തായ്‌ലൻഡിലെ പ്രശസ്തമായ ടൈഗർ സൂവിൽ നിന്നുള്ള കിടിലൻ കാഴ്ചകൾ – പാർട്ട് 2

Total
0
Shares

തായ്‌ലാന്‍ഡ്‌ യാത്ര എപ്പിസോഡ് 3: പട്ടായയിലെ ടൈഗർ സൂവിൽ നിന്നുള്ള കാഴ്ചകൾ.. വീഡിയോ – 2

പാട്ടായയ്ക്കടുത്തുള്ള ശ്രീരച ടൈഗര്‍ സൂവിലെ വിശേഷങ്ങള്‍ : ടൈഗര്‍ സൂവില്‍ കാഴ്ചകള്‍ മാത്രമല്ല ഭക്ഷണങ്ങള്‍, വിവിധതരം പാനീയങ്ങള്‍, ബീയര്‍ , തണുപ്പിച്ച കരിക്ക് മുതലായവ യഥേഷ്ടം ലഭിക്കും. ഇതൊന്നും ഫ്രീയല്ലാട്ടോ… അങ്ങനെ ക്രോക്കഡൈല്‍ ഷോയുടെ സമയമായി. ഞങ്ങള്‍ അവിടേക്ക് നടന്നു. മുന്‍പ് ഞാന്‍ മുതലക്കുഞ്ഞിനെയാണ് മടിയില്‍ വെച്ച് ഇരുന്നത്. എന്നാല്‍ ഇവിടെയുള്ളത് നല്ല ഒന്നൊന്നര മുതലകള്‍ തന്നെയാണ്. ഷോ തുടങ്ങുന്നതിനു മുന്നേ ഞങ്ങള്‍ അവിടെ കയറി. ഈ സമയത്ത് സന്ദര്‍ശകരെ മുതലകളുടെ പുറത്തു കയറുവാനും ഫോട്ടോയെടുക്കുവാനും അനുവദിച്ചിരുന്നു. ഇതിനു പ്രത്യേകം പണം കൊടുക്കണം. ഞാനും ഒരു മുതലയുടെ മുകളില്‍ കയറി ഇരുന്നു ഫോട്ടോയെടുത്തു. ഈ സമയം മുഴുവനും മുതല വാ തുറന്നു പിടിച്ചിരിക്കുകയായിരുന്നു. വീഡിയോ കാണുമ്പോള്‍ നിങ്ങള്‍ക്കത് മനസ്സിലാകും.

അധികം വൈകാതെ ഷോ ആരംഭിച്ചു. രണ്ടു തായ് യുവാക്കള്‍ മുതലകളുടെ കൂടെ അതിഗംഭീരമായ അഭ്യാസങ്ങള്‍ നടത്തുന്നതാണ് ഈ മുതല ഷോ. വെറും അഭ്യാസങ്ങള്‍ അല്ല… സാധാരണ മനുഷ്യര്‍ അന്തംവിട്ടുപോകുന്ന ഐറ്റങ്ങളാണ് അവര്‍ അവിടെ ചെയ്യുന്നത്. കാണികളെല്ലാവരും ക്രോക്കഡൈല്‍ ഷോ നന്നായി ആസ്വദിക്കുന്നുണ്ടായിരുന്നു.

ക്രോക്കഡൈല്‍ ഷോയ്ക്കു ശേഷം ഞങ്ങള്‍ ടൈഗര്‍ ഷോ നടക്കുന്നിടത്തേക്ക് നടക്കുകയായിരുന്നു. പെട്ടെന്നാണ് അവിടേക്കുള്ള വഴിയില്‍ ഒരു കരിക്ക് കച്ചവടക്കാരന്‍ ഞങ്ങളെ ആകര്‍ഷിച്ചത്. ഞങ്ങള്‍ ഇന്ത്യക്കാര്‍ ആണെന്നു മനസ്സിലായപ്പോള്‍ “നാരിയല്‍ പാനി.. ബഹുത്ത് അച്ചാ ഹെ..” എന്നൊക്കെ പറഞ്ഞു തുടങ്ങി. കൂടാതെ പുള്ളിക്കാരന്‍ എനിക്കൊപ്പം ഫോട്ടോയ്ക്ക് പോസ് ചെയ്യുകയും ചെയ്തു. നന്നായി ബിസിനസ് ചെയ്യാന്‍ അറിയാവുന്ന ഒരു രസികനായിരുന്നു അയാള്‍. 50 ബാത്ത് ആണ് ഒരു കരിക്കിന്‍റെ വില. ഫ്രിഡ്ജില്‍ വെച്ച് തണുപ്പിച്ച നല്ല ഫ്രഷ്‌ കരിക്കായിരുന്നു. നല്ല ഉശിരന്‍ കരിക്ക്… കരിക്കും കുടിച്ച് വയര്‍ നിറച്ചശേഷം ഞങ്ങള്‍ ടൈഗര്‍ ഷോ നടക്കുന്നയിടത്തേക്ക് കയറി.

