താജ്‌മഹൽ കൂടാതെ ആഗ്രയിൽ വേറെ എന്തൊക്കെ കാണാം? എവിടെയൊക്കെ പോകാം?

Total
0
Shares

ആഗ്രയെക്കുറിച്ച് കേട്ടിട്ടില്ലാത്തവർ ചുരുക്കമായിരിക്കും. പണ്ട് ഹിസ്റ്ററി ക്‌ളാസുകളിൽ പഠിച്ച ആഗ്ര പിന്നീട് നമുക്കിടയിലേക്ക് കടന്നു വന്നത് സഞ്ചാരപ്രേമം കൊണ്ടായിരിക്കണം. കാരണം ലോകപ്രശസ്തമായ താജ് മഹൽ സ്ഥിതി ചെയ്യുന്നത് ആഗ്രയിലാണല്ലോ. ഡൽഹിയിൽ നിന്നും ഏകദേശം 200 കിലോമീറ്റർ ദൂരത്തിൽ ഉത്തർപ്രദേശ് സംസ്ഥാനത്താണ് ആഗ്ര സ്ഥിതി ചെയ്യുന്നത്.

ആഗ്രയിൽ ആളുകൾ എത്തുന്നത് താജ് മഹൽ കാണുവാനാണ്. അതിനുശേഷം മിക്കയാളുകളും ഡൽഹിയിലേക്ക് തിരികെ പോരാറാണ്‌ പതിവ്. എന്നാൽ താജ്മഹലിനെക്കൂടാതെ ആഗ്രയിൽ കാണുവാൻ ഒത്തിരി സ്ഥലങ്ങളുണ്ട്. അവയിൽ പ്രധാനപ്പെട്ടവ നിങ്ങൾക്കു മുന്നിൽ പരിചയപ്പെടുത്തി തരാം. താജ്‌മഹൽ സന്ദർശനം കഴിഞ്ഞാൽ ആഗ്രയിൽ നിങ്ങൾക്ക് എന്തൊക്കെ ചെയ്യാം എവിടെയൊക്കെ പോകാം?

1 ആഗ്ര ഫോർട്ട് : താജ്‌മഹൽ പോലെത്തന്നെ വളരെ ചരിത്ര പ്രധാനമുള്ള ഒരു കോട്ടയാണ് ആഗ്ര ഫോർട്ട്. മുഗൾ ചക്രവർത്തിയായിരുന്ന അക്ബർ ആണ് ഇതു നിർമ്മിച്ചത്. താജ്മഹലിൽ നിന്നും ഏകദേശം 2 – 3 കിലോമീറ്റർ ദൂരമേയുള്ളൂ ആഗ്ര ഫോർട്ടിലേക്ക്. 94 ഏക്കറുകളിലായി വ്യാപിച്ചു കിടക്കുന്ന ഈ കോട്ടയിലേക്ക് കടക്കുവാനായി നാലു കവാടങ്ങളുണ്ട്. ഈ കവാടങ്ങളിൽ ഡൽഹി ഗേറ്റും ലാഹോർ ഗേറ്റും പ്രസിദ്ധമാണ്.

2. ഭരത്പൂർ പക്ഷിസങ്കേതം : ഇന്ത്യയിലെ ഏറ്റവും മികച്ച പക്ഷി സങ്കേതങ്ങളിലൊന്നാണ് രാജസ്ഥാനിലെ ഭരത്പൂർ പക്ഷിസങ്കേതം അഥവാ കേവലദേവ്‌ നാഷണല്‍ പാര്‍ക്ക്‌. ആഗ്രയിൽ നിന്നും 50 കിലോമീറ്റർ സഞ്ചരിച്ചാൽ ഇവിടെയെത്താം. ഇതിനായി സഞ്ചാരികൾക്ക് പ്രൈവറ്റ് ടാക്‌സികളോ അതോ ബസ് സർവ്വീസുകളോ ഉപയോഗിക്കാം. പക്ഷി നിരീക്ഷണത്തിലും മറ്റും താല്പര്യമുള്ളവർക്ക് തിരഞ്ഞെടുക്കാവുന്ന നല്ലൊരു ചോയ്‌സ് കൂടിയാണ് ഇവിടേക്കുള്ള സന്ദർശനം.

