ആനപ്രേമികളുടെ ഇഷ്ടകേന്ദ്രമായ ശ്രീലങ്കയിലെ ‘പിനാവാല’ എന്ന ആനകളുടെ അനാഥാലയം

Total
4
Shares

ശ്രീലങ്കയിലെ ഞങ്ങളുടെ രണ്ടാമത്തെ ദിവസം. ഞങ്ങൾ രാവിലെ തന്നെ എഴുന്നേറ്റു റൂമിലെ വിൻഡോയിലൂടെ പുറത്തേക്ക് നോക്കി. ആഹാ, മനോഹരമായ കടൽ… തീരത്തുകൂടി കടന്നുപോകുന്ന റോഡും റെയിൽപ്പാളവും.. വളരെ മനോഹരമായ ദൃശ്യങ്ങളായിരുന്നു ഞങ്ങൾക്ക് അവിടെ നിന്നും കാണുവാൻ സാധിച്ചത്. തലേന്ന് നേരം ഇരുട്ടിയായിരുന്നു ഞങ്ങൾ അവിടെ എത്തിയിരുന്നതിനാൽ ആ മനോഹര കാഴ്ചകളൊന്നും ആസ്വദിക്കുവാൻ സാധിച്ചിരുന്നില്ല.

ഞങ്ങൾ പെട്ടെന്നു റെഡിയായി മുകളിലെ നിലയിലുള്ള റെസ്റ്റോറന്റിലേക്ക് നടന്നു. അവിടെ നിന്നും കൊളംബോ നഗരത്തിന്റെ മനോഹരമായ ദൃശ്യം ഞങ്ങൾക്ക് കാണുവാൻ സാധിച്ചു. കുറച്ചു നേരം കാഴ്ചകളൊക്കെ കണ്ടതിനു ശേഷം ഞങ്ങൾ ബ്രേക്ക്ഫാസ്റ്റ് കഴിക്കുവാനായി ചെന്നു. ബുഫെ ബ്രേക്ക് ഫാസ്റ്റിനു ദോശ, ചമ്മന്തി, മീൻകറി, ചിക്കൻ കറി അടക്കമുള്ള ധാരാളം വിഭവങ്ങൾ ഉണ്ടായിരുന്നു.

ബ്രേക്ക് ഫാസ്റ്റിനു ശേഷം ഞങ്ങൾ ഹോട്ടലിൽ നിന്നും പുറത്തേക്ക് ഇറങ്ങി. കടൽത്തീരത്തും റെയിൽപ്പാളങ്ങളിലുമെല്ലാം ഞങ്ങൾ കാഴ്ചകൾ ആസ്വദിച്ചുകൊണ്ടു നടന്നു. അതിനിടയിൽ വളരെ വേഗത്തിൽ ഒരു ട്രെയിൻ ഞങ്ങൾക്കരികിലൂടെ കടന്നുപോയി. അങ്ങനെ കാഴ്ചകൾ കണ്ടുകൊണ്ടു നടക്കുന്നതിനിടെ ഞങ്ങളുടെ ഡ്രൈവർ കം ഗൈഡ് ആയ ജനക അവിടെ എത്തിച്ചേർന്നു. അവിടെ ഗൈഡ് ആക്കുന്നതിനുള്ള കോഴ്‌സുകളൊക്കെയുണ്ട്. അത് പാസ്സായി സർട്ടിഫിക്കറ്റ് നേടിയ വ്യക്തിയാണ് ജനക.

അങ്ങനെ ഞങ്ങൾ കാറിൽക്കയറി യാത്രയായി. ഒരു കിടിലൻ റോഡ് ട്രിപ്പ് ആയിരുന്നു പിന്നീട് ഞങ്ങളെ കാത്തിരുന്നത്. ശ്രീലങ്ക എന്നൊക്കെ കേൾക്കുമ്പോൾ മുൻപൊക്കെ എൻറെ മനസ്സിൽ വലിയ പ്രതീക്ഷകളൊന്നും ഉണ്ടായിരുന്നില്ല. എന്നാൽ നേരിട്ടു കണ്ടപ്പോൾ ശരിക്കും ഞങ്ങൾ അന്തംവിട്ടുപോയി എന്നുവേണം പറയുവാൻ. ഒരു കിടിലൻ ഫോറിൻ രാജ്യം തന്നെ. പബ്ലിക് ട്രാൻസ്‌പോർട്ട് വാഹനങ്ങളെല്ലാം നമ്മുടെ നാട്ടിലേതു പോലത്തെ തന്നെയായിരുന്നുവെങ്കിലും ബസ്സുകളും ഓട്ടോകളുമെല്ലാം വെറൈറ്റി കളറുകളിൽ ഉള്ളവയായിരുന്നു. ബസ്സുകൾ എല്ലാം ഭൂരിഭാഗവും അശോക് ലെയ്‌ലാൻഡ് ആയിരുന്നു. ചുവന്ന കളറിലുള്ള ബസ്സുകൾ സർക്കാർ ബസ്സുകളും, അല്ലാത്ത കളറിലുള്ളവ പ്രൈവറ്റ് ബസ്സുകളും ആണെന്ന് ജനക ഞങ്ങളോട് പറഞ്ഞു.

