മിഥിലയിൽ നിന്നും നേപ്പാൾ തലസ്ഥാനമായ കാഠ്മണ്ഡുവിലേക്ക് ഒരു റോഡ് ട്രിപ്പ്…

Total
0
Shares

നേപ്പാളിലെ മിഥില എന്ന സ്ഥലത്തു നിന്നും തലസ്ഥാനമായ കാഠ്‌മണ്ഡുവിലേക്കുള്ള യാത്രയിലായിരുന്നു ഞങ്ങൾ. തുടക്കത്തിൽ നേപ്പാൾ ഞങ്ങളെ സ്വീകരിച്ചത് നല്ല ചൂടൻ കാലാവസ്ഥയുമായായിരുന്നുവെങ്കിലും പിന്നീട് ചെല്ലുന്തോറും തണുപ്പ് ചെറുതായി അന്തരീക്ഷത്തിലേക്ക് ഇറങ്ങുവാൻ തുടങ്ങി. പോകുന്ന വഴിയിൽ ഒരിടത്ത് വണ്ടി നിർത്തി ഞങ്ങളുടെ കാറിൽ ‘റോയൽസ്‌കൈ ഹോളിഡെയ്‌സ്’ സ്റ്റിക്കർ ഒട്ടിച്ചു. അങ്ങനെ വീണ്ടും ഞങ്ങൾ യാത്ര തുടർന്നു. പിന്നീട് കുറച്ചു കൂടി ചെന്നപ്പോൾ ഞങ്ങൾ ഒരു ചുരം കയറുവാൻ തുടങ്ങി.

ചുരത്തിൽ വെച്ച് നല്ല കട്ട ബ്ലോക്ക് ഞങ്ങൾക്ക് കിട്ടി. ആദ്യമായിട്ടായിരുന്നു ചുരം പാതയിൽ ഇങ്ങനെയൊരു ബ്ലോക്കിൽപ്പെട്ടു കിടന്നത്. ഒടുവിൽ ബ്ലോക്കെല്ലാം മാറി ഞങ്ങൾ ഹെയർപിൻ വളവുകൾ കയറിക്കൊണ്ട് മുന്നേറുവാൻ തുടങ്ങി. ചിലയിടങ്ങളിലൊക്കെ ഏതാണ്ട് മൂന്നാർ പോയി വരുന്നതു പോലുള്ള ഫീൽ ആയിരുന്നു. കാഠ്മണ്ഡുവിലേക്കുള്ള യാത്രയ്ക്കിടയിൽ ധാരാളം ഹിൽ സ്റ്റേഷനുകളും വ്യൂ പോയിന്റുകളും ഒക്കെ ഞങ്ങൾക്ക് കാണുവാൻ കഴിഞ്ഞു. മണ്ണിടിച്ചിൽ ഉണ്ടാകാതിരിക്കുവാനായി മലയുടെ ചെരിവുകളിൽ കല്ലുകൊണ്ട് ചതുരത്തിൽ കെട്ടി നിർത്തിയിരിക്കുന്ന കാഴ്ച മനോഹരമായിരുന്നു.

ഞങ്ങൾ ചുരത്തിലെ ഒരു വ്യൂപോയിന്റിൽ വണ്ടി നിർത്തി കാഴ്ചകൾ ആസ്വദിക്കുകയായിരുന്നു. അതിനിടയിൽ കുറച്ചു യുവാക്കൾ ഞങ്ങളുടെ കാറിലെ സ്റ്റിക്കറുകൾ കണ്ടു ഞങ്ങളെ സമീപിച്ചു വിശേഷങ്ങൾ തിരക്കി. കേരളത്തിൽ നിന്നും വരികയാണെന്ന് അറിഞ്ഞതോടെ അവർക്ക് നല്ല ഉത്സാഹമായി. എല്ലാവരും ‘ഹാപ്പി ജേർണി’യൊക്കെ ആശംസിച്ചാണ് പിരിഞ്ഞത്. നല്ല ക്ഷീണമുണ്ടായിരുന്നതിനാൽ ഞാൻ ക്യാമറ ഹാരിസ് ഇക്കയ്ക്ക് കൈമാറിക്കൊണ്ട് പിന്നിലെ സീറ്റിൽ ചെന്ന് വിശ്രമിച്ചു.

യാത്രയ്ക്കിടെ ഭയാനകമായി ഒഴുകിക്കൊണ്ടിരുന്ന ഒരു നദി കണ്ടപ്പോൾ ഞങ്ങൾ വഴിയോരത്ത് വണ്ടി നിർത്തി അത് ആസ്വദിച്ചു. ക്ഷീണമൊക്കെ മാറ്റി ഞാനും ഉഷാറായി. ആ നദിയുടെ വശങ്ങളിൽ മണൽ വാരി നിറച്ചിരിക്കുന്ന കാഴ്ച ഞെട്ടിക്കുന്നതായിരുന്നു. ഒട്ടും പച്ചപ്പ് ഇല്ലാതിരുന്ന ആ സ്ഥലം ഒറ്റനോട്ടത്തിൽ കണ്ടാൽ അങ്ങ് അഫ്‌ഗാനിസ്ഥാനിൽ എത്തിയോ എന്നുപോലും സംശയിച്ചു പോകും. കുറച്ചു സമയം ഞങ്ങൾ അവിടെ ചെലവഴിച്ച ശേഷം വീണ്ടും യാത്ര തുടങ്ങി.

