16,000 രൂപ മുടക്കി രാജധാനി എക്സ്പ്രസ്സിലെ 1 A/C കോച്ചിൽ ഒരു ഡൽഹി യാത്ര..

Total
0
Shares

ഞങ്ങളുടെ ജീവിതത്തിലെ ഏറ്റവും വലിയ ട്രെയിൻ യാത്ര. അതായിരുന്നു കഴിഞ്ഞ ദിവസം ഞങ്ങൾ പൂർത്തിയാക്കിയത്. ഡൽഹിയിലേക്ക് ആയിരുന്നു ഞങ്ങളുടെ യാത്ര. അതിനായി ഞങ്ങൾ തിരഞ്ഞെടുത്ത ട്രെയിൻ തിരുവനന്തപുരം – നിസാമുദ്ധീൻ രാജധാനി എക്സ്പ്രസ്സ് ട്രെയിനായിരുന്നു. ഫസ്റ്റ് ക്ലാസ്സ് എസി കോച്ച് ആയിരുന്നു ഞങ്ങൾ യാത്രയ്ക്കായി ബുക്ക് ചെയ്തിരുന്നത്. ഭക്ഷണം, കുളിമുറി തുടങ്ങി ഒരു ഹോട്ടൽ മുറിക്ക് സമാനമായ സൗകര്യങ്ങളുള്ള ഈ ട്രെയിനിലെ ഫസ്റ്റ് AC യിൽ ഒരിക്കലെങ്കിലും യാത്ര ചെയ്യണം എന്നുള്ളത് എന്റെ വലിയൊരു ആഗ്രഹമായിരുന്നു. തിരുവനന്തപുരത്ത് നിന്നും ഡൽഹിയിലേക്ക് 16000 രൂപ മുടക്കിയാണ്‌ ഞങ്ങൾ രണ്ടുപേരും ഈ ട്രെയിൻ യാത്ര നടത്തിയത്. ഫ്‌ളൈറ്റ് ടിക്കറ്റിനേക്കാളും നിരക്ക് കൂടുതലാണ് രാജധാനി ട്രെയിനുകളിൽ. അതുകൊണ്ട് തന്നെ ട്രെയിൻ യാത്ര ആസ്വദിക്കാനും അതിന്റെ വീഡിയോ നിങ്ങൾക്കായി പകർത്താനും വേണ്ടിയാണ് ഈ യാത്ര ഞങ്ങൾ നടത്തിയത്.

അങ്ങനെ യാത്രയ്ക്കായി ഞങ്ങൾ തിരുവനന്തപുരത്ത് എത്തിച്ചേർന്നു. രാത്രി 7.15 ഓടെ പുറപ്പെടേണ്ടിയിരുന്ന രാജധാനി എക്സ്പ്രസ്സ് എന്തോ കാരണത്താൽ 8 മണിക്കൂറോളം വൈകി വെളുപ്പിന് 3 മണി കഴിഞ്ഞിട്ടായിരുന്നു പുറപ്പെട്ടത്. ഞങ്ങൾ ഞങ്ങളുടെ കൂപ്പെ കണ്ടുപിടിച്ച് അതിനകത്ത് കയറി. രണ്ടുപേർക്ക് പറ്റിയ കൂപ്പെയായിരുന്നു ഞങ്ങളുടേത്. നല്ല രീതിയിലുള്ള സൗകര്യങ്ങളെല്ലാം ഞങ്ങളുടെ കോച്ചിൽ ഉണ്ടായിരുന്നു. അതിനിടെ TTR വന്നു ഞങ്ങളുടെ ടിക്കറ്റുകളൊക്കെ പരിശോധിച്ചു. നോർത്ത് ഇന്ത്യക്കാരനായ ഒരു പാവം മനുഷ്യനായിരുന്നു ഞങ്ങളുടെ TTR. തിരുവനന്തപുരം മുതൽ ന്യൂഡൽഹി (നിസാമുദ്ധീൻ) വരെ ഇദ്ദേഹമായിരിക്കും ഡ്യൂട്ടിൽ ഉണ്ടായിരിക്കുക.

