പഞ്ചാബിലെ ലുധിയാനയിൽ നിന്നും കശ്മീരിന്റെ കവാടമായ ജമ്മുവിലേക്ക്…

Total
0
Shares

പഞ്ചാബിലെ ലുധിയാനയിൽ എംജി ഹെക്ടർ കാറിന്റെ ടെസ്റ്റ് ഡ്രൈവും റിവ്യൂവും ഒക്കെ ചെയ്ത ശേഷം ഞങ്ങൾ ജമ്മു ലക്ഷ്യമാക്കി യാത്ര തുടങ്ങി. പോകുന്ന വഴി ഒരു മാളിൽ കയറി ഞങ്ങൾ ചെറിയ ഷോപ്പിംഗ് ഒക്കെ നടത്തുകയും അവിടെ ഒരു റെസ്റ്റോറന്റിൽ നിന്നും പഞ്ചാബി സ്റ്റൈൽ ബിരിയാണി കഴിക്കുകയും ചെയ്തു. അങ്ങനെ ഞങ്ങൾ ഹൈവേയിൽ കയറി ജമ്മുവിലേക്ക് യാത്രയായി.

നഗരത്തിരക്കുകളൊക്കെ കഴിഞ്ഞപ്പോൾ പിന്നീട് ഗ്രാമാന്തരീക്ഷത്തിലൂടെയായി ഞങ്ങളുടെ യാത്ര. ഹൈവേയ്ക്ക് പാരലലായി റെയിൽപ്പാതയും പോകുന്നുണ്ടായിരുന്നു. ഹാരിസ് ഇക്ക പിന്നിലിരുന്നു നന്നായി ഉറങ്ങുകയായിരുന്നു. എമിലായിരുന്നു വണ്ടി ഓടിച്ചിരുന്നത്. പെട്ടെന്നായിരുന്നു ഒരു ബൈക്കുകാരൻ അപ്പുറത്തെ റോഡിൽ നിന്നും ഞങ്ങളുടെ ലെയ്‌നിലേക്ക് യാതൊരുവിധ ശ്രദ്ധയുമില്ലാതെ വട്ടം കയറിവന്നത്. എമിൽ നന്നായി ബ്രേക്ക് ചവിട്ടി. ഭാഗ്യത്തിന് വണ്ടി അതിൽ തട്ടാതെ നിന്നു. ABS സംവിധാനം ഉള്ളതിന്റെ ഗുണം അപ്പോഴായിരുന്നു ഞങ്ങൾക്ക് മനസ്സിലായത്. ബൈക്കുകാരനെ മലയാളത്തിൽ തെറിവിളിച്ചുകൊണ്ട് ഞങ്ങൾ വീണ്ടും യാത്ര തുടർന്നു.

ഞങ്ങളുടെ ഇടതുവശത്തായി സൂര്യൻ അസ്തമനം ആരംഭിച്ചിരുന്നു. അങ്ങനെ പത്താൻകോട്ട് ഒക്കെ കഴിഞ്ഞു അവസാനം രാത്രിയോടെ ഞങ്ങൾ കശ്മീർ സംസ്ഥാനത്ത് പ്രവേശിച്ചു. ഹൈവേയിൽ ലോറിക്കാരുടെ തിരക്കായിരുന്നു. അവർക്കിടയിലൂടെ ഞങ്ങൾ യാത്ര തുടർന്നുകൊണ്ടേയിരുന്നു. ഒടുവിൽ ഞങ്ങൾ ജമ്മുവിൽ എത്തിച്ചേർന്നു. ഞങ്ങളുടെ മനസ്സിൽ ഉണ്ടായിരുന്നതു പോലെയായിരുന്നില്ല നേരിട്ടു കണ്ടപ്പോൾ ജമ്മു. രാത്രിയായതിനാൽ അധികം കാഴ്ചകളൊന്നും കാണുവാൻ സാധിച്ചിരുന്നില്ല.

ജമ്മുവിൽ ഞങ്ങൾ താമസിക്കുവാനായി ഒരു റൂമെടുത്തിരുന്നു. താമസിച്ച ഹോട്ടലിൽ നിന്നു തന്നെ ഭക്ഷണം ഞങ്ങൾ കഴിക്കുകയുണ്ടായി. ഹോട്ടലും റൂമുകളുമൊക്കെ നല്ലതായിരുന്നുവെങ്കിലും ഭക്ഷണം വളരെ മോശമായിരുന്നു. ഒരു ദിവസം അവിടെ താമസിച്ചതിനു ശേഷം ഞങ്ങൾ അടുത്ത ദിവസം രാവിലെ തന്നെ യാത്ര തുടങ്ങി. കശ്മീരിന്റെ തലസ്ഥാനമായ ശ്രീനഗർ ആയിരുന്നു ഞങ്ങളുടെ അടുത്ത ലക്‌ഷ്യം. കയറ്റവും ഇറക്കവും വളവും തിരിവുമൊക്കെയായിരുന്നുവെങ്കിലും നല്ല കിടിലൻ ഹൈവേയായിരുന്നു അവിടത്തേത്.

പോകുന്ന വഴിയിൽ ഒരു ഹോട്ടൽ കണ്ടപ്പോൾ ഞങ്ങൾ അവിടെക്കയറി ബ്രേക്ക്ഫാസ്റ്റ് കഴിച്ചു. അവിടെയാണെങ്കിൽ ഒടുക്കത്തെ കത്തി റേറ്റും. ഹോട്ടലുകാരെ പ്രാകി ബില്ലും കൊടുത്തു ഞങ്ങൾ അവിടെ നിന്നും ഇറങ്ങി. പോകുന്ന വഴിയിൽ ഞങ്ങൾ കുറെ തുരങ്കങ്ങളിലൂടെ പാസ്സ് ചെയ്തിരുന്നു. തുരങ്കങ്ങളിലൂടെയുള്ള യാത്ര വളരെ മനോഹരവും വ്യത്യസ്തവും ആയിരുന്നു. കുറെദൂരം മുന്നോട്ടു പോയപ്പോൾ വഴിയരികിൽ കിലോമീറ്ററുകളോളം നീളത്തിൽ ലോറികൾ ക്യൂവായി നിർത്തിയിട്ടിരിക്കുന്നതു കണ്ടു.

അതിനിടെ ഞങ്ങൾ കേരള രജിസ്ട്രേഷനിലുള്ള ഒരു ബുള്ളറ്റ് കണ്ടു. ഉടനെ ഞങ്ങൾ വണ്ടി നിർത്തി പരസ്പരം പരിചയപ്പെട്ടു. റാന്നി സ്വദേശിയായ ഒരു മലയാളി ഡോക്ടർ ആയിരുന്നു അത്. അവർ പത്തുപേരടങ്ങുന്ന ഒരു ടീമായി പുറപ്പെട്ടതായിരുന്നു. പരിചയപ്പെട്ട സ്ഥിതിയ്ക്ക് ഒന്നിച്ചു ഞങ്ങൾ ഒരു ഐസ്ക്രീമൊക്കെ കഴിച്ചു കുറച്ചു നേരം ചെലവഴിച്ചു. ഭൂമിയിലെ സ്വർഗ്ഗമായ കശ്മീരിലെ ശ്രീനഗറിലേക്കുള്ള യാത്ര പിന്നീട് ഞങ്ങൾ തുടർന്നു…

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post