ചൈനയിൽ മൂത്രമൊഴിച്ചതിനു പോലീസ് പൊക്കി; ഫൈനടച്ച ശേഷം വീണ്ടും കറക്കം

Total
0
Shares

ചൈനയിലെ യിവു നൈറ്റ് മാർക്കറ്റിലും ഫുഡ് സ്ട്രീറ്റിലും കറങ്ങി നടക്കുന്നതിനിടെ ഞങ്ങൾക്ക് മൂന്നു പേർക്കും കലശലായ മൂത്രശങ്ക. അവിടെയാണെങ്കിൽ പബ്ലിക് ടോയ്‌ലറ്റ് നോക്കിയിട്ട് കണ്ടുമില്ല. അങ്ങനെ നോക്കിനടക്കുന്നതിനിടെയാണ് അപ്പുറത്ത് കുറച്ചുമാറി ചിലർ ഒതുക്കത്തിൽ കാര്യം സാധിക്കുന്നത് ശ്രദ്ധയിൽപ്പെട്ടത്. അങ്ങനെ ഞങ്ങളും അവിടേക്ക് നടന്നു. നൈസായി ഞങ്ങൾ കാര്യം സാധിക്കുന്നതിനിടെയാണ് ഒരു പണി കിട്ടുന്നത്.

സംഭവം വേറൊന്നുമല്ല, പോലീസ് കൈയോടെ പൊക്കി. പാസ്സ്‌പോർട്ട് ചോദിച്ചപ്പോൾ അത് ഞങ്ങളുടെ കൈവശം ഉണ്ടായിരുന്നില്ല. അവസാനം സഹീർഭായി ഇടപെട്ട് സംഭവം ചെറിയൊരു പിഴയിൽ ഒതുക്കിത്തീർത്തു. ഫൈനടക്കേണ്ടി വന്നത് 200 രൂപ. നമ്മുടെ നാട്ടിലാണെങ്കിൽ പബ്ലിക് ടോയ്‌ലറ്റ് ഇല്ലാത്തതു കൊണ്ടാണെന്നൊക്കെ പറഞ്ഞു നിൽക്കാമായിരുന്നു. ഇതിപ്പോൾ മറ്റൊരു രാജ്യമായിപ്പോയില്ലേ? ഒന്നും പറഞ്ഞിട്ട് കാര്യമില്ല. ചെറിയൊരു തുകയേ ഫൈൻ അടക്കേണ്ടി വന്നുള്ളൂ എന്നു സമാധാനിക്കാം.

അങ്ങനെ ചെയ്ത തെറ്റിന് മാന്യമായി പിഴയടച്ച് ബാക്കി കാഴ്ചകളും തേടി ഞങ്ങൾ നടത്തം തുടർന്നു. അപ്പോഴതാ അവിടെയൊരു കടയുടെ മുന്നിൽ ഒരാൾക്കൂട്ടം. എന്താണ് സംഭവമെന്നറിയാൻ ആകാംക്ഷയോടെ ഞങ്ങൾ അവിടേക്ക് ചെന്നു. ചൈനക്കാരനായ കടക്കാരൻ ചേട്ടൻ പൊരിഞ്ഞ വാചകമടി നടത്തുകയാണ്. ചുറ്റും കൂടിനിൽക്കുന്നവരിൽ പല രാജ്യക്കാർ ഉണ്ടായിരുന്നതിനാൽ ചൈനീസ് ഭാഷയിൽ പറയുന്നതിനൊപ്പം എല്ലാവർക്കും മനസ്സിലാകുന്ന തരത്തിൽ ആക്ഷനുകളൊക്കെ കാണിക്കുന്നുണ്ടായിരുന്നു. സംഭവം ഒരു സൂപ്പർ ഗ്ലൂവിൻ്റെ (പശ) കച്ചവടമാണ്. നീളമുള്ള റബ്ബർ വള്ളി മുറിച്ചതിനു ശേഷം അത് സൂപ്പർഗ്ലൂ കൊണ്ട് ഒട്ടിച്ചതിനു ശേഷം ആ വള്ളികൊണ്ട് ഭാരമുള്ള ഒരു കല്ല് ഉയർത്തിയെടുക്കുന്നതാണ് അവിടെ പുള്ളി ചെയ്തിരുന്നത്. എന്തായാലും പുള്ളിയുടെ പ്രകടനം മോശമായില്ല, നല്ല കച്ചവടം തന്നെ ചേട്ടന് കിട്ടി.

ഞങ്ങൾ അവിടെ നിന്നും അടുത്ത കടകളിലേക്ക് നടന്നു. അതിനിടെ ഒരു മലയാളിയായ ഫോളോവറെ അവിടെ വെച്ച് പരിചയപ്പെടുകയുണ്ടായി. കണ്ണൂർ സ്വദേശിയായ അദ്ദേഹം ബിസ്സിനസ്സ് ആവശ്യങ്ങൾക്കായി ചൈനയിൽ വന്നതായിരുന്നു. നേരം അൽപ്പംകൂടി വൈകിയതോടെ ഷോപ്പിംഗ് സ്ട്രീറ്റിലെ തിരക്ക് അൽപ്പം കുറയുമെന്നു വിചാരിച്ചെങ്കിലും ആ സമയത്തും അവിടെ അത്യാവശ്യം ആളുകൾ ഉണ്ടായിരുന്നു. ഷൂസുകൾ, ചെരിപ്പുകൾ, വിവിധതരം ഡ്രസ്സുകൾ, മസ്സാജിംഗ് ഉപകരണങ്ങൾ, മൊബൈൽ ആക്സസറീസ്, ലേഡീസ് ഫാൻസി ഐറ്റംസ് തുടങ്ങി നമ്മുടെ ദൈനംദിന ജീവിതത്തിൽ ആവശ്യമായ എല്ലാംതന്നെ അവിടെ ലഭിക്കുമായിരുന്നു. നൈറ്റ് മാർക്കറ്റിന്റെ ഒരുവശത്ത് ഫുഡ് ഐറ്റംസും, മറ്റു വശത്ത് ഇതേപോലുള്ള ഷോപ്പുകളും ആയിരുന്നു.

