തൃശ്ശൂരിൽ എത്തുന്ന സ്ത്രീകൾക്ക് തങ്ങുവാൻ ‘ഷീ ലോഡ്‌ജ്‌’

Total
0
Shares

പുരുഷന്മാരോളം തന്നെ പ്രാധാന്യമുണ്ട് സ്ത്രീകൾക്കും. പക്ഷേ നമ്മുടെ നാട്ടിൽ സ്ത്രീകൾക്ക് രാത്രിയിൽ സഞ്ചരിക്കുവാനും ഒറ്റയ്ക്ക് താമസിക്കുവാനും ഒക്കെ അൽപ്പം ബുദ്ധിമുട്ടാണ്. ഇക്കാലത്ത് ഏറെ പ്രാധാന്യമർഹിക്കുന്ന ഒന്നാണ് സ്ത്രീ സുരക്ഷ. നമ്മുടെ സർക്കാർ അതിനായി ഒട്ടേറെ പദ്ധതികൾ നടപ്പിലാക്കുകയും ചെയ്യുന്നുണ്ട്.

തൃശ്ശൂരിൽ എത്തുന്ന സ്ത്രീകൾക്ക് സുരക്ഷിതമായി തങ്ങുവാൻ ഇപ്പോൾ ഒരു സൗകര്യമൊരുക്കിയിരിക്കുകയാണ് തൃശ്ശൂർ കോർപ്പറേഷൻ. ഷീ ലോഡ്ജ് എന്നാണ് ഈ പുതിയ സംരംഭത്തിനു പേരിട്ടിരിക്കുന്നത്. തൃശ്ശൂർ അയ്യന്തോൾ പഞ്ചിക്കൽ ഇറക്കത്തിൽ പ്രവർത്തനമാരംഭിച്ച ഷീ ലോഡ്ജിൽ ഒരേസമയം അൻപതോളം പേർക്ക് താമസിക്കുവാൻ സാധിക്കും. മൂന്നു നിലയുള്ള കെട്ടിടത്തിന്റെ മുകളിലെ രണ്ടു നിലകളിലായാണ് താമസസൗകര്യങ്ങൾ ഒരുക്കിയിരിക്കുന്നത്.

ലോഡ്ജിൽ സിംഗിൾ റൂമുകളും ഒന്നിലധികം ആളുകൾക്ക് താമസിക്കുവാൻ പറ്റിയ റൂമുകളും ഉണ്ട്. ലോഡ്ജിന്റെ ഏറ്റവും മുകളിൽ ഷീറ്റുകളിട്ട് തുണികൾ ഉണക്കുവാനുള്ള സൗകര്യങ്ങളും ഉണ്ട്. കെട്ടിടത്തിന്റെ താഴത്തെ നിലയിൽ ജീവനക്കാർക്ക് താമസിക്കുന്നതിനുള്ള സൗകര്യങ്ങളും അടുക്കള, ഡൈനിങ് ഹാൾ, ഓഫീസ് എന്നിവയും ഒരുക്കിയിട്ടുണ്ട്. സുരക്ഷയുടെ ഭാഗമായി ഇവിടെ സിസിടിവി ക്യാമറകൾ സ്ഥാപിച്ചിട്ടുണ്ട്.

തൃശ്ശൂർ നഗരത്തിൽ സ്ത്രീകൾക്ക് സുരക്ഷിതമായി താങ്ങുവാൻ ഒരിടം ഇല്ലാത്തത് ഏറെനാളായി ഉയർന്നു കേട്ടിരുന്ന പരാതിയാണ്. പൂങ്കുന്നത്ത് കുടുംബശ്രീയുടെ സംവിധാനമുണ്ടെങ്കിലും അത് വാടകക്കെട്ടിടത്തിലാണ് പ്രവര്‍ത്തിക്കുന്നത്. പിന്നെയുള്ള മഹിളാമന്ദിരം പ്രവര്‍ത്തിക്കുന്നതാകട്ടെ ആറുകിലോമീറ്റര്‍ അകലെ രാമവര്‍മപുരത്തും. മുറികളുടെ വാടകയും മറ്റും തീരുമാനിക്കുന്നതേയുള്ളൂ. കൗണ്‍സില്‍ അംഗീകാരം വേണമെന്നതിനാലാണിത്.

ചാർജ്ജുകൾ തീരുമാനിച്ചു കഴിഞ്ഞാൽ ഓൺലൈനായി ബുക്ക് ചെയ്യുന്നതിനുള്ള സൗകര്യവും നിലവിൽ വരും. ഇതോടുകൂടി ആവശ്യക്കാർക്ക് യാത്ര പുറപ്പെടുന്നതിനു മുൻപേ തന്നെ മുൻകൂറായി റൂമുകൾ ബുക്ക് ചെയ്യുവാൻ സാധിക്കും. രണ്ടാം ഘട്ടത്തിൽ റെയിൽവേ സ്റ്റേഷൻ, കെഎസ്ആർടിസി ബസ് സ്റ്റാൻഡ് എന്നിവിടങ്ങളിൽ നിന്നും ഷീ ലോഡ്‌ജിലേക്ക് സ്ത്രീകൾക്ക് എത്തുന്നതിനായി വനിതാ ഡ്രൈവർമാരുടെ ഓട്ടോറിക്ഷകൾ പ്രവർത്തന സജ്ജമാക്കും.

PSC പരീക്ഷകൾ എഴുതാൻ വരുന്നവർ, ജോലിയാവശ്യങ്ങൾക്കായി വരുന്നവർ, പല പല ട്രെയിനിംഗുകൾക്കായി വരുന്നവർ എന്നിവർക്ക് ഒരു ദിവസം തങ്ങുവാൻ വളരെ ഉപകാരപ്രദവും സുരക്ഷിതവുമാണ് ഈ ലോഡ്ജ്. സാഹിത്യ അക്കാദമി തുടങ്ങിയ സ്ഥലങ്ങളിൽ സാംസ്കാരിക പരിപാടികൾക്ക് വരുന്നവർക്കും ഇവിടെ താമസിക്കാം.

അതിക്രമങ്ങള്‍ക്ക്‌ എതിരെയുള്ള പ്രതിരോധം എന്ന നിലയില്‍ താഴെ പറയുന്ന കാര്യങ്ങള്‍ സ്‌ത്രീകള്‍ക്കു സ്വീകരിക്കാവുന്നതാണ്‌.

1. എപ്പോഴും പോലീസ്‌ ടെലിഫോണ്‍ നമ്പര്‍ കൈവശം സൂക്ഷിക്കുക, 2. ആവശ്യമുള്ളപ്പോള്‍ പോലീസില്‍ ഫോണ്‍ ചെയ്യുക., 3. അടിയന്തര കാര്യങ്ങളില്‍ സഹായിക്കുന്നവരുടെ പേരുവിവരങ്ങള്‍ കൈയില്‍ സൂക്ഷിക്കുക., 4. വിശ്വാസമുള്ള ഒരു അയല്‍വാസിയുടെ ടെലിഫോണ്‍ നമ്പര്‍ കൈയില്‍ സൂക്ഷിക്കണം., 5. ശല്യക്കാര്‍ സമീപിച്ചാല്‍ എങ്ങിനെ പെരുമാറണമെന്ന്‌ കുട്ടികളെ പറഞ്ഞ്‌ മനസ്സിലാക്കുക, (അയല്‍ക്കാരുടെയടുത്ത്‌ അഭയം തേടുക, വീട്ടില്‍ നിന്നിറങ്ങി പോലീസിന്‌ ഫോണ്‍ ചെയ്യുക)- ഡയല്‍ 100.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post