സിഗിരിയയിലെ സിംഹപ്പാറ; ശ്രീലങ്കയിൽ കണ്ടിരിക്കേണ്ട ഒരു കിടിലൻ സ്ഥലം…

Total
138
Shares

ശ്രീലങ്കയിലെ മൂന്നാമത്തെ ദിവസത്തെ ആദ്യ യാത്ര സിഗിരിയ എന്ന സ്ഥലത്തേക്ക് ആയിരുന്നു. സിഗിരിയയെക്കുറിച്ച് പറയുകയാണെങ്കിൽ, ശ്രീലങ്കയിൽ സ്ഥിതി ചെയ്യുന്ന ഒരു ചരിത്രസ്മാരകമാണ്‌ സിഗരിയ. യുനെസ്കോയുടെ ലോകപൈതൃക കേന്ദ്രങ്ങളിൽ സ്ഥാനം പിടിച്ചിട്ടുള്ള ഇത് 400‌-ഓളം മീറ്റർ ഉയരമുള്ള ഒരു കൂറ്റൻ പാറക്കു മുകളിൽ നാലേക്കറോളം വിസ്തൃതിയിൽ സ്ഥിതി ചെയ്യുന്ന രാജകൊട്ടരത്തിന്റേയും ബുദ്ധവിഹാരത്തിന്റേയും ചരിത്രാവശിഷ്ടങ്ങളാണ്‌. ഏറെ സാങ്കേതിക മികവു കാട്ടുന്ന പ്രകൃതി ജലസംഭരണ സം‌വിധാനങ്ങളും, ഇന്ത്യയിലെ അജന്തയിലെ ചിത്രങ്ങളെ അനുസ്മരിപ്പിക്കുന്ന ചുവർചിത്രങ്ങളും ചേർന്ന ഈ ചരിത്രാവശിഷ്ടം ജനപ്രിയമായ ഒരു വിനോദസഞ്ചാരകേന്ദ്രമാണ്.

ഞങ്ങൾ സിഗിരിയയിൽ എത്തിയയുടനെ ആദ്യം പോയത് അവിടത്തെ മ്യൂസിയത്തിലേക്ക് ആയിരുന്നു. ഇന്ത്യക്കാർക്ക് ഏകദേശം 1000 ഇന്ത്യൻ രൂപയായിരുന്നു അവിടേക്കുള്ള പ്രവേശന പാസിന്റെ ചാർജ്ജ്. സിഗിരിയയെക്കുറിച്ചുള്ള വിശദമായ മാപ്പ് അടക്കമുള്ള വിവരങ്ങൾ അവിടെ നിന്നും ഞങ്ങൾക്ക് ലഭിച്ചു. ശ്രീലങ്കയിലെ ഏറ്റവും പ്രശസ്തമായിട്ടുള്ള ഒരു ടൂറിസ്റ്റ് കേന്ദ്രമാണ് സിഗിരിയ. ഞങ്ങൾ ചെല്ലുന്ന സമയത്ത് വലിയ തിരക്കുകളൊന്നും അനുഭവപ്പെട്ടില്ല.

സിഗിരിയയിലെ പാറയിലേക്ക് സഞ്ചാരികൾ നടന്നു തന്നെ ചെല്ലേണ്ടതായുണ്ട്. അവിടേക്ക് പോകുന്ന വഴിയിൽ ധാരാളം കാഴ്ചകളും വിശാലമായി പരന്നു കിടക്കുന്ന സ്ഥലങ്ങളുമൊക്കെ കാണുവാൻ സാധിക്കും. തിരക്കില്ലാത്ത സമയമായിരുന്നതിനാൽ അവിടെയെല്ലാം ശാന്തമായി വന്നിരിക്കുവാൻ സാധിക്കും. പലയിടങ്ങളിലും പഴയ നിർമ്മിതിയുടെ അവശിഷ്ടങ്ങൾ നമുക്ക് കാണുവാൻ സാധിക്കും. ഇവയെല്ലാം നിർമ്മിച്ചത് കശ്യപ രാജാവിന്റെ കാലത്താണെന്നാണ് പറയപ്പെടുന്നത്.

