ഏറ്റവും കൂടുതൽ മഴ ലഭിക്കുന്ന മോസിൻറാമും, ബംഗ്ലാദേശ് ബോർഡറിലെ റിവർ ബീച്ചും

Total
0
Shares

കഴിഞ്ഞ നാലഞ്ചു ദിവസങ്ങളായി ഞങ്ങൾ മേഘലയയിലെ ഷില്ലോംഗിനു അടുത്തുള്ള RI Kanaan Guest House ലാണ് താമസം. To contact, RI Kanaan Guest House: ,9562348253, 97743 65447. ഗസ്റ്റ് ഹൗസ് ഉടമയും മലയാളിയുമായ വിവേക്, സുഹൃത്ത് പങ്കജ് എന്നിവർ ചേർന്ന് ഞങ്ങളെ അവിടത്തെ കിടിലൻ കാഴ്ചകളെല്ലാം കൊണ്ടുപോയി കാണിച്ചു. അങ്ങനെ ഇന്നത്തെ ഞങ്ങളുടെ യാത്ര ‘മോസിൻറാം’ എന്ന സ്ഥലത്തേക്ക് ആയിരുന്നു. ഇന്ത്യയിൽ ഏറ്റവും കൂടുതൽ മഴ ലഭിക്കുന്ന സ്ഥലം എന്നതായിരുന്നു മോസിൻറാമിൻ്റെ പ്രത്യേകത.

യാത്ര പുറപ്പെടാൻ ഒരുങ്ങിയപ്പോൾത്തന്നെ നല്ല മഴയായിരുന്നു ഞങ്ങളെ സ്വാഗതം ചെയ്തത്. അങ്ങനെ ഞങ്ങൾ യാത്ര തുടങ്ങി. പങ്കജ് ഷില്ലോംഗിൽ വെച്ച് ഞങ്ങളുമായി ചേരുകയുണ്ടായി. ഷില്ലോംഗിൽ നിന്നും 120 കിലോമീറ്ററോളം ദൂരമുണ്ട് ഇനി ഞങ്ങൾക്ക് താണ്ടുവാൻ. പോകുന്ന വഴിയൊക്കെ അത്ര നല്ലതായിരുന്നില്ല. നല്ല മഴയും കോടമഞ്ഞും അതോടൊപ്പം വീതികുറഞ്ഞ സുഖകരമല്ലാത്ത റോഡും കൂടിയായപ്പോൾ പറയുകയേ വേണ്ട. എമിലായിരുന്നു ഞങ്ങളുടെ വണ്ടിയോടിച്ചിരുന്നത്. മഴയെ പ്രതിരോധിക്കാൻ റെയിൽകോട്ട് ഒക്കെ ധരിച്ചു കൊണ്ടായിരുന്നു എമിൽ കാറിനുള്ളിലും ഇരുന്നിരുന്നത്.

മൗസിൻറാമിനു അടുത്തുള്ള ‘റാണികോർ’ എന്ന സ്ഥലത്തേക്ക് ആയിരുന്നു ഞങ്ങൾ ആദ്യം പോയത്. പോകുന്ന വഴി ചിലയിടങ്ങളിൽ നമ്മുടെ കർണാടകയിലെ അഗുംബെ പോലെ തോന്നിപ്പിച്ചു. കുറച്ചു കഴിഞ്ഞപ്പോൾ മഴയ്ക്ക് ചെറിയൊരു ശമനമുണ്ടായി. കാഴ്ചകളൊക്കെ കണ്ടുകൊണ്ട് ഞങ്ങൾ യാത്ര തുടർന്നു. ഇടയ്ക്ക് ചിലയിടങ്ങളിൽ ഞങ്ങൾ വണ്ടി നിർത്തി ഫോട്ടോസ് ഒക്കെ എടുത്തിരുന്നു. ശരിക്കും പ്രകൃതിയെ ഇഷ്ടപ്പെടുന്നവർക്ക് വരാൻ പറ്റിയ ഒരു സ്ഥലം തന്നെയാണിത്. വഴിയിലാണെങ്കിൽ ഒട്ടും തിരക്കുമില്ലായിരുന്നു. റോഡൊക്കെ വിജനമായിത്തന്നെ കിടക്കുകയായിരുന്നു. എപ്പോഴും മഴപെയ്തു നനഞ്ഞു കിടക്കുന്ന സ്ഥലമായതിനാൽ അട്ടശല്യം ധാരാളമായി അവിടെയുണ്ടായിരുന്നു.