3. ഫത്തേപ്പൂർ സിക്രി : ആഗ്ര ജില്ലയിലുൾപ്പെട്ട ഒരു നഗരമാണ് ഫത്തേപ്പൂർ സിക്രി. അക്ബർ ചക്രവർത്തിയാണ് ഈ നഗരം നിർമ്മിച്ചത്. യുനെസ്കോയുടെ ലോകപൈതൃക പട്ടികയിൽ പെടുത്തിയ ഒരു സ്ഥലമാണിത്. ആഗ്ര നഗരത്തിൽ നിന്നും 39 കിലോമീറ്റർ ദൂരത്തായാണ് ഇത് സ്ഥിതി ചെയ്യുന്നത്. ആഗ്രയിൽ നിന്നും ഇവിടേക്ക് UPSRTC ബസ്സുകൾ സർവ്വീസ് നടത്തുന്നുണ്ട്.

4. കിനാരി ബസാറിലെ ഷോപ്പിംഗ് : ആഗ്രയിൽ ചെന്നിട്ട് അൽപ്പം ഷോപ്പിംഗ് ഒക്കെ നടത്തണമെന്ന് ആഗ്രഹമുള്ളവർക്ക് നേരെ കിനാരി ബസാറിലേക്ക് പോകാം. വിവാഹാവശ്യങ്ങൾക്കായുള്ള വസ്ത്രങ്ങളാണ് ഇവിടെ പ്രധാനമായും ലഭിക്കുന്നത്. ഉച്ച മുതൽ വൈകുന്നേരം 4 മണി വരെയുള്ള സമയത്താണ് ഇവിടെ സന്ദർശിക്കുവാൻ നല്ലത്. ഞായറാഴ്ചകളിൽ മാർക്കറ്റിനു അവധിയായിരിക്കും. മറ്റു കടകളിൽ ലഭിക്കുന്ന ഐറ്റങ്ങൾ ഇവിടെ വിലപേശിയാൽ നല്ല ലാഭത്തിനു ലഭിക്കും.

5. മെഹ്താബ് ബാഗ് : താജ് മഹലിന്റെയും ആഗ്ര കോട്ടയുടെയും എതിർവശങ്ങളിൽ യമുനാനദിക്കടുത്ത പതിനൊന്ന് മുഗൾ നിർമ്മിത പൂന്തോട്ടങ്ങളിൽ അവസാനത്തേതാണ് മെഹ്താബ് ബാഗ് ഉദ്യാനം. താജ് മഹലിന്റെ ഒരു അവിഭാജ്യഘടകമായിട്ടാണ് ഈ ഉദ്യാനം രൂപകൽപ്പന ചെയ്തിരിക്കുന്നത്. ഇവിടെ നിന്നുള്ള സൂര്യാസ്തമയക്കാഴ്ച വളരെ മനോഹരമാണ്. അതുകൊണ്ട് വൈകുന്നേരം സൂര്യൻ അസ്തമിക്കുന്നതിനു മുൻപ് ഇവിടെ പ്രവേശിക്കേണ്ടതാണ്. സൂര്യാസ്തമയത്തിനു അരമണിക്കൂർ മുൻപ് ഇവിടേക്കുള്ള ടിക്കറ്റ് കൗണ്ടർ അടയ്ക്കും.

6. ഷീറോസ് ഹാങ്ങ് ഔട്ട് : ഇതുവരെ നമ്മൾ പരിചയപ്പെട്ടത് ചരിത്രപ്രസിദ്ധമായ സ്ഥലങ്ങൾ ആണ്. എന്നാൽ ഇനി പറയുന്ന
ഷീറോസ് ഹാങ്ങ് ഔട്ട് ചരിത്രം തിരുത്തിയ ഒരു സംരംഭമാണ്. ആസിഡ് ആക്രമങ്ങൾക്ക് ഇരയായ വനിതകളുടെ നേതൃത്വത്തിൽ ആരംഭിച്ച ഒരു റെസ്റ്റോറന്റ് (കഫെ) ആണിത്. ആസിഡ് ആക്രമണത്തിലെ ഇരകള്‍ നടത്തുന്ന ലോകത്തിലെ തന്നെ ആദ്യത്തെ കഫേയാണ് ‘ഷീറോസ്’.