ഏക്കറുകളായി പരന്നു കിടക്കുന്ന ആ സ്ഥലങ്ങളിൽ പലയിടത്തും വെള്ളം സംഭരിക്കുന്നതിനായുള്ള പലതരത്തിലുള്ള വലിയ കുളങ്ങൾ കാണുവാൻ സാധിക്കും. ഒരു കിലോമീറ്റർ ചുറ്റളവിൽ അഞ്ചോളം ഇത്തരം കുളങ്ങൾ ഞങ്ങൾക്ക് കാണുവാൻ സാധിച്ചു. അതിലൂടെ നടക്കുന്നതിനിടയിൽ കുറച്ചു ദൂരെയായി തലയുയർത്തി നിൽക്കുന്ന ആ പ്രശസ്തമായ പാറയുടെ ദൃശ്യം ഞങ്ങൾക്ക് മുന്നിൽ തെളിഞ്ഞു വന്നു. അവിടെ വരെ നടന്നിട്ട്, പാറയിലേക്ക് നടന്നു തന്നെ കയറണം. പോകുന്ന വഴിയിൽ ആ സ്ഥലത്തിൻ്റെ ചരിത്രം രേഖപ്പെടുത്തി വെച്ചിട്ടുണ്ട്. സഞ്ചാരികൾക്ക് അവ വായിച്ചു മനസ്സിലാക്കാവുന്നതാണ്.

നടന്നു നടന്ന് ആ കൂറ്റൻ പാറയുടെ താഴ്വാരത്തേക്ക് അടുത്തപ്പോഴേക്കും ശ്വേത ക്ഷീണിച്ചു പോയിരുന്നു. ഞങ്ങൾക്ക് മുന്നിൽ വഴികാട്ടിയായി ‘ഡ്രൈവർ കം ഗൈഡ്’ ആയ ജനക നടക്കുന്നുണ്ടായിരുന്നു. പാറയുടെ താഴ്‌വരയിൽ ചെന്ന് കുറച്ചു സമയം വിശ്രമിച്ചിട്ട് ഞങ്ങൾ പതിയെ മുകളിലേക്ക് കയറുവാൻ ആരംഭിച്ചു. പോകുന്ന വഴിയിൽ ചിലയിടങ്ങളിൽ ചെറിയ ഗുഹകൾ കാണുവാൻ സാധിക്കും. ഒറ്റയടിക്ക് കുത്തനെയുള്ള കയറ്റം അല്ലാതിരുന്നതിനാൽ ഞങ്ങൾക്ക് ആശ്വാസത്തോടെ കയറുവാൻ സാധിക്കുകയുണ്ടായി. എന്നാൽ കുറച്ചങ്ങോട്ടു ചെന്നു കഴിഞ്ഞപ്പോഴേക്കും കുത്തനെയുള്ള കയറ്റം ആരംഭിച്ചു.

അങ്ങനെ കയറിക്കയറി ഞങ്ങൾ പാറയുടെ ഏതാണ്ട് പകുതിയോളമായി. അവിടെ നിന്നുള്ള വ്യൂ അതിമനോഹരം തന്നെയായിരുന്നു. കുറച്ചു കൂടി കയറിക്കഴിയുമ്പോൾ നമ്മൾ താഴെ നിന്നും എടുത്ത ടിക്കറ്റ് അവിടെ പരിശോധനയ്ക്ക് വിധേയമാക്കേണ്ടതായുണ്ട്. കുത്തനെയുള്ള കയറ്റം ആയിരുന്നതിനാൽ ഞങ്ങൾ ചിലയിടങ്ങളിൽ നന്നായി കഷ്ടപ്പെടേണ്ടി വന്നു. ഏറ്റവും മുകളിൽ എത്തുന്നതിനു മുൻപായി ശ്വേത ‘ഇനി കയറുവാനില്ല’ എന്നു പറഞ്ഞുകൊണ്ട് അവിടെ വിശ്രമിച്ചു. അങ്ങനെ ഞാൻ ഒറ്റയ്ക്ക് പാറയുടെ ഏറ്റവും മുകൾ ഭാഗത്തേക്ക് കയറി.

