കടൽത്തീരത്തുകൂടെ വണ്ടിയോടിക്കാൻ കണ്ണൂരിനടുത്തുള്ള മുഴുപ്പിലങ്ങാട് ഡ്രൈവ് ഇൻ ബീച്ചിലേക്ക്..

Total
0
Shares

തലശ്ശേരിയിലെ കാഴ്ചകൾ ആസ്വദിച്ചതിനു ശേഷം ഞങ്ങൾ പിന്നീട് കണ്ണൂർ ലക്ഷ്യമാക്കി നീങ്ങി. തലശ്ശേരിയ്ക്കും കണ്ണൂരിനും ഇടയിലുള്ള മുഴുപ്പിലങ്ങാട് ബീച്ച് ആയിരുന്നു ഞങ്ങളുടെ അടുത്ത ലക്‌ഷ്യം. മുഴുപ്പിലങ്ങാട് ബീച്ചിനെക്കുറിച്ച് എല്ലാവരും കേട്ടിട്ടുണ്ടാകും. കേരളത്തിലെ ഏക ഡ്രൈവ് ഇൻ ബീച്ച് ആണ് മുഴുപ്പിലങ്ങാട്. ഏഷ്യയിലെ ഏറ്റവും വലിയ ഡ്രൈവ് ഇൻ ബീച്ച് എന്ന പദവിയും മുഴുപ്പിലങ്ങാടിനു സ്വന്തമാണ്.

അങ്ങനെ ഞങ്ങൾ യാത്രചെയ്ത് മുഴുപ്പിലങ്ങാട് ബീച്ചിൽ എത്തിച്ചേർന്നു. ബീച്ചിൽ ഇറങ്ങുന്ന വാഹനങ്ങൾക്ക് ടോൾ കൊടുക്കേണ്ടതാണ്. കാറിനു 30 രൂപയും ഓട്ടോയ്ക്ക് 20 രൂപയും ഇരുചക്രവാഹനങ്ങൾക്ക് 10 രൂപയും മറ്റു വലിയ വാഹനങ്ങൾക്ക് 50 രൂപയുമാണ് ടോൾ നിരക്ക്. ബീച്ചിന്റെ എൻട്രൻസിലും പരിസരത്തും നിർത്തിയിടുന്ന വാഹനങ്ങൾക്കും ഈ ടോൾ ബാധകമാണ്. അങ്ങനെ ഞങ്ങൾ 30 രൂപ ടോൾ കൊടുത്ത് ബീച്ചിലേക്ക് വാഹനം ഇറക്കി.

ഉച്ചസമയം ആയിരുന്നതിനാൽ നല്ല ചൂട് ആയിരുന്നു അവിടെ. അതുകൊണ്ട് അധികമാളുകൾ അവിടെ ഉണ്ടായിരുന്നില്ല. ബീച്ചിൽ വാഹനമിറക്കുമ്പോൾ നമ്മൾ ശ്രദ്ധിക്കേണ്ട ചില കാര്യങ്ങളുണ്ട്. ബീച്ചിൽ 20 കിലോമീറ്ററിൽ കൂടുതൽ വേഗതയിൽ വാഹനങ്ങൾ ഓടിക്കുവാൻ പാടുള്ളതല്ല. വെള്ളത്തിലേക്കും വാഹനം ഇറക്കുവാൻ പാടുള്ളതല്ല. അതുപോലെതന്നെ ഇവിടെ റേസിംഗ് പോലുള്ള അഭ്യാസപ്രകടനങ്ങളും അനുവദിക്കുന്നതല്ല. മദ്യപിച്ചു വന്നു വാഹനമോടിച്ച് പ്രശ്നമുണ്ടാക്കുന്നവർ പോലീസിന്റെയും പരിസരവാസികളുടെയും കരുത്ത് അറിയും.

ബീച്ചിൽ അധികം വെള്ളമുള്ളിടത്ത് വാഹനം പാർക്ക് ചെയ്‌താൽ ചിലപ്പോൾ പണികിട്ടുവാൻ സാധ്യതയുണ്ട്. മുൻപ് എനിക്ക് ഒരുതവണ പണി കിട്ടിയതുകൊണ്ടാണ് ഇത് പറയുന്നത്. അതുപോലെതന്നെ പൂഴിമണൽ കൂടുതൽ ഉള്ളിടത്തും വാഹനം അധികം ഓടിക്കുവാൻ ശ്രമിക്കരുത്. ബീച്ചിൽ വാഹനം ഇറക്കിയാൽ അധികം വൈകാതെ തന്നെ ഷോറൂമിൽ കൊണ്ടുപോയി ഒരു വാട്ടർ സർവ്വീസ് നടത്തുന്നത് ഉത്തമമായിരിക്കും.

