ശ്രീലങ്കയിലെ ദാംബുള്ള എന്ന സ്ഥലത്തെ മലമുകളിലുള്ള ഗുഹാക്ഷേത്രത്തിലേക്ക്…

Total
0
Shares

പിനാവാലയിലെ ആനകളുടെ ഓർഫനേജ്, അവിടത്തെ ആനകളുടെ നീരാട്ട് എന്നിവയൊക്കെ കണ്ടതിനു ശേഷം ഞങ്ങൾ അടുത്ത സ്ഥലത്തേക്ക് യാത്രയായി. ദാംബുള്ള എന്ന സ്ഥലത്തെ മലമുകളിലുള്ള ഒരു ഗുഹാ ക്ഷേത്രം കാണാനായിരുന്നു പിന്നീട് ഞങ്ങളുടെ യാത്ര.

സമയം ഉച്ചയോടടുത്തതിനാൽ ഞങ്ങൾക്ക് നന്നായി വിശക്കുന്നുണ്ടായിരുന്നു. ഡ്രൈവർ ജനകയോട് ഞങ്ങൾ ഈ കാര്യം പറഞ്ഞപ്പോൾ ഉടൻ തന്നെ അദ്ദേഹം കാർ ഒരു ഇക്കോ ഫ്രണ്ട്ലി റെസ്റ്റോറന്റിലേക്ക് തിരിച്ചു. വളരെ ശാന്തമായ അന്തരീക്ഷമായിരുന്നു ആ പരിസരം.മുളങ്കാടുകൾക്കു നടുവിലായുള്ള ഒരു കിടിലൻ റെസ്റ്റോറന്റ് തന്നെയായിരുന്നു അത്. ഇക്കോ ഫ്രണ്ട്ലി ഒക്കെയായതിനാൽ വിഭവങ്ങൾക്ക് അത്യാവശ്യം നല്ല റേറ്റ് തന്നെയായിരുന്നു അവിടെ.

ഞങ്ങൾ ബുഫെ ലഞ്ച് ആയിരുന്നു തിരഞ്ഞെടുത്തത്. ധാരാളം വിഭവങ്ങളുടെ നീണ്ട ഒരു നിര തന്നെയായിരുന്നു അവിടെ. റേറ്റ് അൽപ്പം കത്തി ആയിരുന്നുവെങ്കിലും ഭക്ഷണം വളരെ രുചികരമായിരുന്നു. മുളങ്കാടുകൾക്ക് അരികിലായി, നല്ല കാറ്റൊക്കെ കൊണ്ട്, ഓപ്പൺ എയറിൽ ആയിരുന്നു ഞങ്ങൾ ഇരുന്നു ഭക്ഷണം കഴിച്ചത്. ഡ്രൈവർ ജനകയും അവിടെ നിന്നും ഭക്ഷണം കഴിച്ചു.

ഭക്ഷണത്തിനു ശേഷം ആശ്വാസത്തോടെ ഞങ്ങൾ ദാംബുള്ള ലക്ഷ്യമാക്കി യാത്ര തുടർന്നു. ഞങ്ങൾ ഭക്ഷണം കഴിക്കുവാൻ നിർത്തിയ സ്ഥലത്തു നിന്നും ഏകദേശം ഒന്നര മണിക്കൂറോളം യാത്രയുണ്ടായിരുന്നു ദാംബുള്ളയിലേക്ക്. പോകുന്ന വഴിയിൽ ഇന്ത്യൻ ഓയിൽ കോർപ്പറേഷന്റെ പെട്രോൾ പമ്പ് ഞങ്ങൾ കണ്ടു. റോഡുകൾ ആണെങ്കിൽ നല്ല അടിപൊളി തന്നെയായിരുന്നു. നമ്മുടെ തമിഴ്‌നാട്ടിലെ കിടിലൻ റോഡുകളെ അനുസ്മരിപ്പിക്കുന്ന തരത്തിലായിരുന്നു റോഡുകളുടെ ക്വാളിറ്റി.

ജനകയുടെ ഡ്രൈവിംഗ് നല്ല സ്മൂത്ത് ആയിരുന്നതിനാൽ ഞങ്ങൾ യാത്രയ്ക്കിടയിൽ കാറിലിരുന്ന് നന്നായി ഒന്നുറങ്ങി. നല്ല റോഡിലൂടെ കുറേദൂരം യാത്ര ചെയ്തതിനു ശേഷം പിന്നീട് ഞങ്ങൾ ചെറിയൊരു വഴിയിലേക്ക് കയറി. ഏതാണ്ട് ഒരു കാട് പോലെ തോന്നിപ്പിച്ച ആ സ്ഥലത്തുകൂടി ഞങ്ങൾ യാത്ര തുടർന്നു. വഴിയുടെ അപ്പുറത്തും ഇപ്പുറത്തുമായി ചില ചരിത്രപരമായ നിർമ്മിതികളുടെ അവശിഷ്ടങ്ങൾ കാണുവാൻ സാധിച്ചു. പുരാവസ്തു വകുപ്പിന്റെ കീഴിലുള്ള സ്ഥലമാണ് അതെന്നു തോന്നുന്നു.

