യെല്ലപ്പട്ടിയിൽ ഒരു ദിവസത്തെ ടെന്‍റ് ക്യാമ്പിംഗ്, ട്രെക്കിംഗ് & ക്യാംപ് ഫയർ..

Total
0
Shares

മൂന്നാറില്‍ കുറേയധികം കറങ്ങിയിട്ടുണ്ടെങ്കിലും ഇതുവരെ ടെന്റ് ക്യാമ്പിംഗ്, ട്രെക്കിംഗ് ഒന്നും ഞാന്‍ ചെയ്തിട്ടില്ലായിരുന്നു. അങ്ങനെയിരിക്കെയാണ് സുഹൃത്തായ ഡെറിന്‍ മുഖേന മൂന്നാറില്‍ നിന്നും 25 കിലോമീറ്ററോളം ദൂരത്തായുള്ള എല്ലപ്പെട്ടി എന്ന അതിര്‍ത്തിഗ്രാമത്തിലെ ടെന്റ് ക്യാമ്പിംഗ് ആയ ക്യാമ്പ് ഫൂട്ട് പ്രിന്റിനെക്കുറിച്ച് അറിയുന്നത്. ഡെറിന്‍ ആണ് ഈ പരിപാടി ഫുള്‍ പ്ലാന്‍ ചെയ്യുന്നത്. അങ്ങനെ പ്ലാന്‍ ചെയ്ത പ്രകാരം അന്നേദിവസം ഞാനും സുഹൃത്തായ പ്രശാന്തും കൂടി മൂന്നാര്‍ കറങ്ങി ഈ പറഞ്ഞ എല്ലപ്പെട്ടിയില്‍ എത്തിച്ചേര്‍ന്നു. അവിടെ ഞങ്ങളെക്കാത്ത് ഡെറിനും ക്യാമ്പിലെ ജീവനക്കാരും ജീപ്പുമായി നില്‍പ്പുണ്ടായിരുന്നു. ഞങ്ങളുടെ കാര്‍ സുരക്ഷിതമായി പാര്‍ക്ക് ചെയ്തശേഷം ക്യാമറ, അനുബന്ധ ഉപകരണങ്ങള്‍, ഡ്രസ്സ്‌ മുതലായ ലഗേജുകള്‍ അവരുടെ ജീപ്പില്‍ കയറ്റി.

ഏകദേശം 3-4 കി.മീ. മല കയറണം ഈ ക്യാമ്പില്‍ എത്തിച്ചേരുവാന്‍. സാധാരണയായി ലഗേജുകള്‍ മാത്രമേ ജീപ്പില്‍ കൊണ്ടുപോകുകയുള്ളൂ. സഞ്ചാരികള്‍ ട്രെക്ക് ചെയ്തുവേണം അവിടേക്ക് എത്തിച്ചേരുവാന്‍. ഞങ്ങള്‍ക്ക് വിശദമായ വീഡിയോ ചെയ്യേണ്ടതിനാല്‍ പ്രത്യേക അഭ്യര്‍ത്ഥന പ്രകാരം ഞങ്ങളെയും ജീപ്പില്‍ കയറ്റി. ആദ്യം വീടുകള്‍ക്കും തോട്ടങ്ങള്‍ക്കും ഇടയിലൂടെയാണ് ജീപ്പ് യാത്രാ ആരംഭിച്ചത്. നല്ല ഒന്നാന്തരം ഓഫ് റോഡ്‌ യാത്രയായിരുന്നു പിന്നീട്. ജീപ്പ് ഡ്രൈവര്‍ വിനോദേട്ടന്‍ അതിസാഹസികമായാണ് ഡ്രൈവ് ചെയ്തിരുന്നത്. ചില സമയങ്ങളില്‍ ജീപ്പ് മൊത്തം ആടിയുലഞ്ഞപ്പോള്‍ ഞങ്ങള്‍ പേടിച്ചുവിറയ്ക്കുകയായിരുന്നു.കൊടുംകാട്ടിലൂടെ കുറച്ചുദൂരം ചെന്നപ്പോള്‍ ജീപ്പ് ഒരു വളവില്‍ എത്തിച്ചേര്‍ന്നു. അവിടം കേരള – തമിഴ്നാട് അതിര്‍ത്തിയാണെന്ന് വിനോദേട്ടന്‍ പറഞ്ഞുതന്നു.പിന്നീട് അങ്ങോട്ട്‌ നല്ല മുട്ടന്‍ കയറ്റമായിരുന്നു. ഇടതുവശത്ത് അഗാധമായ കൊക്ക… വഴിയാണെങ്കില്‍ കുണ്ടുംകുഴിയും… അതിലൂടെ ആടിയുലഞ്ഞ് ഞങ്ങളുടെ ജീപ്പും… പിന്നീടുള്ള പത്തു മിനിറ്റ് യാത്രയ്ക്കുശേഷം ഞങ്ങള്‍ മലമുകളിലുള്ള ക്യാമ്പില്‍ എത്തിച്ചേര്‍ന്നു. ക്യാമ്പ് ഫൂട്ട് പ്രിന്‍റ് എന്നാണു ഈ ക്യാംപിന്‍റെ പേര്.

