INB TRIP : നെല്ലൂർ – വിജയവാഡ – വിശാഖപട്ടണം; വിജനമായ ഹൈവേയും വ്യത്യസ്തമായ കാഴ്‌ചകളും…

Total
0
Shares

ആന്ധ്രാപ്രദേശിലെ ഞങ്ങളുടെ ആദ്യത്തെ ദിവസം പുലർന്നു. രാവിലെ തന്നെ റെഡിയായി ബ്രേക്ക് ഫാസ്റ്റിനു ആന്ധ്രാ സ്പെഷ്യൽ മസാല ദോശയും കഴിച്ചു ഞങ്ങൾ വിശാഖപട്ടണം ലക്ഷ്യമാക്കി യാത്ര തുടങ്ങി. പോകുന്ന വഴിയിൽ ആറുവരിപ്പാതയുള്ള ഒരു പാലം കാണുവാനിടയായി. വളരെ ആകർഷണീയമായി തോന്നിയതിനാൽ ഞങ്ങൾ അവിടെ വണ്ടി നിർത്തി ഇറങ്ങി. പെന്ന എന്ന നടിയുടെ മുകളിലൂടെ പണിതിരിക്കുന്ന ഒരു ഫലമായിരുന്നു അത്. നദി എന്നൊക്കെ പറച്ചിൽ മാത്രമായിരുന്നു. താഴെ കുറേക്കാലമായി വെള്ളം വറ്റിയ നിലയിലായിരുന്നു. അങ്ങകലെ ഫ്‌ളാറ്റുകൾ കെട്ടിപ്പടുത്തുയർത്തിയിരിക്കുന്നു. ഒരിക്കലും നമ്മുടെ നാട്ടിൽ ഇതുപോലെ നദികൾ കാലങ്ങളോളമായി വറ്റിപ്പോകാറില്ല. കേരളം ദൈവത്തിന്റെ സ്വന്തം നാട് തന്നെ എന്ന് ഞങ്ങൾ മനസ്സിലോർത്തു.

വഴിയിലുള്ള ടോൾ ബൂത്തിൽ ഫാസ്റ്റാഗ് സംവിധാനം ഇല്ലായിരുന്നതിനാൽ പണം കയ്യിൽ നിന്നും എടുത്തുകൊടുത്ത് ടോൾ അടച്ചു ഞങ്ങൾക്ക് യാത്ര ചെയ്യേണ്ടി വന്നു. ഹൈവേയുടെ അരികിൽ ധാരാളം മാങ്ങകൾ വിൽക്കുന്ന ചെറിയ തട്ടുകടകൾ കണ്ടു. ചില കടകളുടെയൊപ്പം കടക്കാർ താമസിക്കുന്ന വീടും കൂടിയുണ്ടായിരുന്നു. ഞങ്ങൾ അത്തരത്തിലുള്ള ഒരിടത്ത് വണ്ടി നിർത്തി അവരോട് ചെറിയ കുശലാന്വേഷണങ്ങളെല്ലാം നടത്തുകയും അവിടെ നിന്നും നല്ല പഴുത്ത മാങ്ങ ഞങ്ങൾ വാങ്ങുകയും ചെയ്തു. ഞങ്ങൾക്ക് അവിടെ നിന്നുകൊണ്ടു തന്നെ കഴിക്കുവാനായി രണ്ടു മാങ്ങകൾ അവർ മുറിച്ചു തന്നു. സത്യം പറയാമല്ലോ, നല്ല അടിപൊളി മധുരമുള്ള മാങ്ങയായിരുന്നു അത്. ‘ബങ്കനപ്പള്ളി’ മാമ്പഴം ആയിരുന്നു ഞങ്ങളുടെ സ്വാദ് മുകുളങ്ങളെ കൊതിപ്പിച്ച ആ ഐറ്റം. ഞാനും എമിലും മത്സരിച്ചു കഴിച്ചു ആ മാങ്ങകൾ തീർത്തു. മാങ്ങയണ്ടി മാത്രം ബാക്കിയായി. അങ്ങനെ ഞങ്ങൾ മാങ്ങ വില്പനക്കാരോട് ബൈ പറഞ്ഞുകൊണ്ട് വീണ്ടും യാത്ര തുടർന്നു.