ഞങ്ങൾ ബീച്ചിൽ അങ്ങിങ്ങോളം കാർ ഓടിച്ചു രസിച്ചു. ഞാൻ മുൻപ് പലതവണ ഇവിടെ വന്നിട്ടുള്ളതാണെങ്കിലും ശ്വേതയ്ക്ക് ഇത് ആദ്യത്തെ അനുഭവമായിരുന്നു. ബീച്ചിൽ ധാരാളം ആളുകൾ ഡ്രൈവിംഗ് പഠിക്കുവാനും മറ്റും എത്താറുണ്ട്. ഞങ്ങൾ പോയപ്പോഴും ഒന്നു രണ്ടുപേർ ഡ്രൈവിംഗ് പഠിക്കുന്നുണ്ടായിരുന്നു. ഏകദേശം നാല് കിലോമീറ്റർ വരെ ഈ ബീച്ചിലൂടെ നമുക്ക് വാഹനം ഓടിക്കുവാൻ കഴിയും. വേലിയേറ്റ സമയത്ത് വെള്ളം കയറി നനയുമ്പോൾ ഇവിടെയുള്ള മണലിന് ഉറപ്പ് വർദ്ധിക്കുന്നതിനാലാണ് ഇവിടെ വണ്ടികളുടെ ടയറുകൾ താഴ്ന്നു പോകാത്തത്.

ബീച്ചിലെ ഒരിടത്തുള്ള കൽക്കെട്ടിൽ വെച്ച് ഞങ്ങൾ പരിസരവാസിയായ ഒരു പയ്യനെ പരിചയപ്പെട്ടു. ഒൻപതാം ക്ലാസ്സ് വിദ്യാർത്ഥിയായ ഫിനാസ് ആയിരുന്നു അത്. കൽക്കെട്ടിൽ പറ്റിപ്പിടിച്ചിരിക്കുന്ന കല്ലുമ്മേക്കായ് ഫിനാസ് ഞങ്ങൾക്ക് കാണിച്ചു തന്നു. അതിനെക്കുറിച്ച് ചെറിയൊരു ക്ലാസ്സും ഫിനാസ് ഞങ്ങൾക്ക് തരികയുണ്ടായി. ബീച്ച് ഒരിക്കലും മലിനമാക്കരുത് എന്നായിരുന്നു ഫിനാസിന് സഞ്ചാരികളോട് പറയുവാനുണ്ടായിരുന്നത്. നല്ലൊരു പയ്യനായിരുന്നു ഫിനാസ്… വളർന്നു വരുന്ന ഒരു ഉത്തമ പൗരൻ…

മുഴുപ്പിലങ്ങാട് ബീച്ചിൽ നിന്നും ഏകദേശം 200 മീറ്റർ ദൂരത്തായി ഒരു ദ്വീപ് സ്ഥിതി ചെയ്യുന്നുണ്ട്. അതാണ് പ്രസിദ്ധമായ ധർമ്മടം തുരുത്ത്. വേലിയിറക്ക സമയത്ത് ദ്വീപിലേക്ക് കടലിലൂടെ നടന്നുപോകാൻ സാധിക്കും. എന്നാൽ ഞങ്ങൾ പോയപ്പോൾ വെള്ളമുണ്ടായിരുന്നതിനാൽ നടന്നു പോകുവാൻ സാധിച്ചില്ല. ഏതാനും വർഷങ്ങളായി ഏപ്രിൽ – മെയ് മാസത്തിൽ ഇവിടെ ‘ബീച്ച് ഫസ്റ്റിവൽ’ നടക്കാറുണ്ട്. കടലിലെ സാഹസിക യാത്ര, ഉല്ലാസ യാത്രകൾ, കുട്ടികളുടെ വിനോദ പരിപാടികൾ, കലാ-സാംസ്ക്കാരിക പരിപാടികൾ, പ്രദർശനങ്ങൾ എന്നിവയെല്ലാം ആഘോഷത്തിന്റെ ഭാഗമായി ഇവിടെ ഒരുക്കാറുണ്ട്. ശൈത്യകാലങ്ങളിൽ ബീച്ചിലും ധർമ്മടം തുരുത്തിലും ഒക്കെ ധാരാളം ദേശാടന പക്ഷികൾ വിരുന്നു വരാറുണ്ട്. ആ സമയത്ത് ഇവിടങ്ങളിൽ നിരവധി ഫോട്ടോഗ്രാഫർമാർ വരാറുണ്ട്.

അങ്ങനെ മുഴുപ്പിലങ്ങാട് ബീച്ചിലെ ഡ്രൈവിംഗും കാഴ്ചകളും ആസ്വദിച്ചതിനു ശേഷം ഞങ്ങൾ കണ്ണൂരിലേക്ക് യാത്രയായി. കണ്ണൂരിലുള്ള വീഡിയോ ലിങ്ക്സ് എന്ന ഷോപ്പിൽ നിന്നും എനിക്ക് കുറച്ച് പർച്ചേസ് നടത്തുവാനുണ്ടായിരുന്നു. വേറൊന്നുമല്ല ക്യാമറയ്ക്ക് ഒരു സ്പെയർ ബാറ്ററിയും ചാർജ്ജറും. പിന്നീട് ഞങ്ങൾ പോയത് 200 വർഷത്തിലേറെ പഴക്കമുള്ള സെന്റ് ജോൺസ് CSI ചർച്ചിലേക്ക് ആയിരുന്നു. കണ്ണൂർ റെയിൽവേ സ്റ്റേഷന് തൊട്ടടുത്തു തന്നെയായിരുന്നു ഈ പള്ളിയും. അവിടത്തെ ഫാദർ രാജു അച്ചൻ എന്റെയൊരു സുഹൃത്ത് കൂടിയാണ്. ഇനി ഇന്ന് അവിടെയാണ് ഞങ്ങളുടെ താമസം. അവിടത്തെ വിശേഷങ്ങൾ ഇനി അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post