പാറയുടെ മുകളിലെത്തിയപ്പോഴേക്കും ഞാനും കിതച്ചു പോയിരുന്നു. ശ്വേത വരാതിരുന്നത് നന്നായി എന്ന് എനിക്ക് അപ്പോൾ തോന്നി. മുകളിൽ നിന്നുള്ള 360 ഡിഗ്രി കാഴ്ച പറഞ്ഞറിയിക്കാൻ പറ്റാത്ത തരത്തിൽ അതിമനോഹരമായിരുന്നു. ഇന്ത്യക്കാരായ സഞ്ചാരികളെയൊന്നും അവിടെ അങ്ങനെ കാണുവാൻ സാധിച്ചിരുന്നില്ല. കൂടുതലും യൂറോപ്യൻ രാജ്യങ്ങളിൽ നിന്നുള്ള ടൂറിസ്റ്റുകൾ ആയിരുന്നു അവിടെയെല്ലാം. അവിടത്തെ തണുത്ത കാറ്റേറ്റുകൊണ്ട് കുറേനേരം ഞാൻ ആ മലമുകളിൽ നിന്നു.

കുറച്ചുനേരം അവിടെ ചെലവഴിച്ചതിനു ശേഷം ഞാൻ തിരികെയിറങ്ങുവാൻ തുടങ്ങി. കയറുന്നതിനേക്കാൾ അൽപ്പം ബുദ്ധിമുട്ടായിരുന്നു ഇറക്കം. അങ്ങനെ ഒടുവിൽ ഞങ്ങൾ ആ വലിയ പാറയിൽ നിന്നും വന്ന വഴിയെ തന്നെ താഴേക്ക് എത്തിച്ചേർന്നു. ശ്രീലങ്കയിൽ വരുന്നവർ തീർച്ചയായും കണ്ടിരിക്കേണ്ട ഒരു സ്ഥലം തന്നെയാണ് സിഗിരിയ എന്ന് ഒരിക്കൽക്കൂടി ഓർമ്മിപ്പിക്കുകയാണ്.

സിഗിരിയയിൽ നിന്നും ഞങ്ങൾ പിന്നീട് പോയത് കാൻഡി എന്ന സ്ഥലത്തേക്ക് ആയിരുന്നു. അവിടെ ഒരു ഹോട്ടലിൽ ഞങ്ങൾക്ക് താമസ സൗകര്യം ഏർപ്പാടാക്കിയിരുന്നു. സിഗിരിയയിലെ കയറ്റം കയറുകയും ഇറങ്ങുകയുമൊക്കെ ചെയ്തതിനാൽ ഞങ്ങൾ അന്ന് വല്ലാതെ ക്ഷീണിതരായിരുന്നു. അതുകൊണ്ട് അന്നത്തെ ദിവസം പിന്നീട് ഹോട്ടലിൽത്തന്നെ ചെലവഴിച്ചു റെസ്റ്റ് എടുക്കുവാൻ ഞങ്ങൾ തീരുമാനിച്ചു. ഹോട്ടലിൽ ഞങ്ങളുടെ റൂമിലെ ബാൽക്കണിയിൽ നിന്നുള്ള കാഴ്ച മനോഹരമായിരുന്നു. കുറച്ചു സമയം വിശ്രമിച്ചതിനു ശേഷം ഹോട്ടലിലെ മനോഹരമായ സ്വിമ്മിംഗ് പൂളിൽ ഞങ്ങൾ ഇറങ്ങിക്കുളിച്ചു. എന്തായാലും ഇനി ഇന്നത്തെ ദിവസം ഫുൾ റെസ്റ്റ് തന്നെ. ബാക്കി കാരകഃവും വിശേഷങ്ങളുമെല്ലാം അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post