ടിക്കറ്റ് പരിശോധനയൊക്കെ കഴിഞ്ഞതിനു ശേഷം ഞങ്ങൾ ആ കോച്ച് മുഴുവനും കാണുവാനായി അതിനകത്തുകൂടെ നടന്നു. ആദ്യം നോക്കിയത് വൃത്തിയുള്ള ടോയ്‌ലറ്റ് ഉണ്ടോയെന്നായിരുന്നു. യൂറോപ്യൻ, ഇന്ത്യൻ ക്ളോസറ്റുകൾ ഉള്ള ടോയ്‌ലറ്റുകളും കുളിക്കുന്നതിനായുള്ള ബാത്ത് റൂമും ഞങ്ങളുടെ കോച്ചിൽ ഉണ്ടായിരുന്നു. സഹിക്കാൻ കഴിയുന്ന വൃത്തിയൊക്കെ ടോയ്‌ലറ്റുകൾക്ക് ഉണ്ടായിരുന്നു.

ഞങ്ങൾ യാത്ര ചെയ്തിരുന്നത് രണ്ടുപേർക്ക് മാത്രമുള്ള കൂപ്പെയിൽ ആയിരുന്നുവെങ്കിലും അടുത്തായി നാലു പേർക്ക് വീതം യാത്ര ചെയ്യാവുന്ന കാബിനുകളും ഉണ്ട്. അതിനിടെ ഞങ്ങൾക്കായുള്ള കുടിവെള്ളവും പില്ലോകളും ബ്ലാങ്കറ്റുകളും ഒക്കെയായി ട്രെയിനിലെ അറ്റൻഡർ വന്നു. ഇത്രയും കാശു മുടക്കി യാത്ര ചെയ്യുന്നതല്ലേ, യാത്രയ്ക്കിടയിൽ നമുക്ക് ഭക്ഷണവും വെള്ളവുമെല്ലാം ടിക്കറ്റ് ചാർജ്ജിൽ അടങ്ങിയതാണ്.

ട്രെയിൻ എടുത്തു കൊല്ലം ഭാഗം കഴിഞ്ഞപ്പോൾ ഞങ്ങൾ പതിയെ ഉറക്കത്തിലേക്ക് നീങ്ങി. പിന്നെ രാവിലെയായപ്പോഴായിരുന്നു ഞങ്ങൾ ഉറക്കമെഴുന്നേറ്റത്. വണ്ടി ഷൊർണൂരിൽ എത്തിയപ്പോൾ ഞങ്ങൾക്കായുള്ള ചായയും ബ്രേക്ക് ഫാസ്റ്റുമായി ഒരു അറ്റൻഡർ എത്തി. ഹിന്ദിക്കാരനായ അറ്റൻഡറെ ശ്വേത ഹിന്ദിയൊക്കെ പറഞ്ഞുകൊണ്ട് കയ്യിലെടുക്കുന്നുണ്ടായിരുന്നു. ഉപ്പുമാവ്, ബ്രെഡ്, കോൺഫ്ലെക്സ്, ജ്യൂസ്, ഓംലറ്റ് തുടങ്ങിയവയായിരുന്നു ഞങ്ങളുടെ ബ്രേക്ക് ഫാസ്റ്റ്. നല്ല രുചിയുള്ള ഭക്ഷണമായിരുന്നു.

അങ്ങനെ ഞങ്ങൾ ബ്രേക്ക് ഫാസ്റ്റ് കഴിഞ്ഞപ്പോഴേക്കും ട്രെയിൻ ഷൊർണൂരിൽ നിന്നും വീണ്ടും യാത്ര തുടങ്ങിയിരുന്നു. കോച്ചുകളിൽ ഘടിപ്പിച്ചിട്ടുള്ള സ്പീക്കറുകളിലൂടെ ട്രെയിൻ നിർത്തുന്ന സ്റ്റേഷനുകളുടെ വിവരങ്ങൾ അനൗൺസ്മെന്റായി പറയുന്നുണ്ടായിരുന്നു. അതുപോലെ തന്നെ ഓരോ സ്റ്റേഷനിൽ നിന്നും കയറുന്ന യാത്രക്കാരെ സ്വാഗതം ചെയ്യുന്ന തരത്തിലുള്ള അനൗൺസ്മെന്റുകളും ഉണ്ട്.