അങ്ങനെ ഞങ്ങൾ സ്ഥലത്തെത്തിച്ചേർന്നു. താഴെ വണ്ടികൾ പാർക്ക് ചെയ്തിട്ടു സ്റ്റെപ്പ് കയറി കുന്നിൻ മുകളിലേക്ക് പോകേണ്ടതായുണ്ട്. അവിടെയാണ് ഗുഹാക്ഷേത്രം സ്ഥിതി ചെയ്യുന്നത്. ധാരാളം കുരങ്ങന്മാർ ആ പരിസരങ്ങളിൽ ഉണ്ടായിരുന്നു. സന്ദർശകർ കൊടുക്കുന്ന ഭക്ഷണ സാധനങ്ങൾ പ്രതീക്ഷിച്ചായിരുന്നു അവരുടെ ആ ഇരിപ്പ്. ഗുഹാക്ഷേത്രത്തിലേക്ക് പോകുവാനായി ഒരാൾക്ക് 1500 ശ്രീലങ്കൻ രൂപയാണ് ചാർജ്ജ്. ഏതാണ്ട് 750 ഇന്ത്യൻ രൂപയോളം വരും.

ഞങ്ങൾ ടിക്കറ്റുകൾ എടുത്തിട്ട് മലമുകളിലേക്ക് സ്റ്റെപ്പ് കയറുവാൻ തുടങ്ങി. പടികൾ കയറുവാൻ ശ്വേതയ്ക്ക് നല്ല മടിയായിരുന്നു ആദ്യം. ഒടുവിൽ ഞാൻ നിർബന്ധിച്ചു പുള്ളിക്കാരിയെ മുകളിലേക്ക് ആനയിച്ചു. ജനക ഞങ്ങൾക്ക് മുന്നേ വഴികാട്ടിയെപ്പോലെ, ഞങ്ങൾക്ക് കയറുവാൻ പ്രചോദനം നൽകിക്കൊണ്ട് നടക്കുന്നുണ്ടായിരുന്നു. മുകളിലേക്ക് പോകുന്ന വഴിയിൽ ചിലയിടങ്ങളിൽ കച്ചവടക്കാർ സ്ഥാനമുറപ്പിച്ചിരിക്കുന്നത് കാണാമായിരുന്നു.

ഞങ്ങൾ കയറിപ്പോകുമ്പോൾ കുറെ ടൂറിസ്റ്റുകൾ താഴേക്ക് ഇറങ്ങി വരുന്നുണ്ടായിരുന്നു. അവരെല്ലാം ഞങ്ങളെ നോക്കി അഭിവാദ്യം ചെയ്യുകയും ഞങ്ങൾ തിരിച്ചു അവരെയും അഭിവാദ്യം ചെയ്യുകയും ചെയ്തു. ഒടുവിൽ കയറിക്കയറി ഞങ്ങൾ ആ കുന്നിൻമുകളിൽ എത്തിച്ചേർന്നു. ഏതാണ്ട് പത്തു മിനിറ്റോളം മാത്രമേ എടുത്തുള്ളൂ മുകളിലെത്തുവാൻ. ക്ഷേത്രത്തിനുള്ളിലേക്ക് പ്രവേശിക്കുന്നതിനു മുൻപായി നമ്മുടെ ചെരിപ്പുകൾ ഊരണമായിരുന്നു. ഞങ്ങൾ ചെരിപ്പുകൾ ഊരി ക്ഷേത്രത്തിനു വെളിയിൽ അവ സൂക്ഷിക്കുന്ന സ്ഥലത്ത് ഏൽപ്പിച്ചു. ഒരു ജോഡി ചെരിപ്പ് സൂക്ഷിക്കുന്നതിന് 25 രൂപയായിരുന്നു ചാർജ്ജ്.

ക്ഷേത്രപരിസരത്തെ കാഴ്ചകൾ വളരെ മനോഹരമായിരുന്നു. വീശിയടിക്കുന്ന കാറ്റ് എല്ലാവർക്കും ഒരു ഉന്മേഷം പകരുന്നുണ്ടായിരുന്നു. ഈ ക്ഷേത്രത്തെക്കുറിച്ച് പറയുകയാണെങ്കിൽ, പണ്ടുകാലത്ത് ഇതൊരു ബുദ്ധക്ഷേത്രം ആയിരുന്നില്ല. പണ്ടുകാലത്ത് രാജാക്കന്മാർ ഒളിവിൽ താമസിക്കുവാനായി ഉപയോഗിച്ചിരുന്ന ഗുഹകളായിരുന്നു ഇവ. പിന്നീട് കാലക്രമേണ ഇവിടെ ബുദ്ധ സന്യാസികൾ വരികയും ഇത് ബുദ്ധക്ഷേത്രമായി മാറുകയുമായിരുന്നു.രണ്ടായിരത്തിലധികം വർഷങ്ങൾ പഴക്കമുണ്ട് ഈ ഗുഹാ ക്ഷേത്രങ്ങൾക്ക്.

