കൊച്ചി ഇൻഫോപാർക്കിലുള്ള നോവോട്ടൽ 5 സ്റ്റാർ ഹോട്ടലിന്റെ വിശേഷങ്ങൾ…

Total
0
Shares

ആഗോള ഹോട്ടല്‍ ശൃംഖലയായ അക്കോര്‍ ഗ്രൂപ്പിനു കീഴിലുള്ള പഞ്ചനക്ഷത്ര ബിസിനസ് ഹോട്ടല്‍ ബ്രാന്‍ഡായ ‘നോവോടെല്‍’ കാക്കനാട് ഐഇന്ഫോപാര്ക്കിനു സമീപമാണ് പ്രവർത്തിക്കുന്നത്. ഫ്രഞ്ച് കമ്പനിയായ അക്കോര്‍ ഹോട്ടല്‍സും കേരളത്തിലെ മുന്‍നിര ബിസ്സിനസ്സ് ഗ്രൂപ്പായ മുത്തൂറ്റ് പാപ്പച്ചന്‍ ഗ്രൂപ്പും ചേര്‍ന്നാണ് കേരളത്തിലെ ആദ്യ നോവോടെല്‍ ഹോട്ടല്‍ ഇവിടെ യാഥാര്‍ത്ഥ്യമാക്കിയത്. വൈഫൈ സൗകര്യത്തോടുകൂടിയ 128 വിശാലമായ മുറികളാണ് നോവോടെല്ലില്‍ ഒരുക്കിയിരിക്കുന്നത്. ഇതില്‍ എട്ടെണ്ണം സ്യൂട്ടാണ്. ഒരെണ്ണം ഭിന്നശേഷിയുള്ളവര്‍ക്കായി പ്രത്യേകം തയ്യാറാക്കിയിരിക്കുന്നു.

ഞാനും കൂടി അംഗമായ ‘ഒക്കോ’ (Original Content Creators Organization) എന്നു പേരുള്ള ഗ്രൂപ്പിന്റെ ഗെറ്റ് ടുഗെതർ പരിപാടിയ്ക്കായാണ് നോവോടെൽ ഹോട്ടൽ ഞങ്ങൾ എല്ലാവരും ചേർന്ന് ബുക്ക് ചെയ്തത്. ഞാനും എന്റെ അനിയനും കൂടിയാണ് നോവോടെല്ലിൽ താമസിക്കുവാനായി വന്നത്. ഫൈവ് സ്റ്റാർ ഹോട്ടലിലെ താമസം ഒന്നാലോചിച്ചു നോക്കിക്കേ. ഹോട്ടലിൽ ഞങ്ങളാണ് ആദ്യം എത്തിച്ചേർന്നത്. നേരെ പോയത് ഞങ്ങളുടെ റൂമിലേക്ക് ആയിരുന്നു. നാലാം നിലയിലായിരുന്നു ഞങ്ങളുടെ റൂം. നല്ല അടിപൊളി റൂം. രണ്ടു ബെഡ്ഡുകളുള്ള ഞങ്ങളുടെ റൂമിൽ വലിയ LED ടിവി, മിനി ബാർ, സ്നാക്ക്സ് എന്നിവയുണ്ടായിരുന്നു. മേശപ്പുറത്ത് ഒരു മൈതാനം പോലെ എന്തോ ഒന്ന് അലങ്കരിച്ചു വെച്ചിരിക്കുന്നത് കണ്ടിട്ടാണ് അതിനടുത്തേക്ക് ഞാൻ ചെന്നത്. അപ്പോഴാണ് ഞെട്ടിക്കുന്ന ആ സത്യം തിരിച്ചറിഞ്ഞത്. അത് വെറും കാഴ്ചയ്ക്കുള്ള അലങ്കാരം മാത്രമല്ല. നമുക്ക് കഴിക്കുവാനുള്ള നല്ല ഒന്നാന്തരം ചോക്കലേറ്റ് ആണ്. അനിയനെക്കൊണ്ട് ഞാൻ അത് രുചിപ്പിച്ചു നോക്കി. അടിപൊളി.

