോൾ എനിക്ക് ആശ്വാസമായി. അങ്ങനെ ഞങ്ങൾ കോവളം ബീച്ചിലേക്ക് യാത്രയായി.

ചെന്നൈ പോലുള്ള മെട്രോ നഗരത്തിലെ ബീച്ച് എന്നൊക്കെയുള്ള എൻ്റെ പ്രതീക്ഷകളെ അപ്പാടെ മാറ്റിമറിക്കുന്നതായിരുന്നു കോവളം ബീച്ച്. വണ്ടി പാർക്ക് ചെയ്ത് അവിടേക്ക് നടന്നു തുടങ്ങിയപ്പോൾ തന്നെ എനിക്കത് മനസിലായി. ഇതിലും എത്രയോ നല്ലതാണ് നമ്മുടെ കോവളം ബീച്ച് എന്ന് ഞാൻ മനസ്സിലോർത്തു. ഇവിടെ ഒരുമാതിരി ഇടുങ്ങിയ വഴിയും സൗകര്യക്കുറവുമൊക്കെയായി വല്ലാത്തൊരു വീർപ്പുമുട്ടൽ ഫീൽ. എന്തായാലും വന്നതല്ലേ, ഒന്നു കണ്ടുകളയാം എന്നു വിചാരിച്ചു.

ബീച്ചിനു തൊട്ടടുത്തുള്ള ഒരു ചെറിയ സ്റ്റാളിൽ നിന്നും ‘മദാമ്മപ്പുല്ല്’ എന്നു വിളിക്കുന്ന ഒരു ഐറ്റം ഞങ്ങൾ വാങ്ങി. പണ്ട് ചെറുപ്പത്തിൽ ഈ സാധനമൊക്കെ വാങ്ങിക്കഴിച്ച ഓർമ്മകൾ അപ്പോൾ എൻ്റെ മനസിലൂടെ കടന്നുപോയി. മദാമ്മപ്പുല്ലും കഴിച്ചുകൊണ്ട് ഞങ്ങൾ ബീച്ചിലേക്ക് നടന്നു. പോകുന്ന വഴിയിൽ നല്ല കിടിലൻ സീ ഫുഡ് ലഭിക്കുന്ന സ്റ്റാളുകൾ കാണുവാൻ സാധിച്ചു. പല തരത്തിലുള്ള മീനുകൾ വറുത്തും പൊരിച്ചും പൊള്ളിച്ചുമൊക്കെ വെച്ചിരിക്കുന്നു. എല്ലാം നാട്ടുകാരായ അമ്മച്ചിമാരുടെ സംരംഭങ്ങളാണ്. ബീച്ചിൽ പോയി വന്നിട്ട് ഇതെല്ലം ഒന്ന് പരീക്ഷിക്കാം എന്നുവിചാരിച്ചു ഞങ്ങൾ വീണ്ടും ബീച്ചിലേക്ക് നടന്നു.

ബീച്ചിൽ ധാരാളം മീൻ വിൽപ്പനക്കാർ ഇരിക്കുന്നുണ്ടായിരുന്നു. കൂടുതലും തദ്ദേശീയരായ ചേച്ചിമാരും അമ്മൂമ്മമാരും. പലതരത്തിലുള്ള മീനുകൾ അവിടെ വിൽപ്പനയ്ക്ക് വെച്ചിരിക്കുന്നതായി കണ്ടു. പച്ച മീനുകൾക്കൊപ്പം ഉണക്കമീനുകളും ഉണ്ടായിരുന്നു. മീൻ വാങ്ങുന്നവർക്ക് അവ വൃത്തിയാക്കി കൊടുക്കുന്ന തിരക്കിലായിരുന്നു ചെറിയ കുട്ടികളടക്കമുള്ള മറ്റു ടീമുകൾ. ബീച്ചിൽ ധാരാളം മൽസ്യബന്ധന വള്ളങ്ങൾ ഉണ്ടായിരുന്നു. ടൂറിസം എന്നതിലുപരി മൽസ്യബന്ധനത്തിനായിരുന്നു ബീച്ച് പ്രാധാന്യം നൽകിയിരുന്നത്. അതിനിടയിൽ അവിടെയുണ്ടായിരുന്ന കുറച്ചു മത്സ്യത്തൊഴിലാളികളെ ഞാൻ പരിചയപ്പെട്ടു. നാട്ടിൽ പ്രളയം വന്നപ്പോൾ എല്ലാവരെയും രക്ഷിക്കുവാൻ മുൻപന്തിയിൽ മൽസ്യത്തൊഴിലാളികൾ ഉണ്ടായിരുന്ന കാര്യമൊക്കെ ഞാൻ അവരോട് പറഞ്ഞു. അതൊക്കെ കേട്ടപ്പോൾ അവർക്ക് എന്തോ ഒരു സന്തോഷവും അഭിമാനവുമൊക്കെ.

ബീച്ചിൽ ഏതോ സ്‌കൂളിൽ നിന്നുള്ള കുട്ടികളുടെ കൂട്ടമൊക്കെ ഉണ്ടായിരുന്നു. യൂണിഫോമിട്ട പിള്ളേരൊക്കെ മണലിൽ വീട് ഉണ്ടാക്കിക്കളിക്കുന്ന കാഴ്ച വല്ലാത്തൊരു നൊസ്റ്റാൾജിയയാണ് എനിക്ക് സമ്മാനിച്ചത്. ഞാൻ ബീച്ചിലേക്ക് നോക്കിയപ്പോൾ അവിടെ കടലിൽ കളിക്കുകയായിരുന്നു അളിയനും മകൾ അവന്തികയും. അവന്തിക നന്നായി എന്ജോയ് ചെയ്യുന്നുണ്ടായിരുന്നു. ബീച്ചിൽ അത്രയ്ക്ക് വൃത്തിയൊന്നും ഉണ്ടായിരുന്നില്ലെങ്കിലും വന്നതല്ലേ എന്നുകരുതി ഞങ്ങൾ എല്ലാവരും പരമാവധി എന്ജോയ് ചെയ്യാൻ ശ്രമിക്കുന്നുണ്ടായിരുന്നു.

സൂര്യാസ്തമയത്തിനു ശേഷം ഞങ്ങൾ ബീച്ചിൽ നിന്നും തിരികെ കയറി. മുൻപ് കണ്ട സീഫുഡ് ഒക്കെ ഒന്നു പരീക്ഷിക്കണമെന്നുണ്ടായിരുന്നെങ്കിലും അവിടത്തെ വല്ലാത്ത മണം എനിക്ക് അത്രയ്ക്ക് പിടിച്ചില്ല. അതുകൊണ്ട് ആ ഉദ്യമം വേണ്ടെന്നു വെച്ച് ഞങ്ങൾ തിരികെ വീട്ടിലേക്ക് യാത്രയായി.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post