നല്ല കിടിലന്‍ അന്തരീക്ഷമായിരുന്നു അവിടെ. ഞങ്ങള്‍ അവിടെ എത്തിയതോടെ നല്ല കോടമഞ്ഞും ഒപ്പം പരന്നു. ജീപ്പില്‍ നിന്നും ഞങ്ങളുടെ ലഗേജുകള്‍ ടെന്റിലേക്ക് മാറ്റി. ഡെറിന്‍ അവിടത്തെ എല്ലാ വിശേഷങ്ങളും ഞങ്ങളോട് വിശദമായി പറഞ്ഞുതന്നു. സത്യത്തില്‍ അതൊരു മായാലോകം തന്നെയായിരുന്നു. BSNL നു മാത്രമേ അവിടെ കവറേജ് ഉള്ളൂ. പിന്നെ കിട്ടുന്നത് റിലയന്‍സ് ജിയോയാണ്. ഈ ക്യാമ്പ് സ്ഥിതിചെയ്യുന്നത് തമിഴ്നാട്ടിലാണ്. എന്നാല്‍ കുറച്ചു മീറ്ററുകള്‍ക്കപ്പുറം നടന്നാല്‍ കേരളമാകും. നേരം ഇരുട്ടിയപ്പോഴേക്കും കുറ്റിപ്പുറം MES കോളേജില്‍ നിന്നുള്ള പിള്ളേര്‍സെറ്റ്‌ അവിടെയെത്തിച്ചേര്‍ന്നു. അവര്‍ 35 പേരുണ്ടായിരുന്നു. അവരും കൂടി വന്നതോടെ കാമ്പ് അക്ഷരാര്‍ത്ഥത്തില്‍ നല്ല ജോളി മൂഡിലായി മാറി. എല്ലാവരും ചായയൊക്കെ കുടിച്ച ശേഷം ക്യാംപ് ഫയര്‍ ആരംഭിച്ചു. തീയ്ക്കു ചുറ്റും പിള്ളേരുടെ പാട്ടും ഡാന്‍സും ഒക്കെയായി സമയം പോയത് അറിഞ്ഞേയില്ല. ഇതിനിടയില്‍ അവിടം നല്ലരീതിയില്‍ തണുപ്പ് പരന്നിരുന്നു.