റൂമൊക്കെ ചുറ്റിക്കണ്ട ശേഷം ഞങ്ങൾ താഴേക്ക് ഇറങ്ങി. ഞങ്ങളുടെ കൂടെയുള്ളവർ താഴെ എത്തിയിരിക്കുന്നു. ഓരോരുത്തരായിട്ടു വന്നുകൊണ്ടിരിക്കുകയും ചെയ്യുന്നുണ്ട്. താഴെയിറങ്ങി എല്ലാവരെയും വിഷ് ചെയ്തു. ഹോട്ടലുകാർ എല്ലാവര്ക്കും വെൽക്കം ഡ്രിങ്ക് നൽകുകയും കുറി തൊട്ടു സ്വീകരിക്കുകയും ഒക്കെ ചെയ്തു. എല്ലാവരും വന്നു കഴിഞ്ഞപ്പോൾ ഞങ്ങൾ ഗ്രൂപ്പ് മീറ്ററിംഗിനായി ഗംഭീരമായ ബോർഡ് റൂമിൽ ഒത്തുകൂടി. പിന്നീട് നടന്നത് തീ പാറുന്ന ചർച്ചകൾ.. ഇത്രയും നാൾ കൊച്ചി എംജി റോഡിലെ ഐബിസ് ഹോട്ടലിൽ ആയിരുന്നു ഞങ്ങളുടെ പരിപാടികൾ എല്ലാംതന്നെ നടത്തിയിരുന്നത്. ഇപ്പോൾ അക്കോർ ഗ്രൂപ്പിന്റെ തന്നെയായ നോവോടെൽ കാക്കനാട് തുടങ്ങിയപ്പോൾ അവിടേക്ക് മാറ്റിയതാണ്.

പിന്നീട് ഞങ്ങൾ ഭക്ഷണം കഴിക്കുവാനായി റെസ്റ്റോറന്റിലേക്ക് നീങ്ങി. സ്‌ക്വയര്‍ എന്നായിരുന്നു റെസ്റ്റോറന്റിന്റെ പേര്. ദിവസവും പ്രവര്‍ത്തിക്കുന്ന ഈ റെസ്റ്റോറന്റിൽ തനി നാടന്‍ – മലബാര്‍ വിഭവങ്ങള്‍ മുതല്‍ വിദേശ വിഭവങ്ങള്‍ വരെ ലഭിക്കും. പേരറിയാത്ത വിഭവങ്ങളും ഉണ്ടായിരുന്നു. കൂടുതലൊന്നും ഞങ്ങൾ ചിന്തിക്കുവാൻ നിന്നില്ല. കണ്ട് ഇഷ്ടപ്പെട്ടത് എടുത്തങ്ങു കഴിക്കുകയായിരുന്നു ഞങ്ങൾ. ഭക്ഷണശേഷം കുറച്ചു സമയം ഞങ്ങൾ കുശലം പറഞ്ഞു സമയം കളഞ്ഞു. പിന്നീട് സ്വിമ്മിങ് പൂളിലേക്ക് ആയിരുന്നു ഞങ്ങൾ പോയത്. മുകളിലെ നിലയിലാണ് സ്വിമ്മിങ് പൂൾ . അതും ബാൽക്കണിയിൽ. വിദേശരാജ്യത്തെ ഏതോ ഹോട്ടലിൽ ചെന്ന പ്രതീതിയായിരുന്നു പൂള് കണ്ടപ്പോൾ ഞങ്ങൾക്ക് അനുഭവപ്പെട്ടത്. ആദ്യം പൂളിൽ എത്തിയപ്പോൾ നല്ല മഴയായിരുന്നു. മഴ മാറിയിട്ടു വേണം ഞങ്ങൾക്ക് പൂളിൽ ഇറങ്ങുവാൻ. മഴ മാറുന്നതുവരെ ഞങ്ങൾ ഹോട്ടലിലെ ജിമ്മിൽ പോയി കുറച്ചു സമയം കൊളസ്‌ട്രോൾ കളയുവാനുള്ള മാർഗ്ഗം നോക്കി. ചുമ്മാ…