നാലുവരിപ്പാതയിലൂടെയുള്ള കുറേസമയത്തെ യാത്രയ്ക്കു ശേഷം ഞങ്ങൾ പിന്നീട് രണ്ടുവരിപ്പാതയിലേക്ക് കയറി. നഗരത്തിൽ നിന്നും മാറി ഗ്രാമാന്തരീക്ഷത്തിലൂടെയുള്ളതായിരുന്നു പിന്നീടുള്ള യാത്ര. കേരളത്തിലെ ഏതോ ഒരു സ്ഥലത്തുകൂടി യാത്ര ചെയ്യുന്ന ഫീൽ ആയിരുന്നു അതിലൂടെ പോയപ്പോൾ ഞങ്ങൾക്ക് ലഭിച്ചത്. ശ്രീലങ്ക ഒരു ബുദ്ധമത രാഷ്ട്രം ആണെങ്കിലും നേപ്പാളിലും ഭൂട്ടാനിലുമൊക്കെ കാണുന്നതു പോലത്തെ മൊണാസ്ട്രികൾ അവിടെ ഞങ്ങൾക്ക് അങ്ങനെയൊന്നും കാണുവാൻ സാധിച്ചിരുന്നില്ല.

കാൻഡി എന്ന സ്ഥലത്തിനടുത്തുള്ള ‘പിനാവാല’ എന്നു പേരുള്ള ആനകളുടെ അനാഥാലയത്തിലേക്കായിരുന്നു ഞങ്ങൾ ആദ്യം പോയത്. ആനപ്രേമികൾ സന്ദർശിച്ചിരിക്കേണ്ട ഒരു സ്ഥലം തന്നെയാണ് പിനാവാല. എന്തുകൊണ്ടാണ് ഇതിനു ആനകളുടെ അനാഥാലയം എന്നു വിളിക്കുന്നത് എന്ന് നിങ്ങളെപ്പോലെ തന്നെ എനിക്കും സംശയമുണ്ടായിരുന്നു. അതിനുള്ള ഉത്തരം ജനകയായിരുന്നു ഞങ്ങൾക്ക് പറഞ്ഞു മനസിലാക്കി തന്നത്. കാടുകളിൽ നിന്നും വേർപെട്ടു പോകുന്ന ആനകളെ പിന്നെ കാട്ടാനകൾ അടുപ്പിക്കാറില്ല. അത്തരത്തിലുള്ളവയാണ് അക്രമകാരികളായ ഒറ്റയാന്മാർ ആയി മാറുന്നത്. ഇത്തരത്തിൽ ഒറ്റപ്പെടുന്ന ആനകളെ സംരക്ഷിക്കുന്ന ഒരു സ്ഥലമാണ് പിനാവാലയിലെ ഈ ആനകളുടെ ഓർഫനേജ്.

1975 ലായിരുന്നു ഈ എലിഫന്റ് ഓർഫനേജ് ആരംഭിക്കുന്നത്. തുടക്കത്തിൽ ഒറ്റപ്പെട്ട ആനകളെയായിരുന്നു സംരക്ഷിച്ചിരുന്നതെങ്കിൽ ഇന്ന് ഇവിടെ ആനകൾ ഫാമിലിയായി വസിക്കുകയാണ്. ശ്രീലങ്കയിലെ സുവോളജിക്കല്‍ ഗാര്‍ഡന്‍റ കീഴിലാണ് ഈ ഓർഫനേജ് പ്രവര്‍ത്തിക്കുന്നത്. ആനകളുടെ സംരക്ഷണത്തിനായി ഇവിടെ വെറ്റിനറി ഡോക്ടർമാരുടെ സേവനവും ലഭ്യമാണ്.