നല്ല കിടിലൻ ഹൈവേ ആയിരുന്നതിനാൽ 100 – 110 കി.മീ. സ്പീഡിൽ ആയിരുന്നു ഞങ്ങൾ പോയിരുന്നത്. ചില കാറുകാരൊക്കെ 110 നും മേലെ സ്പീഡ് എടുത്തു ഞങ്ങളെ വെട്ടിച്ചുകൊണ്ട് പോകുന്നുണ്ടായിരുന്നു. “സ്പീഡ് ത്രിൽസ്, ബട്ട് കിൽസ്” എന്ന വാക്കുകൾ ഓർമ്മയിലുണ്ടായിരുന്നതിനാൽ ഞങ്ങൾ ആരോടും മത്സരത്തിനു നിന്നില്ല. പോകുന്ന വഴിയിൽ നെല്ലൂരിനും ഹോങ്കോളിനും ഇടയിലായി ഒരു ടോൾപ്ലാസയ്ക്ക് മുകളിൽ ഹോട്ടൽ പ്രവർത്തിക്കുന്നത് കണ്ടു. ആദ്യമായിട്ടായിരുന്നു ഒരു ടോൾ പ്ലാസയ്ക്ക് മുകളിൽ ഒരു റെസ്റ്റോറന്റ് കാണുന്നത്. നിർഭാഗ്യവശാൽ നേരത്തെ ഭക്ഷണം കഴിച്ചിരുന്നതിനാൽ ഞങ്ങൾക്ക് ആ റെസ്റ്റോറന്റിൽ കയറുവാൻ സാധിച്ചില്ല.

മുൻപ് പറഞ്ഞ ടോൾ പ്ലാസയിൽ എല്ലാ ലെയ്‌നിലും ഫാസ്റ്റാഗ് ഉണ്ടായിരുന്നതിനാൽ എളുപ്പത്തിൽ ഞങ്ങൾ ടോൾ കൊടുത്തു കടന്നു. അപ്പോഴാണ് വീഡിയോ കണ്ടു പരിചയമുള്ള ഒരു ഫാമിലി കാറിൽ വന്നു എന്നെ പരിചയപ്പെടുന്നത്. ആദ്യം വിചാരിച്ചു മലയാളി ഫാമിലി ആണെന്ന്. പക്ഷെ അവരോട് സംസാരിച്ചപ്പോഴാണ് ആന്ധ്രാക്കാർ ആണെന്നു മനസ്സിലായത്. തെലുങ്ക് നാട്ടിലും നമുക്ക് Subscribers ഉണ്ടെന്ന കാര്യം എന്നെ വളരെയധികം സന്തോഷിപ്പിച്ചു. അങ്ങനെ ഹൈവേയിലൂടെ സഞ്ചരിച്ചു ഞങ്ങൾ കൃഷ്ണാ നദിയൊക്കെ കടന്നു വിജയവാഡയിൽ എത്തിച്ചേർന്നു. വിജയവാഡയിലെ ജോയ് ആലുക്കാസ് ഷോറൂമിലെ മലയാളി ജീവനക്കാർ ഞങ്ങൾക്ക് ചെറിയൊരു സ്വീകരണം ഒരുക്കിയിരുന്നു. ഒപ്പം ഞങ്ങളുടെ ആ ദിവസത്തെ ഊണ് അവരുടെ വകയായിരുന്നു. നല്ല നാടൻ ചോറും മീന്കറിയുമൊക്കെ കൂട്ടി അടിപൊളി ഊണായിരുന്നു അവർ ഞങ്ങൾക്കായി ഒരുക്കിയത്. ഊണിനു ശേഷം കുറച്ചു സമയം ഞങ്ങൾ അവരോടൊപ്പം ചെലവഴിക്കുകയുണ്ടായി. ജോയ് ആലുക്കാസിലെ സുഹൃത്തുക്കളോട് യാത്ര പറഞ്ഞുകൊണ്ട് ഞങ്ങൾ വിശാഖപട്ടണം ലക്ഷ്യമാക്കി നീങ്ങി.

വിജയവാഡയിൽ നിന്നും വിശാഖപട്ടണത്തിലേക്കുള്ള റോഡ് അതുവരെ കണ്ടപോലത്തെ അത്രയ്ക്ക് മികച്ചതായിരുന്നില്ല. കൂടാതെ ലോറിക്കാരാണെങ്കിൽ വല്ലാതെ പേടിപ്പിച്ചുകൊണ്ടുള്ള റാഷ് ഡ്രൈവിംഗും. ഇതുവഴി യാത്ര പോകുന്നവർ ഡ്രൈവിംഗിൽ അൽപ്പം ശ്രദ്ധിക്കുന്നത് നല്ലതാണ്. വഴിയിൽ പലയിടത്തും അപകട സാധ്യതകളെക്കുറിച്ച് മുന്നറിയിപ്പ് നൽകുന്ന ബോർഡുകൾ കാണാമായിരുന്നു. ചിലയിടങ്ങളിൽ തെങ്ങുകളും മരങ്ങളുമൊക്കെ കണ്ടെങ്കിലും അവിടെയൊക്കെ ഒരു തുള്ളി വെള്ളം കിട്ടുവാനുള്ള വകുപ്പ് പോലും ഉണ്ടായിരുന്നില്ല. ചൂട് ആണെങ്കിൽ അതികഠിനവും.