മഴ മാറിയതിനു ശേഷം ഞങ്ങൾ പൂളിലേക്ക് പോയി. അവിടെ എല്ലാവരും പൂളിൽ ഇറങ്ങി കുളിയും കളിയും ഒക്കെ തുടങ്ങിയിരുന്നു. പൂളിലെ ആർമ്മാദത്തിനു ശേഷം ഞങ്ങൾ ഡിന്നർ കഴിക്കുവാനായി ഞങ്ങൾ റെസ്റ്റോറന്റിൽ ഒത്തുകൂടി. ഒത്തിരി വിഭവങ്ങൾ നിറഞ്ഞ ഒരു ബുഫെ ആയിരുന്നു ഡിന്നർ. വിവരിക്കുവാൻ വാക്കുകളില്ല. ഞങ്ങളുടെ കൂട്ടത്തിലെ രാജഗോപാൽ സാറിന്റെ ഭാര്യ റൂബി ചേച്ചിയുടെ ബർത്ത്ഡേ പാർട്ടിയും അന്ന് അവിടെ റസ്റ്റോറന്റിൽ വെച്ച് നടത്തുകയുണ്ടായി. ഭക്ഷണമൊക്കെ കഴിച്ചു നിറഞ്ഞപ്പോൾ ഞങ്ങൾക്ക് ഉറക്കം വന്നു തുടങ്ങിയിരുന്നു. രാവിലെ എട്ടുമണിയായപ്പോൾ ഞങ്ങൾ എഴുന്നേറ്റു റെഡിയായി ബ്രെക്ക് ഫാസ്റ്റ് കഴിക്കുവാനായി പോയി. ഭക്ഷണത്തിന്റെ കാര്യത്തിൽ ഈ ഹോട്ടലിൽ ഒരു കോംപ്രമൈസും ഇല്ല. ഹോട്ടലിലെ എക്സിക്യൂട്ടീവ് ഷെഫ് രാജേഷിനൊപ്പം കുറച്ച് കുക്കിംഗ് ആക്ടിവിറ്റിയിൽ കൂടി പങ്കെടുക്കുവാൻ ഞങ്ങൾക്ക് ഭാഗ്യമുണ്ടായി. നീരാളി ഫ്രൈ ആയിരുന്നു ഷെഫ് സ്പെഷ്യൽ ആയി ഉണ്ടാക്കിയത്.

അങ്ങനെ ഞങ്ങളുടെ ഇത്തവണത്തെ ഒത്തുചേരൽ കാക്കനാട്ടെ നോവോടെൽ ഹോട്ടലിൽവെച്ച് അതി ഗംഭീരമായി നടത്തപ്പെട്ടു. എല്ലാവരും വളരെ സന്തോഷത്തിലായിരുന്നു. ഹോട്ടലിന്റെ സർവ്വീസിൽ എല്ലാവരും തൃപ്തരുമായിരുന്നു. സമ്മേളനം, വിവാഹം, മറ്റു ചടങ്ങുകള്‍ എന്നിവ നടത്താന്‍ മൂന്ന് മീറ്റിങ്ങ് റൂമുകള്‍ നോവോടെല്ലിലുണ്ട്. ഇതില്‍ 200 ആളുകളെ വരെ ഉള്‍ക്കൊളളാനാവും. നോവോടെല്ലില്‍ നിന്ന് കൊച്ചി ഇന്റര്‍നാഷണല്‍ എയര്‍പോര്‍ട്ടിലേയ്ക്ക് 40 മിനിറ്റ് കൊണ്ട് റോഡ് മാര്‍ഗം എത്താം. എറണാകുളം റയില്‍വേ സ്റ്റേഷനിലേയ്ക്ക് 30 മിനിറ്റ് ഡ്രൈവ് ചെയ്ത് എത്താനാവും. കേരളത്തിലെ ഏറ്റവും വലിയ അമ്യൂസ്‌മെന്റ് പാര്‍ക്കായ വണ്ടര്‍ലായും നോവോടെല്ലിനു സമീപമാണ്. അൽപ്പം പണം മുടക്കാൻ താല്പര്യമുണ്ടെങ്കിൽ നിങ്ങൾക്കും നോവോട്ടെല്ലിലെ വിശേഷങ്ങളും സേവനങ്ങളും നേരിട്ട് അനുഭവിച്ചറിയാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

7000 പേർക്ക് ഒരുമിച്ച് ഇരുന്ന് നിസ്കരിക്കാൻ സാധിക്കുന്ന ബഹ്‌റൈനിലെ ഗ്രാൻഡ് മോസ്‌ക്ക്