ഈ റെസ്റ്റോറന്റിനെ ആകർഷകമാക്കുന്ന മറ്റൊരു കാര്യം കൂടിയുണ്ട്. അവിടെ പോയി ഭക്ഷണം കഴിച്ചാൽ നമുക്ക് ഇഷ്ടമുള്ള പണം കൊടുത്താൽ മതി. ഇങ്ങനെ കിട്ടുന്ന പണം ആസിഡ് ആക്രമണങ്ങൾക്കെതിരെയുള്ള ക്യാമ്പയിനുകൾക്കും, ഇരകളുടെ ചികിൽസക്കും മറ്റുമുള്ള സഹായമായും നൽകുകയാണ് ചെയ്യുന്നത്. ഇനി ആഗ്രയിൽ പോകുന്നവർ ഷീറോസ് കഫെയിൽക്കൂടി സന്ദർശനം നടത്തണം. നമ്മളൊക്കെയാണ് ഇവരുടെ പ്രതീക്ഷകൾക്ക് ജീവൻ നൽകേണ്ടത്. 

ഈ ലിസ്റ്റിൽപ്പെട്ടവ മാത്രമല്ല ആഗ്രയിൽ ധാരാളം വ്യത്യസ്തമായതും മനോഹരമായതുമായ സ്ഥലങ്ങൾ വേറെയുമുണ്ട്. അവയെല്ലാം നിങ്ങൾക്ക് അവിടെ ചെന്നിട്ട് അന്വേഷണത്തിലൂടെ മനസ്സിലാക്കാവുന്നതാണ്. അതോടൊപ്പം തന്നെ അവിടത്തെ പ്രശസ്തമായ മുഗളായ് രുചികൾ ഒന്ന് ടേസ്റ്റ് ചെയ്തു നോക്കുകയും ചെയ്യാം.

വിവരങ്ങൾക്ക് കടപ്പാട് – വിക്കിപീഡിയ, ചിത്രങ്ങൾ ഗൂഗിൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ്

ലോകത്തിലെ ഏറ്റവും നീളമുള്ള ബസ് റൂട്ട് ഏതായിരിക്കും? ഇപ്പോൾ സർവ്വീസ് നടത്തുന്നില്ലെങ്കിലും, ഇംഗ്ലണ്ടിലെ ലണ്ടനിൽ നിന്നും നമ്മുടെ ഇന്ത്യയിലെ കൽക്കട്ടയിലേക്ക് ഉണ്ടായിരുന്ന ബസ് സർവ്വീസ് ആണ് ലോകത്തിലെ ഏറ്റവും ദൈർഘ്യമേറിയ ബസ് റൂട്ടായി കണക്കാക്കപ്പെടുന്നത്. 1957 ലാണ് ലണ്ടൻ – കൽക്കട്ട…
View Post

കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ…
View Post

24 മണിക്കൂറിൽ കൂടുതലുള്ള ട്രെയിൻ യാത്രകൾ പോകുമ്പോൾ ശ്രദ്ധിക്കേണ്ട പ്രധാനപ്പെട്ട ചില കാര്യങ്ങൾ…

ട്രെയിനുകളിൽ യാത്ര ചെയ്യാത്തവർ കുറവായിരിക്കും. കൂടുതലും ദീർഘദൂര യാത്രകൾക്കാണ് ഭൂരിഭാഗമാളുകളും ട്രെയിനുകൾ തിരഞ്ഞെടുക്കാറുള്ളത്. ബസ്സുകളെ അപേക്ഷിച്ച് ട്രെയിൻ ചാർജ്ജ് വളരെ കുറവാണെന്നതു തന്നെയാണ് പ്രധാന കാരണം. പിന്നെ ആവശ്യമെങ്കിൽ ഒന്ന് നിവർന്നു നിൽക്കുവാനും നടക്കുവാനുമൊക്കെ സാധിക്കുമല്ലോ. പക്ഷേ ട്രെയിൻ യാത്രകൾ പോകുന്നതിനു…
View Post

മലപ്പുറത്തു നിന്നും വൺ ഡേ ട്രിപ്പ് പോകാൻ പറ്റിയ സ്ഥലങ്ങൾ…

സ്വാതന്ത്ര്യ സമരത്തിന്റെ വീരകഥകൾ ഉറങ്ങുന്ന നാടാണ് മലപ്പുറം. അതുകൊണ്ട് അവരുടെ പിന്മുറക്കാരിലും ആ വീര്യം ഇന്നും നമുക്ക് കാണാം. പുതു തലമുറയിൽ ആ വീര്യം സഞ്ചാരത്തിലും യാത്രകളിലുമാണ് കൂടുതലായി കാണപ്പെടുന്നത്. മുസ്ലിം ഭൂരിപക്ഷ ജില്ലയായ മലപ്പുറം അറേബ്യന്‍, കേരള രുചികള്‍ സമന്വയിപ്പിച്ചുള്ള…
View Post