പോകുന്ന വഴിയ്ക്ക് ചിലയിടങ്ങളിൽ ഗൂഗിൾ മാപ്പ് ഷോർട്ട് കട്ട് വഴികൾ കാണിച്ചു തന്നെങ്കിലും ഒറ്റനോട്ടത്തിൽ വഴി മോശമായി തോന്നിയതിനാൽ അടുത്തു പാർക്ക് ചെയ്തിരുന്ന ലോറിക്കാരോട് വഴി ചോദിച്ചപ്പോൾ നേരെയുള്ള നല്ല വഴി പറഞ്ഞു തന്നു. അങ്ങനെ ഗൂഗിൾ മാപ്പിനെ പറ്റിച്ചു ഞങ്ങൾ ലോറിക്കാർ പറഞ്ഞ നല്ല വഴിയിലൂടെ യാത്ര തുടർന്നു. രാത്രിയോടെ ഞങ്ങൾക്ക് വിശാഖപട്ടണത്ത് എത്തുവാൻ സാധിക്കും. അവിടെ ഞങ്ങൾക്ക് താജ് ഹോട്ടലിൽ ഫ്രീയായി താമസവും ഭക്ഷണവുമെല്ലാം നമ്മുടെ ഒരു ഫോളോവറും വിശാഖപട്ടണം താജ് ഗേറ്റ് വേ ഹോട്ടലിലെ റെസ്റ്റോറൻറ് മാനേജരുമായ ഭരത് ഒരുക്കിയിട്ടുണ്ടായിരുന്നു.

അങ്ങനെ ഞങ്ങൾ രാത്രിയോടെ വിശാഖപട്ടണത്തെ താജ് ഹോട്ടലിൽ എത്തിച്ചേർന്നു. മികച്ച രീതിയിലുള്ള സ്വീകരണമായിരുന്നു ഞങ്ങൾക്ക് അവിടെ ലഭിച്ചത്. അവിടത്തെ ജീവനക്കാരെല്ലാം വന്നു ഞങ്ങളെ പരിചയപ്പെടുകയുണ്ടായി. തിരുവനന്തപുരം സ്വദേശിയായ ഭരത് ഞങ്ങൾക്ക് ഹോട്ടലിനെക്കുറിച്ചുള്ള വിവരങ്ങളൊക്കെ പറഞ്ഞു തന്നു. ഞങ്ങളെ റൂമിൽ കൊണ്ടുചെന്നാക്കുകയും ചെയ്തു. റൂമിൽ ചെന്നു കുളിച്ചു ഫ്രഷായ ശേഷം ഞങ്ങൾ ഹോട്ടലിലെ റെസ്റ്റോറന്റിലേക്ക് പോയി. ഡിന്നറിനു ഞങ്ങൾക്ക് വ്യത്യസ്തമായ വിഭവങ്ങളായിരുന്നു ഭരത് ഒരുക്കിയിരുന്നത്. അതിനിടെ 35 വർഷമായി അതേ ഹോട്ടലിൽ ഷെഫായി ജോലിചെയ്യുന്ന ബംഗാൾ സ്വദേശി സെബാസ്റ്റ്യൻ മൊണ്ടലിനെ പരിചയപ്പെടുകയുണ്ടായി. രാജകീയമായ രീതിയിൽ ഡിന്നറൊക്കെ കഴിച്ചശേഷം ഞങ്ങൾ ഭരത്തിന്റെ കൂടെ ഹോട്ടലൊക്കെ ഒന്നു ചുറ്റിക്കറങ്ങുവാനായി പോയി. ഹോട്ടലിന്റെ അപ്പുറത്ത് നാലുവരിപ്പാതയാണ്. അതിനു തൊട്ടപ്പുറത്തായി കടലും. അറബിക്കടലല്ല, ബംഗാൾ ഉൾക്കടൽ.. അതെ പണ്ട് സോഷ്യൽ സയൻസിൽ നമ്മൾ പഠിച്ച അതേ ബംഗാൾ ഉൾക്കടൽ തന്നെ.

കുറച്ചു സമയം ഭരതുമായി വിശേഷങ്ങൾ പങ്കുവെച്ച ശേഷം, അടുത്ത ദിവസം രാവിലെ പകൽവെളിച്ചത്തിൽ ഹോട്ടലിലെ കാഴ്ചകളൊക്കെ കാണാം എന്നു തീരുമാനിച്ചു കൊണ്ട് ഞങ്ങൾ ഉറങ്ങുവാനായി റൂമിലേക്ക് പോയി.

Our Sponsors: 1) Dream Catcher Resort, Munnar: 97456 37111, 2) SR Jungle Resort, Anaikatty: 89739 50555, 3) Goosebery Mens Apparel: http://goosebery.co.in , 4) Rotary Club Kochi United, 5) DBS Automotive: 97452 22566, 6) Kairali Ford: 81380 14455. Special Thanks to 1) Le Meridien, Kochi, 2) Redband Racing, Thrissur, 3) Nexus Communication, Penta Menaka, Kochi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post