അവിടേക്ക് പ്രവേശിക്കുന്നതിന് വിദേശികൾക്ക് 1500 ശ്രീലങ്കൻ രൂപയാണ് ചാർജ്ജ്. ഇന്ത്യ ഉൾപ്പെട്ട സാർക്ക് രാജ്യങ്ങളിൽ നിന്നുള്ളവർക്ക് 800 ശ്രീലങ്കൻ രൂപ കൊടുത്താൽ മതി. ഞങ്ങൾ അവിടെയെത്തിയപ്പോൾ കുറച്ചു വൈകിയിരുന്നതിനാൽ ആനകളുടെ നീരാട്ട് കാണുവാൻ പറ്റുമോയെന്നു സംശയമായിരുന്നു. എങ്കിലും ജനകയുടെ സഹായത്താൽ പെട്ടെന്നു നടപടിക്രമങ്ങളെല്ലാം പൂർത്തിയാക്കിയതിനാൽ ഞങ്ങൾക്ക് അവയുടെ നീരാട്ട് പൂർത്തിയാകുന്നതിനു മുൻപേ തന്നെ അവിടെയെത്തുവാൻ സാധിച്ചു.

കൂടുതലും പിടിയാനകൾ ആയിരുന്നു അവിടെയുണ്ടായിരുന്നത്. വല്ലാത്തൊരു ഓമനത്തമായിരുന്നു അവയ്ക്ക്. ഇത്രയധികം ആനകളെ അടുത്തു കാണുവാൻ അവിടെ സന്ദർശകർക്ക് അവസരമുണ്ട്. ആനകൾ നമ്മൾ നിൽക്കുന്ന ഉയർന്ന ഏരിയയുടെ താഴെ വന്നിട്ട് മുകളിലേക്ക് തുമ്പിക്കൈ നീട്ടും. ചിലരൊക്കെ പഴങ്ങൾ തുടങ്ങിയ ഭക്ഷണ പദാർത്ഥങ്ങൾ അവയ്ക്ക് തുമ്പിക്കൈയിൽ വെച്ച് നൽകും. അല്ലാത്തവർ അവയെ ഓമനിച്ചു തലോടും. വളരെ കൗതുകകരമായ ഒരു അനുഭവമായിരുന്നു അത്.

ഒരു സെറ്റ് ആനകൾ കുളി കഴിഞ്ഞു കയറിപ്പോയപ്പോൾ അതാ വരുന്നു അടുത്ത ടീം. ദേഹത്ത് ചെളിയും മണ്ണുമൊക്കെയായി ആസ്വദിച്ച് ആനയിച്ചു വരികയാണ്. ആനകളൊന്നും ഉപദ്രവകാരികൾ അല്ലാതിരുന്നതിനാൽ അവയെ ഫ്രീയായിട്ടായിരുന്നു നടത്തിക്കൊണ്ടു പോയിരുന്നത്. ആനകളെയൊന്നും ഉപദ്രവിക്കുകയോ, ഉപദ്രവിക്കുന്നതിന്റെ ലക്ഷണങ്ങളോ ഒന്നും ഞങ്ങൾക്ക് കാണുവാൻ സാധിച്ചിരുന്നില്ല.

അവിടെ ആനപ്പിണ്ഡത്തിൽ നിന്നും ഉണ്ടാക്കുന്ന പേപ്പർ വിൽക്കുന്ന ഒരു കട ഞങ്ങൾ കണ്ടു. അതു കണ്ടപ്പോൾ ‘പുണ്യാളൻ അഗർബത്തീസ്’ എന്ന സിനിമയും അതിലെ ജയസൂര്യയുടെ കഥാപാത്രവുമൊക്കെയായിരുന്നു ഞങ്ങളുടെ മനസ്സിൽ ഓടിയെത്തിയത്. എന്തായാലും ആനകളുടെ ഓർഫനേജ് അടിപൊളി തന്നെയായിരുന്നു. ഫാമിലിയായും കപ്പിൾസ് ആയും വരുന്നവർക്കൊക്കെ ആനന്ദം പകരുന്ന ഒരു സ്ഥലം. അവിടത്തെ കാഴ്ചകൾ കണ്ടതിനു ശേഷം ഞങ്ങൾ അവിടെ നിന്നും ഇറങ്ങി അടുത്ത സ്ഥലത്തേക്ക് പോകുവാനുള്ള ഒരുക്കമായി. ആ കാഴ്ചകളും വിശേഷങ്ങളുമൊക്കെ അടുത്ത എപ്പിസോഡിൽ കാണാം.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post