ചുരത്തിലൂടെ ടാറ്റാ ബസുകൾ പറപ്പിച്ചു പോകുന്നുണ്ടായിരുന്നു. നേപ്പാളിലെ ബസ്സുകളും ട്രക്കുകളും ഒക്കെ ഭൂരിഭാഗവും ടാറ്റയുടേത് ആയിരുന്നു. നേപ്പാളികളുടെ ഡ്രൈവിംഗ് ഒക്കെ ഭയങ്കര റാഷ് ആയിട്ടായിരുന്നു ഞങ്ങൾക്ക് ഫീൽ ചെയ്തത്. ഭൂട്ടാനുമായി ഈ വക കാര്യങ്ങളൊക്കെ താരതമ്യം ചെയ്യുകയാണെങ്കിൽ നേപ്പാൾ വളരെ പിന്നിലാണെന്നു തന്നെ പറയാം. അതുപോലെ തന്നെ മഴക്കാലങ്ങളിൽ നേപ്പാളിലേക്കുള്ള യാത്ര ഒട്ടും സുരക്ഷിതമല്ല എന്നാണു ഞങ്ങൾക്ക് മനസിലാക്കുവാൻ സാധിച്ചത്. മിക്കയിടത്തും മലയിടിച്ചിലും, വെള്ളപ്പൊക്കവുമൊക്കെ ഉണ്ടായതിന്റെ ലക്ഷണങ്ങളൊക്കെ ഈ സമയത്തും ഞങ്ങൾക്ക് കാണുവാൻ സാധിച്ചു.

അങ്ങനെ ദുർഘടമായ റോഡുകളൊക്കെ കടന്നു ഞങ്ങൾ കാഠ്മണ്ഡുവിനടുത്ത് എത്തിച്ചേർന്നു. 200 കിലോമീറ്റർ ദൂരമുള്ള ഈ യാത്രയ്ക്കായി ഞങ്ങൾ എടുത്തത് എട്ടു മണിക്കൂറോളമായിരുന്നു. കാഠ്‌മണ്ഡുവിലെ റോഡുകളൊക്കെ നല്ലതായിരുന്നു. എങ്കിലും രാത്രി സമയത്തെ നഗരക്കാഴ്ചകളൊക്കെ വലിയ ഭംഗിയൊന്നും ഇല്ലാത്തതായിരുന്നു. രാവിലെ 11 മണിയ്ക്ക് തുടങ്ങിയ യാത്ര ഞങ്ങൾ കാഠ്‌മണ്ഡുവിൽ എത്തിയപ്പോൾ രാത്രി എട്ടുമണി ആയിരുന്നു.

കാഠ്മണ്ഡുവിൽ ഞങ്ങൾ താമസിക്കുവാനായി നല്ലൊരു ഹോട്ടലിൽ റൂം ബുക്ക് ചെയ്തിരുന്നു. റൂമൊക്കെ നല്ലതായിരുന്നുവെങ്കിലും സർവ്വീസ് ഒക്കെ അത്രയ്ക്ക് ഗുണമുള്ളതായിരുന്നില്ല. അന്നേദിവസം വെറും 200 കിലോമീറ്റർ മാത്രമേ യാത്ര ചെയ്തിരുന്നുവെങ്കിലും ഞങ്ങൾ വളരെ ക്ഷീണിതനായിരുന്നു. പിന്നീട് ഞങ്ങൾ പുറത്തുപോയി ഡിന്നറൊക്കെ കഴിച്ച ശേഷം വീണ്ടും റൂമിൽ വന്നു. ഒരു വീഡിയോ മുഴുവനും എഡിറ്റ് ചെയ്തശേഷം ഞങ്ങൾ ക്ഷീണം കൊണ്ട് പെട്ടെന്നു തന്നെ ഉറക്കത്തിലേക്ക് വഴുതി വീണു.

Our Sponsors: 1) Dream Catcher Resort, Munnar: 9745637111. 2) SR Jungle Resort, Anaikatty: 9659850555, 8973950555. (Follow to get discounts: https://www.instagram.com/sr_jungle_resort_coimbatore/). 3) Goosebery Mens Apparel: http://goosebery.co.in(TECHTRAVELEAT എന്ന കൂപ്പൺ കോഡ് ഉപയോഗിച്ചാൽ 25% ഡിസ്‌കൗണ്ട് ലഭിക്കും). 4) Rotary Club Kochi United. 5) DBS Automotive: 97452 22566. 6) Kairali Ford: 81380 14455. Special Thanks to 1) Le Meridien, Kochi. 2) Redband Racing, Thrissur. 3) Nexus Communication, Penta Menaka, Kochi. 4) Royalsky Holidays – 9846571800.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post