പണ്ട് സര്‍ക്കസുകളിലൊക്കെ കണ്ടിട്ടുള്ളപോലത്തെ ഒരു കൂട്ടിലാണ് ഈ ഷോ നടക്കുന്നത്. ടൈഗര്‍ മാസ്റ്റര്‍ പറയുന്നതിനനുസരിച്ച് എല്ലാ കടുവകളും വളരെ അനുസരണയോടെ പ്രവര്‍ത്തിക്കുന്നുണ്ടായിരുന്നു. ഓരോ ആക്ടിവിറ്റി കഴിയുമ്പോഴും അതുചെയ്ത കടുവകള്‍ക്ക് ഭക്ഷണം സമ്മാനമായി നല്‍കുന്നുണ്ടായിരുന്നു. ഇവരെല്ലാം മൃഗങ്ങളെ ഉപദ്രവിക്കാതെ നന്നായി ട്രെയിനിംഗ് നല്‍കിയാണ്‌ ഇതുപോലെയാക്കുന്നത്. അത് ഇവിടത്തെ മൃഗങ്ങളെയെല്ലാം കാണുമ്പോള്‍ നിങ്ങള്‍ക്ക് മനസ്സിലാകും. ടൈഗര്‍ഷോ കഴിഞ്ഞപ്പോള്‍ ചിലരൊക്കെ മാസ്റ്ററിന് പണം സമ്മാനമായി നല്‍കുന്നുണ്ടായിരുന്നു. ചിലരൊക്കെ കൂട്ടിനിപ്പുറത്തു നിന്നും സെല്‍ഫികളും പകര്‍ത്തുന്നുണ്ടായിരുന്നു. എന്തായാലും അവരെപ്പോലെ ഞാനും ഈ ടൈഗര്‍ ഷോ നന്നായി ആസ്വദിച്ചു.

ഈ ടൈഗര്‍ പാര്‍ക്കിലെ മറ്റൊരു പ്രത്യേകതയായി ഞാന്‍ കണ്ടത് ഫാന്‍ പ്രവര്‍ത്തിക്കുമ്പോള്‍ അതിനൊപ്പം ചെറുതായി വെള്ളം സ്പ്രേ ചെയ്യുന്ന രീതിയാണ്‌. ഇതുമൂലം അവിടെ ഒരു പ്രത്യേക തണുപ്പ് അനുഭവപ്പെടുന്നു. ചെറുതായി സ്പ്രേ ചെയ്യുന്നതുകൊണ്ട് ആളുകളുടെമേല്‍ വെള്ളം പതിക്കുന്നുമില്ല… നമ്മുടെ ആളുകള്‍ ഇതൊക്കെ കാണുന്നുണ്ടല്ലോ അല്ലേ???

ഇനിയുള്ളത് എലിഫന്റ് ഷോയാണ്. അതായത് ആനകളുടെ ഷോ… ഇതിനിടെ വീണുകിട്ടിയ കുറച്ചു സമയംകൊണ്ട് ഞാന്‍ ഞങ്ങളുടെ ഡ്രൈവര്‍ ചേച്ചിയുടെയും ഗൈഡായ ക്യാറ്റിന്‍റെയും പക്കല്‍ നിന്നു കുറച്ച് തായ് വാക്കുകളൊക്കെ പഠിക്കാന്‍ ശ്രമിച്ചു. നമ്മള്‍ നമസ്ക്കാരം എന്നു പറയുന്നതിന് തായ്‌ ഭാഷയില്‍ ‘സ്വതിഹാ’ എന്നാണു പറയുന്നത്.