പിള്ളേര്‍ സെറ്റിന്‍റെ കളികള്‍ തകൃതിയായി നടക്കുന്നതിനിടെ ഞങ്ങള്‍ ഡിന്നര്‍ കഴിക്കുന്നതിനായി കിച്ചണിന്‍റെ അടുത്തേക്ക് പോയി. അവിടത്തെ ജോലിക്കാരെ ഞങ്ങള്‍ വന്നപ്പോള്‍ത്തന്നെ പരിചയപ്പെട്ടിരുന്നു. എല്ലാവരും നല്ല കമ്പനിയായിരുന്നു. ഡിന്നറിനു ചപ്പാത്തി, ചിക്കന്‍ കറി, വെജിറ്റബിള്‍ഉദിച്ചുയര്‍ന്നു. കറി, പച്ചരിച്ചോറ്, പരിപ്പുകറി എന്നിവയായിരുന്നു. തണുത്ത അന്തരീക്ഷത്തില്‍ ചൂടേറിയ.. സ്വാദേറിയ ഡിന്നര്‍ ഞങ്ങള്‍ ആസ്വദിച്ചു കഴിച്ചു. കുറച്ചുസമയംകൂടി കഥയൊക്കെ പറഞ്ഞിരുന്നശേഷം ഞങ്ങള്‍ ഉറങ്ങുവാനായി ടെന്റിലേക്ക് പോയി.

പിറ്റേദിവസം അതിരാവിലെ അഞ്ചരയ്ക്ക് ഞങ്ങള്‍ എഴുന്നേറ്റു. ടെന്റിനു മുന്നില്‍ നിന്നാല്‍ അങ്ങകലെ സൂര്യോദയം നല്ല സുന്ദരമായിത്തന്നെ കാണാമായിരുന്നു. ഉണര്‍ന്നപ്പോള്‍ത്തന്നെ കിഴക്ക് ചക്രവാളം ഓറഞ്ചുനിറത്തില്‍ പരന്നിരുന്നു. കൃത്യം ആറരയോടെ സൂര്യന്‍ ഉദിച്ചുയര്‍ന്നു. സൂര്യോദയം ഞങ്ങളും കോളേജ് പിള്ളേരും നന്നായി ആസ്വദിച്ചു. കുറച്ചുസമയം പിള്ളേരുമായി ആര്‍മ്മാദിച്ചശേഷം ഞങ്ങള്‍ പ്രഭാതഭക്ഷണം കഴിക്കുവാനായി നീങ്ങി. നല്ല ചൂടുള്ള പൂരിയും കറിയും. ഒപ്പം മുട്ട പുഴുങ്ങിയതും. ആഹാ… എന്താ സ്വാദ്…

പ്രഭാതഭക്ഷണത്തിനുശേഷം ഞങ്ങള്‍ തിരികെപ്പോകുവാന്‍ ഒരുക്കം തുടങ്ങി. ലഗേജുകള്‍ എല്ലാം റെഡിയാക്കിയശേഷം ജീപ്പില്‍ കൊണ്ടുപോയി വെച്ചു. എല്ലാവരോടും യാത്രപറഞ്ഞശേഷം ജീപ്പില്‍ ഞങ്ങള്‍ മലയിറങ്ങുവാന്‍ ആരംഭിച്ചു. കഴിഞ്ഞ ഒരു ദിവസം തന്ന അനുഭവങ്ങള്‍ ജീവിതകാലം മുഴുവന്‍ ഓര്‍ക്കാന്‍ പറ്റുന്നതായിരുന്നു. തിരക്കൊക്കെ ഒഴിഞ്ഞശേഷം ഇനിയും ഇവിടേക്ക് വരണം… അത്രയ്ക്കുണ്ട് ഇവിടത്തെ ക്യാമ്പ് അനുഭവങ്ങള്‍…

മൂന്നാർ യെല്ലപ്പട്ടിയിൽ ഒരു ദിവസത്തെ ടെന്റ് ക്യാമ്പിംഗ്, ട്രെക്കിംഗ് & ക്യാംപ് ഫയർ, ഭക്ഷണം ഉൾപ്പെടെ ഒരാൾക്ക് 2500 രൂപ മുതൽ. ബുക്കിംഗിനായി വിളിക്കാം: 9633996929.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post