1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു…
View Post

7000 പേർക്ക് ഒരുമിച്ച് ഇരുന്ന് നിസ്കരിക്കാൻ സാധിക്കുന്ന ബഹ്‌റൈനിലെ ഗ്രാൻഡ് മോസ്‌ക്ക്

സൗദി – ബഹ്‌റൈൻ അതിർത്തിയിലെ കാഴ്ചകൾ കണ്ടതിനു ശേഷം പിറ്റേദിവസം ഞങ്ങൾ പോയത് ബഹ്‌റൈനിലെ പ്രസിദ്ധമായ ഗ്രാൻഡ് മോസ്‌ക്കിലേക്ക് ആയിരുന്നു. പേരുപോലെതന്നെ നല്ല ഗ്രാൻഡ് തന്നെയായിരുന്നു മനോഹരമായ ആ പള്ളി. ഏഴായിരത്തോളം പേർക്ക് ഒരുമിച്ചിരുന്നു നിസ്‌ക്കരിക്കുവാൻ സാധിക്കും എന്നതാണ് ഈ പള്ളിയുടെ…
View Post

ഭൂട്ടാനിൽ വെച്ച് കൈയ്യിലെ പൈസ തീർന്നു, ATM വർക്ക് ചെയ്യുന്നില്ല, What’s next?

പുനാഖയിലെ Dzong മൊണാസ്ട്രിയൊക്കെ കണ്ടതിനു ശേഷം ഞങ്ങൾ അവിടെ നിന്നും കിഴക്കൻ ഭൂട്ടാൻ ലക്ഷ്യമാക്കി നീങ്ങി. പേരറിയാത്ത ഗ്രാമങ്ങളിലൂടെ, മനോഹരമായ താഴ്വാരങ്ങളിലൂടെയൊക്കെയായിരുന്നു ഞങ്ങളുടെ യാത്ര. പോകുന്നതിനിടെ ഏതോ വലിയ വാഹനവ്യൂഹം വരുന്നതു കണ്ടിട്ട് ഞങ്ങൾ അടക്കമുള്ള മറ്റു വാഹനയാത്രികരെല്ലാം വണ്ടി ഓരം…
View Post

ശ്രീലങ്കയിലേക്ക് ഇനി കൂളായി പോകാം; ഇന്ത്യക്കാർക്ക് ‘ഫ്രീ വിസ ഓൺ അറൈവൽ..’

തായ്‌ലൻഡ് പോലുള്ള രാജ്യങ്ങളിലേക്ക് പ്രവേശിക്കുവാനായി ഇന്ത്യക്കാർക്ക് വിസ ഓൺ അറൈവൽ സൗകര്യം നിലവിലുണ്ടെങ്കിലും തൊട്ടയൽവക്കത്തുള്ള ശ്രീലങ്കയിലേക്ക് ആ സൗകര്യം ഉണ്ടായിരുന്നില്ല. എന്നാൽ ഇപ്പോഴിതാ സഞ്ചാരികൾക്ക് ഒരു സന്തോഷ വാർത്ത! ശ്രീലങ്കയിലേക്ക് ഇന്ത്യക്കാർക്ക് ഫ്രീ വിസ ഓൺ അറൈവൽ സൗകര്യം ലഭ്യമാക്കിയിരിക്കുന്നു. ഇന്ത്യയോടൊപ്പം…
View Post

യാത്രകൾക്കിടയിൽ വില്ലനായി വരുന്ന ‘ഛർദ്ദി’യെ എങ്ങനെ ഒഴിവാക്കാം?

യാത്രകൾ പോകുവാൻ ഇഷ്ടമില്ലാത്തവർ വളരെ കുറവായിരിക്കും. എങ്കിലും യാത്രകൾ പോകുവാൻ ഇഷ്ടമുണ്ടായിട്ടും അവ ഒഴിവാക്കുന്ന ഒരു കൂട്ടമാളുകളുണ്ട്. അവരുടെയെല്ലാം യാത്രയസ്വപ്നങ്ങൾക്ക് വിലങ്ങുതടിയായി നിൽക്കുന്ന ഒരു വില്ലനാണ് ‘ട്രാവൽ സിക്ക്നെസ്’ എന്നറിയപ്പെടുന്ന ‘ഛർദ്ദി’. സ്കൂളില്‍ നിന്നോ കോളേജിൽ നിന്നോ ഫാമിലിയായിട്ടോ ഒക്കെ ടൂർ…
View Post