അവിടത്തെ കാഴ്ചകൾ ശരിക്കും ആസ്വദിച്ചു നടന്നുകണ്ടതിനു ശേഷം ഞങ്ങൾ അവിടെ നിന്നും പുറത്തേക്ക്, സ്ട്രീറ്റിലേക്ക് ഇറങ്ങി. അവിടെ വഴിയരികിൽ കണ്ട ഒരു റെസ്റ്റോറന്റിൽ കയറി ഞങ്ങൾ വ്യത്യസ്തങ്ങളായ വിഭവങ്ങൾ ഓർഡർ ചെയ്തു. റെസ്റ്റോറന്റിനു മുന്നിൽത്തന്നെ അവർ വിഭവങ്ങൾ ഉണ്ടാക്കുന്നത് കാണാമായിരുന്നു. അതുകണ്ടിട്ടാണ്‌ ഞങ്ങൾ അവിടെ കയറിയത്. ഓപ്പൺ ടേബിളിലിരുന്നുകൊണ്ട് ഭക്ഷണം കഴിക്കുവാൻ തുടങ്ങുന്നതിനിടയിൽ ഒരു അമ്മൂമ്മ ഞങ്ങളുടെ അടുത്തെത്തി. സഹീർഭായി അവർ വന്നപ്പോൾ മൊബൈൽ ഫോണിൽ എന്തോ ചെയ്യുന്നതു കണ്ടപ്പോൾ ഞാൻ കാര്യമന്വേഷിച്ചു. അപ്പോഴാണ് അമ്പരപ്പിച്ച ആ കാര്യം മനസ്സിലാക്കിയത്. ആ അമ്മൂമ്മ അവിടത്തെ ഒരു ഭിക്ഷക്കാരി ആയിരുന്നു. ‘We Chat’ വഴിയായിരുന്നു അമ്മൂമ്മ പണം ഭിക്ഷയായി സ്വീകരിച്ചിരുന്നത്. ചുരുക്കിപ്പറഞ്ഞാൽ നമ്മുടെ നാടൻ ഭാഷയിൽ ‘ഹൈടെക് പിച്ചക്കാരി…’

വഴിയരികിലെ ഓപ്പൺ ടേബിളിലിരുന്നുകൊണ്ട് ഡിന്നർ കഴിച്ചതിനു ശേഷം ഞങ്ങൾ തിരികെ റൂമിലേക്ക് നീങ്ങി. അപ്പോൾ സമയം വെളുപ്പിന് രണ്ടുമണി ആയിരുന്നു. നല്ല തണുത്ത കാലാവസ്ഥയായിരുന്നു ചൈനയിൽ അപ്പോൾ. തണുപ്പത്ത് നടക്കുന്നതിനിടെ ബൈജു ചേട്ടന് ഐസ്ക്രീം തിന്നാൻ ഒരു പൂതി. ഒന്നും നോക്കിയില്ല, നേരെ അടുത്തുകണ്ട കടയിൽക്കയറി ഒരു ഐസ്ക്രീം വാങ്ങി ആ സ്ട്രീറ്റിലൂടെ നടന്നുകൊണ്ട് കഴിച്ചു. സഹീർഭായിയുടെ കാർ അവിടെ പാർക്കിംഗിൽ ഇട്ടിരുന്നതിനാൽ ഞങ്ങൾ അതെടുക്കാൻ നിൽക്കാതെ ഒരു ടാക്സി പിടിച്ച് ഹോട്ടലിലേക്ക് പോയി. To contact Saheer Bhai in China : https://www.instagram.com/saheerchn/, Whatsapp: 008615669591916.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

തിരുവനന്തപുരത്തു നിന്നും ഒരു മണിക്കൂര്‍ കൊണ്ട് കാണാം ഈ വെള്ളച്ചാട്ടങ്ങള്‍…

മനസ്സു കുളിര്‍പ്പിക്കാന്‍ ഏതെങ്കിലും സ്ഥലങ്ങളിലേക്ക് യാത്ര പോകുവാന്‍ പ്ലാന്‍ ചെയ്യുന്നവരാണ് പലരും. അങ്ങനെയെങ്കില്‍ അധികമാരും അറിയാത്ത… തിരുവനന്തപുരത്തു നിന്നും ഒരു മണിക്കൂര്‍ മാത്രം യാത്രയുള്ള ഈ വെള്ളച്ചാട്ടങ്ങള്‍ ഒന്ന് സന്ദര്‍ശിച്ചാലോ? തൃപ്പരപ്പ് വെള്ളച്ചാട്ടം : തിരുവനന്തപുരത്തു നിന്നും 55 കിലോമീറ്റര്‍ മാത്രം…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post