ഞങ്ങൾ കോഴിക്കോട് എത്തിയപ്പോൾ ഞങ്ങളുടെ ട്രെയിനിൽ എക്സ്ട്രാ ഒരു എഞ്ചിൻ കൂടി ഘടിപ്പിക്കുന്നത് കണ്ടു. അത് എന്തിനാണാവോ? ചിലപ്പോൾ നല്ല പുള്ളിംഗ് കിട്ടാൻ വേണ്ടിയായിരിക്കും. ട്രെയിൻ കോഴിക്കോട് വിട്ടപ്പോൾ ഞാൻ കുളിക്കുവാൻ കയറി. ആദ്യമായിട്ടായിരുന്നു ഓടുന്ന ട്രെയിനിൽ നിന്നുകൊണ്ടൊരു കുളി. അല്പം ബാലൻസ് ചെയ്ത് നിന്നു വേണം കുളിക്കുവാൻ. ഇതിപ്പോൾ എസി കോച്ച് ആയതിനാൽ കുളിക്കാനൊക്കെ സാധിച്ചു. വല്ല ജനറലോ സ്ലീപ്പറോ ഒക്കെ ആണെങ്കിൽ ടോയ്‌ലറ്റിൽ കയറുവാൻ പോലും സാധിക്കുമായിരുന്നില്ല. അത്രയ്ക്ക് അലമ്പാണ് നോർത്ത് ഇന്ത്യയിലെ ട്രെയിൻ യാത്രകൾ.

അങ്ങനെ ഉച്ചയായപ്പോൾ ഞങ്ങൾ കാസർഗോഡ് ഭാഗത്ത് എത്തിയിരുന്നു. കാസർഗോഡ് ഈ രാജധാനി എക്സ്പ്രസിന് സ്റ്റോപ്പ് ഇല്ലെന്നത് ഒരു ചെറിയ പോരായ്മയായി എനിക്ക് തോന്നി. ട്രെയിനിലെ ലഞ്ചിന്റെ സമയമായി. ഭക്ഷണത്തിനു മുൻപ് ആദ്യം സൂപ്പ് ആണ് ഞങ്ങൾക്ക് സെർവ് ചെയ്തത്. നല്ല രുചിയുള്ള ടൊമാറ്റോ സൂപ്പ് ആയിരുന്നു ഞങ്ങൾക്ക് ലഭിച്ചത്. സൂപ്പ് കുടിച്ചു കഴിഞ്ഞപ്പോഴേക്കും ഞങ്ങളുടെ ലഞ്ച് എത്തിച്ചേർന്നു. ചോറ്, ചപ്പാത്തി, ചിക്കൻ കറി, പരിപ്പ് കറി, വെണ്ടയ്ക്ക റോസ്റ്റ്, തൈര് എന്നിവയടങ്ങിയതായിരുന്നു ലഞ്ച്. ഇതിൽ ചപ്പാത്തിയും വേജ് കറികളും ശ്വേതയ്ക്കുള്ളതാണ്. ഭക്ഷണത്തിനു ശേഷം അൽപ്പം നുണയുവാൻ മധുരം കൂടി ലഞ്ചിൽ ഉൾപ്പെടുത്തിയിട്ടുണ്ട്. എന്തായാലും ഭക്ഷണം നല്ല രുചിയോടെ തന്നെ ഞങ്ങൾ കഴിച്ചു.

അപ്പോഴേക്കും ട്രെയിൻ മംഗലാപുരം സ്റ്റേഷനിൽ എത്തിയിരുന്നു. ഇനി മംഗലാപുരത്ത് 15 മിനിറ്റുകളോളം സമയം ട്രെയിൻ നിർത്തിയിടും എന്നാണു അറിഞ്ഞത്. മംഗലാപുരം വരെ നാം സ്ഥിരം കാണുന്ന കാഴ്ചകളൊക്കെ തന്നെയാണ്. എന്നാൽ കൊങ്കൺ റൂട്ടിലേക്ക് കടക്കുമ്പോഴാണ്‌ ഇനി കാഴ്ചകളുടെ പൂരം. മംഗലാപുരം മുതൽ ഡൽഹി വരെയുള്ള ബാക്കി കാഴ്ചകളും വിശേഷങ്ങളും ഇനി അടുത്ത എപ്പിസോഡിൽ കാണാം.

1 comment
  1. Great job 👍, you guys are rocking. God bless 🙏
    Just out of curiosity, I would like to know what happened to the missing person in the train?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post