അവിടെ കല്ലുകളിൽ ഈ ക്ഷേത്രങ്ങളെക്കുറിച്ചുള്ള വിവരങ്ങൾ മറ്റേതോ ഭാഷയിൽ കൊത്തിവെച്ചിട്ടുണ്ടായിരുന്നു. ക്ഷേത്രത്തിൽ ക്യാമറ അനുവദനീയമായിരുന്നതിനാൽ ഞങ്ങൾക്ക് അവിടെയെല്ലാം ഷൂട്ട് ചെയ്യുവാൻ സാധിച്ചു. അഞ്ച് ഗുഹാക്ഷേത്രങ്ങളിൽ ആദ്യത്തെ ക്ഷേത്രത്തിനുള്ളിൽ വലിയൊരു പാറക്കല്ലിൽ കൊത്തിയ, കിടക്കുന്ന രീതിയിലുള്ള ശ്രീ ബുദ്ധന്റെ പ്രതിഷ്ഠയാണ് ഉള്ളത്. ധാരാളം ചുമർചിത്രങ്ങളും അവിടെ നമുക്ക് കാണുവാൻ സാധിക്കും. രണ്ടാമത്തെ ക്ഷേത്രം പൊക്കം കുറവായിരുന്നെങ്കിലും കുറച്ചു കൂടി വിസ്താരമുള്ളവയായിരുന്നു. അങ്ങനെ ഞങ്ങൾ അവിടത്തെ ഗുഹാക്ഷേത്രങ്ങളെല്ലാം സന്ദർശിച്ചതിനു ശേഷം അവിടെ നിന്നും ഇറങ്ങുവാൻ തുടങ്ങി. അപ്പോഴേക്കും ചെറിയ രീതിയിൽ മഴ പൊടിഞ്ഞു തുടങ്ങി.നല്ല കാറ്റ് കൂടിയുണ്ടായിരുന്നതിനാൽ മഴ ചെറിയ ചാറ്റലിൽ മാത്രമായി ഒതുങ്ങി. ഞങ്ങൾ എളുപ്പത്തിൽ താഴെയിറങ്ങി.

അവിടെ നിന്നും ഞങ്ങൾ ദാംബുള്ള നഗരത്തിലൂടെ യാത്ര തുടങ്ങി. കൊളംബോ പോലെത്തന്നെ ശ്രീലങ്കയിലെ ഒരു പ്രധാനപ്പെട്ട നഗരമായിരുന്നു ദാംബുള്ള. കുറച്ചു കഴിഞ്ഞു ഞങ്ങൾ നഗരപരിധി പിന്നിട്ട് വീണ്ടും ഒരു ഗ്രാമപ്രദേശത്തുകൂടി യാത്രയാരംഭിച്ചു. പോകുന്ന വഴിയിൽ ചിലയിടങ്ങളിൽ ചെക്കിംഗ് ഉണ്ടായിരുന്നു. തീവ്രവാദി ആക്രമണത്തിനു ശേഷം ഇപ്പോൾ ശ്രീലങ്കയിൽ സുരക്ഷാ പരിശോധന കർശനമാക്കിയിട്ടുണ്ട്.

അവിടെയുള്ള ഒരു മനോഹരമായ റിസോർട്ടിൽ ആയിരുന്നു ഞങ്ങളുടെ അന്നത്തെ താമസം റെഡിയാക്കിയിരുന്നത്. ചെറിയൊരു കാടിനു നടുവിൽ സ്ഥിതി ചെയ്യുന്ന റിസോർട്ട് പരിസരങ്ങൾ വളരെ ശാന്തവും മനോഹരവുമായിരുന്നു. അവിടവിടെയായി സ്ഥിതി ചെയ്യുന്ന കോട്ടേജുകൾ, സ്വിമ്മിംഗ് പൂൾ, റെസ്റ്റോറന്റ്, വാക്കിംഗ് ഏരിയ തുടങ്ങിയവയെല്ലാം അവിടെ കാണാമായിരുന്നു. അവിടെ കണ്ട ഒരു കോട്ടേജിലെ മുകൾ നിലയിലായിരുന്നു ഞങ്ങളുടെ റൂം. റൂമിന്റെ കാര്യം പറയുകയേ വേണ്ട, അടിപൊളി തന്നെയായിരുന്നു. യാത്രയൊക്കെ കഴിഞ്ഞു ക്ഷീണിച്ചിരുന്നതിനാൽ ഞങ്ങൾ ഡിന്നർ കഴിച്ചതിനു ശേഷം അധികം വൈകാതെ വിശ്രമത്തിലേക്കും അവിടെ നിന്നും ഉറക്കത്തിലേക്കും വഴുതി വീണു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post