അങ്ങനെ ആനകളുടെ ഷോ തുടങ്ങാറായി. ഞങ്ങള്‍ ഷോ നടക്കുന്നിടത്ത് ചെന്ന് നല്ലൊരു സ്ഥാനം നോക്കി ഇരുന്നു. വൈകാതെ തന്നെ ഷോ ആരംഭിച്ചു. ഇത്തിരിക്കുഞ്ഞന്‍ ആന മുതല്‍ വലിയവന്‍ വരെ അണിനിരക്കുന്നതായിരുന്നു ഷോ. ഇവിടെ ഞാന്‍ കണ്ട ഒരു പ്രത്യേകതയെന്തെന്നാല്‍ ഒരു ആനയ്ക്കും ചങ്ങലകൊണ്ടോ മറ്റോ ഉള്ള ബന്ധനം ഒന്നുമില്ലെന്നതാണ്. ആനകളുടെ ഓരോരോ അഭ്യാസങ്ങളും പാട്ടിനൊപ്പമുള്ള ഡാന്‍സും ഒക്കെ ഞാന്‍ ശരിക്ക് ആസ്വദിച്ചു. ഈ ഷോ കൂടുതലും ഇഷ്ടപ്പെടുന്നത് കുട്ടികള്‍ക്കാണ്. അതുകൊണ്ട് ഫാമിലിയായി വരുന്നവര്‍ എലിഫന്‍റ് ഷോ മിസ്സ്‌ ചെയ്യാറില്ല. ഷോ കഴിഞ്ഞ് ഈ ആനകള്‍ക്ക് പഴം വാങ്ങിക്കൊടുക്കുവാന്‍ കാണികള്‍ക്ക് അവര്‍ അവസരമൊരുക്കുന്നുണ്ട്. ആ അവസരം ഞാനും പാഴാക്കിയില്ല.

എലിഫന്‍റ് ഷോ കഴിഞ്ഞപ്പോള്‍ എനിക്കും ക്യാമറാമാന്‍ പ്രശാന്തിനുമൊക്കെ വിശപ്പിന്‍റെ വിളി വന്നുതുടങ്ങിയിരുന്നു. സൂവിനകത്തു തന്നെയുള്ള ഹോട്ടലിലേക്ക് ഞങ്ങള്‍ നടന്നു. ഭക്ഷണത്തിന്‍റെ ചാര്‍ജ് ടിക്കറ്റ് എടുത്തപ്പോള്‍ത്തന്നെ പ്രത്യേകം പറഞ്ഞു അതിനൊപ്പം ചേര്‍ത്തിട്ടുണ്ടായിരുന്നു. ഹോട്ടലിലേക്ക് നടക്കുന്നതിനിടെയാണ് ആ കാര്യം ഹാരിസ് ഇക്ക എന്നോട് ചോദിച്ചത്. മാഷേ നമുക്ക് മുതലയിറച്ചി കഴിച്ചാലോ എന്ന്… ആദ്യം ഞാന്‍ അയ്യേ എന്നായിപ്പോയി. പിന്നെ വിചാരിച്ചു ഇവിടെവരെ വന്നിട്ട് ഇവിടത്തെ രുച്ചുകളും സ്പെഷ്യലുകളും രുചിക്കാതെ പോകുന്നതെങ്ങനെ? അങ്ങനെ ഞങ്ങള്‍ മുതലയിറച്ചി ബാര്‍ബക്യൂ ഷോപ്പില്‍ ചെന്നു. ഒരു തായ് വനിതയായിരുന്നു അവിടത്തെ വില്‍പ്പനക്കാരി. ഫ്രൈ ചെയ്ത ഇറച്ചിക്കഷണങ്ങള്‍ ഒരു കമ്പില്‍ കോര്‍ത്ത് നമുക്ക് തരും. ഇതുപോലത്തെ അഞ്ചു കമ്പിനു 150 ബാത്ത് ആണ് വില. ആദ്യം തന്നെ ഞാന്‍ സാധനം വാങ്ങി രുചിച്ചു നോക്കി. വിചാരിച്ചതുപോലെയല്ല… സംഭവം ഉഗ്രനാ… പക്ഷേ കുറച്ചുകൂടി എരിവുണ്ടായിരുന്നെങ്കില്‍ ഇതിലും സൂപ്പറായേനെ…അങ്ങനെ മുതല ബാര്‍ബക്യൂ ഒക്കെ കഴിച്ചു ഞങ്ങള്‍ ഹോട്ടലില്‍ എത്തി. അവിടുന്ന് പരിപ്പും ചപ്പാത്തിയും ചിക്കനുമൊക്കെ കൂട്ടി ഇന്ത്യന്‍ സ്റ്റൈല്‍ ഭക്ഷണം കഴിച്ചു…

അങ്ങനെ ഞങ്ങള്‍ ടൈഗര്‍ സൂവിലെ കാഴ്ചകളൊക്കെ മൊത്തം കണ്ടുകഴിഞ്ഞു. ഇനി പട്ടായയിലേക്ക് യാത്ര തുടരണം. പുറത്ത് ഡ്രൈവര്‍ മോനോല വണ്ടിയുമായി കാത്തുനില്‍ക്കുകയാണ്… അപ്പോള്‍ ശരി… ഞാന്‍ പട്ടായയിലേക്ക് പോകട്ടേ? പട്ടായയിലെ വിശേഷങ്ങളുമായി നമുക്ക് അടുത്ത എപ്പിസോഡില്‍ കാണാം.