സൗദി – ബഹ്‌റൈൻ അതിർത്തിയിലെ കാഴ്ചകൾ കണ്ടതിനു ശേഷം പിറ്റേദിവസം ഞങ്ങൾ പോയത് ബഹ്‌റൈനിലെ പ്രസിദ്ധമായ ഗ്രാൻഡ് മോസ്‌ക്കിലേക്ക് ആയിരുന്നു. പേരുപോലെതന്നെ നല്ല ഗ്രാൻഡ് തന്നെയായിരുന്നു മനോഹരമായ ആ പള്ളി. ഏഴായിരത്തോളം പേർക്ക് ഒരുമിച്ചിരുന്നു നിസ്‌ക്കരിക്കുവാൻ സാധിക്കും എന്നതാണ് ഈ പള്ളിയുടെ…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

ഭൂട്ടാനിൽ വെച്ച് കൈയ്യിലെ പൈസ തീർന്നു, ATM വർക്ക് ചെയ്യുന്നില്ല, What’s next?

പുനാഖയിലെ Dzong മൊണാസ്ട്രിയൊക്കെ കണ്ടതിനു ശേഷം ഞങ്ങൾ അവിടെ നിന്നും കിഴക്കൻ ഭൂട്ടാൻ ലക്ഷ്യമാക്കി നീങ്ങി. പേരറിയാത്ത ഗ്രാമങ്ങളിലൂടെ, മനോഹരമായ താഴ്വാരങ്ങളിലൂടെയൊക്കെയായിരുന്നു ഞങ്ങളുടെ യാത്ര. പോകുന്നതിനിടെ ഏതോ വലിയ വാഹനവ്യൂഹം വരുന്നതു കണ്ടിട്ട് ഞങ്ങൾ അടക്കമുള്ള മറ്റു വാഹനയാത്രികരെല്ലാം വണ്ടി ഓരം…
View Post

ശ്രീലങ്കയിലേക്ക് ഇനി കൂളായി പോകാം; ഇന്ത്യക്കാർക്ക് ‘ഫ്രീ വിസ ഓൺ അറൈവൽ..’

തായ്‌ലൻഡ് പോലുള്ള രാജ്യങ്ങളിലേക്ക് പ്രവേശിക്കുവാനായി ഇന്ത്യക്കാർക്ക് വിസ ഓൺ അറൈവൽ സൗകര്യം നിലവിലുണ്ടെങ്കിലും തൊട്ടയൽവക്കത്തുള്ള ശ്രീലങ്കയിലേക്ക് ആ സൗകര്യം ഉണ്ടായിരുന്നില്ല. എന്നാൽ ഇപ്പോഴിതാ സഞ്ചാരികൾക്ക് ഒരു സന്തോഷ വാർത്ത! ശ്രീലങ്കയിലേക്ക് ഇന്ത്യക്കാർക്ക് ഫ്രീ വിസ ഓൺ അറൈവൽ സൗകര്യം ലഭ്യമാക്കിയിരിക്കുന്നു. ഇന്ത്യയോടൊപ്പം…
View Post

യാത്രകൾക്കിടയിൽ വില്ലനായി വരുന്ന ‘ഛർദ്ദി’യെ എങ്ങനെ ഒഴിവാക്കാം?

യാത്രകൾ പോകുവാൻ ഇഷ്ടമില്ലാത്തവർ വളരെ കുറവായിരിക്കും. എങ്കിലും യാത്രകൾ പോകുവാൻ ഇഷ്ടമുണ്ടായിട്ടും അവ ഒഴിവാക്കുന്ന ഒരു കൂട്ടമാളുകളുണ്ട്. അവരുടെയെല്ലാം യാത്രയസ്വപ്നങ്ങൾക്ക് വിലങ്ങുതടിയായി നിൽക്കുന്ന ഒരു വില്ലനാണ് ‘ട്രാവൽ സിക്ക്നെസ്’ എന്നറിയപ്പെടുന്ന ‘ഛർദ്ദി’. സ്കൂളില്‍ നിന്നോ കോളേജിൽ നിന്നോ ഫാമിലിയായിട്ടോ ഒക്കെ ടൂർ…
View Post