അങ്ങനെ വളരെ നേരത്തെ യാത്രയ്ക്കു ശേഷം ഞങ്ങൾ മലമ്പാതയുടെ മുകൾപ്പരപ്പിൽ എത്തിച്ചേർന്നു. അവിടെ നിന്നാൽ അങ്ങകലെയായി ബംഗ്ളാദേശ് കാണാമായിരുന്നു. ഇന്ത്യയുടെ ഭാഗങ്ങളെല്ലാം കുന്നും മലയും നിറഞ്ഞതും, ബംഗ്ലാദേശ് ഭാഗങ്ങളെല്ലാം സമതല പ്രദേശങ്ങളും ആയിരുന്നു. മുകളിൽ നിന്നും തന്നെ താഴെ ഞങ്ങൾക്ക് പോകേണ്ടിയിരുന്ന റാണികോർ റിവർ ബീച്ച് (നദിക്കരയിലെ ബീച്ച്) കാണുന്നുണ്ടായിരുന്നു. അങ്ങനെ ഞങ്ങൾ കയറിയ ആ മല ഇറങ്ങി അവിടേക്ക് പോകുവാൻ തുടങ്ങി.

ഇറങ്ങിപ്പോകുന്ന വഴിയിൽ ഞങ്ങൾ, ജനവാസമുള്ള സ്ഥലത്തായി ഒരു ചെറിയ ചായക്കട കണ്ടു. അത്രയുംനേരം അടക്കിപ്പിടിച്ചിരുന്ന വിശപ്പിനെ ഞങ്ങൾ അവിടെവെച്ച് കെട്ടഴിച്ചു വിട്ടു. ചപ്പാത്തിയും, കിഴങ്ങു കറിയും, മീൻ വറുത്തതും, മുട്ട പുഴുങ്ങിയതും ഒക്കെയായിരുന്നു ഞങ്ങൾക്ക് ആ ചായക്കടയിൽ നിന്നും കിട്ടിയത്. എല്ലാം ശോകമായിരുന്നുവെങ്കിലും വേറെ മാർഗ്ഗമില്ലാതിരുന്നതിനാൽ ഞങ്ങൾ അത് മുഴുവനും ഇരുന്നു കഴിച്ചു. ഭക്ഷണം കഴിച്ചു കഴിഞ്ഞു ഞങ്ങൾ വീണ്ടും യാത്ര തുടർന്നു.

മലയിറങ്ങിക്കഴിഞ്ഞപ്പോൾ ഞങ്ങൾ ഇന്ത്യ – ബംഗ്ലാദേശ് ബോർഡറിനരികിലൂടെയായി യാത്ര. ഒരു കമ്പിവേലി കെട്ടി ഇരു രാജ്യങ്ങളുടെയും അതിർത്തി തിരിച്ചിരിക്കുകയാണ് അവിടെ. അങ്ങനെ ഞങ്ങൾ റാണികോർ തീരത്തെത്തി. വളരെ മനോഹരമായ, ശാന്തമായ ഒരു മണൽപ്പരപ്പ്.. അതായിരുന്നു റാണികോർ റിവർ ബീച്ച്. അവിടെ ഞങ്ങളല്ലാതെ മറ്റാരും ഉണ്ടായിരുന്നില്ല. എങ്ങും നിശബ്ദത… ഹോ.. ജീവിതത്തിൽ ഇനി ഇതുപോലത്തെ സന്ദർഭങ്ങൾ കിട്ടുമോ എന്നു സംശയിക്കേണ്ടിയിരുന്നു.

എന്തായാലും ഇത്രയൂം ദൂരം പ്രതികൂലമായ പല സാഹചര്യങ്ങളെയും തരണം ചെയ്തുകൊണ്ട് ഞങ്ങൾ ഇവിടെ എത്തിയത് ഒരിക്കലും നഷ്ടമായി തോന്നിയില്ല അവിടെയെത്തി ആ പരിസരമൊക്കെ കണ്ടപ്പോൾ. അങ്ങനെ ഞങ്ങൾ കുറേനേരം അവിടെ ചെലവഴിച്ചിട്ട് വന്ന വഴിയേ തിരികെ യാത്രയാരംഭിച്ചു.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post