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

7000 പേർക്ക് ഒരുമിച്ച് ഇരുന്ന് നിസ്കരിക്കാൻ സാധിക്കുന്ന ബഹ്‌റൈനിലെ ഗ്രാൻഡ് മോസ്‌ക്ക്

സൗദി – ബഹ്‌റൈൻ അതിർത്തിയിലെ കാഴ്ചകൾ കണ്ടതിനു ശേഷം പിറ്റേദിവസം ഞങ്ങൾ പോയത് ബഹ്‌റൈനിലെ പ്രസിദ്ധമായ ഗ്രാൻഡ് മോസ്‌ക്കിലേക്ക് ആയിരുന്നു. പേരുപോലെതന്നെ നല്ല ഗ്രാൻഡ് തന്നെയായിരുന്നു മനോഹരമായ ആ പള്ളി. ഏഴായിരത്തോളം പേർക്ക് ഒരുമിച്ചിരുന്നു നിസ്‌ക്കരിക്കുവാൻ സാധിക്കും എന്നതാണ് ഈ പള്ളിയുടെ…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

ഭൂട്ടാനിൽ വെച്ച് കൈയ്യിലെ പൈസ തീർന്നു, ATM വർക്ക് ചെയ്യുന്നില്ല, What’s next?

പുനാഖയിലെ Dzong മൊണാസ്ട്രിയൊക്കെ കണ്ടതിനു ശേഷം ഞങ്ങൾ അവിടെ നിന്നും കിഴക്കൻ ഭൂട്ടാൻ ലക്ഷ്യമാക്കി നീങ്ങി. പേരറിയാത്ത ഗ്രാമങ്ങളിലൂടെ, മനോഹരമായ താഴ്വാരങ്ങളിലൂടെയൊക്കെയായിരുന്നു ഞങ്ങളുടെ യാത്ര. പോകുന്നതിനിടെ ഏതോ വലിയ വാഹനവ്യൂഹം വരുന്നതു കണ്ടിട്ട് ഞങ്ങൾ അടക്കമുള്ള മറ്റു വാഹനയാത്രികരെല്ലാം വണ്ടി ഓരം…
View Post

ശ്രീലങ്കയിലേക്ക് ഇനി കൂളായി പോകാം; ഇന്ത്യക്കാർക്ക് ‘ഫ്രീ വിസ ഓൺ അറൈവൽ..’

തായ്‌ലൻഡ് പോലുള്ള രാജ്യങ്ങളിലേക്ക് പ്രവേശിക്കുവാനായി ഇന്ത്യക്കാർക്ക് വിസ ഓൺ അറൈവൽ സൗകര്യം നിലവിലുണ്ടെങ്കിലും തൊട്ടയൽവക്കത്തുള്ള ശ്രീലങ്കയിലേക്ക് ആ സൗകര്യം ഉണ്ടായിരുന്നില്ല. എന്നാൽ ഇപ്പോഴിതാ സഞ്ചാരികൾക്ക് ഒരു സന്തോഷ വാർത്ത! ശ്രീലങ്കയിലേക്ക് ഇന്ത്യക്കാർക്ക് ഫ്രീ വിസ ഓൺ അറൈവൽ സൗകര്യം ലഭ്യമാക്കിയിരിക്കുന്നു. ഇന്ത്യയോടൊപ്പം…
View Post

യാത്രകൾക്കിടയിൽ വില്ലനായി വരുന്ന ‘ഛർദ്ദി’യെ എങ്ങനെ ഒഴിവാക്കാം?

യാത്രകൾ പോകുവാൻ ഇഷ്ടമില്ലാത്തവർ വളരെ കുറവായിരിക്കും. എങ്കിലും യാത്രകൾ പോകുവാൻ ഇഷ്ടമുണ്ടായിട്ടും അവ ഒഴിവാക്കുന്ന ഒരു കൂട്ടമാളുകളുണ്ട്. അവരുടെയെല്ലാം യാത്രയസ്വപ്നങ്ങൾക്ക് വിലങ്ങുതടിയായി നിൽക്കുന്ന ഒരു വില്ലനാണ് ‘ട്രാവൽ സിക്ക്നെസ്’ എന്നറിയപ്പെടുന്ന ‘ഛർദ്ദി’. സ്കൂളില്‍ നിന്നോ കോളേജിൽ നിന്നോ ഫാമിലിയായിട്ടോ ഒക്കെ ടൂർ…
View Post