ലേയിൽ നിന്നും ‘തഗ്ളംഗ്ലാ പാസ്സി’ലൂടെ മണാലിയെ ലക്ഷ്യമാക്കിയുള്ള യാത്ര

Total
0
Shares

പാന്ഗോങ് തടാകത്തിലെ കാഴ്ചകൾ കണ്ടതിനു ശേഷം ഞങ്ങൾ ലേയിലേക്കായിരുന്നു തിരികെ പോയത്. അവിടെ രാത്രി തങ്ങിയതിനു ശേഷം പിറ്റേന്ന് രാവിലെ ഞങ്ങൾ മണാലി ലക്ഷ്യമാക്കി യാത്രയാരംഭിച്ചു. ധാരാളം ബുദ്ധമതക്കാർ ജീവിക്കുന്ന ഉപ്ഷി എന്ന സ്ഥലത്തു നിന്നും വലത്തേക്കുള്ള റോഡിലൂടെ പോയാൽ മണാലിയിലേക്ക് എത്തിച്ചേരാം. അവിടുന്ന് മണാലിയിലേക്ക് 425 കിലോമീറ്റർ ദൂരമുണ്ട്.

തിരക്ക് കുറഞ്ഞ നല്ല രീതിയിൽ ടാർ ചെയ്ത റോഡിലൂടെ ഞങ്ങൾ യാത്ര തുടർന്നു. ജനവാസ മേഖലകളെല്ലാം പിന്നിട്ടുകൊണ്ട്മ ലഞ്ചെരിവിലൂടെയായിരുന്നു ഞങ്ങളുടെ യാത്ര. അങ്ങനെ പോയിപ്പോയി ഞങ്ങൾ വീണ്ടും ഒരു ജനവാസമേഖലയിൽ എത്തിച്ചേർന്നു. റോഡിന്റ അവസ്ഥ ശോകമായിക്കൊണ്ടിരുന്നു. ചുറ്റിനും മഞ്ഞുമലകൾക്കു പകരം വരണ്ടുണങ്ങി നിൽക്കുന്ന കൂറ്റൻ മലകൾ ആയിരുന്നു.

കുറച്ചു കൂടി മുന്നോട്ടു പോയപ്പോൾ റോഡ് വീണ്ടും നല്ല കിടിലൻ കണ്ടീഷൻ ആയിമാറി. ഒപ്പം തന്നെ അകലെ മഞ്ഞുമലകളും ദൃശ്യമായി. സമുദ്രനിരപ്പിൽ നിന്നും ഏകദേശം 14000 അടി ഉയരത്തിലൂടെയായിരുന്നു ഞങ്ങൾ സഞ്ചരിച്ചു കൊണ്ടിരുന്നത്. പോകുന്തോറും അന്തരീക്ഷത്തിലെ തണുപ്പ് വർദ്ധിച്ചുകൊണ്ടിരുന്നു.

പോകപ്പോകെ മഞ്ഞുമലകൾ ഞങ്ങൾ സഞ്ചരിച്ചിരുന്ന വഴിയുടെ വശങ്ങളിലായി കണ്ടുതുടങ്ങി. നല്ല ഉയരത്തിലായിരുന്നു ആ റോഡ് കടന്നുപോയിരുന്നത്. റോഡിൽ പലയിടത്തും മഞ്ഞുരുകി തെന്നുന്ന അവസ്ഥയിലായിരുന്നു. വളരെ ശ്രദ്ധയോടെയായിരുന്നു എമിൽ വണ്ടിയോടിച്ചിരുന്നത്. ഹാരിസ് ഇക്ക പിന്നിലിരുന്നു സ്വതസിദ്ധമായ ശൈലിയിൽ കൗണ്ടർ കോമഡികൾ തകർക്കുന്നുണ്ടായിരുന്നു.

റോഡിന്റെ അവസ്ഥ വീണ്ടും ഭീകരമായി. ഞങ്ങൾ പതിയെപ്പതിയെ പോയ്‌ക്കൊണ്ടിരുന്നപ്പോൾ അതാ പിന്നിലൊരു ഹോണടി… ആരോ പറപ്പിച്ചു വരികയാണ്. ഞങ്ങൾ വീതികൂടിയ സ്ഥലം നോക്കി വണ്ടി ഒരുക്കിക്കൊടുത്തു. പിന്നിലെ വണ്ടി പാഞ്ഞുകയറി പോയപ്പോഴാണ് ഞങ്ങൾ ശരിക്കും അമ്പരന്നു പോയത്. ഒരു മാരുതി ആൾട്ടോ 800 കാർ ആയിരുന്നു അത്. ലോകത്തിലെ ഏറ്റവും മികച്ച ബഡ്‌ജറ്റ്‌ ഓഫ്‌റോഡ് വാഹനം ഏതാണെന്നു ചോദിച്ചാൽ ഞങ്ങൾ മാരുതി ആൾട്ടോ 800 എന്നേ പറയൂ. കാരണം ഈ ട്രിപ്പിനിടയിൽ അതുമാതിരിയുള്ള പെർഫോമൻസുകളാണ് ഞങ്ങൾ ഈ ട്രിപ്പിനിടയിൽ മൊത്തത്തിൽ കണ്ടനുഭവിച്ചത്.

മഞ്ഞുമൂടിയ പ്രദേശത്തു കൂടിയായിരുന്നു ഞങ്ങളുടെ യാത്ര. അന്തരീക്ഷത്തിലെ താപനില ഒരു ഡിഗ്രിയായി മാറി. കുറച്ചു കഴിയുമ്പോൾ മൈനസ് ആകുമെന്ന് ഞങ്ങൾ കണക്കുകൂട്ടി. പോകുന്ന വഴിയിൽ പലയിടത്തും ഞങ്ങൾ വണ്ടി നിർത്തി മഞ്ഞിൽ കളിക്കുവാൻ സമയം കണ്ടെത്തിയിരുന്നു.

അങ്ങനെ ഞങ്ങൾ 17,500 അടി ഉയരത്തിലുള്ള തഗ്ളംഗ്ലാ പാസ്സിലൂടെ യാത്ര ചെയ്തു അതിൻ്റെ മുകളിലെത്തിച്ചേർന്നു. അവിടെ ധാരാളം സഞ്ചാരികൾ ഉണ്ടായിരുന്നു. മലയാളികളായ ബൈക്കർമാർ ഞങ്ങളെ വന്നു പരിചയപ്പെടുകയുണ്ടായി. എല്ലാവരും ഫോട്ടോസ് എടുക്കുന്ന തിരക്കിലായിരുന്നു അവിടെ. അതിനിടെ റൈഡർമാരിൽ ഒരാൾക്ക് മൗണ്ടൻ സിക്ക്‌നസ് വന്നു. ഹാരിസ് ഇക്കയും മറ്റുള്ളവരും കൂടി അയാൾക്ക് വേണ്ട ശുശ്രൂഷകൾ നൽകി ഒക്കെയാക്കി.

അവിടെ ധാരാളം വിദേശികളായ സഞ്ചാരികളും ഉണ്ടായിരുന്നു. അവരോടെല്ലാം ഞങ്ങൾ വിശേഷങ്ങൾ പങ്കുവെച്ചു. അതിനിടയിലാണ് മണാലിയിൽ നിന്നും സൈക്കിളിൽ അവിടേക്ക് എത്തിച്ചേർന്ന ഇസ്രായേൽ സഞ്ചാരിയെ ഞങ്ങൾ പരിചയപ്പെടുന്നത്. അവർ ഒരു ഗ്രൂപ്പായി വന്നതായിരുന്നു. ഏഴു ദിവസം കൊണ്ടാണ് അവർ മണാലിയിൽ നിന്നും ഇവിടേക്ക് സൈക്കിളിൽ എത്തിച്ചേർന്നത്.

17,500 അടി ഉയരത്തിലുള്ള തഗ്ളംഗ്ലാ പാസ്സിലൂടെ യാത്ര ചെയ്യാൻ സാധിച്ചത് ഒരു ഭാഗ്യം തന്നെയായി കരുതുന്നു. അധികനേരം അത്രയും ഉയരത്തിൽ നിൽക്കുന്നത് അപകടകരമായതിനാൽ ഞങ്ങൾ വൈകാതെ അവിടെ നിന്നും വീണ്ടും യാത്ര തുടർന്നു. ബാക്കി വിശേഷങ്ങൾ ഇനി അടുത്ത എപ്പിസോഡിൽ കാണാം.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post